രാ​ജാ​വെ​ഴു​ന്ന​ള്ളി​യ ശം​ഖു​മു​ഖ​ത്ത്

ശംഖുമുഖത്തെ അസ്തമയം (ചിത്രങ്ങൾ: വാ​ജി​ദ് വെ​ളു​മ്പി​യം​പാ​ടം)

പ​​തി​​വി​​ലും നേ​​ര​​ത്തെ ക്ലാ​​സ​​വ​​സാ​​നി​​ച്ചു. ​എ​​ന്നാ​ൽ പി​​ന്നെ "എ​​ങ്ങോ​​ട്ടെ​​ങ്കി​​ലും ചെ​​റി​​യൊ​​രു യാ​ത്ര ആ​യാ​​ലോ"  എ​​ന്ന്  പ​​റ​​ഞ്ഞ് മു​​ഴു​​മി​​പ്പി​​ക്കും മു​​മ്പ് ഇ​​പ്പു​​റ​​ത്ത് ച​ങ്ങാ​തി​മാ​ർ പ്ലാ​​നി​​ങ് തു​​ട​​ങ്ങി. ഒ​​ടു​​വി​​ൽ ന​​റു​​ക്ക് വീ​​ണ​​ത് 'ശം​​ഖു​​മു​​ഖ'​​ത്തി​​നാ​​ണ്. ആ​​ന​​വ​​ണ്ടി​യു​ടെ ലോ​​ഫ്‌​​ളോ​​ർ കു​​ടും​​ബ​​ത്തി​​ലെ ഒ​​രു​​ത്ത​​നാ​​ണ് വ​​ന്ന​​ത്. തി​​ര​​ക്ക് ന​​ന്നേ കു​​റ​​വ്. പി​​റ​​കി​​ലെ സീ​​റ്റ് ഞ​​ങ്ങ​​ൾ​​ക്കു​​വേ​​ണ്ടി പ​​റ​​ഞ്ഞു​​വെ​​ച്ച പോ​​ലെ ഒ​​ഴി​​ഞ്ഞ് കി​​ട​​പ്പു​ണ്ടാ​യി​രു​ന്നു. അ​​ങ്ങ​​നെ ഞ​​ങ്ങ​​ളാ​​റു​​പേ​​ർ ശം​​ഖു​​മു​​ഖം ല​​ക്ഷ്യ​​മാ​​ക്കി യാ​​ത്ര തി​​രി​​ച്ചു. 
ഗ​​ട്ട​​റും, വ​​ള​​വു​​തി​​രി​​വു​​ക​​ളും ന​​ന്നേ കു​​റ​​വു​​ള്ള റോ​​ഡി​​ലൂ​​ടെ തെ​​ല്ലു​​വേ​​ഗ​​ത​​യോ​​ടെ​​ത്ത​​ന്നെ ആ​​ന​​വ​​ണ്ടി​യു​ടെ ന്യൂ​​ജ​​ൻ കു​​തി​​ച്ചു. എ​​വി​​ടു​​ന്നെ​​ന്നോ​​ർ​​മ​യി​​ല്ല, ക​​മ്പി​​ച്ചു​​രു​​ൾ ചേ​​ർ​​ത്തു കോ​​ർ​​ത്തി​​ണ​​ക്കി​​യ എ​​യ​​ർ​​പോ​​ർ​​ട്ടി​​ൻെ​റ കൂ​​റ്റ​​ൻ മ​​തി​​ൽ​​കെ​​ട്ടു​​ക​​ൾ ഞ​​ങ്ങ​​ളെ പി​​ന്തു​​ട​​രു​​ന്നു​​ണ്ടാ​​യി​​രു​​ന്നു. മു​​മ്പ് ഇ​​തു​​വ​​ഴി വ​​ന്ന​​പ്പോ​​ഴൊ​​ക്കെ മി​​നി​​മം ഒ​​ന്നു​​ര​​ണ്ട് വി​​മാ​​ന​​ങ്ങ​​ളെ​​യെ​​ങ്കി​​ലും കാ​​ണാ​​റു​​ള്ള​​താ​​ണ്. ഇ​​ന്ന് വി​​മാ​​ന​​ത്തി​​ൻെ​റ ഇ​​ര​​മ്പ​​ൽ പോ​​ലും കേ​​ട്ടി​ല്ല.​ബീ​ച്ചി​നോ​ട​​ടു​​ക്കാ​​റാ​​യെ​​ന്നു തോ​​ന്നി​​ച്ച് ഏ​​തൊ​​ക്കെ​​യോ ക​​ട​​ൽ​​പ​​ക്ഷി​​ക​​ൾ ആ​​കാ​​ശ​​ത്ത് വ​​ട്ട​​മി​​ട്ട് പ​​റ​​ക്കു​​ന്ന​ത് ക​ണ്ടു. മ​​നോ​​ഹ​​ര​​മാ​​യ ഒ​രു റോ​​ഡി​​ന്റെ അ​​രി​​കു​​പ്പ​​റ്റി ബ​​സ് നി​​ന്നു.


