Begin typing your search above and press return to search.
proflie-avatar
Login
exit_to_app
exit_to_app
Homechevron_rightTravelchevron_rightNaturechevron_rightമഴ പെയ്ത പകലിൽ...

മഴ പെയ്ത പകലിൽ വാൽപ്പാറയുടെ ഹരിതാഭയിൽ

text_fields
bookmark_border
മഴ പെയ്ത പകലിൽ വാൽപ്പാറയുടെ ഹരിതാഭയിൽ
cancel
camera_alt????????? ??? ??????? ???? ????????????? ?????????? ?????

ഓ​ണം ക​ഴി​ഞ്ഞ​പ്പോൾ സ്ഥി​രം ന​ട​ത്താ​റു​ള്ള വ​യ​നാ​ട് യാ​ത്ര വേ​ണ്ടെ​ന്ന് വെ​ച്ച് വീ​ട്ടി​ൽ ചു​മ്മാ​തി​രി​ക്കു​മ്പോ​ഴാ​ണ് വെ​ളി​പ്പാ​ടു​ണ്ടാ​യ​ത്, വാ​ൽ​പ്പാ​റ​യ്ക്ക് വ​ച്ച് പി​ടി​ക്കാ​മെ​ന്ന്.. കു​റേ മു​ൻ​പ് ക​ണ്ട ഫേ​സ്ബു​ക്ക് പോ​സ്റ്റു​ക​ളാ​യി​രു​ന്നു പ്രചോദനം.​ പോ​കു​മോ​യെ​ന്ന് യാ​തൊ​രു​റ​പ്പു​മി​ല്ലാ​ത്തൊ​രു  യാ​ത്ര​യാ​യി​രു​ന്നി​ട്ടും ഭ്രാ​ന്തി​ന് കൂ​ട്ടു​പി​ടി​ക്കാ​ൻ ആ​ളു​ണ്ടാ​യ​പ്പോൾ അ​ര​മ​ണി​ക്കൂ​റു​കൊ​ണ്ട് പു​റ​പ്പെ​ട്ടി​റ​ങ്ങി​പ്പോ​യ ഒ​രു യാ​ത്ര. വ​ഴി​യേ​തെ​ന്നോ എ​ങ്ങ​നെ​ന്നോ അ​റി​യാ​തെ​യും തീ​രു​മാ​നി​ക്കാ​തെ​യും ച​ത​യ​ത്തി​ന്റ​ന്നു​ച്ഛ​ക്ക് ഞ​ങ്ങ​ൾ നാ​ലു ബ​ല്യ മ​ൻ​ഷ​രും കാടെ​ന്ത് നാ​ടെ​ന്ത​ന്ന​റി​യാ​ത്ത മൂ​ന്ന് കു​ട്ടി​ക​ളും കൂ​ടി പൊ​ള്ളാ​ച്ചി വ​ഴി വാ​ൽ​പ്പാ​റ​ക്ക് പു​റ​പ്പെ​ട്ടി​റ​ങ്ങി. എ​ന്നും കാ​ർ​ട്ടൂ​ണും ക​ണ്ടി​രി​ക്ക​ണ പി​ള്ളേ​ർക്ക് കുറ​ച്ച് കാ​ടും മ​ല​യും കാ​ണി​ക്കാ​നെ​ന്ന വ്യാ​ജേ​ന ഞ​ങ്ങ​ൾക്ക് കു​റ​ച്ച് പ​ച്ച​പ്പും ഹ​രി​താ​ഭ​യും ക​ണ്ട് മ​ന​സി​നെ ഒ​ന്നു പ​റ​ത്തി വി​ടാ​ലോ​ന്ന്ള​ള നി​ഗൂ​ഢ ല​ക്ഷ്യ​വും ആ ​പു​റ​പ്പെ​ട്ട്പോ​ക്കി​നു​ണ്ടാ​യിരു​ന്നു.
 


