സംസ്ഥാനത്തെ എല്ലാ പൊതുവിദ്യാലയങ്ങളിലും വരുന്ന ഫെബ്രുവരി 18ന് യു.എസ്.എസ് പരീക്ഷ നടക്കുകയാണ്. പ്രതിഭാധനരായ വിദ്യാര്‍ഥികളെ കണ്ടെത്തുന്നതിനായി പൊതുവിദ്യാഭ്യാസ വകുപ്പ് നടത്തുന്ന ഏറ്റവും പ്രധാന പരീക്ഷകളിലൊന്നാണ് യു.എസ്.എസ് പരീക്ഷ. അപ്പര്‍ സെക്കന്‍ഡറി സ്കൂള്‍ സ്കോളര്‍ഷിപ് എന്നറിയപ്പെടുന്ന ഈ പൊതുപരീക്ഷ ഏഴാംക്ളാസില്‍ പഠിക്കുന്ന വിദ്യാര്‍ഥികളെ ഉദ്ദേശിച്ചാണ് നടത്തുന്നത്. അഞ്ചുമുതല്‍ ഏഴുവരെ ക്ളാസുകളില്‍ പഠിച്ച പാഠഭാഗങ്ങളില്‍നിന്നുള്ള ചോദ്യങ്ങളാണ് പരീക്ഷയില്‍ ഉണ്ടാവുക. ഇനി വരാനിരിക്കുന്ന പൊതുപരീക്ഷകളെ അഭിമുഖീകരിക്കാനുള്ള ധൈര്യം കുട്ടികള്‍ക്ക് പകര്‍ന്നേകും എന്നതാണ് യു.എസ്.എസിന്‍െറ പ്രത്യേകത. ചിട്ടയായ പരിശീലനത്തോടുകൂടി  എത്തിയാല്‍ മാത്രമേ യു.എസ്.എസ് കരസ്ഥമാക്കാന്‍ കഴിയൂ. ഇത്തവണ പരീക്ഷക്ക് വരുന്ന ചോദ്യങ്ങളുടെ മാതൃകകളും കുറിപ്പുകളുമായി പരീക്ഷ എഴുതുന്ന എല്ലാ കൂട്ടുകാര്‍ക്കും സഹായിയായി എത്തുകയാണ് ഈ ലക്കം വെളിച്ചം. ഏവര്‍ക്കും വിജയാശംസകള്‍.

വിഷയങ്ങള്‍
ഹിന്ദി ഒഴികെയുള്ള വിഷയങ്ങളാണ് യു.എസ്.എസ് പരീക്ഷക്ക് ചോദ്യങ്ങളായി ഉണ്ടാവുക. ഭാഷ, സയന്‍സ്, ഇംഗ്ളീഷ്, സാമൂഹികശാസ്ത്രം, ഗണിതം എന്നീ അഞ്ചുമേഖലകളില്‍നിന്നും ഓരോ പ്രവര്‍ത്തനം വീതമാണ് ഉണ്ടാവുക.

പാര്‍ട്ടുകള്‍
മൂന്ന് പാര്‍ട്ടുകളായാണ് ചോദ്യങ്ങള്‍ ഉള്‍പ്പെടുത്തിയിട്ടുള്ളത്. എ, ബി, സി എന്നിങ്ങനെയാണ് പാര്‍ട്ടുകളുടെ വിഭജനം.

പാര്‍ട്ട് എ
ഗണിതം, അടിസ്ഥാന ശാസ്ത്രം, സാമൂഹിക ശാസ്ത്രം, ഭാഷ, ഇംഗ്ളീഷ് എന്നീ വിഷയങ്ങളെ അടിസ്ഥാനപ്പെടുത്തിയുള്ള പ്രവര്‍ത്തനാധിഷ്ഠിത ചോദ്യങ്ങളാണ് പാര്‍ട്ട് എയില്‍ ഉള്‍പ്പെടുത്തിയിട്ടുള്ളത്. ആകെ അഞ്ച് പ്രവര്‍ത്തനങ്ങളാണ് ഉണ്ടാവുക. ഓരോന്നിനും 10 മാര്‍ക്ക് വീതം ആകെ 50 മാര്‍ക്കാണ് എ പാര്‍ട്ടിലുള്ളത്. രണ്ടുമണിക്കൂറാണ് ഈ പ്രവര്‍ത്തനങ്ങള്‍ക്കായി നീക്കിവെച്ചിട്ടുള്ള സമയം. രാവിലെ 10 മുതല്‍ 12.15 വരെയാണ് പാര്‍ട്ട് എയുമായി ബന്ധപ്പെട്ടുള്ള പരീക്ഷാസമയം. ഇതില്‍ 15 മിനിറ്റ് കൂള്‍ഓഫ് ടൈമാണ്.

