റിയാദ്: വിദ്യാര്ഥിനികള് സഞ്ചരിച്ച ബസ് ആക്രമിക്കുകയും ഉള്ളില് കടന്ന് ഉപദ്രവിക്കാന് ശ്രമിക്കുകയും ചെയ്ത കൗമാരക്കാരനെ പൊലീസ് അറസ്റ്റ് ചെയ്തു. റിയാദിലെ നസീം ഡിസ്ട്രിക്ടിലാണ് സംഭവം. ബസ് ആക്രമിച്ച് ഉള്ളിലേക്ക് ചാടിക്കയറിയ ഇയാള് തടയാന് ശ്രമിച്ച അധ്യാപികയെ കുത്തിപ്പരിക്കേല്പ്പിക്കുകയും ചെയ്തു. അധ്യാപികയുടെ കൈക്കാണ് കുത്തേറ്റത്. ബസില് നിന്ന് ഇറങ്ങി ഓടി രക്ഷപ്പെട്ട ഇയാളെ മണിക്കൂറുകള്ക്കുള്ളില് പൊലീസ് പിടികൂടി. പ്രായപൂര്ത്തിയാകാത്ത കുറ്റവാളികള്ക്കുള്ള പ്രത്യേക തടവുകേന്ദ്രത്തിലേക്ക് മാറ്റിയ പ്രതിയെ പിന്നീട് ഇന്വെസ്റ്റിഗേഷന് ബ്യൂറോക്ക് കൈമാറി. കുത്തേറ്റ അധ്യാപിക ആശുപത്രിയില് ചികിത്സയിലാണ്.
വായനക്കാരുടെ അഭിപ്രായങ്ങള് അവരുടേത് മാത്രമാണ്, മാധ്യമത്തിേൻറതല്ല. പ്രതികരണങ്ങളിൽ വിദ്വേഷവും വെറുപ്പും കലരാതെ സൂക്ഷിക്കുക. സ്പർധ വളർത്തുന്നതോ അധിക്ഷേപമാകുന്നതോ അശ്ലീലം കലർന്നതോ ആയ പ്രതികരണങ്ങൾ സൈബർ നിയമപ്രകാരം ശിക്ഷാർഹമാണ്. അത്തരം പ്രതികരണങ്ങൾ നിയമനടപടി നേരിടേണ്ടി വരും.