നവംബര്‍ 26:

• അമേരിക്കയുടെ നേതൃത്വത്തിലുള്ള ‘നാറ്റോ’ സേന പാകിസ്താന്‍ സൈനിക പോസ്റ്റിനു നേരെ നടത്തിയ ഹെലികോപ്ടര്‍ ആക്രമണത്തില്‍  ഒരു മേജറും ക്യാപ്റ്റനുമടക്കം 28 പാക് സൈനികര്‍ കൊല്ലപ്പെട്ടു.
• ഇന്ത്യ-ചൈന തിങ്കളാഴ്ച നടത്താന്‍ നിശ്ചയിച്ച ഉഭയകക്ഷി അതിര്‍ത്തി ചര്‍ച്ചയില്‍ നലന്നും  ചൈന ചൈന പിന്‍മാറി.
•  മുല്ലപ്പെരിയാര്‍, ഇടുക്കി ഡാം മേഖലയി റിക്ടര്‍ സ്കെയിലില്‍ 3.4 രേഖപ്പെടുത്തിയ നാല് ഭൂചലനങ്ങള്‍ നടന്നു .

നവംബര്‍ 27:

• പ്രശസ്ത സാരംഗി വിദ്വാനും ഹിന്ദുസ്ഥാനി ഗായകനുമായ ഉസ്താദ് സുല്‍ത്താന്‍ ഖാന്‍ (71) അന്തരിച്ചു.
• വെയ്ല്‍സ് ദേശീയ ഫുട്ബാള്‍ ടീം പരിശീലകനും മുന്‍ ഇംഗ്ളണ്ട് താരവുമായ ഗാരി സ്പീഡിനെ മരിച്ചു.

നവംബര്‍28:

• 2ജി കേസില്‍ അറസ്റ്റിലായി തിഹാര്‍ ജയിലില്‍ കഴിയുന്ന ഡി.എം.കെ എം.പിയും കരുണാനിധിയുടെ മകളുമായ കനിമൊഴിക്ക് ജാമ്യം ലഭിച്ചു.
• പി.ഡി.പി ചെയര്‍മാന്‍ അബ്ദുന്നാസിര്‍ മഅ്ദനി പ്രതിയായ ബംഗളൂരു സ്ഫോടനകേസിലെ പബ്ളിക് പ്രോസിക്യൂട്ടര്‍ രാജിവെച്ചു.
• ഈജിപ്തില്‍ പാര്‍ലമെന്‍റിന്‍െറ അധോസഭയിലേക്കുള്ള ആദ്യ ഘട്ട തെരഞ്ഞെടുപ്പ് നടന്നു.
• പ്രശസ്ത ഹോളിവുഡ് സംവിധായകന്‍ കെന്‍ റസല്‍ (85) അന്തരിച്ചു.
• അഴിമതി ആരോപണങ്ങളെ തുടര്‍ന്ന് കുവൈത്ത് മന്ത്രിസഭ രാജിവെച്ചു.
• റോജര്‍ ഫെഡറര്‍ വേള്‍ഡ് ടൂര്‍ ടെന്നീസ് കിരീടം നേടിയതോടെ  70ാം എ.ടി.പി കിരീടമായി.

നവംബര്‍ 29:

• മുല്ലപ്പെരിയാര്‍ അണക്കെട്ടിന്‍െറ ജലനിരപ്പ് കുറക്കാന്‍ സുപ്രീംകോടതിയെ സമീപിക്കാന്‍ കേരളം തീരുമാനിച്ചു.
• രാജ്യത്തിനെതിരെ ഉപരോധം ഏര്‍പ്പെടുത്തിയതിനുള്ള പ്രതിഷേധ സൂചകമായി ഇറാന്‍ തലസ്ഥാനമായ തെഹ്റാനിലെ ബ്രിട്ടീഷ് എംബസി കാര്യാലയം പ്രക്ഷോഭകര്‍ കൈയേറി.
• വിഖ്യാത അസമീസ് എഴുത്തുകാരിയും ജ്ഞാനപീഠ ജേതാവുമായ ഇന്ദിര ഗോസ്വാമി (69)അന്തരിച്ചു.
• സോവിയറ്റ് സ്വേച്ഛാധിപതി ജോസഫ് സ്റ്റാലിന്‍െറ ഏകമകള്‍ സ്വെ്ലാന  എന്ന ലാന പീറ്റേഴ്സ് (85) അന്തരിച്ചു.

നവംബര്‍ 30:

• മുല്ലപ്പെരിയാര്‍ അണക്കെട്ടുമായി ബന്ധപ്പെട്ട് ദുരന്തമുണ്ടായാല്‍  അടിയന്തര നടപടി സ്വീകരിക്കാന്‍ സര്‍ക്കാര്‍ മുന്‍ഗണന നല്‍കണമെന്ന് കേരള ഹൈകോടതി.
• പ്രശസ്ത പത്രപ്രവര്‍ത്തകന്‍  ജോയ് ശാസ്താംപടിക്കല്‍ (75) അന്തരിച്ചു.
• കാസര്‍കോട്  യൂത്ത് ലീഗ് പ്രവര്‍ത്തകനെ വെടിവെച്ച് കൊന്ന കേസില്‍ മുന്‍ കാസര്‍കോട് എസ്.പി രാംദാസ് പോത്തനെതിരെ  കൊലക്കുറ്റം ചുമത്തി സി.ബി.ഐ  എഫ്.ഐ.ആര്‍ സമര്‍പ്പിച്ചു.
•  എം.പിമാരുടെയും മുന്‍എം.പിമാരുടെയും ശമ്പളവും ആനുകൂല്യങ്ങളും പരിഷ്കരിക്കുന്നതിനുള്ള സംയുക്ത പാര്‍ലമെന്‍ററി സമിതിയുടെ ചെയര്‍മാനായി കൊടിക്കുന്നില്‍ സുരേഷിനെ തെരഞ്ഞെടുത്തു.
• രണ്ട് ദിവസത്തിനകം രാജ്യംവിടാന്‍ ഇറാന്‍െറ മുഴുവന്‍ നയതന്ത്രജ്ഞരോടും ബ്രിട്ടന്‍ ആവശ്യപ്പെട്ടു. ലണ്ടനിലെ തെഹ്റാന്‍െറ എംബസി അടച്ചുപൂട്ടാനും ബ്രിട്ടീഷ് വിദേശകാര്യ മന്ത്രി വില്യം ഹേഗ് ഉത്തരവിട്ടു.
• സിറിയക്കെതിരെ തുര്‍ക്കി ഉപരോധം ഏര്‍പ്പെടുത്തി.
• ഐവറികോസ്റ്റ് മുന്‍ പ്രസിഡന്‍റ് ലോറന്‍റ് ഗബഗ്ബോ അന്താരാഷ്ട്ര ക്രിമിനല്‍ കോടതി (ഐ.സി.സി) കസ്റ്റഡിയിലെടുത്തു.
• കുവൈത്ത് പ്രധാനമന്ത്രിയായി ശൈഖ് ജാബിര്‍ അല്‍ മുബാറക് അല്‍ ഹമദ് അസ്വബാഹിനെ അമീര്‍ ശൈഖ് സ്വബാഹ് അല്‍ അഹ്മദ് അസ്വബാഹ് നിയമിച്ചു.
• കെ.എസ്.ആര്‍.ടി.സി ചെയര്‍മാനും മാനേജിങ് ഡയറക്ടറുമായ അലക്സാണ്ടര്‍ കെ. ലൂക്ക് രാജിവെച്ചു.