പാര്‍ട്ട് ബി
30 മാര്‍ക്കിനെ അടിസ്ഥാനമാക്കി ഒരു മണിക്കൂര്‍ നീളുന്ന മള്‍ട്ടിപ്പ്ള്‍ ചോയ്സ് ചോദ്യങ്ങള്‍ ഉള്‍പ്പെടുത്തിയതാണ് ബി പാര്‍ട്ട്. ഉച്ചക്കുശേഷം രണ്ടുമണിക്കാണ് ഈ പരീക്ഷ നടക്കുക. ഗണിതത്തില്‍നിന്ന് ഒമ്പത് മാര്‍ക്ക്, അടിസ്ഥാനശാസ്ത്രം ആറ്, മലയാളം, ഇംഗ്ളീഷ്, സാമൂഹിക ശാസ്ത്രം എന്നിവയില്‍നിന്ന് അഞ്ചുമാര്‍ക്ക് വീതം ചോദ്യങ്ങളാണുണ്ടാവുക. പൊതുവിജ്ഞാനങ്ങള്‍ക്കൊപ്പം പാഠഭാഗങ്ങളെ ഉള്‍പ്പെടുത്തിയിട്ടുള്ള ചോദ്യങ്ങളും ഈ വിഭാഗത്തില്‍നിന്ന് ചോദിക്കും. പാഠപുസ്തകങ്ങളെ ആവര്‍ത്തിച്ചുപഠിക്കുന്ന രീതി ഈ മേഖലയില്‍ ഉയര്‍ന്ന സ്കോര്‍ നേടുന്നതിന് പ്രാപ്തമാക്കും.

പാര്‍ട്ട് സി
കുട്ടികളുടെ ക്ളാസ്റൂം പ്രവര്‍ത്തനങ്ങളുടെ ഭാഗമായി രൂപപ്പെട്ട ഉല്‍പന്നങ്ങള്‍ ഉള്‍പ്പെടുത്തിയ പോര്‍ട്ഫോളിയോവിന്‍െറ വിലയിരുത്തലാണ് പാര്‍ട്ട് സിയില്‍ നടക്കുക. എല്ലാ വിഷയങ്ങളുമായി ബന്ധപ്പെട്ട ഉല്‍പന്നങ്ങള്‍ ഇതില്‍ ഉണ്ടായിരിക്കണം. വൈവിധ്യങ്ങള്‍ക്ക് എളുപ്പം മാര്‍ക്ക് ലഭിക്കും. പോര്‍ട്ഫോളിയോവിലെ കാര്യങ്ങളുമായി കുട്ടിക്ക് നല്ല ബന്ധം ഉണ്ടായിരിക്കണം. 20 മാര്‍ക്കാണ് ഇതില്‍നിന്ന് ലഭിക്കുക. ഇതിനെ അടിസ്ഥാനമാക്കിയുള്ള ചോദ്യങ്ങള്‍ക്ക് കൃത്യതയാര്‍ന്ന ഉത്തരങ്ങള്‍ നല്‍കിയാല്‍ എളുപ്പം മുഴുവന്‍ സ്കോറും സ്വന്തമാക്കാനും കഴിയും.

യു.എസ്.എസ് ലഭിക്കാന്‍
പാര്‍ട്ട് എയില്‍നിന്ന് 50, ബിയില്‍നിന്ന് 30, സിയില്‍നിന്ന് 20 എന്നിങ്ങനെ ആകെ 100 മാര്‍ക്കില്‍ 70ഉം അതില്‍ കൂടുതലും നേടുന്നവര്‍ക്കാണ് സ്കോളര്‍ഷിപ് ലഭിക്കുക. എല്ലാ പാര്‍ട്ടിനും എ ഗ്രേഡ് വേണമെന്ന നിര്‍ബന്ധമില്ല. സ്കോളര്‍ഷിപ് ലഭിച്ച വിദ്യാര്‍ഥികള്‍ക്ക് മൂന്നുവര്‍ഷം ഒരു നിശ്ചിത തുക അധികൃതര്‍ സമ്മാനിക്കും. തുച്ഛമായ തുകയാണിതെങ്കിലും ഇതിനുപുറമെ യു.എസ്.എസ് നേടുക എന്നതിനെയാണ് മികച്ച നേട്ടമായി ഏവരും കാണുന്നത്.

