കൊളംബിയയിലെ ഷോപ്പിങ് സെൻററിൽ സ്ഫോടനം; മൂന്ന് മരണം
text_fieldsബഗോട്ട: കൊളംബിയൻ തലസ്ഥാനമായ ബഗോട്ടയിലെ ഷോപ്പിങ് െസൻററിലുണ്ടായ സ്ഫോടനത്തിൽ ഫ്രഞ്ച് യുവതി ഉൾപ്പടെ മൂന്ന് പേർ മരിച്ചു . 11 പേർക്ക് പരിക്കേറ്റു. ഭീകരാക്രമണമാണ് നടന്നതെന്ന് അധികൃതർ അറിയിച്ചു.
നഗരത്തിലെ തിരക്കേറിയ ഷോപ്പിങ് െസൻററായ സെൻട്രോ അൻഡിനോ മാളിൽ പ്രാദേശിക സമയം ഞായറാഴ്ച ഉച്ചകഴിഞ്ഞുള്ള തിരക്കേറിയ നേരത്താണ് സ്ഫോടനം ഉണ്ടായത്. സ്ത്രീകളുടെ ടോയ്ലറ്റിലാണ് ബോംബ് പൊട്ടിയത്. ഫാദേഴ്സ് ഡേയോട് അനുബന്ധിച്ച് സമ്മാനങ്ങൾ വാങ്ങാൻ മാളിൽ വൻതിരക്ക് അനുഭവപ്പെട്ടിരുന്നു.
നഗരത്തിലെ സ്കൂളിലെ ജീവനക്കാരിയാണ് കൊല്ലപ്പെട്ട ഫ്രഞ്ച് യുവതിയെന്ന് ബഗോട്ട മേയർ എൻറിക് പെനലോസ പറഞ്ഞു.
കൊല്ലപ്പെട്ട മറ്റ് രണ്ടുപേരെ കുറിച്ച് വിവരങ്ങൾ ലഭ്യമല്ല. ആക്രമണത്തിെൻറ ഉത്തരവാദിത്തം ആരും ഏറ്റെടുത്തിട്ടില്ല.
Don't miss the exclusive news, Stay updated
Subscribe to our Newsletter
By subscribing you agree to our Terms & Conditions.