ബ​​സ്സി​​റ​​ങ്ങു​​ന്ന​​ത് ത​​ന്നെ മ​​ണ​​ലി​​ലേ​​ക്കാ​​ണ്.
"ശം​​ഖു​​മു​​ഖം.. ശം​​ഖു​​മു​​ഖം..."
ഞ​​ങ്ങ​​ളി​​റ​​ങ്ങി​​ക്ക​​ഴി​​ഞ്ഞി​​ട്ടും ക​​ണ്ട​​ക്ട​​റ​​ണ്ണ​​ൻ ഉ​​റ​​ക്കെ വി​​ളി​​ച്ചു​​പ​​റ​​ഞ്ഞു​​കൊ​​ണ്ടേ​​യി​​രു​​ന്നു. 
നി​​ർ​​മാ​​ണം പൂ​​ർ​​ത്തി​​യാ​​കാ​​ത്ത ക​​ല്ലു​​പാ​​കി​​യ പാ​​ത​​യോ​​ര​​ത്ത് ഐ​​സ്ക്രീം ക​​ച്ച​​വ​​ട​​ക്കാ​​ർ. ഇ​​ട​​തു​​വ​​ശ​​ത്ത് കാ​​നാ​​യി കു​​ഞ്ഞി​​രാ​​മ​​ൻെ​റ ക​​ര​​വി​​രു​​ത് -  അ​​സ്ത​​മ​​യം നോ​​ക്കി മ​​ന്ദ​​ഹ​​സി​​ക്കു​​ന്ന മ​​ത്സ്യ​​ക​​ന്യ​​ക! മു​​പ്പ​​ത്തി​​നാ​​ല് മീ​​റ്റ​​റോ​ളം വ​​ലു​പ്പ​​മു​​ണ്ട​​തി​​ന്. പേ​​ര​​റി​​യാ​​ത്ത ചെ​​റു​​മ​​ര​​ങ്ങ​​ളു​​ടെ ത​​ണ​​ലു​​പ​​റ്റി ഒ​​രു​​പാ​​ട് പേ​​ർ ഇ​​രി​​പ്പു​​ണ്ടി​​വി​​ടെ. 
നൂ​​റു​​നൂ​​റ്റാ​​ണ്ടി​​ൻെ​റ പാ​​ര​​മ്പ​​ര്യ​​മു​​ള്ള അ​​ന​​ന്ത​​പു​​രി​​യു​​ടെ പ്ര​​ധാ​​ന ജ​​ല​​തീ​​ർ​​ഥ​​ങ്ങ​​ളി​​ൽ ഒ​​ന്നാ​​യ 'ശം​​ഖു​​തീ​​ർ​​ത്ഥം' എ​​ന്ന പേ​​ര​​ത്രെ പി​​ന്നീ​​ട് ശം​​ഖു​​മു​​ഖം എ​​ന്നാ​​യി മാ​​റി​​യ​​ത്. ശ്രീ​പ​​ത്മ​​നാ​​ഭ​​സ്വാ​​മി ക്ഷേ​​ത്ര​​ത്തി​​നും രാ​​ജ​​കു​​ടും​​ബ​​ത്തി​​നും ശം​​ഖു​​മു​​ഖ​​വു​​മാ​​യി അ​​ഭേ​​ദ്യ​​മാ​​യ ബ​​ന്ധ​​മു​​ണ്ട്. ശ്രീ​പ​​ത്മ​​നാ​​ഭ​​സ്വാ​​മി ക്ഷേ​​ത്ര​​ത്തി​​ലെ പ്ര​​ധാ​​ന​​പ്പെ​​ട്ട പ​​ല പൂ​​ജ​​ക​​ളും ശം​​ഖു​​മു​​ഖം​​തീ​​ര​​ത്താ​​ണ് ന​​ട​​ക്കാ​​റു​​ള്ള​​തെ​​ന്ന് എ​​വി​​ടെ​​യോ വാ​​യി​​ച്ച​​തോ​​ർ​​ക്കു​​ന്നു. മാ​​ത്ര​​മ​​ല്ല, ക്ഷേ​​ത്ര​​ത്തി​​ലെ ചി​​ല തു​​ര​​ങ്ക​​പ്പാ​​ത​​ക​​ൾ അ​​വ​​സാ​​നി​​ക്കു​​ന്ന​​ത് ശം​​ഖു​​മു​​ഖം തീ​​ര​​ത്താ​​ണെ​​ന്നും പ​​റ​​യ​​പ്പെ​​ടു​​ന്നു. മ​​ത്സ്യ​​ക​​ന്യ​​ക​​യു​​ടെ തൊ​​ട്ട​​പ്പു​​റ​​ത്ത് പു​​ല്ലി​​ൽ കി​​ട​​ന്നു വി​​ശ്ര​​മി​​ക്കു​​ന്ന ചെ​​റി​​യൊ​​രു സൂ​​ച​​ക പ്ര​​തി​​മ​​യു​​ണ്ട്. അ​​തി​​നു​​മു​​ക​​ളി​​ൽ ക​​യ​​റി​​മ​​റി​​ഞ്ഞു ഫോ​​ട്ടോ​​ക്ക് പോ​​സ് ചെ​​യ്യു​​ന്ന കു​​ട്ടി​​ക​​ൾ​​ക്ക​​രി​​കി​​ലൂ​​ടെ ഞ​​ങ്ങ​​ൾ താ​​ഴോ​​ട്ടി​​റ​​ങ്ങി.