യു.എസ്.എസ് നിര്‍ദേശങ്ങള്‍
1. എ വിഭാഗത്തില്‍ ഉള്‍പ്പെടുന്ന പ്രവര്‍ത്തനങ്ങളുടെ സമയം രാവിലെ 10 മുതല്‍ 12.15 വരെയാണ്.
2. 15 മിനിറ്റ് കൂള്‍ഓഫ് ടൈമാണ്.
3. എല്ലാ പാര്‍ട്ടില്‍നിന്നുമായി 70 മാര്‍ക്കില്‍ കൂടുതല്‍ നേടി എ ഗ്രേഡ് സ്വന്തമാക്കുന്നവര്‍ക്ക് സ്കോളര്‍ഷിപ് ലഭിക്കും.
4. ഒരു ക്ളാസില്‍ രണ്ട് അധ്യാപകര്‍ പരീക്ഷക്കായി ഉണ്ടാവും. ഒരാള്‍ പരീക്ഷ നടത്തുമ്പോള്‍ മറ്റേയാള്‍ പോര്‍ട്ഫോളിയോ പരിശോധിക്കും.
5. ഉച്ചക്കുശേഷം ബി പാര്‍ട്ടിലെ മള്‍ട്ടിപ്പ്ള്‍ ചോയ്സ് അടങ്ങിയ ഒരു മണിക്കൂര്‍ പരീക്ഷയും 45 മിനിറ്റ് പോര്‍ട്ഫോളിയോ സംബന്ധിച്ച അഭിമുഖവുമാണ് നടക്കുക.

യു.എസ്.എസ് പ്രഖ്യാപനം
യു.എസ്.എസ് സ്കോളര്‍ഷിപ് 2011-12 വര്‍ഷത്തില്‍ ആര്‍ക്കെല്ലാം ലഭിച്ചുവെന്ന പ്രഖ്യാപനം മാര്‍ച്ച് മാസത്തിനുമുമ്പുതന്നെ നടക്കും. യു.എസ്.എസ് എഴുതിയ പ്രതിഭാധനരില്‍നിന്ന് മികച്ചവരെ കണ്ടെത്താന്‍ നടത്തുന്ന സ്ക്രീനിങ് ടെസ്റ്റ് ഫെബ്രുവരി 25ന് നടക്കും. ഈ പരീക്ഷ നടക്കവെയാണ് യു.എസ്.എസ് പരീക്ഷയുടെ മൂല്യനിര്‍ണയവും നടത്തുന്നത്. ഏകീകൃത മൂല്യനിര്‍ണയമായതിനാല്‍ അന്നുതന്നെ യു.എസ്.എസ് നേടിയവരുടെ ലിസ്റ്റ് തയാറാക്കാന്‍ സാധിക്കും.

ഗണിതം
യു.എസ്.എസ് എഴുതുന്ന വിദ്യാര്‍ഥികള്‍ക്ക് ഏറെ കടുപ്പമായി അനുഭവപ്പെടുന്ന ഒരു പരീക്ഷയാണ് ഗണിതം. എ പാര്‍ട്ടില്‍നിന്നും 10 മാര്‍ക്കിന്‍െറ ഒരു പ്രവര്‍ത്തനവും ബി പാര്‍ട്ടില്‍നിന്ന് ഒമ്പത്മാര്‍ക്കിന്‍െറ ചോദ്യങ്ങളുമാണ് ഗണിതത്തില്‍ ഉണ്ടാവുക. ശതമാനം, ശരാശരി, ഭിന്നസംഖ്യ, പലിശ, കൂട്ടുപലിശ, അംശബന്ധം, വേഗത എന്നിവയില്‍നിന്നുള്ള ചോദ്യങ്ങളാണ് മുഖ്യമായും പരീക്ഷക്കായി ഉണ്ടാവുക. അതിനാല്‍, ഈ ഗണിത വിഷയങ്ങളുമായി ബന്ധപ്പെട്ട നല്ല ധാരണ കൈവരിച്ചുവേണം വിദ്യാര്‍ഥികള്‍ പരീക്ഷഹാളിലെത്താന്‍. പ്രശ്നങ്ങള്‍ നിര്‍ധാരണം ചെയ്ത് പഠിക്കാന്‍ ശീലമാക്കണം.

