ഈ ആഘോഷത്തിന്‍െറ ഉദ്ഭവത്തെപ്പറ്റി ചരിത്രകാരന്മാര്‍ക്ക് വലിയ നിഗമനങ്ങളൊന്നും തന്നെയില്ലത്രെ. ഏറ്റവും പ്രബലമായ വാദം ക്രിസ്തുവര്‍ഷം നാലാം നൂറ്റാണ്ടുമുതല്‍ ആഘോഷം ആരംഭിച്ചു എന്നതാണ്. റോമന്‍ ചക്രവര്‍ത്തിയായ ‘കോണ്‍സ്റ്റ ന്‍ൈറന്‍’ തന്‍െറ സാമ്രാജ്യത്തിലെ രണ്ടുവിഭാഗം വിശ്വാസികള്‍ക്ക് ഡിസംബര്‍ 25 പൊതുഅവധിയും ആഘോഷവുമാക്കി പ്രഖ്യാപനം നടത്തി എന്നതാണ് ആ വാദത്തിന്‍െറ അടിസ്ഥാനം.

നിഗമനങ്ങള്‍
‘ക്രിസ്തുവിന്‍െറ കുര്‍ബാന’ എന്നത്രെ ക്രിസ്മസ് എന്ന വാക്കിനര്‍ഥം. ഈ ദിനം പുണ്യദിനമായി പ്രഖ്യാപിച്ചത് എ.ഡി 354ല്‍ പോപ് ലിബേരിയൂസ് ആയിരുന്നുവെന്ന് കാണുന്നു. എ.ഡി 274ല്‍ റോമിലെ ഒൗറേലിയന്‍ ചക്രവര്‍ത്തി ആരംഭിച്ച, ഡിസംബര്‍ 25 എന്ന പ്രത്യേകദിനം അജയ്യസൂര്യന്‍െറ ജന്മദിനാഘോഷമാണ്. നീതിസൂര്യനായ യേശുക്രിസ്തുവിന്‍െറ ജന്മദിനാഘോഷത്തിനു കാരണമായതെന്നും പറഞ്ഞുവരുന്നുണ്ട്.

ഒരുവര്‍ഷം രണ്ടുതവണ
ആഘോഷം!
കത്തോലിക്കര്‍, പ്രൊട്ടസ്റ്റന്‍റുകള്‍, ഗ്രീക് ഓര്‍ത്തഡോക്സ് സഭകള്‍, റുമേനിയന്‍ ഓര്‍ത്തഡോക്സ് സഭകള്‍ എന്നീ വിഭാഗങ്ങള്‍ 25നുതന്നെ ആഘോഷിക്കുമ്പോള്‍ പൗരസ്ത്യ ക്രിസ്ത്യന്‍ ഓര്‍ത്തഡോക്സ് സഭകളില്‍ മിക്കവിഭാഗവും ജനുവരി ഏഴിന് ക്രിസ്തുവിന്‍െറ  ജന്മദിനമാചരിക്കുന്നു. കോപ്റ്റിക്, ജറൂസലം, റഷ്യ, സൈബീരിയ, മാസിഡോണിയ, ജോര്‍ജിയ, യുക്രെയ്ന്‍ എന്നീ രാജ്യങ്ങളിലെ ഓര്‍ത്തഡോക്സ് സഭകളും ജനുവരി ഏഴിന് ക്രിസ്മസ് ആഘോഷിക്കുന്നു. കലണ്ടറില്‍ വരുത്തിയ പരിഷ്കാരങ്ങള്‍ മൂലമാണത്രെ ഇങ്ങനെ രണ്ടുദിവസങ്ങളില്‍ ആഘോഷമുണ്ടായത്.