തി​​രു​​വി​​താം​​കൂ​​ർ രാ​​ജ​​വം​​ശ​​ത്തി​ൻെ​റ സ്മ​​ര​​ണ​​യു​​ണ​​ർ​​ത്തി ക​​തി​​ർ​​മ​​ണ്ഡ​​പം അ​​വി​​ടെ ത​​ല​​താ​​ഴ്ത്തി​​യി​​രി​​പ്പു​​ണ്ട്. ശം​​ഖു​​മു​​ഖം തീ​​ര​​ത്തി​​ന്‌ പ​​ഴ​​മ​​യും പ്രൗ​​ഢി​​യും കീ​​ർ​​ത്തി​​യും ന​​ൽ​​കി​​യി​​രു​​ന്ന ക​​തി​​ർ​​മ​​ണ്ഡ​​പ​​ക​​ങ്ങ​​ൾ ആ​​ർ​​ക്കും വേ​​ണ്ടാ​​തു​​പേ​​ക്ഷി​​ച്ച പോ​​ലെ മൂ​​ക​​യാ​​യ് ത​​ല​​കു​​നി​​ച്ചു നി​​ൽ​​ക്കു​​ന്നു. ആ​​ധു​​നി​​ക വി​​ക​​സ​​ന സ്വ​​പ്ന​​ങ്ങ​​ൾ ക​​തി​​ർ​​മ​​ണ്ഡ​​പ​​ക​​ങ്ങ​​ളെ തെ​​ല്ലൊ​​ന്നു​​മ​​ല്ല നോ​​വി​​ക്കു​​ന്ന​​ത്. "ഇ​​തി​​വി​​ടെ അ​​ധി​​ക​​പ്പ​​റ്റാ​​യ​​ല്ലോ" എ​​ന്ന മ​​ട്ടി​​ൽ ക​​തി​​ർ​​മ​​ണ്ഡ​​പ​​ക​​ങ്ങ​​ളെ തു​​റി​​ച്ചു​​നോ​​ക്കു​​ന്ന ചി​​ല​​രെ​​യെ​​ങ്കി​​ലും ഞ​​ങ്ങ​​ൾ​​ക്ക് കാ​​ണാ​​നാ​​യി. ഒ​​ന്നു​​ര​​ണ്ട് ആ​​ർ​​മീ വാ​​ഹ​​ന​​ങ്ങ​​ളും, തോ​​ക്കു​​ധാ​​രി​​ക​​ളാ​​യ ഏ​​താ​​നും പ​​ട്ടാ​​ള​​ക്കാ​​രും അ​​വി​​ട​​വി​​ട​​ങ്ങ​​ളി​​ൽ ഉ​​ലാ​​ത്തു​​ന്നു​​ണ്ട്. വ​​ല്ല സു​​ര​​ക്ഷാ​​ഭീ​​ഷ​​ണി​​യും ഉ​​ണ്ടോ ആ​​വോ..? എ​​ൻെ​റ ചി​​ന്ത​​യ​​ങ്ങ് മ​​ല​​ക​​യ​​റി ക​​ശ്മീ​​രി​​ലും ല​​ഡാ​കി​ലു​​മൊ​​ക്കെ​​യെ​​ത്തി.  എ​​ന്തോ പ്ര​ധാ​ന പ​​രി​​പാ​​ടി ന​​ട​​ക്കാ​​നു​​ണ്ടെ​​ന്നു തോ​​ന്നു​​ന്നു. പ്ര​​ത്യേ​​ക​​മാ​​യി ഹൈ​​മാ​​സ് ലൈ​​റ്റു​​ക​​ൾ സ്ഥാ​​പി​​ച്ചി​​രി​​ക്കു​​ന്നു.
 