ഭാഷ
ആശയവും ചമല്‍ക്കാരവും നല്‍കി ഭംഗിവരുത്തി ഭാഷ പ്രയോഗിക്കുന്ന വിധത്തിലുള്ള പ്രശ്നങ്ങളാണ് ഭാഷയില്‍ ഉണ്ടാവുക. കഥ പൂര്‍ത്തിയാക്കല്‍, കവിതയില്‍ കൂടുതല്‍ വരികള്‍ കൂട്ടിച്ചേര്‍ക്കല്‍, ആസ്വാദനക്കുറിപ്പ്, വര്‍ണന, കത്ത്, നിവേദനം തുടങ്ങിയ ഭാഷാശേഷികളില്‍ ഉള്‍പ്പെട്ട കാര്യങ്ങള്‍ കൈകാര്യം ചെയ്യുന്നതില്‍ വൈദഗ്ധ്യം നേടി മാത്രമേ പരീക്ഷാ ഹാളിലെത്താവൂ.

ഇംഗ്ളീഷ്
ഇംഗ്ളീഷ് ഭാഷയില്‍നിന്ന് എളുപ്പമുള്ള ചോദ്യങ്ങളാണ് പരീക്ഷക്ക് പൊതുവെ ഉണ്ടാവുക. ഏഴാംക്ളാസിന്‍െറ പാഠപുസ്തകത്തെ അടിസ്ഥാനമാക്കിയുള്ള ചോദ്യങ്ങളാകയാല്‍ ഉത്തരമെഴുതല്‍ അനായാസകരമാകും.

സയന്‍സ്
അല്‍പം ചിന്ത ആവശ്യമുള്ള പ്രശ്നങ്ങളാണ് സയന്‍സ് വിഷയത്തില്‍നിന്നുണ്ടാവുക. പരീക്ഷണ സംബന്ധിയായ ചോദ്യങ്ങളാകയാല്‍ കൃത്യമായ ഉത്തരങ്ങള്‍ നല്‍കാന്‍ സാധിക്കണം. താരതമ്യം, വര്‍ഗീകരണം, വ്യത്യാസങ്ങള്‍ എന്നിവയുമായി ബന്ധപ്പെട്ട പല ചോദ്യങ്ങള്‍ വേര്‍തിരിച്ച് പഠിക്കാന്‍ ശ്രമിക്കുക.

സാമൂഹികശാസ്ത്രം
ഇന്ത്യ, കേരളം എന്നിവയുമായി ബന്ധപ്പെട്ട അടിസ്ഥാന കാര്യങ്ങളെ ഉള്‍പ്പെടുത്തിയുള്ള ചോദ്യങ്ങളാണ് സാമൂഹികശാസ്ത്രത്തില്‍നിന്ന് പ്രതീക്ഷിക്കേണ്ടത്. ഭൂപ്രകൃതി, നദികള്‍, മണ്ണിനങ്ങള്‍, സംസ്ഥാനങ്ങള്‍, ജില്ലകള്‍, സ്വാതന്ത്ര്യസമര ചരിത്രം തുടങ്ങിയ കാര്യങ്ങളെല്ലാം മത്സരാര്‍ഥികള്‍ നന്നായി ഹൃദ്യസ്ഥമാക്കുക.
-------------------------------------------------------------------
യു.എസ്.എസ് മാതൃകാ ചോദ്യങ്ങള്‍
പാര്‍ട്ട് എ

