Begin typing your search above and press return to search.
proflie-avatar
Login
exit_to_app
exit_to_app
thanjavur temple
cancel
Homechevron_rightTravelchevron_rightDestinationschevron_rightഇ​​വി​​ടെ...

ഇ​​വി​​ടെ ഉ​​യ​​രു​​ന്ന​​ത്​ ആ​​ദി​​താ​​ണ്ഡ​​വ​​ത്തിൻ നാ​​ദ​​വും നാ​​ദ​​രൂ​​പ​​മാ​​ർ​​ന്ന ശി​​ൽ​​പ​​ങ്ങ​​ളും

text_fields
bookmark_border

മ​​ധു​​ര​​യ്​​​ക്ക​​ടു​​ത്ത്​ മാ​​ട്ടു​​ത്താ​​വ​​ണി ബ​​സ്​​​സ്​​​റ്റാ​​ൻ​​റി​​ൽ നി​​ന്നാ​​ണ്​ ത​​ഞ്ചാ​​വൂ​​രി​​ലേ​​ക്കു​​ള്ള ബ​​സ്. ന​​ഗ​​രം പി​​ന്നി​​ട്ടാ​​ൽ ത​​മി​​ഴ്​​​നാ​​ട്ടി​​ൽ സാ​​ധാ​​ര​​ണ കാ​​ണു​​ന്ന​​തു​​പോ​​ലെ വി​​ശാ​​ല​​മാ​​യ പ്ര​​ദേ​​ശ​​ങ്ങ​​ളും ദൂ​​രെ ക​​രി​​മ്പ​​ന​​ക​​ളും. കു​​റെ ചെ​​ല്ലു​​േ​​മ്പാ​​ൾ ഇ​​രു​​വ​​ശ​​ത്തും കൂ​​റ്റ​​ൻ പാ​​റ​​ക്കെ​​ട്ടു​​ക​​ൾ. ആ​​ന​​മ​​ല​​യെ​​ന്ന്​ ഇ​​തി​​നെ വി​​ളി​​ക്കു​​ന്നു. ഇൗ ​​പ്ര​​ദേ​​ശ​​ത്തു​​നി​​ന്നാ​​ണ​​​ത്രെ മ​​ധു​​ര മീ​​നാ​​ക്ഷി​​ക്ഷേ​​ത്രം നി​​ർ​​മി​​ക്കാ​​നാ​​യി പാ​​റ കൊ​​ണ്ടു​​പോ​​യ​​ത്. മ​​നോ​​ഹ​​ര​​മാ​​യ എ​​ക്​​​സ്​​​​പ്ര​​സ്​​​ഹൈ​​വേ​​യി​​ലൂ​​ടെ​​യാ​​ണ്​ യാ​​ത്ര.

എ​​ന്നാ​​ൽ ഇ​​രു​​വ​​ശ​​വും ജീ​​വി​​ത​​ദു​​​രി​​ത​​ത്തി​ൻെറ കാ​​ഴ്ച​​ക​​ളാ​​ണ്. ഇ​​രു​​വ​​ശ​​ത്തും നീ​​ണ്ട മു​​ൾ​​ക്കാ​​ടു​​ക​​ൾ മാ​​ത്രം. ഉ​​ഴു​​ന്നും ചോ​​ള​​വും നെ​​ല്ലും പ​​ച്ച​​ക്ക​​റി​​ക​​ളും കൃ​​ഷി​​ചെ​​യ്യു​​ന്ന വി​​ശാ​​ല​​മാ​​യ പാ​​ട​​ങ്ങ​​ൾ കാ​​ണാ​​ൻ കൊ​​തി​​ച്ചി​​രു​​ന്ന എ​​നി​​ക്ക്​ നി​​രാ​​ശ​​യാ​​യി. എ​​ങ്ങും മു​​ൾ​​ക്കാ​​ടു​​ക​​ൾ മാ​​​ത്രം. ഇ​​ട​​ക്കി​​ടെ ചെ​​റി​​യ വീ​​ടു​​ക​​ൾ, ജ​​ന​​വാ​​സ​​കേ​​ന്ദ്ര​​ങ്ങ​​ൾ, ക​​ട​​ക​​ൾ, ഫാ​​ക്​​​ട​​റി​​ക​​ൾ, സ്​​​കൂ​​ളു​​ക​​ൾ, കോ​​ള​​ജു​​ക​​ൾ.. അ​​ങ്ങ​​നെ നാ​​ടു​​ക​​ൾ പി​​ന്നി​​ടു​​ക​​യാ​​ണ്. ഒ​​റ്റ​​പ്പെ​​ട്ട്​ ഇ​​ട​​ക്കി​​ടെ പേ​​രാ​​ൽ​​മ​​ര​​ങ്ങ​​ൾ. അ​​വ​​യു​​ടെ താ​​ങ്ങു​​വേ​​രു​​ക​​ൾ മ​​ണ്ണി​​ലേ​​ക്ക്​ പ​​ട​​ർ​​ന്ന്​ ഒ​​രു മ​​ര​​ത്തിൻെറ ത​​ടി​​യോ​​ളം വ​​ള​​ർ​​ന്നി​​രി​​ക്കു​​ന്നു. അ​​ങ്ങി​​ങ്ങ്​ ഒ​​റ്റ​​​പ്പെ​​ട്ട കൃ​​ഷി. ക​​രി​​മ്പ്, നെ​​ല്ല്.