കോ​ഴി​ക്കോ​ട് നി​ന്ന് പാ​ല​ക്കാ​ട് വ​ഴി പൊ​ള്ളാ​ച്ചി​യിലേക്കാ​ണ് നേ​രെ വ​ച്ചുപി​ടി​ച്ച​ത്. രാ​ത്രി  ഒ​ൻ​പ​ത് മ​ണി​യോ​ടെ​യാ​ണ് പൊ​ള്ളാ​ച്ചി എ​ത്തു​ന്ന​ത്, അ​വി​ടെ നി​ന്ന് 64 കി​ലോ​മീ​റ്റ​റാ​ണ് വാ​ൽ​പ്പാ​റ​യ്ക്ക്. അ​തു​കൊ​ണ്ട് അ​ന്ന​ത്തെ യാ​ത്ര പൊ​ള്ളാ​ച്ചി​യി​ൽ അ​വ​സാ​നി​പ്പി​ച്ചു.​ പി​റ്റേ​ന്ന് രാ​വി​ലെ മ​ഞ്ഞ് മൂ​ടി​യ വ​ഴി​യി​ലൂ​ടെ 40 ഹെ​യ​ർ പി​ന്ന് പി​ന്നി​ടാമെ​ന്ന് വി​ചാ​രി​ച്ചെ​ങ്കി​ലും അ​ത് ഒ​രു മാ​തി​രി വി​ചാ​രം മാ​ത്രം ആ​യി​പ്പോ​യി. 10 മ​ണി​ക്ക് ശേ​ഷ​മാ​ണ് പൊ​ള്ളാ​ച്ചി വാ​ൽ​പ്പാ​റ യാ​ത്ര തു​ട​ർ​ന്ന​ത്.  ഞ​ങ്ങ​ൾക്കാ​ർ​ക്കും കൃ​ത്യ​മാ​യി വ​ഴി​യ​റി​യാ​ത്ത​തു​കൊ​ണ്ടും ഒ​രൊ​റ്റ സൈ​ൻ ബോ​ർ​ഡ് പോ​ലും ഇം​ഗ്ലീ​ഷി​ലി​ല്ലാ​ത്ത​തു കൊ​ണ്ടും (ത​മി​ഴ​രു​ടെ മാ​തൃ​ഭാ​ഷാ​സ്നേ​ഹ​ത്തെ ന​മി​ച്ച് പോ​യി) ഗൂ​ഗി​ൾ ചേ​ച്ചി പ​റ​ഞ്ഞ വ​ഴി​ക്ക് പോ​യി ഞ​ങ്ങ​ൾക്ക് പ​ല ത​വ​ണ വ​ഴി​തെ​റ്റി.​

മഴക്കാഴ്ച
 


തെ​ന്നി​ന്ത്യ​ൻ ഭാ​ഷ​ക​ള​ത്ര​യും വ​ശ​മു​ള്ള ഞ​ങ്ങ​ളുടെ ചേ​ട്ട​ന്മാ​ര് ചോ​യി​ച്ച് ചോ​യി​ച്ച് പോ​വാ​ൻ തീ​രു​മാ​നി​ച്ചു.​ ത​മി​ഴ് ന​ന്നാ​യ​റി​യു​ന്ന​ത് കൊ​ണ്ട് അ​തും ഗം​ഭീ​ര വി​ജ​യ​മാ​യി​രു​ന്ന്. വ​ഴി​തെ​റ്റി തെ​റ്റി എ​ങ്ങ​ന​യോ വാ​ൽ​പ്പാ​റ റൂ​ട്ടി​ലെ​ത്തി. റോ​ഡ് ന​ല്ല​താ​യ​ത് കൊ​ണ്ടും ഞ​ങ്ങ​ടെ ഷൂ​മാ​ക്ക​റി (​സ​നൂ​പ് മോ​ഹ​ൻ)​ന്റെ സാ​ഹ​സി​ക​മാ​യ ഡ്രൈ​വിം​ങ് കൊ​ണ്ടും ഞ​ങ്ങ​ൾ പെ​ട്ട​ന്ന് ത​ന്നെ ആ​ളി​യാ​ർ ഡാം ​പ​രി​സ​ര​ത്തെ​ത്തി. ത​മി​ഴ്നാ​ട് ചെ​ക്ക് പോ​സ്റ്റ് പി​ന്നി​ട്ട് മു​ന്നോ​ട്ട് പോ​യി. 40 ഹെ​യ​ർ പി​ൻ വ​ള​വു​ക​ളു​ള്ള വാ​ൽ​പ്പാ​റ ചു​രം മാ​ത്ര​മാ​യി​രു​ന്നു ഞ​ങ്ങ​ളു​ടെ ല​ക്ഷ്യം. ഇ​ട​ക്ക് ഇ​റ​ങ്ങാ​ൻ ശ്ര​മി​ച്ചെ​ങ്കി​ലും ത​മി​ഴ്നാ​ട് വ​നം വ​കു​പ്പി​ൻെറ പെട്രോ​ളിം​ഗ് ജീ​വ​ന​ക്കാ​ർ അ​വി​ടെ​യെ​വി​ടെ​യും ഇ​റ​ങ്ങാ​ൻ അ​നു​വ​ദി​ച്ചി​ല്ല.