‘യൂള്‍’ ക്രിസ്മസ് ആകുന്നു
മതപരമായ ആഘോ ഷങ്ങളേക്കാള്‍ ഉത്സവ പ്രതീതിയോടെ ക്രിസ്മസ് കൊണ്ടാടുന്ന രീതിയാണ് ഇന്ന് എവിടെയും കാണുന്നത്. ജര്‍മനിയില്‍നിന്നാണ് ആഘോഷം ഉദ്ഭവിച്ചത് എന്ന വാദമുണ്ട്. ക്രിസ്മസ് മരം, സമ്മാനങ്ങള്‍ കൈമാറല്‍ തുടങ്ങിയവ ഉദാഹരണം. ക്രിസ്തുമതം പ്രചരിക്കുന്നതിനു മുമ്പുണ്ടായിരുന്ന ‘യൂള്‍’ എന്ന ശൈത്യകാല വിനോദത്തിലെ ആചാരങ്ങളാണ് കാലക്രമേണ ക്രിസ്മസിലേക്ക് മാറിയത്.

ആഗമനകാലം
ക്രിസ്മസ് ഏതുവര്‍ഷവും ഡിസംബര്‍ 25നുതന്നെയാണല്ളോ. അതുകൊണ്ടു തന്നെ ഒട്ടുമിക്ക ക്രിസ്തുമത വിഭാഗക്കാരും ഡിസംബര്‍ ആദ്യവാരത്തോടെ ആഘോഷത്തിനുള്ള ഒരുക്കങ്ങള്‍ തുടങ്ങാറുണ്ട്. യേശുദേവന്‍െറ ജന്മത്തെക്കുറിച്ചുള്ള സന്ദേശങ്ങളും പ്രവചനങ്ങളുമൊക്കെ പ്രധാന ആഘോഷമായ ഈ കാലം ‘ആഗമനകാലം’ എന്നറിയപ്പെടുന്നു. കേരളത്തിലെ ‘സുറിയാനി’ വിഭാഗക്കാരില്‍ ഒരുവിഭാഗം 25 ദിവസം ‘നൊയമ്പ്’ എടുത്ത് ക്രിസ്മസിനൊരുങ്ങുന്നു. മാംസം, മത്സ്യം, മുട്ട എന്നിവയില്‍ ചിലത് ആഹാരത്തിലുള്‍പ്പെടുത്താതെയാണീ ‘നൊയമ്പ്’. ക്രിസ്മസ് തലേരാത്രിയിലാണ് (അര്‍ധരാത്രി -പാതിരാകുര്‍ബാന) ക്രിസ്തീയ ദേവാലയങ്ങളില്‍ യേശുദേവന്‍െറ പിറവിയനുസ്മരിപ്പിക്കുന്ന ചടങ്ങുകള്‍ ഉണ്ടാവുക. ക്രിസ്മസ് ദിനത്തില്‍ ചടങ്ങുകള്‍ ആചരിക്കുന്നതും ചിലയിടങ്ങളിലുണ്ട്.

തലേന്ന് രാത്രിയില്‍
മതപരമായ ആഘോഷങ്ങള്‍ക്കാണ് ഈ ദിനത്തില്‍ പ്രധാന്യമെങ്കിലും വിശ്വാസികള്‍ തീരെയില്ലാത്ത പ്രദേശങ്ങളിലും മതപരമായ ചടങ്ങുകളില്ലാതെ ആഘോഷങ്ങള്‍ ഉണ്ടാകുന്നുണ്ട്. പ്രധാനമായും ക്രിസ്മസിന്‍െറ തലേന്നാള്‍ രാത്രിയിലാണ് ആഘോഷങ്ങള്‍. ഈ ആഘോഷം ഓര്‍ക്കുമ്പോള്‍തന്നെ ‘ക്രിസ്മസ് പപ്പാ’ എന്ന സാന്‍റാക്ളോസപ്പൂപ്പന്‍െറ രൂപമായിരിക്കും ഏവര്‍ക്കും ഓര്‍മ വരുക. ഈ സമ്പ്രദായം ക്രിസ്മസ് ആഘോഷവുമായി ബന്ധപ്പെടാനും കാരണമുണ്ട്.