ക​​ന്യാ​​കു​​മാ​​രി ക​​ഴി​​ഞ്ഞാ​​ൽ അ​​സ്ത​​മ​​യം കാ​​ണാ​​ൻ ഏ​​റ്റ​​വും ഭം​​ഗി​​യു​​ള്ള​​ത് ശം​​ഖു​​മു​​ഖ​​ത്താ​​ണ​​ത്രെ. എ​​ന്താ​​യാ​​ലും ഇ​​ന്ന​​ത് ക​​ണ്ടി​​ട്ടു​​ത​​ന്നെ കാ​​ര്യം. സാ​​ധാ​​ര​​ണ തീ​​ര​​ങ്ങ​​ളി​​ൽ നി​​ന്നും വ്യ​​ത്യ​​സ്ത​​മാ​​യി ക​​ര​​യി​​ൽ നി​​ന്ന​​ൽ​​പം താ​​ഴെ​​യാ​​ണ് ഇ​​വി​​ടു​​ത്തെ ക​​ട​​ൽ​​ത്തീ​​രം. പ​​ടി​​യി​​റ​​ങ്ങി​​വേ​​ണം തീ​​ര​​ത്തെ​​ത്താ​​ൻ. പ​​ടി​​ക​​ൾ ആ​​രം​​ഭി​​ക്കു​​ന്നേ​​ട​​ത്ത് ചാ​​രു​​ബെ​​ഞ്ചു​​ക​​ൾ നി​​ര​​ത്തി​​യി​​രി​​ക്കു​​ന്നു. എ​​ല്ലാം ഹൗ​​സ്ഫു​​ൾ. ജീ​​വി​​ത​​ത്തി​​ന്റെ സാ​​യാ​​ഹ്ന​​ങ്ങ​​ളി​​ൽ എ​​ത്തി​​യ​​വ​​രാ​​ണ് ചാ​​രു​​ബെ​​ഞ്ചി​​ലി​​രി​​ക്കു​​ന്ന​​വ​​രി​​ൽ ഭൂ​​രി​​ഭാ​​ഗ​​വും. അ​​സ്ത​​മ​​യ സൂ​​ര്യ​​നൊ​​പ്പം ഗ​​ത​​കാ​​ല സ്മ​​ര​​ണ​​യി​​ലേ​​ക്കു ഊ​​ളി​​യി​​ടാ​​ൻ വ​​ന്ന​​വ​​രാ​​ണ​​വ​​ർ. ചൈ​​നീ​​സ് ക​​ളി​​പ്പാ​​ട്ട​​ങ്ങ​​ളു​​ടെ ക​​ച്ച​​വ​​ടം ത​​കൃ​​തി​​യാ​​യി ന​​ട​​ക്കു​​ന്നു. ലൈ​​റ്റു​​ക​​ൾ, മി​​ന്നു​​ന്ന പ​​ന്തു​​ക​​ൾ, ബ​​ലൂ​​ണു​​ക​​ൾ, പ​​മ്പ​​ര​​ങ്ങ​​ൾ മു​​ത​​ൽ ത​​ല​​യി​​ൽ വെ​​ക്കാ​​വു​​ന്ന പ്ര​​കാ​​ശി​​ക്കു​​ന്ന കൊ​​മ്പു​​ക​​ൾ വ​​രെ​​യു​​ണ്ട് കൂ​​ട്ട​​ത്തി​​ൽ. ഏ​​തോ ലാ​​യ​​നി​​യി​​ൽ മു​​ക്കി​​യൂ​​തു​​മ്പോ​​ൾ വ​​ർ​​ണ്ണ​​മു​​കു​​ള​​ങ്ങ​​ൾ മാ​​റി മാ​​റി വ​​രു​​ന്ന ക​​ളി​​പ്പാ​​ട്ട​​ത്തി​​നാ​​ണ് ആ​​വ​​ശ്യ​​ക്കാ​​റേ​​റെ​​യു​​ള്ള​​ത്. ഊ​​ത്തു​​കാ​​ര​​ൻ പ​റ​ത്തി​വി​ടു​ന്ന വ​​ർ​​ണ്ണ​​മു​​കു​​ള​​ങ്ങ​​ളെ കൈ​​പ്പി​​ടി​​യി​​ലൊ​​തു​​ക്കാ​​ൻ മ​​ണ​​ലി​​ലൂ​​ടെ മ​​ത്സ​​രി​​ച്ചോ​​ടു​​ന്ന കു​​സു​​മ​​ങ്ങ​​ൾ. കൂ​​ട്ട​​ത്തി​​ലൊ​​രു മു​​കു​​ളം എ​​ന്റെ മു​​ന്നി​​ലും വ​​ന്ന് വി​​റ​​ച്ചു​​പൊ​​ട്ടി.