ലോം സ് വ്യൂ ​പോ​യി​ൻറ്
 


ഇ​ട​ക്ക് Monkeyടfalls ​എ​ന്ന വെ​ള്ള​ച്ചാ​ട്ട​വും ക​ട​ന്ന്  ലോം​സ് വ്യൂ ​പോ​യി​ന്റി​ൽ ഇ​റ​ങ്ങി. ആ​ളി​യാ​ർ ഡാ​മി​ന്റെ മ​നോ​ഹ​ര​മാ​യ ദ്യ​ശ്യം അ​വി​ടെ നി​ന്നും കാ​ണാം, അ​ക​ലെ​യാ​യി പൊ​ള്ളാ​ച്ചി​യും. ചു​ര​ത്തി​ൽ വ​ര​യാ​ടു​ക​ളും സിം​ഹ​വാ​ല​ൻ കു​ര​ങ്ങ​ന്മാ​രും കാ​ട്ടു​പ​ന്നി​ക​ളു​മു​ണ്ടാ​യി​രു​ന്നു. ചു​രം ക​യ​റി പോ​കു​മ്പോ​ൾ താ​ഴേ​ക്ക് നോ​ക്കി​യാ​ൽ ച​ങ്ക് പ​ട​പ​ടാ​ന്നി​ടി​ക്കു​ന്ന​ത് കേ​ൾ​ക്കാം. ന​മ്മ​ടെ താ​മ​ര​ശ്ശേ​രി ചു​ര​മൊ​ക്കെ എ​ന്തോ​ന്ന് ചു​ര​മെ​ന്ന് ചോ​ദി​ച്ചു പോ​കും. ഇ​ട​യ്ക്ക് ചെ​റി​യൊ​രു അ​ങ്ങാ​ടി​യു​ണ്ട്. ഭ​ക്ഷ​ണം അ​വി​ടു​ന്ന് വേ​ണ​മെ​ങ്കി​ൽ ക​ഴി​ക്കാം. അ​തി​ൽ കോ​ട്ട​ക്ക​ൽ​കാ​ര​നാ​യ ഒ​രു ചേ​ട്ട​ന്റെ ക​ട​യി​ൽ ക​യ​റി ചെ​റി​യൊ​രു ചാ​യ​ കു​ടി​ച്ച് യാ​ത്ര തു​ട​ർ​ന്നു.