സമയം 2 മണിക്കൂര്‍ മാര്‍ക്ക് 50

1. ഇവിടെ മാലിന്യനിക്ഷേപം അരുത്
ഇങ്ങനെയെഴുതിയ ബോര്‍ഡിനു ചുവട്ടിലെ കുന്നുകൂടിയ മാലിന്യങ്ങള്‍ക്കുമുന്നിലെത്തിയ ഹരിതയും കൂട്ടുകാരും അദ്ഭുതപ്പെട്ടുപോയി. അവര്‍ പരസ്പരം പറഞ്ഞു. ഇത് തീര്‍ത്തും വിരോധാഭാസം തന്നെ. പിന്നെ മാലിന്യനിക്ഷേപത്തിലെ മാലിന്യങ്ങളിലായി അവരുടെ ശ്രദ്ധ.
l കല്ല് l പ്ളാസ്റ്റിക്പേന l ബള്‍ബ് l ചെരിപ്പ്
l പേപ്പര്‍ സിറിഞ്ച് l മരക്കഷണം l പ്ളാസ്റ്റിക് ചരട്
l പഴങ്ങള്‍ l കുപ്പികള്‍ l പഴത്തൊലി l ഇരുമ്പ് കഷണം
l ഭക്ഷണാവശിഷ്ടങ്ങള്‍
A. ഈ മാലിന്യക്കൂമ്പാരത്തിലെ മാലിന്യങ്ങളെ നിങ്ങള്‍ക്കറിയാവുന്ന രീതിയില്‍ വര്‍ഗീകരിക്കുക. (ഗ്രൂപ് പ്രവര്‍ത്തനം). പിന്നീട് വ്യക്തിഗതമായി കുറിക്കുക.
B. ഇതില്‍ പ്രകൃതിക്ക് ദോഷകരമാവുന്ന പ്രധാന മാലിന്യങ്ങള്‍ ഏവ? ഇവ സൃഷ്ടിക്കുന്ന പാരിസ്ഥിതിക പ്രശ്നങ്ങള്‍ ഏവ? ഈ മാലിന്യപ്രശ്നങ്ങള്‍ ഒഴിവാക്കാനുള്ള നിര്‍ദേശങ്ങള്‍ എഴുതുക.

2. ഹരിതയും നന്ദനയുംകൂടി ഒരു കച്ചവടം നടത്തി. ലാഭം കിട്ടിയ തുക 3:5 എന്ന അംശബന്ധത്തില്‍ ഭാഗിച്ചപ്പോള്‍ നന്ദനക്ക് 10,000 രൂപകിട്ടി. യദുവും അശ്വിനും നടത്തിയ കച്ചവടത്തിലെ ലാഭം അവര്‍ 5:3 എന്ന അംശബന്ധത്തിലും ഭാഗിച്ചു. അപ്പോള്‍ യദുവിന് അശ്വിനേക്കാള്‍ 8,000 രൂപ കൂടുതല്‍ ലഭിച്ചു. ഹരിതയും അശ്വിനും അവര്‍ക്ക് കിട്ടിയ ലാഭം ഉപയോഗിച്ച് പുതിയ കച്ചവടത്തിലേര്‍പ്പെട്ടു. കിട്ടിയ ലാഭം മുടക്കുമുതലിന്‍െറ അംശബന്ധത്തില്‍ അവര്‍ ഭാഗിച്ചു. കച്ചവടത്തില്‍ 9,000 രൂപയായിരുന്നു ലാഭം. എങ്കില്‍ ഓരോരുത്തര്‍ക്കും എത്ര രൂപ കിട്ടി?

3. സാമൂഹികശാസ്ത്ര ക്ളബിന്‍െറ ഉദ്ഘാടനം നിര്‍വഹിക്കാനെത്തിയ ചരിത്ര ഗവേഷകന്‍െറ വാക്കുകള്‍ കുട്ടികള്‍ക്ക് നല്‍കിയത് പുത്തനറിവുകളായിരുന്നു. വിശാലമായ പറമ്പുകളുടെയും വയലുകളുടെയുമെല്ലാം ഉടമസ്ഥത പഴയകാലത്ത് ജന്മിമാര്‍ക്കായിരുന്നു. അവരുടെ വാക്കുകള്‍കേട്ട് വിശപ്പും ദാഹവും സഹിച്ച് പകലന്തിയോളം പാടത്തും പറമ്പിലും പണിയെടുക്കേണ്ടിവന്ന ഒരുപാട് പാവങ്ങള്‍. അവര്‍ക്ക് ഒന്നും സ്വന്തമായി ഉണ്ടായിരുന്നില്ല. വീടും മണ്ണും ഒന്നും. എന്നാല്‍, ഇന്ന് ആ കാഴ്ചകളെല്ലാം മാറി.
പഴയ കാലത്തും ഇന്നുമുള്ള സാമൂഹിക അവസ്ഥ താരതമ്യം ചെയ്യുക.

