കൂട്ടുകാരേ, പുതിയ പാഠപുസ്തകത്തിന്‍െറ അടിസ്ഥാനത്തിലുള്ള ആദ്യത്തെ പരീക്ഷയാണ് വരാന്‍ പോകുന്നത്. പുതുമയുള്ള ചോദ്യങ്ങളാണ് നിങ്ങളെ കാത്തിരിക്കുന്നത്. കേരള പാഠാവലി മലയാളം ഒന്നാം പേപ്പറില്‍നിന്ന് ഏറെ ഭിന്നമല്ലാത്ത ഘടനയാണ് അടിസ്ഥാന പാഠാവലിക്കുമുള്ളത്. ഓരോ യൂനിറ്റിലെയും പ്രധാന ആശയം/പ്രമേയം നന്നായി ഗ്രഹിക്കുകയും അതിന് അനുബന്ധമായി വരാവുന്ന ഉപവിഷയങ്ങളെക്കുറിച്ച് ധാരണയുണ്ടാകുകയും വേണം. ഇത്തരം ഉപവിഷയങ്ങള്‍ ഏറക്കുറെ ക്ളാസ്റൂം പ്രവര്‍ത്തനങ്ങളിലൂടെ ഇതിനകം പരിചയപ്പെട്ടുകഴിഞ്ഞിരിക്കുമല്ളോ. പത്രവാര്‍ത്തകള്‍, സമകാലിക സംഭവങ്ങള്‍, സാഹിത്യകൃതികള്‍, പ്രമുഖരുടെ അഭിപ്രായങ്ങള്‍ തുടങ്ങിയവയുടെ ഒരു ശേഖരം ഉണ്ടാക്കിവെച്ചാല്‍ കാര്യങ്ങള്‍ വളരെ എളുപ്പമാവും.
പാഠഭാഗങ്ങളുമായി നന്നായി ഇടപഴകുകയാണ് പിന്നീട് വേണ്ടത്. കഥാ സന്ദര്‍ഭങ്ങള്‍, കഥാപാത്രങ്ങള്‍, കവിതകളിലെ വിശദീകരണാര്‍ഹമായ വരികള്‍, എഴുത്തുകാരുടെ പേരുകള്‍ തുടങ്ങിയ കാര്യങ്ങളില്‍ നല്ല ധാരണയുണ്ടായാല്‍ മാത്രമേ ആശയക്കുഴപ്പമില്ലാതെ ഉത്തരമെഴുതാന്‍ സാധിക്കൂ.
ഇനി ഓരോ യൂനിറ്റിലെയും പ്രധാന ആശയങ്ങളെ നമുക്കൊന്ന് ചികഞ്ഞുനോക്കാം.

വ്യവഹാര രൂപങ്ങള്‍
ആശയതലത്തില്‍ വരാവുന്ന പ്രധാന വ്യവഹാര രൂപങ്ങള്‍ പരിചയപ്പെടാം.
ഉപന്യാസം, എഡിറ്റോറിയല്‍, പ്രഭാഷണം, ലഘുലേഖ, പത്രാധിപര്‍ക്കുള്ള കത്ത്, വിശകലനക്കുറിപ്പ്, പ്രതികരണക്കുറിപ്പ്, സ്വാഭിപ്രായക്കുറിപ്പ്, താരതമ്യക്കുറിപ്പ് തുടങ്ങിയവയാണ് ഈ വിഭാഗത്തില്‍ പ്രധാനമായവ. 4, 6, 8 സ്കോറുകളാണ് ഇത്തരം ചോദ്യങ്ങള്‍ക്ക് സാധാരണ കൊടുക്കാറുള്ളത്. ഉപന്യാസം അപൂര്‍വമായി എട്ട് സ്കോറിനും ചോദിക്കാം.
