കോംഗോ വംശീയകലാപം: 250ലേറെ പേർ കൊല്ലപ്പെട്ടതായി യു.എൻ റിപ്പോർട്ട്​

യുനൈറ്റഡ്​ നേഷൻസ്​: വംശീയ കലാപത്തെ  തുടർന്ന്​ മാർച്ച്​ മുതൽ ജൂൺ വരെ ഡെമോക്രാറ്റിക്​ റി​പ്പബ്ലിക്​ ഒാഫ്​ കോംഗോയിൽ 62 കുട്ടികളുൾപ്പെടെ 250 ലേറെ പേർ​ കൊല്ലപ്പെട്ടതായി യു.എൻ അന്വേഷണസംഘത്തി​​െൻറ റിപ്പോർട്ട്​.  

കലാപത്തെ തുടർന്ന്​ കോംഗോയിലെ കാസായ്​ പ്രവിശ്യയിൽനിന്ന്​ ജൂണിൽ 100ഒാളം പേർ അയൽരാജ്യമായ  അ​ംഗോളയിലേക്ക്​ പലായനം ചെയ്​തു. വെള്ളിയാഴ്​ചയാണ്​ യു.എൻ മനുഷ്യാവകാശ കമീഷൻ റിപ്പോർട്ട്​ പുറത്തുവിട്ടത്​. കലാപം അതിജീവിച്ച 100ഒാളം ആളുകളുമായി സംഭാഷണം നടത്തിയാണ്​ യു.എൻ സംഘം റിപ്പോർട്ട്​ തയാറാക്കിയത്​. കാസായ്​ പ്രവിശ്യയിൽനിന്ന്​ 80 കൂട്ടക്കുഴിമാടങ്ങളും കണ്ടെത്തിയിട്ടുണ്ട്​.  

കാമുയ്​ന സാപു മിലിഷ്യകളും കിൻഷാസ സർക്കാറും  തമ്മിൽ 2016 ആഗസ്​റ്റിലാണ്​ കലാപം തുടങ്ങിയത്​. സർക്കാറിന്​ പിന്തുണയുമായി ഇൗ വർഷം മാർച്ചിൽ മനമുറ എന്നപേരിൽ പുതിയൊരു മിലിഷ്യസംഘവും രൂപംകൊണ്ടു.  പലപ്പോഴും സർക്കാർ പിന്തുണയുള്ള മിലിഷ്യകൾ മറ്റ്​ വംശത്തി​ൽപ്പെട്ട ഗ്രാമീണരെ അടിച്ചമർത്തുകയായിരുന്നു. 

കഴിഞ്ഞ വർഷം ഡിസംബറിൽ ഭരണകാലാവധി അവസാനിച്ചിട്ടും രാജ്യത്ത്​ തെരഞ്ഞെടുപ്പ്​ നടത്താതെ അധികാരത്തിൽതുടരുന്ന കപിലക്കെതിരെ പ്രതിഷേധം നടത്തിയ 100 പേരെ കഴിഞ്ഞ തിങ്കളാഴ്​ച പൊലീസ്​ അറസ്​റ്റ്​ ചെയ്​തിരുന്നു.