4. ഒരു വിദ്യാലയത്തിലെ സഹായനിധിയുമായി ബന്ധപ്പെട്ടുവന്ന പത്രക്കുറിപ്പ് വായിക്കുക.

പിലിക്കോട് ഗവ. ഹയര്‍ സെക്കന്‍ഡറിയുടെ ‘കൈത്താങ്ങ്’
നിരവധിപേര്‍ക്ക് സാന്ത്വനമേകുന്നു
പിലിക്കോട്: പിലിക്കോട് ഗവ. ഹയര്‍ സെക്കന്‍ഡറി എന്‍.എസ്.എസ് യൂനിറ്റിന്‍െറ സഹായനിധി നിരവധിപേര്‍ക്ക് സാന്ത്വനമേകുന്നു. സ്കൂളിനുമുന്നില്‍ സ്ഥാപിച്ച സഹായപ്പെട്ടിയില്‍ കുട്ടികള്‍ നിക്ഷേപിക്കുന്ന നാണയത്തുട്ടുകളാണ് ഇവിടത്തെ സഹായനിധിയുടെ മുതല്‍ക്കൂട്ട്. സാമ്പത്തികമായി പിന്നാക്കം നില്‍ക്കുന്ന കുട്ടികളെയും അവശത അനുഭവിക്കുന്നവരെയും സഹായിക്കാന്‍ വേണ്ടിയാണ് ഈ സഹായനിധി ഉപയോഗിക്കുന്നത്. ഒരു മാസം ഒരാള്‍ക്ക് എന്ന രീതിയില്‍ ഇത് പ്രയോജനപ്പെടുത്താനാണ് തീരുമാനമെന്ന് എന്‍.എസ്.എസ് പ്രോഗ്രാം ഓഫിസര്‍ അറിയിച്ചു.

ഒരു സ്കൂള്‍ ഏറ്റെടുത്ത് നടത്തുന്ന പ്രവര്‍ത്തനം വായിച്ചുവല്ളോ? ഇത്തരം പ്രവര്‍ത്തനങ്ങളില്‍ നിങ്ങള്‍ പങ്കാളികളാകാറുണ്ടോ? പഠനവും ജീവകാരുണ്യ പ്രവര്‍ത്തനവും ഒന്നിച്ചുകൊണ്ടുപോകാന്‍ സാധിക്കുമോ?
മേല്‍പറഞ്ഞ വിഷയവുമായി ബന്ധപ്പെട്ട് നിങ്ങള്‍ നടത്താനുദ്ദേശിക്കുന്ന ഒരു സാന്ത്വന പ്രവര്‍ത്തനത്തെക്കുറിച്ച് വിശദീകരിക്കുക.

5. Your school kalotsavam inauguration was held on 30.1.2012 at 10 a.m in the school hall. The programme notice is given below.
Programme
Prayer
Welcome speech: K. Santhosh  (Staff secretary)
Presidential address:  C. Jayanthi (H.M)
Inaugural address: K. Sadasivan (Panchayath President)
Felicitations:
1. R. Nalini  (Grama panchayath member)
2. Surayya (School leader)
3. Narayanan M (Senior assistant)
Vote of thanks: Abdul sathar (Convenor)
National Anthem
If you are asked to prepare a report of the function what will you write?

------------------------------------------------------------------------------------------------------