പാഠഭാഗത്തിനു പുറത്തുനിന്നാണ് സാധാരണ ഉപന്യാസം ചോദിച്ചുവരാറുള്ളത്. പാഠഭാഗങ്ങളില്‍ത്തന്നെ ധാരാളം സാമൂഹിക പ്രസക്തിയുള്ള വിഷയങ്ങളുള്ള സ്ഥിതിക്ക് ആ ദിശയില്‍നിന്ന് ചോദ്യങ്ങള്‍ പ്രതീക്ഷിക്കേണ്ടതാണ്.
പാഠവുമായി ബന്ധപ്പെട്ട ആശയങ്ങളെ പോയന്‍റുകളാക്കി പഠിച്ചുവെക്കുകയാണെങ്കില്‍ ചോദ്യമാതൃകകള്‍ക്ക് അനുസൃതമായി വ്യവഹാര രൂപങ്ങളിലേക്ക് അതിനെ പരിവര്‍ത്തിപ്പിക്കേണ്ട പണി മാത്രമേ പരീക്ഷാ സമയത്ത് ചെയ്യേണ്ടതുള്ളൂ.
ഉപന്യാസത്തിനായി നാം മനസ്സില്‍ കണ്ട ആശയത്തെ പ്രഭാഷണമാക്കാനും എഡിറ്റോറിയലാക്കാനുമൊന്നും വലിയ വിഷമമില്ലല്ളോ. ഉപന്യാസം പ്രഭാഷണമാക്കുമ്പോള്‍ പ്രസംഗ ശൈലിക്ക് പ്രാധാന്യം കൈവരുന്നു.
ഓരോ വ്യവഹാര രൂപത്തിനും അതിന്‍േറതായ ഘടനയുണ്ട്. ആ ഘടന പാലിക്കുന്നതിന് ഒന്നുമുതല്‍ രണ്ടു വരെ മാര്‍ക്ക് ലഭിക്കും. ഇതുപോലെത്തന്നെയാണ് ഭാഷയുടെ കാര്യവും. ഉചിതമായ ഭാഷക്കും ഇപ്രകാരം ഒന്നോ രണ്ടോ മാര്‍ക്ക് ലഭിക്കും.
പ്രഭാഷണം എഴുതുമ്പോള്‍ ആശയങ്ങള്‍ക്കു മാത്രം പ്രാധാന്യം നല്‍കി ലേഖന രൂപം നല്‍കുന്നവരാണ് പലരും. ഉപന്യാസത്തിനാവശ്യമായ പ്രൗഢഭാഷയില്‍നിന്ന് ഭിന്നമാണ് സംസാരത്തോട് അടുപ്പം കാണിക്കുന്ന പ്രസംഗഭാഷ. പ്രസംഗശൈലി തന്നെയാണ് ‘ഉചിതമായ ഭാഷക്കുള്ള സ്കോര്‍’ നേടുന്നതില്‍ പ്രഭാഷണമെഴുതുമ്പോള്‍ നിര്‍ണായകമാവുക. ഉപന്യാസം, പ്രഭാഷണം, എഡിറ്റോറിയല്‍, ലഘുലേഖ എന്നിവക്ക് ആശയങ്ങളെ നേരിട്ട് അവതരിപ്പിക്കുന്നവ എന്നനിലക്ക് സാമ്യമുണ്ട്.
എന്നാല്‍, ഘടനാപരമായ വ്യത്യാസങ്ങള്‍ ശ്രദ്ധയിലുണ്ടാവണം. എഡിറ്റോറിയല്‍ പത്രത്തിന്‍െറ മുഖക്കുറിപ്പാണ്. മുഖപ്രസംഗം എന്ന് ചോദ്യത്തില്‍ കണ്ടാലും പ്രസംഗമെഴുതാന്‍ തുനിയേണ്ട, അത് എഡിറ്റോറിയല്‍ തന്നെയാണ്. പത്രത്തിന്‍െറ നിലപാട് വ്യക്തമാക്കുന്നുവെന്ന ഭാവത്തിലാണ് ഈ ചോദ്യത്തിന് ഉത്തരം തയാറാക്കേണ്ടത്. ഗൗരവവും ഗാംഭീര്യവുമുള്ള ശൈലി, ഒതുക്കമുള്ള വാചകഘടനയും ശീര്‍ഷകവും അനാഡംബരമായ ഭാഷ എന്നിവ എഡിറ്റോറിയലിന്‍െറ സവിശേഷതകളാണ്.