രാ​​വി​​ണി​​പ്പ​​ടി​​യി​​ലെ​​ത്തുമ്പോ​​ൾ വ​​ര​​ണ്ടു​​ണ​​ങ്ങി​​യ നാ​​ട്​ വീ​​ണ്ടും വ​​ര​​ളു​​ന്നു. പ​​ക​​ൽ​​ചൂ​​ടി​​ൽ പൊ​​ള്ളു​​ന്ന കാ​​റ്റ്. പി​​ന്നെ​​യ​​ങ്ങോ​​ട്ട്​ പാ​​റ​​കൂ​​ട്ട​​ങ്ങ​​ളാ​​ണ്. വെ​​ളു​​ത്ത​​തും ചു​​വ​​ന്ന​​തു​​മാ​​യ പാ​​റ​​ക​​ൾ. കൃ​​ഷി​​യി​​ല്ലാ​​തെ പാ​​റ​​ക്കൂ​​ട്ട​​ങ്ങ​​ൾ പ​​ട​​ർ​​ന്ന ​ഗ്രാ​​മ​​ങ്ങ​​ൾ. ഗ്രാ​​നൈ​​റ്റ്​ ക്വാ​​റി​​ക​​ളാ​​ണ്​ ഇ​​വി​​ട​​ത്തെ പ്ര​​ധാ​​ന വ്യ​​വ​​സാ​​യ​​മെ​​ന്ന്​ ഉൗ​​ഹി​​ക്കാം. പ​​ല​​യി​​ട​​ത്തും വേ​​ലി​​കെ​​ട്ടി മ​​റ​​ച്ച ക്വാ​​റി​​ക​​ൾ. വ​​റ്റി​​വ​​ര​​ണ്ട കു​​ള​​ങ്ങ​​ളും തോ​​ടു​​ക​​ളും. കു​​ള​​ങ്ങ​​ളി​​ലേ​​ക്കി​​റ​​ങ്ങാ​​ൻ ഒ​​രി​​ക്ക​​ൽ നി​​ർ​​മി​​ച്ച പ​​ടി​​ക്കെ​​ട്ടു​​ക​​ൾ ഉ​​ണ​​ങ്ങി​​വ​​ര​​ണ്ട കു​​ഴി​​ക​​ളി​​ൽ അ​​വ​​സാ​​നി​​ക്കു​​ന്നു.

ചി​​ല​​യി​​ട​​ങ്ങ​​ളി​​ൽ മാ​​ത്രം ചെ​​ളി​​നി​​റ​​ഞ്ഞ കു​​ള​​ങ്ങ​​ൾ. കീ​​ഴ​​വ​​ള​​വ്, മാ​​ല​​മ്പ​​ട്ടി തു​​ട​​ങ്ങി​​യ ഗ്രാ​​മ​​ങ്ങ​​ൾ. ഭൂ​​മി വ​​ര​​ളു​​േ​​മ്പാ​​ഴും അ​​തി​​ജീ​​വ​​ന​​ത്തി​​നാ​​യി സം​​ഭ​​രി​​ച്ച ജ​​ല​​സ​​മൃ​​ദ്ധി​​യി​​ൽ പ​​ച്ച​​പ്പ​​ണി​​ഞ്ഞ്​ മു​​ൾ​​ക്കാ​​ടു​​ക​​ളും ക​​രി​​മ്പ​​ന​​കൂ​​ട്ട​​ങ്ങ​​ളും. വ​​ഴി​​യോ​​ര​​ങ്ങ​​ളി​​ൽ ഒാ​​ല​​യും പു​​ല്ലും കൊ​​ണ്ട്​ കെ​​ട്ടി​​യു​​ണ്ടാ​​ക്കി​​യ ചെ​​റി​​യ ത​​ട്ടു​​ക​​ളി​​ൽ നാ​​ട്ടു​​പ​​ഴ​​ങ്ങ​​ൾ വി​​ൽ​​കാ​​ൻ ​വെ​​ച്ചി​​രി​​ക്കു​​ന്നു. ഒ​​റ്റ​​​പ്പെ​​ട്ട ജം​​ഗ്​​​ഷ​​നു​​ക​​ൾ. മ​​ര​​ത്ത​​ണ​​ലു​​ക​​ളി​​ൽ കൂ​​ടി​​യി​​രു​​ന്നു ക്ഷീ​​ണ​​മ​​ക​​റ്റു​​ന്ന പെ​​ണ്ണു​​ങ്ങ​​ൾ, തൊ​​ഴി​​ലാ​​ളി​​ക​​ൾ.