പാര്‍ട്ട് ബി
സമയം 1 മണിക്കൂര്‍ മാര്‍ക്ക് 30
1. റെയില്‍വേയുടെ കണ്ടുപിടുത്തം വിപ്ളവകരമായ പുരോഗതിയാണ് ഇന്ത്യക്കുണ്ടാക്കിയത്. ബ്രിട്ടീഷുകാരാണ് റെയില്‍വേ സംവിധാനം കൊണ്ടുവന്നത്. ആരുടെ ഭരണകാലത്തായിരുന്നു അത്?
A. വെല്ലസ്ളി പ്രഭു B. വില്യംബെന്‍റിക് പ്രഭു
C. മൗണ്ട്ബാറ്റന്‍ പ്രഭു D. ഡല്‍ഹൗസി പ്രഭു.
2. നാഗരികതകള്‍ രൂപംകൊണ്ടത് നദീതടങ്ങളിലാണല്ളോ? ഹാരപ്പന്‍ സംസ്കാരം നിലനിന്നിരുന്ന നദീതീരം ഏത്?
A. സിന്ധു B. ബ്രഹ്മപുത്ര C. യമുന D. ഗംഗ
3. അവര്‍ണര്‍ക്കും ക്ഷേത്രത്തില്‍ പ്രവേശം നേടുന്നതിനായി മലബാറില്‍ നടന്ന ശക്തമായ സമരമായിരുന്നു ഗുരുവായൂര്‍ സത്യഗ്രഹം. നിരവധി നേതാക്കള്‍ ഈ സമരത്തിന്‍െറ ഭാഗമായി നിലകൊണ്ടു. ചരിത്രപ്രസിദ്ധമായ ഈ സമരം നടന്നതെന്ന്?
A. 1930 നവംബര്‍ 1 B. 1931 നവംബര്‍ 1
C. 1932 നവംബര്‍ 1 D. 1936 നവംബര്‍ 12
4. കേരളത്തില്‍ ആകെ 44 നദികളാണുള്ളത്. അതില്‍ വലുത് പെരിയാറും ചെറുത് മഞ്ചേശ്വരം പുഴയുമാണ്. കായലുകളാലും സമ്പന്നമാണ് കേരളം. വലിയ കായലായി വേമ്പനാടും ശുദ്ധജലക്കായലായി ശാസ്താംകോട്ടയുമൊക്കെ ഇവിടെയുണ്ട്. എത്ര കായലുകളാണ് കേരളത്തിലുള്ളത്.
A. 31 B. 32 C. 41 D. 34
5. നവഗ്രഹങ്ങള്‍ ഉണ്ടായിടത്ത് പ്ളൂട്ടോപുറത്തായതോടെ അഷ്ടഗ്രഹങ്ങളായി. എന്നാല്‍ ബുധനും ശുക്രനും ഉപഗ്രഹങ്ങളില്ല. ഇതില്‍ കറുത്തചന്ദ്രന്‍ എന്നറിയപ്പെടുന്ന ഫോബോസ് ഏത് ഗ്രഹത്തിന്‍െറ ഉപഗ്രഹമാണ്?
A. വ്യാഴം B. ശനി C. യുറാനസ് D. ഭൂമി
6. താഴെപറയുന്നതില്‍ വൈറസ് മൂലം പകരാത്ത രോഗമേത്?
A. പോളിയോ B. ചിക്കന്‍പോക്സ് C. ജലദോഷം D. ക്ഷയം.
7. സൗരസെല്ലുകളില്‍ നടക്കുന്ന ഊര്‍ജമാറ്റം
A.യാന്ത്രികോര്‍ജം രാസോര്‍ജമാകുന്നു B. സൗരോര്‍ജം രാസോര്‍ജമാകുന്നു C. പ്രകാശോര്‍ജം സൗരോര്‍ജമാകുന്നു
D. സൗരോര്‍ജം പ്രകാശോര്‍ജമായി മാറുന്നു.
8. കത്രിക എത്രാംവര്‍ഗ ഉത്തോലകമാണ്.
A. ഒന്നാംവര്‍ഗം B. രണ്ടാംവര്‍ഗം
C. മൂന്നാംവര്‍ഗം D. ഇവയൊന്നുമല്ല.
9. ഉഭയ-ഉരഗ ജീവികളുടെ സംരക്ഷണത്തിനായി പ്രവര്‍ത്തിക്കുന്ന പാര്‍ക്  എന്ന സംഘടന കടലാമ വര്‍ഷമായി ആചരിച്ചത് എപ്പോള്‍?
A. 2009 B. 2010 C. 2011 D. 2012.
10. പത്തനംതിട്ട ജില്ലയില്‍ പ്രചാരത്തിലുള്ള നാടന്‍ കലാരൂപം
A.  തെയ്യം B.  കഥകളി  C.  കൂത്ത് D.  പടയണി
11. മലയാള ഭാഷക്ക് അതുല്യമായ സംഭാവനകള്‍ ചെയ്ത നിരവധി എഴുത്തുകാര്‍ ഇന്ന് നമ്മോടൊപ്പമില്ല. ‘തത്വമസി’ എന്ന പുസ്തകത്തിനും മലയാളത്തില്‍ ശ്രദ്ധേയ സാന്നിധ്യമാണുള്ളത്. ഈ പുസ്തകം ആരുടെ രചനയാണ്.
A. ബഷീര്‍ B. മാധവിക്കുട്ടി C.ജി. ശങ്കരക്കുറുപ്പ്  D. സുകുമാര്‍ അഴീക്കോട്
12. ‘കാക്കേ കാക്കേ കൂടെവിടെ’ എന്ന സുന്ദരമായ വരികള്‍ ഏത് കുട്ടിക്കാണ് മറക്കാന്‍ കഴിയുക? ആരുടെ രചനയാണിത്?
A. ഉള്ളൂര്‍ B. വള്ളത്തോള്‍ C. ആശാന്‍ D. ചങ്ങമ്പുഴ
13. തെറ്റില്ലാത്ത വാക്യം കണ്ടെത്തുക.
A. അവന്‍ ക്ളാസില്‍ വരാത്തതിനുകാരണം പനി ആയതുകൊണ്ടാണ് B. അവന്‍ പനിയായതുകൊണ്ടാണ് വരാത്തത് C. അവന്‍ പനിയായതുകൊണ്ടാണ് ക്ളാസില്‍ വരാത്തത് D. പനിയായതുകൊണ്ടുള്ള കാരണം മൂലമാണ് അവന്‍ ക്ളാസില്‍ വരാത്തത്.
14. അവസാനമായി മലയാളത്തിലേക്ക് ജ്ഞാനപീഠ പുരസ്കാരം കൊണ്ടുവന്ന കഥാകൃത്ത് ആര്?
A. ഒ.എന്‍.വി B. എം.ടി C. ജി. ശങ്കരക്കുറുപ്പ് D. എസ്.കെ. പൊറ്റക്കാട്