ആഴിയും മലയും കടന്നവര്‍
ഈ യൂനിറ്റ് പ്രവാസത്തെകുറിച്ചാണ്. തൊഴില്‍തേടി അന്യനാടുകളിലെത്തിപ്പെടുന്നവരുടെ വേദനകളും നൊമ്പരങ്ങളുമാണ് മുഖ്യമായും ഇവിടെ ചര്‍ച്ചചെയ്യുന്നത്.

• ഗള്‍ഫ് മലയാളികളുടെ ദയനീയാവസ്ഥ
•  വീട്ടുജോലിക്കാരികളായി വിദേശത്തെത്തുന്ന മലയാളി സ്ത്രീകളുടെ അവസ്ഥ  
• ഗള്‍ഫ് പണം കേരളീയ സമ്പദ്ഘടനയെ എങ്ങനെയെല്ലാം സഹായിക്കുന്നു
• ഗള്‍ഫ് പണവും ഉപഭോഗ സംസ്കാരവും
• ഗള്‍ഫും കേരളവും- സാംസ്കാരിക ബന്ധങ്ങള്‍
• തൊഴില്‍ തേടിയുള്ള മലയാളികളുടെ വിദേശ സഞ്ചാര പ്രവണത
• പ്രവാസി മലയാളി സമൂഹം
•  ഇന്ത്യക്ക് പുറത്തെ ഇന്ത്യക്കാര്‍
• കേരളത്തിലെ അന്യസംസ്ഥാന തൊഴിലാളികളുടെ സാന്നിധ്യം
• മലയാളികളുടെ തൊഴില്‍ മനോഭാവം
•  അന്യ സംസ്ഥാനങ്ങളില്‍ ജോലി ചെയ്യുന്ന മലയാളികള്‍
• ‘ആടുജീവിതം’ എല്ലാ തൊഴിലിടങ്ങളിലും സാധാരണമായിക്കൊണ്ടിരിക്കുന്നുവോ എന്ന അന്വേഷണം
• തൊഴില്‍ രംഗത്തെ ചൂഷണങ്ങള്‍
• മലയാളി നഴ്സുമാര്‍ അന്യസംസ്ഥാനങ്ങളില്‍ അനുഭവിക്കുന്ന പ്രശ്നങ്ങള്‍

സാമൂഹിക പ്രശ്നങ്ങള്‍
പാഠഭാഗങ്ങളെ സാമൂഹിക പ്രശ്നങ്ങളുമായി ബന്ധിപ്പിച്ചുകൊണ്ടുള്ള ചോദ്യങ്ങളാണ് കൂടുതലായി പ്രതീക്ഷിക്കേണ്ടത്. ഉദാഹരണത്തിന് ‘ആസാം പണിക്കാര്‍’ എന്ന വൈലോപ്പിള്ളിക്കവിതയില്‍ ദാരിദ്ര്യംമൂലം അസമില്‍ ജോലിക്കുപോയി തിരിച്ചുവരുന്ന മലയാളികളുടെ ചിത്രമുണ്ട്. ഇന്ന് കേരളത്തിലേക്ക് അസമില്‍നിന്നും ബംഗാളില്‍നിന്നും തൊഴില്‍ തേടി ആളുകളെത്തുന്നു. ഈ രണ്ട് അവസ്ഥകളെ താരതമ്യം ചെയ്യുന്ന ഒരു ചോദ്യത്തിന് പ്രസക്തിയുണ്ട്. തൊഴിലിടങ്ങളിലെ കഷ്ടപ്പാടുകള്‍, വീട്ടില്‍നിന്നും നാട്ടില്‍നിന്നും ഏറെ അകലെ തൊഴിലെടുക്കുന്നതിന്‍െറ മാനസിക സംഘര്‍ഷങ്ങള്‍, നാട്ടിലേക്ക് തിരിച്ചുവരുമ്പോഴുള്ള സന്തോഷം തുടങ്ങിയ കാര്യങ്ങളിലെല്ലാം ഇവിടെ സമാനതയുണ്ട്. ഇത്തരം കാര്യങ്ങളെല്ലാം വിശകലനം ചെയ്യണം.