തേയിലത്തോട്ടങ്ങളിലൊന്ന്
 

 
വാ​ൽ​പ്പാ​റ​യെ​ത്തും മു​ൻ​പേ ചു​റ്റി​ലും ക​ണ്ണെ​ത്താ ദൂ​ര​ത്തി​ൽ തേ​യി​ല​തോ​ട്ട​ങ്ങ​ൾ പ​ര​ന്നു കി​ട​ക്കു​ന്നു​ണ്ടാ​യി​രു​ന്നു. പി​ന്നീ​ടു​ള്ള യാ​ത്ര​യ​ത്ര​യും മ​ല​ക്ക​പ്പാ​റ വ​രെ തേ​യി​ല തോ​ട്ട​ങ്ങ​ൾ​ക്കി​ട​യി​ലൂ​ടെ​യാ​ണ്.  ആ​ന​യും പു​ലി​യു​മ​ട​ക്കം സ​ക​ല വ​ന്യ​ജീ​വി​ക​ളും ഈ ​തോ​ട്ട​ങ്ങ​ൾ​ക്കി​ട​യി​ലു​ണ്ട്. തോ​ട്ട​ങ്ങ​ൾ​ക്കി​ട​യി​ലൂ​ടെ ഒ​ഴു​കു​ന്ന ഒ​ട്ട​ന​വ​ധി കാ​ട്ട​രു​വി​ക​ളു​മു​ണ്ട്. ബാ​ലാ​ജി ടെം​ബി​ളി​ൽ പോ​യി വ​രും വ​ഴി അ​ത്ത​ര​ത്തി​ലൊ​രു അ​രു​വി​യി​ലേ​ക്ക് ഞ​ങ്ങ​ളി​റ​ങ്ങി. തി​രി​ച്ചു ക​യ​റു​മ്പോ​ഴേ​ക്കും കാ​ലി​ൽ നി​റ​യെ നൂ​ല​ട്ട​ക​ൾ പി​ടി​മു​റു​ക്കി​യി​രു​ന്നു. തേ​യി​ല തോ​ട്ട​ങ്ങ​ൾ​ക്കി​ട​യി​ൽ ത​ല​യു​യ​ർ​ത്തി നി​ൽ​ക്കു​ന്ന എ​സ്റേ​റ​റ്റ് ബം​ഗ്ലാ​വു​ക​ളും ഫാ​ക്ട​റി​ക​ളും മ​റ്റൊ​രു കാ​ഴ്ച​യാ​ണ്. കോ​ട വ​ന്ന് മൂ​ടു​ക​യും വെ​യി​ലി​ൽ പ്ര​ത്യ​ക്ഷ​പ്പെ​ടു​ക​യും ചെ​യ്യു​ന്ന ഇ​ത്ത​രം കെ​ട്ടി​ട​ങ്ങ​ളു​ടെ മേ​ൽ​ക്കൂ​ര​ക​ൾ പോ​ലും പ​ച്ച​മൂ​ടി കി​ട​ക്കു​ന്നു​ണ്ടാ​യി​രു​ന്നു.

തേയില തോട്ടങ്ങൾക്കിടയിലെ കാട്ടരുവികൾ
 

     
വാ​ൽ​പ്പാ​റ​യെ​ത്തു​ന്ന​തി​ന് മു​ൻ​പ് ത​ന്നെ ചാ​റ്റ​ൽ മ​ഴ​യും കോട​യും ഉ​ണ്ടാ​യി​രു​ന്നു. യാ​ത്ര വെ​റു​തെ​യാ​യി​ല്ലെ​ന്ന്  മ​ഴ​ക്കൊ​പ്പം ഞ​ങ്ങ​ളും പി​റു​പി​റു​ത്തു​കൊ​ണ്ടേ​യി​രു​ന്നു. വാ​ൽ​പ്പാ​റ ത​മി​ഴ് സി​നി​മ​ക​ളി​ലൊ​ക്കെ നാം ​ക​ണ്ട് ശീ​ലി​ച്ച ഒ​രു പ​ഴ​യ​കാ​ല ത​മി​ഴ് പ​ട്ട​ണ​ത്തെ ഓ​ർ​മ്മി​പ്പി​ച്ചു. അ​ടു​ക്കി പെ​റു​ക്കി വ​ച്ച ചെ​റി​യ ചെ​റി​യ കെ​ട്ടി​ട​ങ്ങ​ൾ. വ​ലി​യ തോ​തി​ൽ ന​ഗ​ര​വ​ത്ക്ക​ര​ണം ക​ട​ന്നു വ​രാ​ത്ത, എ​ന്നാ​ൽ അ​ത്യാ​വ​ശ്യ​സൗ​ക​ര്യ​ങ്ങ​ളെ​ല്ലാ​മു​ള​ള ഒ​ര​ങ്ങാ​ടി​യാ​ണ് വാ​ൽ​പ്പാ​റ. ഉ​ച്ച​ഭ​ക്ഷ​ണം ക​ഴി​ച്ച് ഞ​ങ്ങ​ൾ മ​ല​ക്ക​പ്പാ​റ​യ്ക്ക് വ​ച്ചു​പി​ടി​ച്ചു.​ വൈ​കി​ട്ട് അ​ഞ്ചു മ​ണി ക​ഴി​ഞ്ഞാ​ല്‍ മ​ല​ക്ക​പ്പാ​റ​യി​ല്‍ നി​ന്നും ചെ​ക്ക്‌ പോ​സ്റ്റ്‌ വ​ഴി വ​ണ്ടി​ക​ള്‍ ക​ട​ത്തി​വി​ടി​ല്ല, തി​രി​ച്ചു വാ​ഴ​ച്ചാ​ലി​ൽ നി​ന്നും.

