നൈജീരിയയിൽ ബുഹാരി തിരി​െച്ചത്തി 

അബുജ: ചികിത്​സക്കു ശേഷം നാട്ടിൽ തിരിച്ചെത്തിയ നൈജീരിയൻ പ്രസിഡൻറ്​ മുഹമ്മദ്​ ബുഹാരി ടെലിവിഷനിലൂടെ ജനങ്ങളെ അഭിസംബോധന ​െചയ്​തു. മൂന്നുമാസത്തിലേറെ ലണ്ടനിൽ ചികിത്​സയിലായിരുന്നു ബുഹാരി. തനിക്ക്​ വേണ്ടി പ്രാർഥിച്ച നൈജീരിയൻ ജനതക്ക്​ നന്ദി പറഞ്ഞ ബുഹാരി. സ്വന്തം മണ്ണിൽ ത​​​​​െൻറ സഹോദരങ്ങളു​െട അടുത്ത്​ തിരിച്ചെത്താനായതിൽ സന്തോഷമുണ്ടെന്നും അറിയിച്ചു. 

ശനിയാഴ്​ചയാണ്​ ബുഹാരി നൈജീരിയയിൽ തിരിച്ചെത്തിയത്​. 74കാരനായ ബുഹാരി ചികിത്​സാർഥമാണ്​ ലണ്ടനിൽ കഴിഞ്ഞതെന്ന്​ പറഞ്ഞിരുന്നെങ്കിലും അദ്ദേഹത്തി​​​​​െൻറ അസുഖമെന്താണെന്ന്​ ​െനെജീരിയൻ സർക്കാറോ കുടംബങ്ങളോ വെളിപ്പെടുത്തിയിരുന്നില്ല. ഇൗ വർഷത്തി​​​​​െൻറ തുടക്കത്തിലും ഏഴാഴ്​ചയോളം അദ്ദേഹം ചികിത്​സാർഥം ലണ്ടനിൽ കഴിഞ്ഞിരുന്നു. 

രാജ്യ സുരക്ഷ സംബന്ധിച്ച കാര്യങ്ങളും സാമൂഹിക മാധ്യമങ്ങളിൽ വന്ന കമൻറുകളെ കുറിച്ചും അദ്ദേഹം പ്രസംഗത്തിൽ സൂചിപ്പിച്ചു. രാജ്യമെന്ന നിലയിൽ നൈജീരിയയുടെ നിലനിൽപ്പിനെ ചോദ്യം ​െചയ്യുന്ന തരത്തിൽ ​സാമൂഹിക മാധ്യമങ്ങളിൽ വന്ന കമൻറുകൾ ത​െന്ന  വേദനിപ്പിച്ചുവെന്ന്​ ബുഹാരി പറഞ്ഞു. കഴിഞ്ഞ 18 മാസത്തിനിടെ ​േബാകോഹറാമി​െനതിരെ നേടിയ വിജയം വിശ്രമത്തിനുള്ള അവസരമായി നൈജീരിയൻ സുരക്ഷാ ഏജൻസി കരുതില്ലെന്നു മാത്രമല്ല, ശക്​തമായ പോരാട്ടം കാ​ഴ്​ചവെക്കുമെന്നും അദ്ദേഹം വ്യക്​തമാക്കി. 

ബുഹാരിയുടെ അസുഖമെന്താണെന്ന്​ അറിയാൻ ജനങ്ങൾ താത്​പര്യം പ്രകടിപ്പിച്ചിരുന്നെങ്കിലും പ്രസംഗത്തിൽ അതേ കുറിച്ച്​ ​ഒന്നും അദ്ദേഹം സൂചിപ്പിച്ചി​െല്ലന്ന്​ അൽജസീറ റിപ്പോർട്ട്​ ​െചയ്യുന്നു. ബുഹാരി​െയ കാണാൻ ജനങ്ങൾ തെരുവുകളിൽ വരിയായി കാത്തിരിക്കുകയായിരുന്നു.