സംയമനം പാലിക്കണമെന്ന്​  ഉ. കൊറിയയോട്​ ദ. കൊറിയ

സോൾ: കൊറിയൻ മുനമ്പിനെ വീണ്ടുമൊരു യുദ്ധത്തിലേക്ക്​ തള്ളിവിടാതെ സംയമനം പാലിക്കണമെന്ന്​ ഉത്തര കൊറിയയോട്​ ദക്ഷിണ കൊറിയൻ പ്രസിഡൻറ്​ മൂൺ ​െജ ഇൻ.  മിസൈൽ പരീക്ഷണത്തോടെ ഉത്തര കൊറിയയും യു.എസും തമ്മിലുള്ള വാക്​​പോരുകളെ തുടർന്നാണ്​ മേഖല യുദ്ധസമാനമായത്​. ഇരുരാജ്യവും ​പ്രകോപനപരമായ  പ്രസ്​താവനകൾ ഒഴിവാക്കണമെന്ന്​ കഴിഞ്ഞദിവസം ചൈനയും ആവശ്യപ്പെട്ടിരുന്നു. സഖ്യരാജ്യമായ അമേരിക്കയും ഇക്കാര്യത്തിൽ ശ്രദ്ധിക്കണമെന്നും മൂൺ ആഹ്വാനം  ചെയ്​തു. കൊറിയൻ മുനമ്പിൽ സമാധാനമാണ്​ ആവശ്യം. 1950കളിലെ കൊറിയൻയുദ്ധത്തിൽ ലക്ഷക്കണക്കിന്​ ജീവനാണ്​ പൊലിഞ്ഞത്​. നിലവിലെ സ്​ഥിതിഗതികൾ യു.എസ്​ സംയമനത്തോടെ കൈകാ​ര്യം ചെയ്യുമെന്ന്​ പ്രതീക്ഷയുണ്ടെന്നും അദ്ദേഹം പറഞ്ഞു.