Begin typing your search above and press return to search.
proflie-avatar
Login
exit_to_app
exit_to_app
Homechevron_rightNewschevron_rightWorldchevron_rightദക്ഷിണ കൊറിയ...

ദക്ഷിണ കൊറിയ കീഴടക്കിയ സുന്ദരി

text_fields
bookmark_border
ദക്ഷിണ കൊറിയ കീഴടക്കിയ സുന്ദരി
cancel

ഗാങ്​നങ്​ (ദക്ഷിണ ​െകാറിയ): കുറഞ്ഞ മേക്കപ്പ്​, ആടയാഭരണങ്ങളൊന്നുമില്ല, പൂർണമായും കറുത്ത നിറത്തിലുള്ള വസ്​ത്രം, അതിസാധാരണമായ പഴ്​സ്​. ഒതുങ്ങി നിൽക്കാൻ പൂമ്പാറ്റ ക്ലിപ്പിട്ടു​െവച്ച മുടി. ഇത്​ വടക്കൻ കൊറിയയുടെ രാജകുമാരി, കിം ജോങ്​ ഉന്നി​​​​െൻറ സഹോദരി കിം യോ ​േജാങ്​. 

ഉത്തരകൊറിയയുടെ അധികാരവും സമ്പത്തും കൈയേറിയ കുടുംബത്തിലെ ​െപൺകുട്ടി ഒളിമ്പിക്​സിന്​ ദക്ഷിണകൊറിയയിൽ ആദ്യമായി എത്തു​േമ്പാൾ അവരിൽ നിന്ന്​ ഇത്ര ലാളിത്യം തെക്കൻ കൊറിയപോലും പ്രതീക്ഷിച്ചിരുന്നില്ല. 1950ലെ കൊറിയൻ യുദ്ധത്തിനു ശേഷം തെക്കൻ കൊറിയ സന്ദർശിക്കുന്ന കിം കുടുംബത്തി​െല ആദ്യ വ്യക്​തിയാണ്​ യോ ജോങ്. 

എല്ലാത്തിലുമുപരി കിം യോ ജോങ്​ ഒരു പ്രഹേളികയായിരുന്നു.  അവർ സാധാരണക്കാരിയായിരുന്നു, എല്ലാവരെയും പോലെ, എന്നാൽ ആരെപ്പോലെയുമല്ല.തന്ത്രശാലി. സ്​ഫിങ്ക്​സിനെപ്പോലെ ചിരിക്കുന്നവൾ. മൂന്നു ദിവസ​െത്ത സന്ദർശനത്തിലും അവൾ ഒന്നും വിട്ടു പറഞ്ഞില്ല. ഒളിമ്പിക്​സിനായാണ്​ അവർ വന്നതെങ്കിലും ഒളിമ്പിക്​സിനേക്കാൾ വാർത്താ പ്രധാന്യം ​േയാ ജോങ്​ നേടി. 

Kim Yo Gong

കിം യോ ജോങ്​ വളരെ ഗൗരവക്കാരിയായിരിക്കു​െമന്നാണ്​ കരുതിയത്​. എന്നാൽ അവർ എപ്പോഴും ചിരിച്ചു കൊണ്ടിരുന്നു. ഒരു കച്ചവടക്കാരിയെപ്പോലെ പ്രേരിപ്പിക്കാനുള്ള കഴിവും കുടുംബ ബന്ധങ്ങളും കൊണ്ട്​  അവളെ വടക്കൻ ​െകാറിയയുടെ ഇവാൻക ട്രംപ്​ എന്ന്​ വിശേഷിപ്പിക്കാവുന്നതാണെന്ന്​ കൊറിയൻ അനലിസ്​റ്റ്​ പറയുന്നു. അവർക്ക്​ എത്ര വയസുണ്ടെന്ന്​ ആർക്കും കൃത്യതയില്ല. 1987ലാണ്​ ജനനമെന്ന്​ ദക്ഷിണ കൊറിയൻ രഹസ്യാന്വേഷണ സംഘം പറയു​േമ്പാൾ 1989 എന്ന്​ അമേരിക്ക. 