കൂ​​റ്റ​​ൻ തി​​ര​​മാ​​ല​​ക​​ളാ​​ണി​​വി​​ടു​​ത്തെ വ​​ലി​​യൊ​​രു പ്ര​​ത്യേ​​ക​​ത. അ​​തി​​നാ​​ലാ​​കാം മ​​റ്റി​​ട​​ങ്ങ​​ളെ​​പ്പോ​​ലെ വെ​​ള്ള​​ത്തി​​ലി​​റ​​ങ്ങു​​ന്ന​​വ​​രും ന​​ന്നേ കു​​റ​​വാ​​ണ്. വി​​സി​​ലൂ​​തി വി​​ല​​സു​​ന്ന ഗാ​​ർ​​ഡു​​മാ​​രു​​ടെ ക​​ണ്ണു​​വെ​​ട്ടി​​ച്ച് വെ​​ള്ള​​ത്തി​​ലി​​റ​​ങ്ങു​​ന്ന വി​​രു​​ത​​ന്മാ​​രെ​​യും  കാ​​ണാ​​നി​​ല്ല. ഒ​​രു​​പി​​ടി ചി​​ത്ര​​ങ്ങ​​ളെ​​ടു​​ത്ത് ഡി​​ജി​​റ്റ​​ലാ​​യി ഓ​​ർ​​മ്മ​​യി​​ൽ കോ​​ർ​​ക്ക​​ണം. കു​​റ​​ച്ച​​ക​​ലേ​​ക്ക് ന​​ട​​ന്നു. ആ​​ൾ​​ക്കൂ​​ട്ട​​ങ്ങ​​ൾ​​ക്ക​​പ്പു​​റ​​ത്ത് ഞ​​ങ്ങ​​ളാ​​റു​​പേ​​ർ മാ​​ത്രം. തീ​​ര​​തി​​ര​​ക​​ൾ​​ക്ക് ചെ​​ഞ്ചാ​​യം പൂ​​ശി സൂ​​ര്യ​​ൻ ചു​​വ​​ന്നു തു​​ടു​​ത്തു. താ​​ഴ്ന്നു തു​​ട​​ങ്ങി​​യ സൂ​​ര്യ​​നെ അ​​തി​​ജ​​യി​​ക്കാ​​നെ​​ന്ന​​വ​​ണ്ണം​​കൂ​​റ്റ​​ൻ തി​​ര​​മാ​​ല​​ക​​ൾ ഉ​​യ​​ർ​​ന്നു​​പൊ​​ങ്ങി. പൊ​​ടു​​ന്ന​​നെ എ​​വി​​ടെ​​നി​​ന്നോ വ​​ന്ന കോ​​സ്റ്റ്ഗാ​​ർ​​ഡി​​ന്റെ ബോ​​ട്ട്  സൂ​​ര്യ​​ൻെ​റ ചെ​​ഞ്ചാ​​യ​​വ​​ട്ട​​ത്തി​​ന് ഒ​​ത്ത​​ന​​ടു​​വി​​ൽ! ഒ​​രു SLR ക്യാ​​മ​​റ ക​​യ്യി​​ലു​​ണ്ടാ​​യി​​രു​​ന്നു​​വെ​​ങ്കി​​ൽ എ​​ന്ന് ആ​​ദ്യ​​മാ​​യ് തോ​​ന്നി​​യ നി​​മി​​ഷം. മ​​ന​​സ്സി​​ല്ലാ മ​​ന​​സ്സോ​​ടെ സൂ​​ര്യ​​ൻ ത​​ല​​പൂ​​ഴ്ത്തി. സൂ​​ര്യ​​ൻ പോ​​യ​​ത​​റി​​യാ​​തെ തീ​​ര​​ത്തെ ചെ​​ഞ്ചാ​​യ​​വ​​ട്ടം പി​​ന്നെ​​യും അ​​ല്പ​​നേ​​രം കൂ​​ടി തീ​​ര​​ത്ത് ചു​​റ്റി​​ക്ക​​റ​​ങ്ങി.

ശംഖുമുഖത്തേക്കുള്ള ന്യൂജൻ ആനവണ്ടി. ഏറെ സുഖകരമാണ് ഈ യാത്ര
 


ശം​​ഖു​​മു​​ഖ​​ത്തെ അ​​സാ​​ധാ​​ര​​ണ​​തി​​ര​​ക്ക് അ​​ൽ​​പം അ​​ക​​ലെ​​നി​​ന്ന് ക്യാ​​മ​​റ​​ക്ക​​ണ്ണി​​ലൊ​​തു​​ക്കി ഞ​ങ്ങ​ൾ ന​​ട​​ന്നു. മു​​മ്പോ​​ട്ട് ന​​ട​​ക്കാ​​നു​​ള്ള വ​​ഴി​​ക​​ൾ​​പോ​​ലും കാ​​ണാ​​ത്ത​​വി​​ധം അ​​സാ​​മാ​​ന്യ തി​​ര​​ക്കാ​​ണ് ഞ​​ങ്ങ​​ൾ​​ക്ക് മു​​മ്പി​​ൽ. തി​​ക്കി​​ത്തി​​ര​​ക്കി മു​​ന്നോ​​ട്ട് ക​​യ​​റി. കു​​റു​​കെ കെ​​ട്ടി​​യ ക​​യ​​ർ ഞ​​ങ്ങ​​ളെ ത​​ട​​ഞ്ഞു.​ ആ​​ർ​​ക്കോ വേ​​ണ്ടി ക​​യ​​റു​​കെ​​ട്ടി അ​​ൽ​​പം വീ​​തി​​യു​​ള്ള പാ​​ത​​യൊ​​രു​​ക്കി​​യി​​രി​​ക്കു​​ന്നു. പാ​​ത​​യു​​ടെ അ​​ങ്ങേ​​യ​​റ്റം എ​​യ​​ർ​​പോ​​ർ​​ട്ടി​​ലേ​​ക്കാ​​ണ് തു​​റ​​ക്കു​​ന്ന​​ത്. വ​​യ​​ർ​​ലെ​​സു​​മാ​​യി പൊ​​ലീ​​സു​​കാ​​ർ ഉ​​ലാ​​ത്തു​​ന്നു. പെ​​ട്രോ​ മാ​​ക്സ് ലൈ​​റ്റു​​മാ​​യി ഒ​​രു​​പാ​​ട് പേ​​ർ ആ ​​താ​​ൽ​​കാ​​ലി​​ക പാ​​ത​​യി​​ൽ വെ​​ളി​​ച്ചം വീ​​ശു​​ന്നു​​ണ്ട്. ഏ​​തോ അ​​തി​​ഥി​​യാ​​ണ് വ​​രു​​ന്ന​​ത്. പ​​ക്ഷെ, കൊ​​ടി​​ക​​ളും, തോ​​ര​​ണ​​ങ്ങ​​ളും ഒ​​ന്നു​​മി​​ല്ല. ക​​യ​​റി​​ന​​ടി​​യി​​ലൂ​​ടെ കു​​നി​​ഞ്ഞ് ഞ​​ങ്ങ​​ൾ അ​​പ്പു​​റം ക​​ട​​ന്നു.
എ​​ന്നാ​​ലും ആ​​രാ​​കും വ​​രു​​ന്ന​​ത്? ആ​​കാം​​ക്ഷ സ​​ഹി​​ക്ക​​വ​​യ്യാ​​തെ എ​​തി​​രെ വ​​ന്ന ചേ​​ട്ട​​നോ​​ട് അ​​തി​​ഥി​​യെ​​ക്കു​​റി​​ച്ചാ​​രാ​​ഞ്ഞു
."രാ​​ജാ​​വാ​​ണ് വ​​രു​​ന്ന​​ത്.!"
"രാ​​ജാ​​വോ...?!"

