You are here

ട്രംപി​​നെ വിശ്വാസമില്ല; റഷ്യൻ ഇടപെടലിൽ അന്വേഷണം നടക്കുന്നുവെന്ന്​ സി.​െഎ.എ

09:16 AM
12/11/2017
donald-Trump

വാഷിങ്​ടൺ: 2016ലെ യു.എസ്​ പ്രസിഡൻറ്​ തെരഞ്ഞെടുപ്പിലെ റഷ്യൻ ഇടപെടൽ സംബന്ധിച്ച്​ അന്വേഷണം അവസാനിപ്പിച്ചിട്ടില്ലെന്ന്​ സി.​െഎ.എ. യു.എസ്​ തെരഞ്ഞെടുപ്പിൽ റഷ്യൻ ഇടപെടൽ തള്ളി അമേരിക്കൻ പ്രസിഡൻറ്​ ഡോണൾഡ്​ ട്രംപ്​ രംഗത്തെത്തിയതിന്​ പിറകെയാണ്​ സി.​െഎ.എ നിലപാട്​ വ്യക്​തമാക്കിയത്​. സി.​െഎ.എ ഡയറക്​ടർ മൈക്ക്​ പോംപെയാണ്​ ഇക്കാര്യം അറിയിച്ചത്​​.

തെരഞ്ഞെടുപ്പിലെ റഷ്യൻ ഇടപെടൽ സംബന്ധിച്ചുള്ള അന്വേഷണം അവസാനിച്ചിട്ടില്ലെന്ന്​ മൈക്ക്​ വ്യക്​തമാക്കി. അതേ സമയം, പുടി​​​െൻറ പ്രസ്​താവനയെ വിശ്വാസത്തിലെടുത്ത്​ തെരഞ്ഞെടുപ്പിലെ റഷ്യൻ ഇടപെടൽ സംബന്ധിച്ച്​ രഹസ്യാന്വേഷണ എജൻസി ഉദ്യോഗസ്ഥരായ ജെയിംസ്​ കോമി, ജോൺ ബെർണൻ, ജെയിംസ്​ ക്ലാപ്പർ എന്നിവരെ വിമർശിക്കുന്ന സമീപനമാണ്​ ട്രംപ്​ ശനിയാഴ്​ച സ്വീകരിച്ചത്​.

നേരത്തെ റഷ്യൻ ഇടപെടൽ ഡെമോക്രാറ്റുകളുടെ സൃഷ്​ടിയാണെന്ന്​ ട്രംപ്​ പറഞ്ഞിരുന്നു. ഉത്തരകൊറിയൻ പ്രശ്​നമടക്കം പരിഹരിക്കുന്നതിന്​ റഷ്യയുടെ സഹായം ആവശ്യമാണെന്നും ട്രംപ്​ നിലപാടെടുത്തിരുന്നു.

COMMENTS