കോഴിക്കോട്: കോവിഡ് ബാധിച്ച് ചികിത്സയിലായിരുന്ന നാലുമാസം പ്രായമുള്ള കുഞ്ഞ് മരിച്ചു. മഞ്ചേരി സ്വദേശിക ളുടെ കുഞ്ഞാണ് മരിച്ചത്. ഹൃദയാഘാതത്തെ തുടർന്നാണ് മരണം. കുഞ്ഞിന് കോവിഡ് ബാധിച്ചത് എവിടെനിന്നാണെന്ന് വ ്യക്തമല്ല.
മെഡിക്കൽ കോളജ് ആശുപത്രിയിൽ ചികിത്സയിലുള്ള നാലുമാസം പ്രായമായ കുഞ്ഞി െൻറ ആരോഗ്യസ്ഥിതി വളരെ മോശമാണെന്ന് ഐ.എം.സി.എച്ച് സൂപ്രണ്ട് ഡോ. ശ്രീകുമാർ കഴിഞ്ഞ ദിവസം അറിയിച്ചിരുന്നു. കുട്ടി അതിഗുരുതരാവസ്ഥയിലാണ് ആശുപത്രിയിൽ എത്തിയത്.
ഹൃദയം സ്തംഭിച്ച അവസ്ഥയിലെത്തിയ കുട്ടിയെ ഉടൻ വെൻറിലേറ്ററിലേക്ക് മാറ്റുകയായിരുന്നു. വ്യാഴാഴ്ച രാവിലെയും ഹൃദയസ്തംഭനമുണ്ടായി. മാനസിക വളർച്ചക്കുറവുള്ള കുട്ടിക്ക് ഹൃദ്രോഗവുമുണ്ടെന്നും അറിയിച്ചിരുന്നു. അതേസമയം, കുട്ടിക്ക് രോഗം ബാധിച്ചത് എങ്ങനെയെന്ന് ഇതുവരെ വ്യക്തമായിട്ടില്ല. അമ്മക്ക് രോഗലക്ഷണങ്ങളൊന്നും ഇല്ല.
പെൺകുഞ്ഞിന് കോവിഡ് സ്ഥിരീകരിച്ചതോടെ ബന്ധുക്കളും ചികിത്സിച്ച സ്വകാര്യ ആശുപത്രിയിലെ ഡോക്ടർമാരും ജീവനക്കാരുമടക്കം 47 പേർ നിരീക്ഷണത്തിൽ ആയി. 14 ബന്ധുക്കളിൽ 11 പേർ ആശുപത്രിയിലും ബാക്കി മൂന്നുപേർ വീട്ടിലുമാണ് നിരീക്ഷണത്തിലുള്ളത്.
വായനക്കാരുടെ അഭിപ്രായങ്ങള് അവരുടേത് മാത്രമാണ്, മാധ്യമത്തിേൻറതല്ല. പ്രതികരണങ്ങളിൽ വിദ്വേഷവും വെറുപ്പും കലരാതെ സൂക്ഷിക്കുക. സ്പർധ വളർത്തുന്നതോ അധിക്ഷേപമാകുന്നതോ അശ്ലീലം കലർന്നതോ ആയ പ്രതികരണങ്ങൾ സൈബർ നിയമപ്രകാരം ശിക്ഷാർഹമാണ്. അത്തരം പ്രതികരണങ്ങൾ നിയമനടപടി നേരിടേണ്ടി വരും.