ഏ​ക്താ​ര​യു​ടെ ഉ​ന്മാ​ദം

ചോ​പ്ത​യി​ൽ​നി​ന്ന് തും​ഗ​നാ​ഥി​ലേ​ക്ക് മ​ല​ക​യ​റു​മ്പോ​ൾ നി​ബി​ഢ വൃ​ക്ഷ​ങ്ങളാ​ലും പ​ച്ച​പ്പ​ര​വ​താ​നി വി​രി​ച്ച പു​ൽ​മേ​ടു​ക​ളാ​ലും സ​മ്പ​ന്ന​മാ​യ മ​ല​നി​ര​ക​ളി​ലേ​ക്ക് നോ​ക്കി അ​വ​ർ കു​റ​ച്ചു നേ​രം ഒ​രി​ട​ത്തു നി​ന്നു. തും​ഗ​നാ​ഥ് മ​ല​നി​ര​ക​ൾ​ക്കും താ​ഴ്‌​വ​ര​ക​ൾ​ക്കും അ​തീ​വ ശാ​ന്ത​വും ലാ​സ്യ​വു​മാ​ർ​ന്ന ഭാ​വ​മാ​ണെ​ന്ന് അ​വ​ർ​ക്കു തോ​ന്നി. ഒ​രേ സ​മ​യം പ്ര​ണ​യ​വും ശാ​ന്തി​യും അ​നു​ഭ​വി​പ്പി​ക്കു​ന്ന ആ​ക​ർ​ഷ​ണീ​യ​മാ​യ ഒ​രു ഭാ​വം ത​ന്നെ​യാ​ണ് അ​തെ​ന്ന് പ​റ​യാ​തെ വ​യ്യ.
 

ഹി​മാ​ല​യ​ത്തി​ലെ പ​ല​യി​ട​ത്തും യാ​ത്ര ചെ​യ്തി​ട്ടു​ണ്ടെ​ങ്കി​ലും ഇ​ത്ര​യും ഹൃ​ദ​യ​ഹാ​രി​യാ​യ മ​റ്റൊ​രി​ടം അ​നു​ഭ​വി​ച്ചി​ട്ടി​ല്ലെ​ന്ന് പ​റ​യാ​ൻ കാ​ര​ണ​വും അ​തു ത​ന്നെ​യാ​വാം. ഇ​വി​ടെ എ​ല്ലാ​മു​ണ്ട്. ക​ണ്ണെ​ത്താ ദൂ​ര​ത്തോ​ളം നീ​ണ്ടു​നി​വ​ർ​ന്നു കി​ട​ക്കു​ന്ന ഹി​മാ​വൃ​ത മ​ല​നി​ര​ക​ൾ. അ​തീ​വ ല​യ​മാ​ർ​ന്ന താ​ഴ്‌​വ​ര​ക​ൾ. വൃ​ക്ഷ നി​ബി​ഢ​മാ​യ മ​ല​നി​ര​ക​ൾ. റോ​ഡ​ഡ​ട്രോ​ൺ പൂ​ക്ക​ൾ നി​റ​ഞ്ഞു വി​രി​ഞ്ഞു നി​ല്ക്കു​ന്ന വൃ​ക്ഷ​ങ്ങ​ൾ. പൂ​ക്ക​ൾ വീ​ണ് പ​ത​പ​ത​പ്പാ​ർ​ന്ന വ​ഴി​ത്താ​ര​ക​ൾ. 
 

മൗ​നം നി​റ​യു​ന്ന ഉ​ന്മാ​ദ​ത്തി​ലേ​ക്ക് ഉ​ണ​ർ​ത്തി​ക്കൊ​ണ്ടു പോ​കു​ന്ന പ്ര​കൃ​തി പ്ര​തി​ഭാ​സ​ത്തി​നു മു​ന്നി​ൽ എ​ല്ലാം അ​ട​ങ്ങി​പ്പോ​കു​ന്നു. അ​റി​വു​ക​ളാ​യ അ​റി​വു​ക​ളെ​ല്ലാം വി​ന​യാ​ന്വി​ത​മാ​കു​ന്നു. മേ​ഘ​മ​ക​ന്ന് തെ​ളി​യു​ന്ന ഹി​മ​ശൃം​ഗ​ങ്ങ​ൾ​ക്കു മു​ന്നി​ൽ അ​ലി​ഞ്ഞു പോ​കു​ന്ന കാ​ർ​ക്ക​ശ്യ​ങ്ങ​ൾ. തെ​ളി​ഞ്ഞു വ​രു​ന്ന വെ​ളി​വു​ക​ൾ.
ഹി​മാ​ല​യം മ​നു​ഷ്യ​ബോ​ധ​ത്തെ ഇ​ത്ര​യും സ്വാ​ധീ​ന​ച്ച​ത് എ​ന്തു​കൊ​ണ്ട​ത് ബോ​ദ്ധ്യ​മാ​കു​ന്നു. അ​ത് അ​ത്ര ആ​ഴ​ത്തി​ലാ​ണ് ന​മ്മെ ന​മ്മോ​ട​ടു​പ്പി​ക്കു​ന്ന​ത്. ന​മ്മു​ടെ ഉ​ണ്മ​യി​ൽ നി​ന്നും അ​ക​ന്നു​പോ​കാ​തെ കാ​ക്കു​ന്ന​ത്.
 

