സിദ്ധാര്ഥ് ശിവ സംവിധാനം ചെയ്ത് നടി പാര്വ്വതി തിരുവോത്ത് നായികയാകുന്ന 'വര്ത്തമാനം' ടീസര് നടന് ടൊവിനോ തോമസ് റിലീസ് ചെയ്തു. ബെന്സി പ്രൊഡക്ഷന്സിന്റെ ബാനറില് ബെന്സി നാസര് നിര്മ്മിക്കുന്ന ചിത്രം ഫെബ്രുവരി 19 ന് തിയേറ്റില് റിലീസ് ചെയ്യും. ചിത്രത്തിന്റെ കഥയും തിരക്കഥയും സംഭാഷണവും ആര്യാടന് ഷൗക്കത്തിന്റേതാണ്. അദ്ദേഹം ചിത്രത്തിന്റെ നിര്മ്മാണ പങ്കാളി കൂടിയാണ്. ഏറെ വിവാദങ്ങള്ക്കൊടുവിലാണ് 'വര്ത്തമാനം' റിലീസിന് ഒരുങ്ങുന്നത്. ചിത്രത്തിന് ആദ്യം സെൻസറിങ് വിലക്കേര്പ്പെടുത്തിയിരുന്നു. തുടര്ന്ന് കേന്ദ്ര സെന്സര് ബോര്ഡ് റിവൈസിങ് കമ്മിറ്റി പ്രവര്ത്തനാനുമതി നല്കിയതോടെയാണ് ചിത്രം തീയേറ്ററില് റിലീസ് ചെയ്യുന്നത്.
സ്വാതന്ത്ര്യ സമര സേനാനി മുഹമ്മദ് അബ്ദുള് റഹ്മാനെ കുറിച്ച് ഗവേഷണം നടത്തുവാനായി ഡല്ഹിയിലെ ഒരു യൂണിവേഴ്സിറ്റിയിലേക്കു യാത്രതിരിച്ച മലബാറില് നിന്നുള്ള ഒരു പെണ്കുട്ടി നേരിടുന്ന വെല്ലുവിളികളും പ്രതിസന്ധികളുമാണ് 'വര്ത്തമാന'ത്തിന്റെ പ്രമേയം. സമകാലിക ഇന്ത്യന് സമൂഹം നേരിടുന്ന രാഷ്ട്രീയ സാമൂഹിക പ്രശ്നങ്ങളാണ് ചിത്രം ചര്ച്ച ചെയ്യുന്നത്. 'ഫൈസാ സൂഫിയ' എന്ന ഗവേഷക വിദ്യാര്ഥിനിയുടെ കഥാപാത്രമാണ് പാര്വ്വതിയുടേത്.
ഇന്ത്യയിലെ സാമൂഹ്യ രാഷ്ട്രീയ പ്രശ്നങ്ങളെ ചിത്രം സജീവമായി ചര്ച്ച ചെയ്യുമ്പോള് തന്നെ ഒരു കൊമേഴ്ഷ്യല് ഫിലിമിന്റെ എല്ലാ ചേരുവകളും അടങ്ങിയതാണ് വര്ത്തമാനം എന്ന് സംവിധായകന് സിദ്ധാര്ത്ഥ് ശിവ പറയുന്നു. കുടുംബ പ്രേക്ഷകര്ക്കും എല്ലാ ചലച്ചിത്ര ആസ്വാദകര്ക്കും ഒരുപോലെ ആസ്വദിക്കാന് കഴിയുന്ന ചിത്രമാണ് വര്ത്തമാനം. ഒരു പാന് ഇന്ത്യ മൂവി എന്നു വേണമെങ്കില് വര്ത്തമാനത്തെ വിശേഷിപ്പിക്കാമെന്നും സംവിധായകന് പറഞ്ഞു.
വലിയ താരനിര തന്നെ ചിത്രത്തില് അണിനിരക്കുന്നു. ഡെല്ഹി, ഉത്തരാഖണ്ഡ്, കേരളം എന്നിവിടങ്ങളിലായി രണ്ട് ഷെഡ്യൂളിലാണ് വര്ത്തമാനം ചിത്രീകരിച്ചത്. രണ്ടു പാട്ടുകള് ചിത്രത്തിലുണ്ട്. സിദ്ധാര്ത്ഥ് ശിവ സംവിധാനം ചെയ്യുന്ന ഏഴാമത്തെ ചിത്രം കൂടിയാണ് വര്ത്തമാനം. ദേശീയ-സംസ്ഥാന ചലച്ചിത്ര പുരസ്കാര ജേതാക്കള് ഒരുമിക്കുന്ന സിനിമയെന്ന പ്രത്യേകത കൂടി ഇതിനുണ്ട്. ഏറെ സാമൂഹ്യ പ്രസക്തിയുള്ള 'പാഠം ഒന്ന് ഒരു വിലാപം', 'ദൈവനാമത്തില്', 'വിലാപങ്ങള്ക്കപ്പുറം', എന്നീ ചിത്രങ്ങള്ക്കു ശേഷം ആര്യാടന് ഷൗക്കത്ത് കഥയും തിരുക്കഥയും സംഭാഷണവും ഒരുക്കുന്ന ചിത്രമാണ് വര്ത്തമാനം.
റോഷന് മാത്യു, സിദ്ദിഖ് എന്നിവരും ചിത്രത്തിലെ ശ്രദ്ദേയ കഥാപാത്രങ്ങളെ അവതരിപ്പിക്കുന്നു. ഡല്ഹി, ഉത്തരാഖണ്ഡ്, കേരളം എന്നിവിടങ്ങളിലായി രണ്ടു ഷെഡ്യൂളിലാണ് 'വര്ത്തമാനം' ചിത്രീകരിച്ചത്. രണ്ടു പാട്ടുകള് ചിത്രത്തിലുണ്ട്. ക്യാമറ - അഴകപ്പന്, ഗാനരചന - റഫീക് അഹമ്മദ്, വിശാല് ജോണ്സണ്, പശ്ചാത്തല സംഗീതം - ബിജിപാല്, പ്രൊഡക്ഷന് കണ്ട്രോളര് - ഡിക്സന് പൊടുത്താസ്, പി.ആര്.ഒ. - പി.ആര്.സുമേരന്.
വായനക്കാരുടെ അഭിപ്രായങ്ങള് അവരുടേത് മാത്രമാണ്, മാധ്യമത്തിേൻറതല്ല. പ്രതികരണങ്ങളിൽ വിദ്വേഷവും വെറുപ്പും കലരാതെ സൂക്ഷിക്കുക. സ്പർധ വളർത്തുന്നതോ അധിക്ഷേപമാകുന്നതോ അശ്ലീലം കലർന്നതോ ആയ പ്രതികരണങ്ങൾ സൈബർ നിയമപ്രകാരം ശിക്ഷാർഹമാണ്. അത്തരം പ്രതികരണങ്ങൾ നിയമനടപടി നേരിടേണ്ടി വരും.