രാജാവിൻെറ വരവ്
 


ഞ​​ങ്ങ​​ളു​​ടെ ആ​​ശ്ച​​ര്യം ക​​ണ്ടാ​​ക​​ണം അ​​യാ​​ൾ പ​​റ​​ഞ്ഞു​​തു​​ട​​ങ്ങി.. തി​​രു​​വി​​താം​​കൂ​​ർ രാ​​ജ​​വം​​ശ​​ത്തി​​ലെ അ​​വ​​സാ​​ന​​ത്തെ രാ​​ജാ​​വാ​​ണ​​ത്രെ, വ​​ർ​​ഷ​​ത്തി​​ലൊ​​രി​​ക്ക​​ൽ ആ​​റാ​​ട്ടു​​ദി​​വ​​സം പ​​രി​​വാ​​ര​​ങ്ങ​​ളോ​​ടൊ​​ത്ത് രാ​​ജാ​​വ് ശം​​ഖു​​മു​​ഖ​​ത്തേ​​ക്കു എ​​ഴു​​ന്ന​​ള്ളും. ഇ​​വി​​ടെ വ​​ന്നു പൂ​​ജ ക​​ഴി​​ഞ്ഞു മ​​ട​​ങ്ങും. ഇ​​ന്നേ ദി​​വ​​സം എ​​യ​​ർ​​പോ​​ർ​​ട്ട് പോ​​ലും പൂ​​ർ​​ണ്ണ​​മാ​​യി അ​​ട​​ച്ചി​​ടും. കോ​​ള​​ജ് മൂ​​ന്നു​​മ​​ണി​​ക്ക് വി​​ട്ട​​തി​​ന്റെ​​യും, എ​​യ​​ർ​​പോ​​ർ​​ട്ടി​​ൽ വി​​മാ​​ന​​ങ്ങ​​ളെ കാ​​ണാ​​ത്ത​​തി​​ന്റെ​​യും, ബീ​​ച്ചി​​ലെ അ​​സാ​​മാ​​ന്യ തി​​ര​​ക്കി​​ന്റെ​​യു​​മൊ​​ക്കെ ര​​ഹ​​സ്യം അ​​തോ​​ടെ ചു​​രു​​ള​​ഴി​​ഞ്ഞു വീ​​ണു. കാ​​ര്യ​​ങ്ങ​​ൾ ഇ​​ത്ര​​യൊ​​ക്കെ ആ​​യ സ്ഥി​​തി​​ക്ക് ഇ​​നി രാ​​ജാ​​വി​​നെ ക​​ണ്ടി​​ട്ടു​​ത​​ന്നെ കാ​​ര്യം. ഒ​​ത്തൊ​​രു സ്ഥ​​ല​​ത്ത്‌ ഞ​​ങ്ങ​​ൾ നി​​ല​​യു​​റ​​പ്പി​​ച്ചു. ബീ​​ച്ചി​​ലെ ഇ​​ല​​ക്ട്രി​​ക് ബ​​ൾ​​ബു​​ക​​ളെ​​ക്കാ​​ൾ പ്ര​​കാ​​ശം പാ​​ത​​യോ​​ര​​ത്ത് നി​​ര​​ത്തി​​വെ​​ച്ചി​​രി​​ക്കു​​ന്ന പെ​​ട്രോ​​ൾ മാ​​ക്സി​​നാ​​ണെ​​ന്നു തോ​​ന്നു​​ന്നു. പാ​​ത​​യു​​ടെ മ​​റു​​ത​​ല​​ക്ക​​ൽ ഏ​​താ​​നും മു​​ത്തു​​ക്കു​​ട​​ക​​ൾ കാ​​ണു​​ന്നു​​ണ്ട്. പെ​​ട്ടെ​ന്ന് ഗേ​​റ്റു​​ക​​ട​​ന്നു അ​​ഞ്ചാ​​റു കു​​തി​​ര​​പ്പ​​ട​​യാ​​ളി​​ക​​ൾ ക​​ട​​ന്നു​​വ​​ന്നു. ന​​ല്ല ഭം​​ഗി​​യു​​ള്ള ത​​ടി​​ച്ചു​​രു​​ണ്ട കു​​തി​​ര​​ക​​ൾ. പാ​​വം, ബീ​​ച്ചി​​ൽ സ​​വാ​​രി ന​​ട​​ത്തു​​ന്ന ചാ​​വാ​​ലി​​ക്കു​​തി​​ര​​ക​​ൾ ഇ​​വ​​യെ കാ​​ണ​​രു​​തേ​​യെ​​ന്നു ആ​​ത്മാ​​ർ​​ത്ഥ​​മാ​​യി ഞാ​​ൻ ആ​​ഗ്ര​​ഹി​​ച്ചു​​പോ​​യി. കു​​തി​​ര​​ക​​ൾ​​ക്കു പി​​റ​​കി​​ൽ ബാ​​ൻ​ഡു വി​​ദ​​ഗ്ദ്ധ​​രാ​​ണ്.   കൈ​യി​ൽ ദീ​​പ​​വു​​മേ​​ന്തി അ​​വ​​ർ​​ക്കു​​പി​​റ​​കി​​ൽ വ​​ലി​​യൊ​​രാ​​ൾ​​കൂ​​ട്ടം ത​​ന്നെ​​യു​​ണ്ട്. എ​​നി​​ക്ക് തൊ​​ട്ടു​​താ​​ഴെ മ​​ണ​​ൽ​​പാ​​ത​​യി​​ൽ നി​​ന്നി​​രു​​ന്ന പെ​​ട്രോ​​ൾ മാ​​ക്സു​​കാ​​ര​​ൻ അ​​തൊ​​ന്നു​​കൂ​​ടെ മേ​​ലോ​​ട്ടു​​യ​​ർ​​ത്തി ആ ​​വീ​​ഥി​​യി​​ൽ കൂ​​ടു​​ത​​ൽ വെ​​ട്ടം പ​​ര​​ത്തി.