ക​രി​ങ്ക​ല്ലു​പാ​കി​യ വ​ഴി​യി​ലൂ​ടെ അ​വ​ർ ന​ട​ന്നു . ക​ലു​ങ്കി​ലി​രു​ന്നു വി​ശ്ര​മി​ച്ചും പു​ൽ​മേ​ട്ടി​ൽ മേ​യു​ന്ന പ​ശു​ക്ക​ളെ​യും ആ​ടു​ക​ളെ​യും കൗ​തു​ക​ത്തോ​ടെ നോ​ക്കി​യി​രു​ന്നും അ​ങ്ങി​ങ്ങാ​യി വി​ശ്ര​മി​ക്കു​ന്ന പ​ഹാ​ഡി​ക​ളാ​യ സ്ത്രീ ​പു​രു​ഷ​ന്മാ​രു​ടെ ധൃ​തി​യി​ല്ലാ​യ്മ​യു​ടെ സൗ​ന്ദ​ര്യ​ത്തെ കൗ​തു​ക​ത്തോ​ടെ ആ​സ്വ​ദി​ച്ചും മു​ക​ളി​ലെ​ത്തി​യ​ത് അ​റി​ഞ്ഞ​തേ​യി​ല്ല. അ​തി​പു​രാ​ത​ന​മാ​യ ക്ഷേ​ത്ര​ത്തി​ലേ​ക്ക് പ്ര​വേ​ശി​ക്കു​ന്ന​തി​നു മു​മ്പു​ള്ള ചാ​യ​ക്ക​ട​ക​ളി​ൽ ആ​ദ്യ​ത്തേ​തി​ൽ ത​ന്നെ ക​യ​റി. എ​ല്ലാ ക​ട​യോ​ടും ചേ​ർ​ന്ന് ഒ​ന്നോ ര​ണ്ടോ മു​റി​ക​ളു​മു​ണ്ട്. അ​ഞ്ചോ ആ​റോ ക​ട​ക​ളേ​യു​ള്ളൂ. തും​ഗ​നാ​ഥി​ൽ താ​മ​സി​ക്കാ​ൻ ആ​ഗ്ര​ഹി​ക്കു​ന്ന​വ​ർ​ക്ക് അ​തൊ​രാ​ശ്വാ​സ​മാ​ണ്.
 

ഹ​രി എ​ന്നു പേ​രു​ള്ള പ്ര​സ​ന്ന​നാ​യ ചെ​റു​പ്പ​ക്കാ​ര​ൻ പ​ക​ർ​ന്നു​ത​ന്ന ചു​ടു​ചാ​യ കു​ടി​ച്ച് ജ​ന​ൽ​പ​ഴു​തി​ലൂ​ടെ കാ​ണാ​വു​ന്ന ഹി​മ​മ​ല​യെ ആ​സ്വ​ദി​ച്ചി​രി​ക്കു​മ്പോ​ഴാ​ണ് ഹ​രി​യു​ടെ ചോ​ദ്യം." ഇ​ന്നി​വി​ടെ താ​മ​സി​ച്ച് നാ​ളെ രാ​വി​ലെ ച​ന്ദ്ര​ശി​ല ക​ണ്ടി​ട്ട​ല്ലേ പോ​കൂ. അ​ല്ലേ?"
ഞ​ങ്ങ​ൾ ചി​രി​ച്ചു. അ​ദ്ദേ​ഹം ഞ​ങ്ങ​ൾ​ക്ക് മു​റി കാ​ണി​ച്ചു ത​ന്നു. ഒ​രു ദി​വ​സം ഇ​വി​ടെ താ​മ​സി​ക്കാ​തെ പോ​വു​ക​യെ​ന്ന​ത് അ​സാ​ധ്യ​മാ​ണെ​ന്ന് ഞ​ങ്ങ​ൾ​ക്കും തോ​ന്നി​യി​രു​ന്നു. പ്ര​ഭാ​തം വി​രി​ഞ്ഞു വ​രു​ന്ന​ത് ച​ന്ദ്ര​ശി​ല​യി​ലി​രു​ന്ന് ആ​സ്വ​ദി​ക്ക​ണ​മെ​ന്ന് പ​ല​രും പ​റ​ഞ്ഞി​രു​ന്നു. ത​നി ത​ങ്ക​നി​റ​ത്തി​ൽ ഹി​മ​ശൃം​ഗാ​ഗ്ര​ത്തി​ൽ ആ​ദ്യ സൂ​ര്യ​കി​ര​ണം ചും​ബി​ക്കു​ന്ന കാ​ഴ്ച അ​നി​ർ​വ​ച​നീ​യ​മാ​ണെ​ന്ന് അ​നു​ഭ​വി​ക​ൾ പ​റ​ഞ്ഞ​റി​ഞ്ഞി​ട്ടു​മു​ണ്ട്.
 

