യു.എസ് പ്രസിഡന്‍റ് തെരഞ്ഞെടുപ്പ്: സര്‍വേയില്‍ ഹിലരിക്ക് ഏഴു പോയന്‍റ് ലീഡ്

വാഷിങ്ടണ്‍: യു.എസ് പ്രസിഡന്‍റ് തെരഞ്ഞെടുപ്പില്‍ ഡെമോക്രാറ്റിക് സ്ഥാനാര്‍ഥി ഹിലരി ക്ളിന്‍റന് റിപ്പബ്ളിക്കന്‍ സ്ഥാനാര്‍ഥി ഡൊണാള്‍ഡ് ട്രംപിനെക്കാള്‍ ഏഴു പോയന്‍റ് ലീഡ്. മോണ്‍മൗത് സര്‍വകലാശാല നടത്തിയ ഏറ്റവും പുതിയ സര്‍വേയിലാണ് ഈ വിവരം. മറ്റു സര്‍വേകള്‍ പ്രധാന സ്റ്റേറ്റുകളായ പെന്‍സല്‍വേനിയ, ഒഹായോ എന്നിവിടങ്ങളില്‍ കനത്ത പോരാട്ടമുണ്ടാകുമെന്ന് വിലയിരുത്തുന്നു. ത്രീ എമേഴ്സണ്‍ നടത്തിയ സര്‍വേ ഒഹായോവില്‍ ഇരുവര്‍ക്കും 43 പോയന്‍റാണ് പ്രവചിക്കുന്നത്.