ഇപ്പോൾ 50 കി​​ലോ​​മീ​​റ്റ​​ർ പി​​ന്നി​​ട്ടി​​രി​​ക്കു​​ന്നു. ഇ​​നി​​യും 125 കി​​ലോ​​മീ​​റ്റ​​ർ താ​​ണ്ട​​ണം ത​​ഞ്ചാ​​വൂ​​രി​​ലെ​​ത്താ​​ൻ. ഇ​​ട​​ക്ക്​ എ​​ട​​ക്കാ​​ടി പ​​ക്ഷി​​സ​​ങ്കേ​​തം. പു​​ളി​​മ​​ര​​ങ്ങ​​ൾ, തെ​​ങ്ങു​​കൃ​​ഷി, കാ​​ടു​​ക​​ൾ, ഇ​​ട​​ക്കി​​ടെ വീ​​ടു​​ക​​ൾ. ചെ​​ളി​​വെ​​ള്ളം കെ​​ട്ടി​​ക്കി​​ട​​ങ്ങു​​ന്ന കു​​ള​​ത്തി​​ൽ കു​​ളി​​ക്കു​​ന്ന​​വ​​ർ. ക​​റു​​പ്പൂ​​ർ, തി​​രു​​പ്പു​​ത്തൂ​​ർ ഗ്രാ​​മ​​ങ്ങ​​ൾ. ഇ​​വി​​ടെ നി​​ന്ന്​ പി​​ള്ളെ​​യാ​​ർ​​പ​​ട്ടി​​യി​​ലേ​​ക്ക്​ വ​​ള​​യു​​ന്ന റോ​​ഡ്. പി​​ള്ളൈ​​യാ​​ർ​​പ​​ട്ടി​​യി​​ലെ ഗ​​ണ​​പ​​തി, ശീ​​ർ​​ഗാ​​ഴി​​യു​​ടെ പാ​​ട്ട്. ആ​​ൽ​​മ​​ര​​ത്ത​​ണ​​ലി​​ൽ ഏ​​കാ​​കി​​യാ​​യ ദൈ​​വം, ഒ​​രു ക​​ല്ലും വേ​​ലു​​മാ​​ണ്​ വി​​ഗ്ര​​ഹം.

ഗ്രാ​​മ​​ങ്ങ​​ൾ നീ​​ളു​​ന്നു. അ​​ടു​​ത്ത​​ടു​​ത്ത്​ കു​​ഞ്ഞു​​വീ​​ടു​​ക​​ൾ. ന​​മ്മ​​ൾ ഒ​​ന്നോ ര​​ണ്ടോ ത​​ല​​മു​​റ മു​​മ്പ്​​ ക​​ണ്ടു​​മ​​റ​​ന്ന ഗ്രാ​​മീ​​ണ​​ ദൃ​​ശ്യ​​ങ്ങ​​ൾ. ചെ​​ളി​​കൊ​​ണ്ടും ചെ​​റു​​പാ​​റ​​ക​​ൾ കൊ​​ണ്ടും ഒാ​​ല​​കൊ​​ണ്ടും സി​​മ​​ൻ​​റ്​​​കൊ​​ണ്ടും കെ​​ട്ടി​​യ വീ​​ടു​​ക​​ൾ. വീ​​ടി​​നോ​​ടു​​ചേ​​ർ​​ന്ന്​ കെ​​ട്ടി​​യി​​ട്ട പ​​ശു​​ക്ക​​ൾ. പു​​ല്ലും ചാ​​ണ​​ക​​വും ചി​​ത​​റി​​വീ​​ണ മു​​റ്റം. അ​​ല​​ഞ്ഞു​​ന​​ട​​ക്കു​​ന്ന കോ​​ഴി​​ക​​ൾ, മു​​റ്റ​​ത്ത്​ കൂ​​ട്ടി​​യ മ​​ണ്ണ​​ടു​​പ്പ്, ഒാ​​ല​​കെ​​ട്ടി മ​​റ​​ച്ച കു​​ളി​​മു​​റി, പു​​റ​​ത്തി​​ട്ട ക​​ട്ടി​​ലു​​ക​​ളി​​ൽ ആ​​ളു​​ക​​ൾ വി​​ശ്ര​​മി​​ക്കു​​ന്നു. അ​​മ്മ​​പ്പ​​ട്ടി ​ഗ്രാ​​മം.


വീ​​ടി​​ന്​ കു​​ഞ്ഞു​​ചാ​​യി​​പ്പു​​ക​​ൾ. വെ​​ള്ള​​മാ​​ണ്​ ഇ​​വ​​രു​​ടെ ഏ​​റ്റ​​വും വ​​ലി​​യ വെ​​ല്ലു​​വി​​ളി. വീ​​ടു​​ക​​ൾ​​ക്ക​​ടു​​ത്ത്​ പൈ​​പ്പു​​ക​​ൾ, കു​​ഴ​​ൽ​​കി​​ണ​​റു​​ക​​ൾ, വെ​​ള്ളം ചു​​മ​​ക്കു​​ന്ന​​വ​​രും കു​​ട​​ങ്ങ​​ളു​​മാ​​യി കാ​​ത്തി​​രി​​ക്കു​​ന്ന​​വ​​രു​​മാ​​ണ്​ എ​​വി​​ടെ​​യും. ചാ​​രി​​വെ​​ച്ച സെ​​ക്കി​​ളു​​ക​​ൾ, ടി.​​വി.​​എ​​സി​െ​​ൻ​​റ മോ​​പ്പ​​ഡ്, ക​​ച്ചി​​ത്തു​​റു, കൃ​​ഷി, ആ​​ടു​​ക​​ൾ, എ​​രു​​മ​​ക​​ൾ അ​​ങ്ങ​​നെ ന​​മ്മ​​ൾ ക​​ണ്ടു​​മ​​റ​​ന്ന ഗ്രാ​​മീ​​ണ​​ത. പി​​ന്നെ​​യും കാ​​ട്​ മൂ​​ടി​​യ നെ​​ൽ​​വ​​യ​​ലു​​ക​​ൾ. ഇ​​വി​​ടെ മ​​ഴ പെ​​യ്​​​തി​​ട്ട്​ അ​​ഞ്ചു വ​​ർ​​ഷ​​മാ​​യി എ​​ന്ന്​ അ​​ടു​​ത്തി​​രു​​ന്ന പ്രാ​​യ​​മാ​​യ ആ​​ൾ പ​​റ​​ഞ്ഞു. ചെ​​ട്ടി​​നാ​​ട്​ പ​​ഞ്ഞി​​ക​​മ്പ​​നി​​യ​​തി​​ൽ തൊ​​ഴി​​ലാ​​ളി​​യാ​​യി​​രു​​ന്നു മു​​രു​​ക​​ൻ. ഇ​​പ്പോ​​ൾ വി​​ര​​മി​​ച്ചു.