വാൽപ്പാറ ടൗൺ
 


വാ​ൽ​പ്പാ​റ​യി​ൽ നി​ന്നും 26 കി​ലോ​മീ​റ്റ​ർ ഉ​ണ്ട് മ​ല​ക്ക​പ്പാ​റ​യ്ക്ക്. വ​ഴി​യി​ൽ ആ​ന​മ​ല​യും കൊ​ര​ന​ക് മു​ടി​യ്ക്കു​മി​ട​യി​ൽ ത​ല​യു​യ​ർ​ത്തി നി​ൽ​ക്കു​ന്ന ഷോ​ള​യാ​ർ ഡാം... ​എ​ഷ്യ​യി​ലെ ഏ​റ്റ​വും ആ​ഴ​മേ​റി​യ ഡാം ​കൂ​ടി​യാ​ണി​ത്. മ​ഴ ശ​ക്തി​യാ​യി പെ​യ്യാ​ൻ തു​ട​ങ്ങി​യി​രു​ന്നു. അതുകാരണം ഡാം ​പ​രി​സ​ര​ത്തേ​ക്ക് പോ​കാ​ൻ ഞ​ങ്ങ​ൾ​ക്കാ​യി​ല്ല... മ​ല​ക്ക​പ്പാ​റ​യി​ലെ​ത്തി​യ​തോ​ടെ റോ​ഡ് ഒ​ന്നു​കൂ​ടി ചെ​റു​താ​യി. കേ​ര​ള​ത്തി​ന്റെ അ​തി​ർ​ത്തി​യാ​ണ് മ​ല​ക്ക​പ്പാ​റ.​ ന​ല്ല പ​ച്ച​പ്പും ഹ​രി​താ​ഭ​യും മ​ഴ​യും കോ​ട​യും ഒ​ക്കെ​യാ​യി അ​ത്ര​യും സ​മ​യം യാ​ത്ര ന​ല്ല ക​ള​ർ​ഫു​ൾ ആ​യി​രു​ന്നെ​ങ്കി​ലും മ​ല​ക്ക​പ്പാ​റ മു​ത​ൽ ആ​തി​ര​പ്പ​ള്ളി വ​രെ വ​ല്ലാ​ത്ത നെ​ഞ്ചി​ടി​പ്പോ​ടെ​യാ​ണ് ഞ​ങ്ങ​ൾ യാ​ത്ര ചെ​യ്ത​ത്...


'കാ​ടി​നൊ​രു ഫോ​റ​സ്റ്റാ​യാ പോ​രാ​രു​ന്നോ'​ന്ന് തോ​ന്നി​പ്പി​ക്കു​ന്ന ഇ​ട​തൂ​ർ​ന്ന​കാ​ടും ന​ല്ല കി​ണ്ണം കാ​ച്ചി​യ മ​ഴ​യും മു​ന്നി​ലെ വ​ഴി മൂ​ടു​ന്ന കോ​ട​യും. ചി​ല​യി​ട​ങ്ങ​ളി​ൽ കു​ഴി​യാ​ണോ വ​ഴി​യാ​ണോ​ പു​ഴ​യാ​ണോ​ന്ന് സം​ശ​യി​പ്പി​ക്കു​ന്ന മ​ല​വെ​ള്ള​പാ​ച്ചി​ലും കാ​ട്ടു​മൃ​ഗ​ങ്ങ​ളും ഇ​രു​ട്ടും.  ഇ​തൊ​ക്കെ പോ​രാ​ഞ്ഞ് കു​ണ്ടും കു​ഴി​യും നി​റ​ഞ്ഞ  റോ​ഡും. പ​ത്ത​റു​പ​ത്തി​നാ​ല് കി​ലോ​മീ​റ്റ​ർ നെ​റ്റ് വർ​ക്ക് ഇ​ല്ലാ​ത്ത ഫോ​ണും.  മു​ത്ത​ങ്ങ​യി​ലൂ​ടെ പോ​കു​മ്പോൾ ആ​ന​യെ​യോ കാ​ട്ടു​പോ​ത്തി​നെ​യോ ക​ണ്ടി​ല്ല​ല്ലോ ക​ണ്ടി​ല്ല​ല്ലോ​ന്ന് വേ​വ​ലാ​തി​പ്പെ​ടു​ന്ന ഞ​ങ്ങ​ൾ ഈ ​വ​ക ജീ​വി​ക​ളൊ​ന്നും മു​ന്നി​പ്പെ​ട​ല്ലേ​യെ​ന്ന് മു​ട്ടി​പ്പാ​യി പ്രാ​ർ​ത്ഥി​ച്ചു. എ​ന്നി​ട്ടും റോ​ഡി​ന​രി​കി​ലെ വെ​ള്ള​ക്കെ​ട്ടി​ന​രി​കെ ആ​ന​യെ ക​ണ്ടു. ​