മലയാള ഭാഷയുടെ അപചയത്തെക്കുറിച്ച് സാംസ്കാരിക നായകന്മാര്‍ നടത്തിയ പ്രസ്താവനകളോ സമാനമായ പത്രവാര്‍ത്തകളോ നല്‍കിയിട്ട് അവയെ ഒന്നാമത്തെ യൂനിറ്റിലെ പാഠഭാഗങ്ങളിലെ ഏതെങ്കിലും സന്ദര്‍ഭങ്ങളുമായോ വരികളുമായോ ബന്ധപ്പെടുത്തി വിശകലനം ചെയ്യാന്‍ ആവശ്യപ്പെട്ടേക്കാം.
എന്തൊക്കെയോ നഷ്ടപ്പെട്ട ഒരാള്‍ എന്ന കഥ ഇത്തരത്തില്‍ ഒട്ടേറെ സമകാലിക പ്രശ്നങ്ങളിലേക്ക് വിരല്‍ ചൂണ്ടുന്ന പാഠമാണ്.

വാക്കാം വര്‍ണക്കുട ചൂടി
ഭാഷയുടെയും മാതൃഭാഷയുടെയും പ്രാധാന്യമാണ് ഈ യൂനിറ്റിന്‍െറ മുഖ്യ ആശയം. വൈവിധ്യമാര്‍ന്ന പല ഉപവിഷയങ്ങളും ഇതില്‍നിന്ന് രൂപപ്പെടാം.

• ഭാഷ ഒരു സംസ്കാരമാണ്.
• വൈദേശികാധിപത്യത്തിനെതിരെ ദേശീയതയുടെ   പ്രതീകമാണ് മാതൃഭാഷ.
•  മലയാളം ഇന്ന് ശോച്യ നിലയിലാണ്
• നാട്ടുഭാഷയെ നിരാകരിക്കുന്ന/പുച്ഛിക്കുന്ന വിദ്യാഭ്യാസ സങ്കല്‍പങ്ങള്‍ വളര്‍ന്നുവരുന്നു.
•  നാടോടിക്കഥകളുടെ സവിശേഷതകള്‍
•  വാമൊഴിയും വരമൊഴിയും
• പ്രാദേശിക ഭാഷാദേഭങ്ങളെ നാം എങ്ങനെ കാണണം
• മലയാളം ഭരണഭാഷ
• മലയാളത്തിന്‍െറ ക്ളാസിക്കല്‍ പദവിയെക്കുറിച്ച ചര്‍ച്ചകള്‍
• കേരള സംസ്കാരം
• മലയാളഭാഷയുടെ സൗന്ദര്യം
•  മലയാള ഗദ്യത്തിന്‍െറ വളര്‍ച്ചയില്‍   ക്രിസ്ത്യന്‍ മിഷനറിമാരുടെ സംഭാവന
• അര്‍ണോസ് പാതിരി
• ബ്രിട്ടീഷ് ഇന്ത്യയിലെ വിദ്യാഭ്യാസ സമ്പ്രദായങ്ങളുടെ പിന്നിലെ താല്‍പര്യങ്ങള്‍
• മെക്കാളെ പ്രഭുവിന്‍െറ മിനുട്ട്സ്
• മലയാള ഭാഷയുടെ അപചയത്തില്‍ ദൃശ്യ-ശ്രാവ്യ മാധ്യമങ്ങള്‍/ചാനലുകള്‍ കാരണമാകുന്നുവോ?
• കേരളീയ പ്രകൃതിയുടെ സൗന്ദര്യം
• കേരളത്തിന്‍െറ കാര്‍ഷിക സംസ്കാരം
•  പഴഞ്ചൊല്ലുകളുടെയും കടങ്കഥകളുടെയും സവിശേഷതകള്‍