മ​​ഴ​​യി​​ല്ലാ​​ത്ത​​തി​​നാ​​ൽ കൃ​​ഷി​​യി​​ട​​ങ്ങ​​ൾ മു​​ഴു​​വ​​ൻ കാ​​ടു​​ക​​യ​​റി​​യ​​താ​​ണെ​​ന്ന്​ അ​​ദ്ദേ​​ഹം പ​​റ​​ഞ്ഞു. കൃ​​ഷി​​യി​​ല്ലാ​​തെ നാ​​ട്ടു​​കാ​​ർ പ​​ട്ടി​​ണി​​യി​​ലാ​​കു​​ന്നു. ചി​​ല​​ർ ക​​ല്ലു​​പ​​ണി​​ക്ക്​ പോ​​കു​​ന്നു. കു​​ടി​​വെ​​ള്ളം തൃ​​ച്ചി​​യി​​ൽ നി​​ന്ന്​ എ​​ത്ത​​ണം. ഒ​​രു സ്ഥ​​ല​​ത്ത്​ വ്യാ​​പ​​ക​​മാ​​യി ക​​ശു​​മാ​​വ്​ കൃ​​ഷി. റോ​​ഡി​െ​​ൻ​​റ ഒ​​രു​​വ​​ശ​​ത്ത്​​ കു​​ടി​​ലു​​കെ​​ട്ടി ക​​ശു​​വ​​ണ്ടി വ​​റ​​ക്കു​​ന്ന സ്​​​ത്രീ​​ക​​ൾ. ചി​​ല കൃ​​ഷി​​യി​​ട​​ങ്ങ​​ൾ ക​​ഴി​​ഞ്ഞാ​​ൽ കി​​ലോ​​മീ​​റ്റ​​റു​​ക​​ൾ നീ​​ളു​​ന്ന യൂ​​ക്കാ​​ലി​​പ്​​​റ്റ​​സ്, കാ​​റ്റാ​​ടി പ്ലാ​േ​​ൻ​​റ​​ഷ​​നു​​ക​​ൾ.

കാരയ്ക്കുടിയിൽ പച്ചക്കറി വിൽക്കുന്ന സ്ത്രീകൾ
തി​​രു​​ണ​​യ​​ത്ത് എ​​ത്തു​​മ്പോ​​ൾ ഹൈ​​വേ ര​​ണ്ടാ​​യി പി​​രി​​യു​​ന്നു; ഇ​​ട​​ത്തേ​​ക്ക് പു​​തു​​ക്കോ​​ട്ട വ​​ഴി ത​​ഞ്ചാ​​വൂ​​ർ, വ​​ല​​ത്തേ​​ക്ക് കാ​​രൈ​​ക്കു​​ടി. കാ​​രൈ​​ക്കു​​ടി എ​​ന്ന ബോ​​ർ​​ഡ്​ വാ​​യി​​ച്ച​​പ്പോ​​ൾ പ​​രി​​ച​​യ​​മു​​ള്ള നാ​​ടു​​പോ​​ലെ തോ​​ന്നി. ഇ​​ന്ന് ജീ​​വി​​ച്ചി​​രി​​ക്കു​​ന്ന​​വ​​രി​​ൽ മൃ​​ദം​​ഗ​​ത്തി​​ലെ ര​​ണ്ടാ​​മ​​ൻ കാ​​രൈ​​ക്കു​​ടി മ​​ണി​​യു​​ടെ നാ​​ട്. താ​​ടി​​വെ​​ച്ച് വെ​​ള്ള വ​​സ്​​​ത്രം ധ​​രി​​ക്കു​​ന്ന മാ​​ന്ത്രി​​ക വി​​ര​​ലു​​ക​​ളു​​ള്ള മ​​ണി. ക​​ർ​​ണാ​​ട​​ക സം​​ഗീ​​തം അ​​തിെ​​ൻ​​റ എ​​ല്ലാ പ്രൗ​​ഡി​​യോ​​ടെ​​യും നി​​റ​​ഞ്ഞ് നി​​ൽ​​ക്കു​​ന്ന​​ത് ത​​ഞ്ചാ​​വൂ​​ർ സ​​മ്മാ​​നി​​ച്ച വൈ​​ഭ​​വം കൊ​​ണ്ടാ​​ണ്.
ത്രി​​മൂ​​ർ​​ത്തി​​ക​​ളാ​​യ ത്യാ​​ഗ​​രാ​​ജ​​സ്വാ​​മി​​യും ശാ​​മ​​ശാ​​സ്​​​ത്രി​​യും ദീ​​ക്ഷി​​ത​​രും ജ​​നി​​ച്ച തി​​രു​​വാ​​രൂ​​ർ ഇ​​നി​​യും അ​​ക​​ലെ​​യാ​​ണെ​​ങ്കി​​ലും ഇ​​വ​​ർ ത​​ഞ്ചാ​​വൂ​​രിൻെറ സം​​ഗീ​​ത​​ത്തെ ഉൗ​​ട്ടി​​വ​​ള​​ർ​​ത്തി. ത​​ഞ്ചാ​​വൂ​​ർ ടൗ​​ണി​​ൽ ബോ​​ർ​​ഡ്​ കാ​​ണാം തി​​രു​​വൈ​​യ്യാ​​ർ 13 കി​​ലോ​​മീ​​റ്റ​​ർ എ​​ന്ന്. ത്യാ​​ഗ​​രാ​​ജ​​സ്വാ​​മി സ​​മാ​​ധി കൊ​​ള്ളു​​ന്ന സ്ഥ​​ലം. ക​​രി​​ഞ്ഞു​​ണ​​ങ്ങി​​യ കാ​​വേ​​രി​​യു​​ടെ കൈ​​വ​​ഴി​​ക​​ൾ. ഒാ​​ർ​​മ​​യി​​ൽ നി​​ന്നൊ​​രു തി​​ര​​പ്പാ​​ട്ട്​; 'കാ​​വേ​​രി പാ​​ടാ​​മി​​നി സ​​ഖി നി​​ൻ ദേ​​വൻെറ സോ​​പാ​​ന​​മാ​​യ്...'