ഷോളയാർ ഡാം
 


കാ​ടൊ​ന്ന് തീ​ർ​ന്ന് ആ​ളും മ​നു​ഷ്യ​രും​ ഉള്ള വ​ല്ലോ​ട​ത്തു​മെ​ത്താ​ൻ വേ​ണ്ടി ഞ​ങ്ങ​ളി​രു​ന്ന ഒ​രി​രി​പ്പു​ണ്ട്.. കു​റ​ച്ച് കാ​ടും മ​ല​യും പ​ച്ച​പ്പും പ്ര​തീ​ക്ഷി​ച്ച ഞ​ങ്ങ​ളെ  കാ​ടി​ന്റെ വ​ന്യ​ത കാ​ണി​ച്ച് എ​ന്തി​ന് പ​രീ​ക്ഷി​ക്കു​ന്നെ​ന്ന് 101 ത​വ​ണ ചോ​ദി​പ്പി​ച്ചു കാ​ണും. എ​തി​ർ​വ​ശ​ത്ത് വാ​ഹ​നം വ​രു​മ്പോൾ പേ​ടി​യാ​ണ് സൈ​ഡ് കൊ​ടു​ക്കാ​ൻ​പോ​ലും സ്ഥ​ല​മി​ല്ലാ​തെ തി​ങ്ങി​യ കാ​ടാ​ണ് ചി​ല​യി​ട​ങ്ങ​ളി​ൽ. വേ​റെ സ്ഥ​ല​ങ്ങ​ളി​ൽ ചാ​ല​ക്കു​ടി​പ്പു​ഴ. അ​ഡ്വ​ഞ്ച​റ​സാ​യ യാ​ത്ര​ക​ൾ ഇ​ഷ്ട​പ്പെ​ടു​ന്ന​വ​ർ​ക്ക് ഈ ​വ​ഴി ഇ​ഷ്ട​പ്പെ​ടു​മെ​ങ്കി​ലും ആ​ന​ക്കൂ​ട്ട​ങ്ങ​ളും കാ​ട്ടു​പോ​ത്തു​ക​ളു​മ​ട​ക്കം സ​ക​ല​വ​ന്യ​ജീ​വി​ക​ളും ഇ​റ​ങ്ങു​ന്ന വ​ഴി കൂ​ടും ക​ടു​ക്ക​യും കു​ട്ടി​ക​ളു​മാ​യി യാ​ത്ര ചെ​യ്യു​ന്ന​വ​രെ ഭ​യ​പ്പെ​ടു​ത്തു​ന്ന​താ​ണ്.​ പ്ര​കൃ​തി ഭം​ഗി ആ​സ്വ​ദി​ക്കാ​നും അ​ഡ്വ​ഞ്ച​സ് റൈ​ഡിംഗി​നും പ​റ്റി​യ റൂ​ട്ടാ​ണ് പൊ​ള്ളാ​ച്ചി- വാ​ൽ​പ്പാ​റ- മ​ല​ക്ക​പ്പാ​റ-​ആ​തി​ര​പ്പ​ള്ളി - വാ​ഴ​ച്ചാ​ൽ. 
 