അവർ വിമാനത്തിൽ കയറിയതും ദക്ഷിണ ​െകാറിയയിൽ ഇറങ്ങിയതും ​എല്ലാം അണുകിട വിടാതെ ചാനൽ കാമറകൾ ഒപ്പിയെടുത്തു. ദക്ഷിണ കൊറിയൻ പ്രസിഡൻറ്​ മൂൺ ജെയിനുമായി ചർച്ച നടത്താൻ യോ ജോങ്​ എത്തിയപ്പോഴും കാമറക്കണ്ണുകൾ അവരെ പിന്തുടർന്നു. അവരുടെ ഉയർന്ന കവിളെല്ലുകളും മനോഹരമായ ചെവികളും പകർത്തി  ജപാൻകാരിയായ മാതാവ്​ കോ യോജ്​ ഹൂയിയുമായാണ്​ സാദൃശ്യ​െമന്നും ലോകം ചികഞ്ഞെടുത്തു. നടക്കുന്നതും ഇരിക്കുന്നതും ആംഗ്യങ്ങളും ശ്രദ്ധിച്ച്​ അമ്മയെപ്പോലെ അവരും നർത്തകിയായിരിക്കാമെന്നും ഉൗഹിച്ചു. 

‘പ്യോങ്​യാങും സിയോളും കൊറിയക്കാരുടെ ഹൃദയത്തോട്​ ചേർന്നു നിൽക്കുമെന്ന്​ കരുതുന്നു. ഭാവിയിൽ ​ഇരുരാജ്യങ്ങൾക്കുമിടിയിൽ ​െഎക്യവും സമൃദ്ധിയുമുണ്ടാകു​െമന്നും പ്രതീക്ഷിക്കുന്നു’- ദക്ഷിണകൊറിയൻ പ്രസിഡൻറി​​​​െൻറ ബ്ലൂ ഹൗസിലെ സന്ദർശന പുസ്​തകത്തിൽ അവർ കുറിച്ചു. 

Kims-sister

അവരു​െട അസാധാരണമായ കൈയക്ഷരം വരെ കുതുകികൾ പരിശോധിച്ചു. പൊതുജനങ്ങൾക്കിടയിലൂടെ ഒരു വാക്കുപോലും ഉരിയാടാതെ അവർ നടന്നു. മൊണാലിസയു​െട നിഗൂഢമായ പുഞ്ചിരിയുമായി. ദക്ഷിണ കൊറിയ എങ്ങനെ ഉ​െണ്ടന്ന പ്രദേശികമാധ്യമ പ്രവർത്തകരുടെ ചോദ്യത്തിന്​ ഒരു പുഞ്ചിരിയായിരുന്നു അവരു​െട മറുപടി. 

പ്രസിഡൻറ്​​ മുൺ ജെയിനുമായുളള ചർച്ചയു​െട ദൃശ്യങ്ങളിലും അവർ ചിരിച്ചു ​െകാണ്ട്​ ആശ്വാസത്തോടെ ഇരിക്കുന്നതാണ്​ കണ്ടത്​. എന്നാൽ അപ്പോഴും അവർ ഒരു വാക്കുപോലും ഉച്ചരിച്ചില്ല. എങ്കിലും യോ ജോങ്​ വളരെ സുന്ദരിയാണെന്ന്​ ദക്ഷിണ ​െകാറിയക്കാരും സമ്മതിക്കുന്നു. 

Show Full Article
Girl in a jacket

Don't miss the exclusive news, Stay updated

Subscribe to our Newsletter

By subscribing you agree to our Terms & Conditions.

Thank You!

Your subscription means a lot to us

Still haven't registered? Click here to Register

TAGS:south koreanorth koreakim jong unworld newsmalayalam newsKim Yo jongWinter Olympics
News Summary - Kim Yo Jong Captivates South Korea - World News
Next Story