ബ​​സ്​ മാ​​റി​​ക്ക​​യ​​റി​​യ ഒ​​രു സ്​​​ത്രീ ടി​​ക്ക​​റ്റെ​​ടു​​ക്കാ​​നാ​​യി ക​​ണ്ട​​ക്​​​ട​​റോ​​ട്​ പ​​റ​​ഞ്ഞ സ്ഥ​​ലം കേ​​ട്ട​​​പ്പോ​​ൾ പി​​ന്നെ​​യും ഒ​​രു മൃ​​ദം​​ഗ​​ത്തിൻെറ താ​​ളം. മൃ​​ദം​​ഗ​​ത്തി​​​ലെ ഇ​​ന്ന​​ത്തെ ച​​ക്ര​​വ​​ർ​​ത്തി ഉ​​മ​​യാ​​ൾ​​പു​​രം ശി​​വ​​രാ​​മൻെറ സ്ഥ​​ലം. നീ​​ണ്ട വി​​ര​​ലു​​ക​​ളും നീ​​ണ്ട നെ​​റ്റി​​ത്ത​​ട​​വു​​മു​​ള്ള ഉ​​മ​​യാ​​ൾ​​പു​​ര​​ത്തിൻെറ നെ​​റ്റി​​യി​​ലെ നീ​​ള​​ൻ വ​​ര​​ക്കു​​റി. ഉ​​മ​​യാ​​ൾ​​പു​​ര​​ത്തേ​​ക്ക​​ല്ല വ​​ണ്ടി പോ​​കു​​ന്ന​​ത്, എ​​തി​​ർ​​വ​​ശ​​ത്തേ​​ക്ക്. അ​​തു​​കൊ​​ണ്ട്​ അ​​ടു​​ത്ത സ്​​​റ്റോ​​പ്പാ​​യ പാ​​പ​​നാ​​ശ​​ത്തി​​റ​​ങ്ങി​​ക്കൊ​​ള്ളാ​​ൻ ക​​ണ്ട​​ക്​​​ട​​ർ പ​​റ​​ഞ്ഞു. പി​​ന്നെ​​യും സം​​ഗീ​​തം. ത​​ഞ്ചാ​​വൂ​​രി​​ൽ ജ​​നി​​ച്ചു​​വ​​ള​​ർ​​ന്ന തെ​​ലു​​ങ്ക​​നാ​​ണ്​ ത്യാ​​ഗ​​രാ​​ജ​​സ്വാ​​മി എ​​ങ്കി​​ൽ ത​​മി​​ഴ​​ർ ത​​മി​​ഴ്​​​ത്യാ​​ഗ​​രാ​​ജ എ​​ന്നു വി​​ളി​​ക്കു​​ന്ന പാ​​പ​​നാ​​ശം ശി​​വ​െ​​ൻ​​റ നാ​​ട്.

