സ്​പെയിനിൽ വീണ്ടും ഭീകരാക്രമണം; അഞ്ചു ഭീകരരെ ​ വധിച്ചു

കാംബ്രിൽസ്​: ബാർസലോണയിൽ 13 പേർ കൊല്ലപ്പെട്ട  ഭീകരാക്രമണത്തിനു ശേഷം കാംബ്രിൽസിൽ രണ്ടാമതൊരു ആക്രമണത്തിനുള്ള ഭീകരരുടെ പദ്ധതി   തകർത്തതായി സ്​പാനിഷ്​ പൊലീസ്​.  കാംബ്രിൽസിൽ ആക്രമണത്തിനു തയറാറെടുത്ത്​ ബെൽറ്റ്​ ബോംബ്​ ധരിച്ചെത്തിയ  അഞ്ചംഗസംഘം കാർ ആൾക്കൂട്ടത്തിലേക്ക്​ ഇടിച്ചു കയറ്റിയാണ്​ ആക്രമണത്തിനു ശ്രമിച്ചത്​. ആക്രമണത്തിൽ പൊലീസ്​ ഉദ്യോഗസ്​ഥനും മലയാളിയും ഉൾപ്പെടെ ഏഴുപേർക്ക്​ പരിക്കേറ്റു. കാറി​െലത്തിയ അഞ്ച്​ ഭീകരരെയും  പൊലീസ് വധിച്ചു. അവർ ധരിച്ചിരുന്ന സ്​ഫോടക വസ്​തുക്കൾ നിർവീര്യമാക്കിയതായും പൊലീസ്​ അറിയിച്ചു.

സ്പെയിനിലെ പ്രധാന നഗരമായ ബാഴ്​സലോണയിൽ ഇന്നലെ തീവ്രവാദികൾ ജനക്കൂട്ടത്തിലേക്ക്​ വാൻ ഇടിച്ചുകയറ്റിയതിനെ തുടർന്ന്​ 13 പേർ കൊല്ലപ്പെട്ടിരുന്നു. 20ലേറെ പേർക്ക്​ പരിക്കേറ്റു.  ബാഴ്സലോണയിലെ പ്രധാന വിനോദസഞ്ചാരകേന്ദ്രമായ ലാസ്​ റാംബ്ലാസിലാണ്​ സംഭവം. ആക്രമണത്തി​​​​​​​​െൻറ ഉത്തരവാദിത്വം ഇസ്​ലാമിക്​ സ്​റ്റേറ്റ്​ ഏറ്റെടുത്തു. തിരക്കേറിയ തെരുവിലൂടെ നടന്നുപോവുകയായിരുന്നവർക്കിടയിലേക്കാണ്​ വാൻ ഇടിച്ചുകയറ്റിയതെന്ന്​ ദൃക്​സാക്ഷികൾ പറഞ്ഞു. അപകടത്തിനുശേഷം ഡ്രൈവർ രക്ഷപ്പെട്ടു. ഇയാളെ പിന്നീട്​ പൊലീസ്​ വധിച്ചതായും റിപ്പോർട്ടുകളുണ്ട്​.