ഇ​​തു​​വ​​രെ കേ​​ട്ടു​​പ​​രി​​ച​​യ​​മി​​ല്ലാ​​ത്ത ഏ​​തൊ​​ക്കെ​​യോ വാ​​ദ്യോ​​പ​​ക​​ര​​ണ​​ങ്ങ​​ളു​​ടെ ശ​​ബ്ദം കൂ​​ടി​​യാ​​യ​​പ്പോ​​ൾ കാ​​ല​​ച​​ക്രം ഞാ​​ന​​റി​​യാ​​തെ പ​​തി​​റ്റാ​​ണ്ടു​​ക​​ൾ പി​​റ​​കോ​​ട്ടു​​പോ​​യി. നി​​റം​​മ​​ങ്ങി അ​​രി​​കു​​കീ​​റി​​യ ച​​രി​​ത്ര​​പു​​സ്ത​​ക​​ത്തി​​ൽ വാ​​യി​​ച്ച​​റി​​ഞ്ഞ പ​​ഴ​​യ രാ​​ജ​​ഭ​​ര​​ണ​​ത്തി​​ന്റെ ബ്ലാ​​ക്ക്‌ ആ​​ൻ​​ഡ് വൈ​​റ്റ് ചി​​ത്ര​​ങ്ങ​​ൾ നി​​റം പ​​ക​​ർ​​ന്നു മു​​ന്നി​​ൽ പ്ര​​ത്യ​​ക്ഷ​​പ്പെ​​ട്ട പ്ര​​തീ​​തി.
കി​​രീ​​ടം ചൂ​​ടി മെ​​തി​​യ​​ടി ധ​​രി​​ച്ച രാ​​ജാ​​വി​​നെ​​ക്കാ​​ത്ത് നൂ​​റു​​ക​​ണ​​ക്കി​​നാ​​ളു​​ക​​ളോ​​ടൊ​​പ്പം ഞ​​ങ്ങ​​ളും ക​​ണ്ണു​​ന​​ട്ടു. ഒ​​രു സു​​ഗ​​ന്ധ​​വ്യ​​ഞ്ജ​​നം പു​​ക​​പ്പി​​ക്കു​​ന്നു​​ണ്ട​​വി​​ടെ. ആ​​കെ​​യൊ​​രു മാ​​യി​​ക​​വ​​ല​​യം. അ​​ൽ​​പം ഉ​​ട​​യാ​​ട​​ക​​ളോ​​ടെ​​ത്ത​​ന്നെ കു​​റി​​യൊ​​രു മ​​നു​​ഷ്യ​​ൻ തി​​ര​​ക്കി​​നി​​ട​​യി​​ൽ പ്ര​​ത്യ​​ക്ഷ​​നാ​​യി. തൊ​​ട്ട​​ടു​​ത്തു​​നി​​ന്ന ചേ​​ട്ട​​ൻ പ​​രി​​ച​​യ​​പ്പെ​​ടു​​ത്തി.
"അ​​താ​​ണ് ആ​​റാ​​ട്ടു​​മു​​ണ്ട​​ൻ. രാ​​ജാ​​വി​​ന് ക​​ണ്ണു​​ദോ​​ഷം വ​​രാ​​തി​​രി​​ക്കാ​​ൻ മു​​ന്നി​​ൽ ന​​ട​​ത്തു​​ന്ന​​യാ​​ളാ​​ണ്." വി. ​​എ​​സി​ൻെ​റ  "ആ​​റാ​​ട്ടു​​മു​​ണ്ട​​ൻ" പ്ര​​യോ​​ഗ​​ത്തി​​ന്റെ പൊ​​രു​​ൾ അ​​പ്പ​​ഴാ​​ണ് പി​​ടി​​കി​​ട്ടി​​യ​​ത്.
അ​​താ... മ​​ഹാ​​രാ​​ജാ​​വ് എ​​ഴു​​ന്ന​​ള്ളു​​ന്നു.