ക്രിസ്മസപ്പൂപ്പന്‍
ഏഷ്യാമൈനറില്‍ ജീവിച്ചിരുന്ന സെന്‍റ് നിക്കോളാസ് എന്ന പുണ്യപുരുഷനാണത്രെ പില്‍ക്കാലത്ത് സാന്‍റാക്ളോസപ്പൂപ്പനായി മാറിയത്! ക്രിസ്മസ് ആഘോഷങ്ങളുടെ മുന്നൊരുക്കങ്ങള്‍ക്കിടയില്‍ ഡിസംബര്‍ ആറിനാണ് ഇദ്ദേഹത്തിന്‍െറ ഓര്‍മദിനം. ഡച്ചുകാര്‍, സമ്മാനങ്ങള്‍ വാരിവിതറുന്ന ഒരു വിശുദ്ധനായി ഇദ്ദേഹത്തെ സങ്കല്‍പിച്ചുതുടങ്ങി. അങ്ങനെ ഡച്ചുകോളനികളിലൂടെ ഈ രീതി പ്രചരിച്ചു. സെന്‍റ്നിക്കോളാസ് എന്ന നാമം ലോപിച്ച് സാന്‍റാക്ളോസ് എന്നായി. ക്രിസ്മസ് പപ്പാ, അങ്ക്ള്‍ സാന്‍റാക്ളോസ്, പപ്പ, താടിക്കാരന്‍, ഗിഫ്റ്റപ്പൂപ്പന്‍, ക്രിസ്മസപ്പൂപ്പന്‍ എന്നിങ്ങനെ പലപേരുകളില്‍ ഇദ്ദേഹം അറിയപ്പെടുന്നു.

റെയിന്‍ഡീര്‍ വണ്ടിയില്‍
പറക്കുന്ന റെയിന്‍ഡീര്‍ മൃഗങ്ങളുടെ പുറത്തോ റെയിന്‍ഡീറുകള്‍ വലിക്കുന്ന ചക്രവണ്ടിയിലോ പറന്നുവന്ന് വീടുകളുടെ ചിമ്മിനിക്കുഴലുകളിലൂടെ സമ്മാനങ്ങള്‍ താഴേക്കെറിഞ്ഞ് മറയുന്ന ഈ താടിക്കാരനപ്പൂപ്പന്‍ 19ാം ശതകത്തിന്‍െറ സങ്കല്‍പസൃഷ്ടിയത്രെ. ആംഗ്ളോ-അമേരിക്കന്‍ പാരമ്പര്യമുള്ള നാടുകളിലാണ് ഇത്തരമൊരു വിശ്വാസമുള്ളത്.
കാര്‍ട്ടൂണിസ്റ്റായ ‘തോമസ് നാസ്റ്റ്’ വരച്ച ഒരു ചിത്രത്തില്‍നിന്നാണ് നരച്ചതാടിയും മീശയും കൊഴുത്തുരുണ്ട ശരീര പ്രകൃതിയുമുള്ള സാന്‍റാക്ളോസ് എന്ന ക്രിസ്മസപ്പൂപ്പന്‍െറ രൂപം ഉരുത്തിരിഞ്ഞുവന്നത്. ഇറ്റ് വാസ് ദ നൈറ്റ് ബിഫോര്‍ ക്രിസ്മസ് എന്ന കാവ്യത്തില്‍ ക്ളമന്‍റ് മൂര്‍ ഇതേ രീതിയിലൊരു വയോധികന്‍െറ രൂപം വര്‍ണിച്ചതില്‍നിന്നാണ് തോമസ് നാസ്റ്റിന് ചിത്രം അതേമട്ടില്‍ വരക്കാന്‍ പ്രചോദനമായതത്രെ.