ഷൗക്കത്തും സഹയാത്രികരും സ്ഥല വാസികൾക്കൊപ്പം

 

180 ‌ ഡി​ഗ്രി വി​ശാ​ല​ത​യി​ൽ ഹി​മ മ​ല​നി​ര​ക​ളു​ടെ ദൃ​ശ്യം കാ​ണാ​വു​ന്ന ഏ​ക ഇ​ട​മാ​ണ് ച​ന്ദ്ര​ശി​ല. ചൗ​ക്ക​മ്പ​മ​ല​നി​ര​ക​ളും ശി​വാ​ലി​ക് മ​ല​നി​ര​ക​ളും കേ​ദാ​ർ​ഖ​ണ്ഡ് മ​ല​നി​ര​ക​ളും വ​ള​രെ അ​ടു​ത്തെ​ന്ന​പോ​ലെ ദ​ർ​ശി​ക്കാം. കൈ​ലാ​സ​വും എ​വ​റ​സ്റ്റും അ​ങ്ങ​ക​ലെ മ​ങ്ങി​ക്കാ​ണാം. പി​ന്നെ നി​ര​നി​ര​യാ​യ് തെ​ളി​ഞ്ഞും മ​ങ്ങി​യും അ​നേ​കാ​യി​രം ഹി​മ​ശൃം​ഗ​ങ്ങ​ൾ!
 

ക്ഷേ​ത്ര​ത്തി​നു പി​ന്നി​ലു​ള്ള ആ​കാ​ശ​ത്തേ​ക്കു കു​ത്തി നി​ൽക്കു​ന്ന​തു​പോ​ലു​ള്ള ആ ​ക​രിം​പാ​റ​യു​ടെ ഉ​ച്ചി​യി​ലേ​ക്ക് മു​ക്കാ​ൽ കി​ലോ​മീ​റ്റ​ർ ന​ട​ക്ക​ണം. ഒ​രു മ​ണി​ക്കൂ​റെ​ടു​ക്കും. അ​വി​ടെ ഇ​രു​ന്നു​ള്ള ആ ​അ​പൂ​ർ​വ്വ കാ​ഴ്ച അ​നു​ഭ​വി​ക്കു​ന്ന​തോ​ടെ​യാ​ണ് തും​ഗ​നാ​ഥ് യാ​ത്ര പൂ​ർ​ണ്ണ​മാ​വു​ക.
 

ക്ഷേ​ത്ര​ദ​ർ​ശ​നം ക​ഴി​ഞ്ഞ് അ​വ​ർ ചു​റ്റു​മ​തി​ലി​ന്റെ ഒ​രോ​ര​ത്ത് ഇ​രു​ന്നു. താ​ഴ് വ​ര​യി​ൽ മേ​ഘ​ങ്ങ​ൾ ശാ​ന്ത​മാ​യൊ​ഴു​കു​ന്നു. ഇ​ള​വെ​യി​ലി​ന്റെ സു​ഖം ത​ണു​പ്പി​നെ ആ​സ്വാ​ദ്യ​മാ​ക്കു​ന്നു​ണ്ട്. ആ​ര​തി​ക്കു​ള്ള മ​ണി​മു​ഴ​ങ്ങി​യ​പ്പോ​ഴാ​ണ് ധ്യാ​നാ​ത്മ​ക​മാ​യ ആ ​സു​ഖാ​ല​സ്യ​ത്തി​ൽ നി​ന്ന് അ​വ​രു​ണ​ർ​ന്ന​ത്. സ​മ​യം ഏ​ഴു മ​ണി​യാ​യി​രി​ക്കു​ന്നു.

(ഉ​ട​ൻ പ്ര​സി​ദ്ധീ​ക​രി​ക്കു​ന്ന 'ഏ​ക്താ​ര​യു​ടെ ഉ​ന്മാ​ദം' എ​ന്ന യാ​ത്രാ നോ​വ​ലി​ൽ നിന്നൊരു ഭാഗം)