കി​​രീ​​ട​​മോ, ചെ​​ങ്കോ​​ലോ ഒ​​ന്നു​​മി​​ല്ല. ഉ​​ട​​യാ​​ഭ​​ര​​ണ​​ങ്ങ​​ളു​​മി​​ല്ല. പ​​ച്ച​​നി​​റ​​ത്തി​​ലു​​ള്ള ഭം​​ഗി​​യു​​ള്ള ത​​ല​​പ്പാ​​വ് ധ​​രി​​ച്ചി​​ട്ടു​​ണ്ട്. മു​​ഖ​​ത്തു വ​​ല്ലാ​​ത്തൊ​​രു പ്രൗ​​ഢി പ്ര​​ക​​ട​​മാ​​ണ്. പാ​​ത​​യോ​​ര​​ത്ത് തി​​ങ്ങി​​നി​​റ​​ഞ്ഞ ജ​​ന​​ങ്ങ​​ൾ ഭ​​ക്തി​​യാ​​ദ​​ര​​വോ​​ടെ​​രാ​​ജാ​​വി​​നെ താ​​ണു വ​​ണ​​ങ്ങി. തി​​രു​​വി​​താം​​കൂ​​ർ രാ​​ജ​​വം​​ശ​​ത്തി​​ലെ  മ​​ഹാ​​രാ​​ജാ​​വി​​നെ തൊ​​ട്ട​​ടു​​ത്തു​​നി​​ന്ന് കാ​​ണാ​​ൻ ക​​ഴി​​ഞ്ഞ നി​​ർ​​വൃ​​തി​​യി​​ലാ​​യി​​രു​​ന്നു ഞ​​ങ്ങ​​ൾ.  ഞ​​ങ്ങ​​ളി​​ല്ലാ​​തെ​​ന്താ​​റാ​​ട്ട് എ​​ന്ന മ​​ട്ടി​​ൽ കൂ​​റ്റ​​ൻ കൊ​​മ്പ​​നാ​​ന​​ക​​ൾ ര​​ണ്ടെ​​ണ്ണം. ചെ​​റി​​യൊ​​രു കു​​ട്ടി​​ക്കൊ​​മ്പ​​നും അ​​വ​​രെ അ​​നു​​ഗ​​മി​​ക്കു​​ന്നു​​ണ്ട്. എ​​ല്ലാ​​ത്തി​​ന്റെ​​യും കൊ​​മ്പു​​ക​​ളി​​ൽ എ​​ന്തോ തേ​​ച്ചു പി​​ടി​​പ്പി​​ച്ചി​​രി​​ക്കു​​ന്നു. ആ ​​അ​​ര​​ണ്ട വെ​​ളി​​ച്ച​​ത്തി​​ലും അ​​വ മി​​ന്നി​​ത്തി​​ള​​ങ്ങി.  ത​​ടി​​ച്ചു​​കൂ​​ടി​​യ ഭ​​ക്ത​​ജ​​ന​​ങ്ങ​​ൾ വ​​ഴി​​ക്കി​​രു​​വ​​ശ​​ത്തു നി​​ന്നും ആ ​​യാ​​ത്ര​​യി​​ൽ പ​​ങ്കു​​ചേ​​ർ​​ന്നു.

K.S. R.T.C. യുടെ Double Ducker ബസ്സിലാണ് ശംഖുമുഖത്തേക്ക് യാത്രയെങ്കിൽ യാത്രക്കു ഇരട്ടിമധുരമാകും. കൂടുതലറിയാൻ താഴെയുള്ള ലിങ്ക് സന്ദർശിക്കുക

http://www.keralartc.com/html/heritagedd.html

 

COMMENTS