ഷാര്ജ: അറബി ഭാഷ പഠനം എളുപ്പമാകുക എന്ന ലക്ഷ്യത്തോടെ തുടങ്ങിയ ലുഖാട്ടിയുടെ (എന്െറ ഭാഷ) രണ്ടാംഘട്ടം യു.എ.ഇ സുപ്രീം കൗണ്സില് അംഗവും ഷാര്ജ ഭരണാധികാരിയുമായ ഡോ. ശൈഖ് സുല്ത്താന് ബിന് മുഹമദ് ആല് ഖാസിമി ഉദ്ഘാടനം ചെയ്തു. ഷാര്ജ നിക്ഷേപ വികസന അതോറിറ്റി (ശുരൂക്ക്) അധ്യക്ഷ ശൈഖ ബുദൂര് ബിന്ത് സുല്ത്താന് ആല് ഖാസിമി സന്നിഹിതയായിരുന്നു. ആധുനിക സാങ്കേതി വിദ്യ ഉപയോഗപ്പെടുത്തി അറബി ഭാഷപഠനം ലഘുവാക്കുകയാണ് ‘എന്െറ ഭാഷ’യുടെ ലക്ഷ്യം. രണ്ടാംഘട്ട പ്രവര്ത്തനങ്ങള്ക്ക് തുടക്കം കുറിച്ച വാദി അല് ഹിലു ബോയ്സ് സ്കൂളിലെ കുട്ടികള്ക്കും ഹസയിനിലെ ഗേള്സ് സ്കൂളിലെ കുട്ടികള്ക്കും ശൈഖ് സുല്ത്താന്െറ സാന്നിധ്യത്തില് പഠനാവശ്യത്തിനുള്ള ടാബുകള് വിതരണം ചെയ്തു. ഷാര്ജ സര്ക്കാര് സ്കൂളിലെ ഒന്നാം ഗ്രേഡില് പഠിക്കുന്ന മുഴുവന് കുട്ടികള്ക്കും ടാബുകള് വിതരണം നടത്തുമെന്ന് അധികൃതര് പറഞ്ഞു. 1.5 കോടി ദിര്ഹമാണ് ഇതിന് വകയിരുത്തിയിരിക്കുന്നത്.
വായനക്കാരുടെ അഭിപ്രായങ്ങള് അവരുടേത് മാത്രമാണ്, മാധ്യമത്തിേൻറതല്ല. പ്രതികരണങ്ങളിൽ വിദ്വേഷവും വെറുപ്പും കലരാതെ സൂക്ഷിക്കുക. സ്പർധ വളർത്തുന്നതോ അധിക്ഷേപമാകുന്നതോ അശ്ലീലം കലർന്നതോ ആയ പ്രതികരണങ്ങൾ സൈബർ നിയമപ്രകാരം ശിക്ഷാർഹമാണ്. അത്തരം പ്രതികരണങ്ങൾ നിയമനടപടി നേരിടേണ്ടി വരും.