കുവൈത്ത് സിറ്റി: കുവൈത്ത് സെൻട്രൽ ബാങ്കിന്റെ വിദേശ കറൻസി കരുതൽ ശേഖരം മേയ് അവസാനത്തോടെ 10.237 ബില്യൺ ദീനാറിലെത്തിയതായി സെൻട്രൽ ബാങ്ക് അറിയിച്ചു. മൊത്തം ആസ്തിയുടെ 98.1 ശതമാനവും വിദേശ കരുതൽ ശേഖരമാണെന്നും പ്രാദേശിക ബാങ്കുകളുടെ നിക്ഷേപങ്ങൾ മേയ് മാസത്തിൽ 3.633 ബില്യൺ ദീനാറായി ഉയർന്നതായും സെൻട്രൽ ബാങ്ക് അറിയിച്ചു.
ഏപ്രിലിൽ 3.280 ബില്യൺ ദീനാറായിരുന്ന പ്രാദേശിക ബാങ്കുകളുടെ നിക്ഷേപം മേയ് മാസത്തിൽ 3.633 ബില്യൺ ദീനാറായി ഉയർന്നു. പ്രചാരത്തിലുള്ള കറൻസിയും 2.208 ബില്യൺ ദീനാറായി നേരിയ വർധന രേഖപ്പെടുത്തി. കുവൈത്ത് ദീനാറിന്റെ സ്ഥിരത ഉറപ്പാക്കാനുള്ള ശേഷി രാജ്യത്തിനുണ്ടെന്ന് സെൻട്രൽ ബാങ്ക് വ്യക്തമാക്കി. സാമ്പത്തിക അനിശ്ചിതത്വങ്ങളെ മറികടക്കാനുള്ള കരുത്ത് കരുതൽ ശേഖരം ഉറപ്പ് നൽകുന്നതായും ബാങ്ക് അറിയിച്ചു.
വായനക്കാരുടെ അഭിപ്രായങ്ങള് അവരുടേത് മാത്രമാണ്, മാധ്യമത്തിേൻറതല്ല. പ്രതികരണങ്ങളിൽ വിദ്വേഷവും വെറുപ്പും കലരാതെ സൂക്ഷിക്കുക. സ്പർധ വളർത്തുന്നതോ അധിക്ഷേപമാകുന്നതോ അശ്ലീലം കലർന്നതോ ആയ പ്രതികരണങ്ങൾ സൈബർ നിയമപ്രകാരം ശിക്ഷാർഹമാണ്. അത്തരം പ്രതികരണങ്ങൾ നിയമനടപടി നേരിടേണ്ടി വരും.