നക്ഷത്ര വിളക്കുകള്‍
ജാതിമതഭേദമന്യേ മിക്ക വീടുകളിലും ഡിസംബര്‍ മാസം കാണുന്നതാണ് ക്രിസ്മസ് സ്റ്റാറുകള്‍ എന്ന നക്ഷത്രങ്ങള്‍ തൂക്കിയിടുന്നത്. വിവിധ നിറങ്ങളില്‍ പ്രകാശിക്കുന്ന ഈ നക്ഷത്രങ്ങള്‍ പല വലുപ്പത്തിലും ഇതളുകളുള്ളവയുമുണ്ട്. വീടുകളിലെ മുന്‍വശത്തെ ഇറയത്ത് ബള്‍ബുകളെ മൂടിക്കൊണ്ടാണ് ഇവ പ്രകാശം പരത്തുന്നത്. യേശുദേവന്‍െറ ജനനവാര്‍ത്തയറിഞ്ഞ് ബെത്ലഹേമിലേക്കു യാത്രതിരിച്ച ജ്ഞാനികള്‍ക്ക് വഴികാണിച്ച നക്ഷത്രത്തെയാണ് ഈ നക്ഷത്രവിളക്കുകള്‍ പ്രതിനിധാനം ചെയ്യുന്നത്.

പുല്‍ക്കൂട്
പുല്‍ക്കൂടൊരുക്കുക എന്നൊരു ചടങ്ങുകൂടി ക്രിസ്മസ് കാലത്തുണ്ട്. ഇതും തലേന്ന് രാത്രിതന്നെയാണ്. ബെത്ലഹേമിലെ കാലിത്തൊഴുത്തില്‍ ഉണ്ണിയേശു പിറന്നുവെന്ന വിശ്വാസമാണ് ഇതിനുപിന്നിലുള്ളത്. ക്രിസ്തുവര്‍ഷം ഒന്നാം നൂറ്റാണ്ടുമുതല്‍ ഈ രീതി ഉണ്ടായിരുന്നുവെന്ന് കരുതപ്പെടുന്നു. 1223ല്‍ ഫ്രാന്‍സിസ് അസീസി എന്ന പുരോഹിതന്‍ ഒരുക്കിയ പുല്‍ക്കൂടാണ് ഇതിനു തുടക്കമിട്ടതെന്നും കാണുന്നുണ്ട്. പുല്‍ക്കൂട് എന്ന വിനയത്തിന്‍െറയും ലാളിത്യത്തിന്‍െറയും സന്ദേശം എങ്ങുമെത്തിക്കുക എന്നതാണ് ഇതുകൊണ്ടുദ്ദേശിക്കുന്നത്. ഉണ്ണിയേശു, മാതാവ് മറിയം, ജ്ഞാനികള്‍, ആട്ടിടയന്മാര്‍ എന്നിവരുടെ രൂപങ്ങള്‍ ഈ പുല്‍ക്കൂട്ടില്‍ ഇന്നും സ്ഥാപിക്കുന്നതു കാണാം. വൈദ്യുതാലങ്കാരങ്ങള്‍ ഇതിനും മാറ്റുകൂട്ടുന്നു.

ആശംസാപത്രികകള്‍
ആശംസാകാര്‍ഡുകളും ഈ ആഘോ ഷത്തിന്‍െറ മുന്നോടിയായി കാണാം. അത്യുന്നതങ്ങളില്‍ ദൈവത്തിനു സ്തുതി, ഭൂമിയില്‍ സന്മനസ്സുള്ളവര്‍ക്ക് സമാധാനം എന്ന പ്രയോഗം ക്രിസ്മസ് കാര്‍ഡുകളില്‍ വ്യാപകമായി കാണാം. ഈ രീതി ഇന്ന് ഏതുമതത്തിലുമുണ്ട്.
1841ലാണ് ആശംസാകാര്‍ഡ് ആദ്യമായി ഉപയോഗിച്ചത് എന്ന് കാണുന്നു. ക്രിസ്മസിനുശേഷം വരുന്ന പുതുവര്‍ഷകാര്‍ഡുകള്‍ക്കാണ് ഇന്ന് ഏറ്റവും കൂടുതല്‍ പ്രചാരമുള്ളത്. ഹാപ്പി ന്യൂ ഇയര്‍ എന്ന ആശംസയുള്ള കാര്‍ഡ് ഒരു തവണയെങ്കിലും കിട്ടാത്തവര്‍ ആരുമുണ്ടാകില്ലല്ളോ.