ന​​മ്മു​​ടെ തി​​രു​​വ​​ന​​ന്ത​​പു​​ര​​ത്ത്​ കു​​റ​​കൊ​​ലം ജീ​​വി​​ച്ചി​​ട്ടു​​ണ്ട്​. അ​​നേ​​കം കീ​​ർ​​ത്ത​​ന​​ങ്ങ​​ളും ഗാ​​ന​​ങ്ങ​​ളും എ​​​ഴു​​തി​​യ പാ​​പ​​നാ​​ശം ശി​​വ​​ൻ. ഒ​​രി​​ക്ക​​ലും മ​​റ​​ക്കി​​ല്ല അ​​ദ്ദേ​​ഹ​​ത്തി​െ​​ൻ​​റ 'എ​​ന്ന ത​​വം ശെ​​യ്​​​ദ​​നി യ​​ശോ​​ദാ..' എ​​ന്ന കീ​​ർ​​ത്ത​​നം. ത​​ഞ്ചാ​​വൂ​​രി​​ലെ പ​​ഴ​​യ ബ​​സ്​​​സ്റ്റാ​​ൻ​​റി​​ൽ വ​​ണ്ടി നി​​ന്നു. അ​​ഞ്ച്​ രൂ​​പ​​ക്ക്​ ഇ​​വി​​ടെ കും​​ഭ​​കോ​​ണ​​ത്ത്​ പ്ര​​ശ​​സ്​​​ത​​മാ​​യ ഫി​​ൽ​​ട്ട​​ർ കോ​​ഫി കി​​ട്ടും. പെ​​രി​​യ​​കോ​​വി​​ൽ​​വ​​ഴി​​യു​​ള്ള ബ​​സി​​ൽ ക​​യ​​റി​​യാ​​ൽ ത​​ഞ്ചാ​​വൂ​​രി​​ലെ ലോ​​ക​​പ്ര​​ശ​​സ്​​​ത​​മാ​​യ ബൃ​​ഹ​​ദീ​​ശ്വ​​ര ​ക്ഷേ​​ത്ര​​ത്തി​​ലെ​​ത്താ​​മെ​​ന്ന്​ ചാ​​യ​​ക്ക​​ട​​ക്കാ​​ർ പ​​റ​​ഞ്ഞു​​ത​​ന്നു.