Read the following passage and answer the questions
For many generations, the people of India suffered because of floods. Their government realized that floods could be controlled and the chances of famines can be lessened. It is a fact that since independance, no great famine has been allowed to occur. Unlike many western countries, India is chiefly an agricultural land. The cultivation of crops depends on a proper supply of water throughout th year. From olden times large part of our country suffered either with continuous rain or with severe drought. People were aware that they could overcome this problem. If the excess waters of the flood seasons colud be stored up for use in the fields during the dry seasons. They used to dig canals to carry away water from the perennial rivers. Large tanks were excavated, small dams of bunds built either to hold water in or to hold back floods. This was heavy and expensive work and practical over only a small area as their means were slender. So large tracts of land remained at the mercy of the unreliable rivers.
Questions
15. Since independence, no great famine has been occured in India because...
A. Floods were controlled. B. there were sufferings and sorrows. C. India got independence. D. India is an agricultural land.
16. In olden times, what did the Indian farmers depend on for their cultivation of crops?
A. Canals B. Dams C. Rain D. Drought.
17. Canals and bunds helped to.....
A. Control rain. B. Decrease cultivation C. Control flood and drought. D. Solve all problems
18. Excavation of tanks and building up of dams and bunds didn’t solve the problem completely. Why?
A. Dams were small. B. There was too much of rain. C. Canals carried away the water. D. It covered only a small area.
19. Why Indian rivers are called unreliable?
A. Canals carried away water from rivers. B. There are many dams in a river. C. Dams and bunds hold water in or hold back floods. D. Rivers could not store water for dry season.
20. 2 3/5ന്‍െറ വര്‍ഗം?
A. 13/5 B. 5/13 C. 25/369 D. 369/25
21. സന്തോഷ് അയാളുടെ വരുമാനത്തിന്‍െറ 50 ശതമാനം മക്കളുടെ പഠന ചെലവിനുവേണ്ടി വിനിയോഗിക്കുന്നു. ഇതില്‍ 40 ശതമാനവും മകനുവേണ്ടി ചെലവഴിക്കുകയും ചെയ്യുന്നു. മകനുവേണ്ടി ചെലവഴിക്കുന്നത് 2500 രൂപയാണെങ്കില്‍ അയാളുടെ ശമ്പളമെത്ര?
A. 12500 B. 12000 C. 6250 D. 5000
22. 2, 4, 8, 32, 256, .................
A. 8291 B. 2891 C. 8192 D. 1982
23. 4+2-3x6 / 6+4
A. 9 B. 6 C. 3 D. 7
24. എട്ട് ആളുകള്‍ അഞ്ചുദിവസം കൊണ്ടുചെയ്യുന്ന ഒരു ജോലി 10 ആളുകള്‍ എത്ര ദിവസംകൊണ്ട് ചെയ്തുതീര്‍ക്കും.
A. 6 B. 5 C. 4 D. 2