ഫ്രാ​ൻ​സ് തെ​ര​ഞ്ഞെ​ടു​പ്പ്: മാ​ക്രോ​ണിന്‍റെ പാർട്ടിക്ക് വൻ വിജയം

പാ​രി​സ്​: ഫ്രാ​ൻ​സി​ൽ പാ​ർ​ല​മെ​ന്‍റ് തെ​ര​ഞ്ഞെ​ടു​പ്പി​നാ​യു​ള്ള ര​ണ്ടാം​ഘ​ട്ട വോ​ട്ടെടു​പ്പിൽ പ്ര​സി​ഡ​ൻ​റ്​ ഇ​മ്മാ​നു​വ​ൽ മാ​ക്രോ​ണിന്‍റെ ഒ​ൻ​മാ​ർ​ഷ്​ പാർട്ടിക്ക് വൻ വിജയം. വോട്ടെണ്ണൽ പൂർത്തിയായപ്പോൾ ദേശീയ അസംബ്ലിയിലെ 577ൽ 361 സീറ്റുകൾ മാ​ക്രോ​ണിന്‍റെ പാർട്ടി നേടി. റിപ്പബ്ലിക്കൻ പാർട്ടി സഖ്യത്തിന് 126ഉം സോഷ്യലിസ്റ്റ് പാർട്ടി സഖ്യത്തിന് 46ഉം ലാ ഫ്രാൻസ് ഇൻസോമൈസ് 26ഉം നാഷണൽ ഫ്രണ്ട് എട്ടും മറ്റു പാർട്ടികൾ 10ഉം സീറ്റുകളും നേടി. 577അം​ഗ പാ​ർ​ല​മെന്‍റി​ൽ ഭൂ​രി​പ​ക്ഷം തി​ക​ക്കാ​ൻ 289 സീറ്റുക​ൾ വേ​ണം. 

ഫ്ര​ഞ്ച്​ പ്രസിഡന്‍റ് തെരഞ്ഞെടുപ്പിൽ മു​ൻ ഇ​ൻ​വെ​സ്​​റ്റ്​​മെന്‍റ്​ ബാ​ങ്ക​റും മി​ത​വാ​ദി​യുമായ ഇ​മ്മാ​നു​വ​ൽ മാ​ക്രോ​ൺ 65.5 ശതമാനം വോട്ടുകൾ നേടിയാണ് വിജയിച്ചത്. കു​ടി​യേ​റ്റ വി​രു​ദ്ധ​ത​യും തീ​വ്ര ദേ​ശീ​യ​ത​യും മു​ഖ​മു​ദ്ര​യാ​ക്കി​യ മ​രീ​ൻ ലീ​പെ​ന്നോയെയാണ് മക്രോൺ പരാജയപ്പെടുത്തിയത്. ലീ​പെ​ന്നോക്ക് 34.9 ശതമാനം വോട്ട് ലഭിച്ചു.

പ്ര​സി​ഡ​ൻ​റ്​ തെ​ര​ഞ്ഞെ​ടു​പ്പി​ൽ വി​ജ​യി​ച്ച മാ​ക്രോ​ൺ പാ​ർ​ല​മെന്‍റി​ൽ ഭൂ​രി​പ​ക്ഷം തെ​ളി​യി​ക്ക​ണം. പാ​ർ​ല​മെന്‍റി​ൽ പാ​ർ​ട്ടി​ക്ക്​ ഭൂ​രി​പ​ക്ഷ​മി​ല്ലെ​ങ്കി​ൽ പ്ര​സി​ഡ​ൻ​റിന്‍റെ അ​ധി​കാ​രം പ​രി​മി​ത​മാ​യി​രി​ക്കും. നിലവിൽ  മാക്രോണി​ന്‍റെ പാ​ർ​ട്ടി​ക്ക്​ എം.​പി​മാ​രി​ല്ല.