മധുര ക്ഷേത്രത്തിനോട്​ ചേർന്നുള്ള പുതുമണ്ഡപം
ബ​​സി​​റ​​ങ്ങി ന​​ട​​ക്കു​േ​​മ്പാ​​ൾ സം​​ര​​ക്ഷി​​ത ച​​രി​​ത്ര​​സ്​​​മാ​​ര​​ക​​മാ​​യി ആ​​ർ​​ക്കി​​യോ​​ള​​ജി വി​​ഭാ​​ഗം സം​​ര​​ക്ഷി​​ക്കു​​ന്ന ചോ​​ള​​രാ​​ജാ​​വാ​​യ രാ​​ജ​​രാ​​ജ​​ചോ​​​ഴ​​ൻ നി​​ർ​​മി​​ച്ച ശി​​ൽ​​പ​​വൈ​​ഭ​​വ​​ത്തി​െ​​ൻ​​റ വി​​സ്​​​മ​​യ സ​​മുച്ച​​യം. ഒ​​രു ​മ​​ഹാ​​ഗോ​​പു​​ര​​ത്തിൻെറ വ​​ലു​​പ്പ​​​ത്തോ​​ളം മ​​ണ്ണി​​ട്ടു​​യ​​ർ​​ത്തി അ​​തി​​ലേ​​ക്ക്​ ആ​​ന​​ക​​ൾ വ​​ലി​​ച്ചു​​കൊ​​ണ്ടു​​പോ​​യ വ​​ൻ ശി​​ല​​ക​​ളി​​ൽ നി​​ന്ന്​ ശി​​ൽ​​പി​​ക​​ൾ കൊ​​ത്തി​​യൊ​​രു​​ക്കി​​യ ചൈ​​ത​​ന്യ​​മാ​​ർ​​ന്ന മ​​ഹാ​​ക്ഷേ​​ത്രം. ഇ​​വി​​ടെ ഉ​​യ​​രു​​ന്ന​​ത്​ ആ​​ദി​​താ​​ണ്ഡ​​വ​​ത്തിൻെറ നാ​​ദ​​വും നാ​​ദ​​രൂ​​പ​​മാ​​ർ​​ന്ന ശി​​ൽ​​പ​​ങ്ങ​​ളും.
ക​​ണ്ടാ​​ലും മ​​തി​​വ​​രാ​​ത്ത ക്ഷേ​​ത്രം. ത​​ഞ്ചാ​​വൂ​​രി​​ൽ നി​​ന്ന്​ കും​​ഭ​​കോ​​ണ​​ത്തേ​​ക്ക്​ പോ​​കുമ്പോ​​ൾ നേ​​ര​​ത്തെ ക​​ണ്ട പ്ര​​കൃ​​തി​​യ​​ല്ല, സ​​മൃ​​ദ്ധ​​മാ​​യി നെ​​ല്ലും പ​​രു​​ത്തി​​യും ഉ​​ഴു​​ന്നു​​മൊ​​ക്കെ വി​​ള​​യു​​ന്ന പാ​​ട​​ങ്ങ​​ൾ. ന​​ഗ​​ര​​മ​​ധ്യ​​ത്തി​​ൽ ​​ത​​ന്നെ​​യാ​​ണ്​ കും​​ഭ​​കോ​​ണം ക്ഷേ​​ത്രം. ഒ​​രി​​ക്ക​​ൽ രാ​​ജ്യ ത​​ല​​സ്ഥാ​​ന​​മാ​​യി​​രു​​ന്ന ത​​ഞ്ചാ​​വൂ​​രി​​നെ​​ക്കാ​​ൾ വ​​ലി​​യ വ്യ​​വ​​സാ​​യ ന​​ഗ​​ര​​മാ​​ണ്​ ഇ​​ന്ന്​ കും​​ഭ​​കോ​​ണം. നാ​​ടീ​​ജോ​​തി​​ഷ​​ത്തി​​നു​​പേ​​രു​​കേ​​ട്ട വൈ​​ത്തീ​​ശ്വ​​ര​​ൻ കോ​​വി​​ലി​​ലേ​​ക്ക്​ ഇ​​നി​​യും 55 കി​​ലോ​​മീ​​റ്റ​​ർ​​കൂ​​ടി പോ​​ക​​ണം. കേ​​ര​​ളം പോ​​ലെ പ​​ച്ച​​പ്പും വീ​​ടു​​ക​​ളും നി​​റ​​ഞ്ഞ ഇ​​ട​​ത്തി​​ലൂ​​ടെ​​യാ​​ണ്​ യാ​​ത്ര.
വൈത്തീശ്വരൻ കോവിൽ പരിസരം
വ​​ള​​രെ ചെ​​റി​​യ ടൗ​​ണാ​​ണ്​ വൈ​​ത്തീ​​ശ്വ​​ര​​ൻ കോ​​വി​​ൽ. നാ​​ടീ​​ജോ​​തി​​ഷ​​മാ​​ണ്​ ഇ​​വി​​ട​​ത്തെ വ്യ​​വ​​സാ​​യം. ധാ​​രാ​​ളം അ​​ന്യ​​നാ​​ട്ടു​​കാ​​ർ വ​​ന്നു​​പോ​​കു​​ന്നു. ശി​​വ​െ​​ൻ​​റ മ​​റ്റൊ​​രു ആ​​രാ​​ധ​​നാ​​രൂ​​പ​​മാ​​ണ്​ വൈ​​ത്തീ​​ശ്വ​​ര​​ൻ. ന​​മ്മു​​ടെ വൈ​​ദ്യ​​ർ എ​​ന്ന​​തു​​പോ​​ലെ അ​​സു​​ഖം മാ​​റ്റു​​ന്ന ശി​​വ​​നെ ത​​മി​​ഴ​​ർ ആ​​രാ​​ധി​​ക്കു​​ന്നു. ഇ​​വി​​ടെ നി​​ന്ന്​ ഏ​​ഴു കി​​​ലേ​​മീ​​റ്റ​​റേ ഉ​​ള്ളൂ ശീ​​ർ​​ഗാ​​ഴി​​ക്ക്. ഗാ​​ഢ​​മാ​​യ തൻെറ ശ​​ബ്​​​ദം കൊ​​ണ്ട്​ ഭ​​ക്തി​​ഗാ​​ന​​ങ്ങ​​ളെ രേ​​ഖ​​പ്പെ​​ടു​​ത്തി​​യ ശീ​​ർ​​ഗാ​​ഴി ഗോ​​വി​​ന്ദ​​രാ​​ജ​​ൻ എ​​ന്ന പാ​​ട്ടു​​കാ​​ര​െ​​ൻ​​റ നാ​​ട്. അ​​ക്കാ​​ല​​ത്ത്​ കേ​​ര​​ള​​ത്തി​​ൽ ജൂ​​നി​​യ​​ർ ശീ​​ർ​​ഗാ​​ഴി​​മാ​​രു​​ണ്ടാ​​യി​​രു​​ന്നു.'​​പി​​ള്ളൈ​​യാ​​ർ​​പ​​ട്ടി​​യി​​ൽ ഇ​​രു​​പ്പ​​വ​​നേ' എ​​ന്ന ശീ​​ർ​​ഗാ​​ഴി​​യു​​ടെ പാ​​ട്ട്​ കാ​​സെ​​റ്റി​​ൽ കേ​​ട്ടി​​ട്ടു​​ണ്ട്.
ത​​മി​​ഴി​​ലെ പ്രാ​​ചീ​​ന​​ക​​വി തി​​രു​​ജ്ഞാ​​ന​​സം​​ബ​​ന്ധ​​ർ ജ​​നി​​ച്ച​​തും ശീ​​ർ​​ഗാ​​ഴി​​യി​​ലാ​​ണ്. ഇ​​വി​​ടെ​​നി​​ന്ന്​ 15 കി​​ലോ​​മീ​​റ്റ​​ർ​​മാ​​ത്രം ചി​​ദം​​ബ​​ര​​​ത്തേ​​ക്ക്. സ​​പ്​​​ത​​സ്വ​​ര​​ങ്ങ​​ൾ കേ​​ൾ​​ക്കു​​ന്ന തൂ​​ണു​​ക​​ളു​​ള്ള ചി​​ദം​​ബ​​രം ക്ഷേ​​ത്രം. ത​​ഞ്ചാ​​വൂ​​രി​​നെ​​ക്കാ​​ൾ മ​​നോ​​ഹ​​ര​​മെ​​ന്ന്​ തോ​​ന്നി​​ക്കു​​ന്ന ക്ഷേ​​ത്രം. ശി​​വ​​ൻ ആ​​ദ്യം താ​​ണ്ഡ​​വം​​ചെ​​യ്​​​ത സ്ഥ​​ലം എ​​ന്ന്​ വി​​ശ്വ​​സി​​ക്കു​​ന്ന ഇ​​ടം. തി​​ല്ലെ എ​​ന്ന്​ വി​​ളി​​ക്കു​​ന്ന ഒ​​രു ക​​ണ്ട​​ൽ​​ചെ​​ടി നി​​റ​​ഞ്ഞ കാ​​ടാ​​യി​​രു​​ന്നു ഇ​​വി​​ടം. ഇ​​വി​​ടെ​​യാ​​യി​​രു​​ന്ന​​ത്രെ ശി​​വ​െ​​ൻ​​റ ആ​​ദി​​താ​​ണ്ഡ​​വം. അ​​ങ്ങ​​നെ ഇ​​വി​​ടെ ക്ഷേ​​ത്രം വ​​ന്നു. താ​​ണ്​​​ഡ​​വം ചെ​​യ്​​​ത ഇ​​ടം തി​​ല്ലെ​​സ്ഥാ​​നം എ​​ന്നും അ​​റി​​യ​​പ്പെ​​ട്ടു.
പു​തു​മ​ണ്ഡ​പ​ത്തി​ൽ വെ​ങ്ക​ല ശി​ൽ​പ​ങ്ങ​ളി​ൽ പേ​ര്​ കൊ​ത്തു​ന്ന ആ​ൾ
മു​​ത്തു​​സ്വാ​​മി ദീ​​ക്ഷി​​ത​​രു​​ടെ 'ആ​​ന​​ന്ദ​​ന​​ട​​ന​​പ്ര​​കാ​​ശം' എ​​ന്ന മ​​നോ​​ഹ​​ര​​മാ​​യ കീ​​ർ​​ത്ത​​ന​​ത്തി​​ൽ അ​​തെ​​ക്കു​​റി​​ച്ച്​ വ​​ർ​​ണി​​ക്കു​​ന്നു. 'ഭൂ​​തേ​​ശം ശാ​​ർ​​ദൂ​​ല ച​​ർ​​മാം​​ബ​​രം ചി​​ദം​​ബ​​രം ഭൂ​​സു​​ര​​ത്രി​​സ​​ഹ​​സ്ര​​മു​​നീ​​ശ്വ​​രം വി​​ശ്വേ​​ശ്വ​​രം ന​​വ​​നീ​​ത​​ഹൃ​​ദ​​യം സ​​ദ​​യ ഗു​​രു​​ഗു​​ഹ താ​​ത​​മാ​​ദ്യം വേ​​ദ​​വേ​​ദ്യം വീ​​ത​​രാ​​ഗി​​ണ​​മ​​പ്ര​​മേ​​യാ​​ദ്വൈ​​ത​​പ്ര​​തി​​പാ​​ദ്യം സം​​ഗീ​​ത​​വാ​​ദ്യ വി​​നോ​​ദ താ​​ണ്​​​ഡ​​വ​​ജാ​​ത ബ​​ഹു​​ത​​ര​​ഭേ​​ദ​​ചോ​​ദ്യം...' തി​​രു​​വൈ​​യാ​​റി​​ന​​ടു​​ത്ത്​ തി​​ല്ലൈ​​സ്ഥാ​​നം എ​​ന്നൊ​​രു ചെ​​റു​​​ഗ്രാ​​മ​​വു​​മു​​ണ്ട്. ഇ​​വി​​ടെ​​യും ഉ​​ണ്ട്​ ഒ​​രു ശി​​വ​​ക്ഷേ​​ത്രം.
ത്യാ​​ഗ​​രാ​​ജ​​സ്വാ​​മി​​യു​​​ടെ ശി​​ഷ്യ​​നാ​​യി​​രു​​ന്ന തി​​​ല്ലൈ​​സ്ഥാ​​നം രാ​​മ അ​​യ്യ​​ങ്കാ​​ർ ജീ​​വി​​ച്ചി​​രു​​ന്ന​​ത്​ ഇ​​വി​​ടെ​​യാ​​ണ്. അ​​​ദ്ദേ​​ഹ​​മാ​​ണ്​ ത്യാ​​ഗ​​രാ​​ജ​​കീ​​ർ​​ത്ത​​ന​​ങ്ങ​​ൾ പി​​ന്നീ​​ടു​​ള്ള ത​​ല​​മു​​റ​​ക്ക്​ പ​​ക​​ർ​​ന്നു​​കൊ​​ടു​​ത്ത​​ത്. അ​​ങ്ങ​​നെ തി​​ല്ലൈ​​സ്ഥാ​​നം ഒ​​രു സം​​ഗീ​​ത​​ശൈ​​ലി​​യു​​മാ​​ണ്.
Show Full Article
Girl in a jacket

Don't miss the exclusive news, Stay updated

Subscribe to our Newsletter

By subscribing you agree to our Terms & Conditions.

Thank You!

Your subscription means a lot to us

Still haven't registered? Click here to Register

TAGS:madhyamam travelvaitheeswaran koilthanjavur temple
Next Story