ആ​ളി​യാ​ർ ഡാം പരിസരം


   വാ​ഴ​ച്ചാ​ൽ ചെ​ക്ക് പോ​സ്റ്റ് ക​ഴി​ഞ്ഞ​തോ​ടെ റോ​ഡി​ന് വീ​തി കൂ​ടി.  വ​ഴി​യി​ൽ വെ​ട്ടോം വെ​ളി​ച്ച​വും കണ്ടു തുടങ്ങി. ആ​തി​ര​പ്പ​ള്ളി​യിൽ നിന്ന് ചാ​യ കു​ടി ക​ഴി​ഞ്ഞ് ഫുൾ എ​ന​ർ​ജി വീ​ണ്ടെ​ടു​ത്ത ഷൂ​മാ​ക്ക​ർ പ​റ​ഞ്ഞു, താ​മ​ര​ശ്ശേ​രി ചു​രം, മു​ത്ത​ങ്ങ​ക്കാ​ട് ... കാ​ട്ടി​ലെ മ​ഴ​ന്നൊ​ക്കെ പ​റ​ഞ്ഞ് ഇ​നി​യാ​രേ​ലും വ​ര​ട്ടെ.... എ​ന്താ​ണ് കാ​ടെ​ന്ന​റി​യാ​ൻ ഈ ​വ​ഴി പ​റ​ഞ്ഞ് വി​ട​ണം.
വാ​ൽ​പ്പാ​റ​യി​ലെ വ​ര​യാ​ടു​ക​ൾ
 


വാൽപ്പാറയെ അറിയുക:
 പ​ശ്ചി​മ​ഘ​ട്ട​ത്തി​ലെ മ​ഴ​കാ​ടു​ക​ൾ, ത​ണ​ൽ വി​രി​ച്ച ഇ​ടു​ങ്ങി​യ പാ​ത​യി​ലൂ​ടെ യാ​ത്ര മ​റ്റൊ​രു അ​നു​ഭ​വം ത​ന്നെ​യാ​ണ്. കേ​ര​ള ത​മി​ഴ​നാ​ട് അ​തി​ര്‍ത്തി​യി​ലെ മ​നോ​ഹ​ര​മാ​യ മ​ല​യോ​ര പ്ര​ദേ​ശ​മാ​ണ് വാ​ൽ​പ്പാ​റ.​ താ​ഴെ ആ​ളി​യാ​ര്‍ ഡാം, ​മു​ക​ളി​ല്‍ ഇ​ട​തൂ​ര്‍ന്ന കാ​ട്, മ​ല മു​ക​ളി​ല്‍ തേ​യി​ല തോ​ട്ട​ങ്ങ​ള്‍. 
ചാ​ല​ക്കു​ടി നി​ന്നും ആ​തി​ര​പ്പ​ള്ളി വാ​ഴ​ച്ചാ​ല്‍ വ​ഴി നേ​രെ പൊ​ള്ളാ​ച്ചി റോ​ഡു വ​ഴി, ആ​തി​ര​പ്പ​ള്ളി​യി​ല്‍ നി​ന്നും  ഒ​രു60- 64 കി​ലോ​മീ​റ്റ​ര്‍ കാ​ണും.​ അ​തി​ല്‍ മു​ക്കാ​ലും ഷോ​ള​യാ​ര്‍ റി​സ​ര്‍വ് ഫോ​റസ്റ്റാ​ണ്. നി​റ​യെ വ​ള​വു​ക​ളും തി​രി​വു​ക​ളും പോ​രാ​ത്ത​തി​ന് നി​റ​യെ കു​ണ്ടും കു​ഴി​ക​ളും മ​ഴ​യി​ൽ കു​ത്തി​യൊ​ഴു​ക്കു​ന്ന കാ​ട്ട​രു​വി​ക​ളും നി​റ​ഞ്ഞ​താ​ണ് ഈ ​റോ​ഡ്.​ 
 


വാൽപ്പാറ ചുരം: വാ​ല്‍പാ​റ​യി​ല്‍ നി​ന്നും പൊ​ള്ളാ​ച്ചി​ക്ക് പോ​കു​ന്ന വ​ഴി​യാ​ണ് വാ​ല്‍പാ​റ ചു​രം. 40 കൊ​ടും വ​ള​വു​ക​ളി​ലൂ​ടെ വ​ള​ഞ്ഞു പു​ള​ഞ്ഞു ക​യ​റു​ക​യും ഇ​റ​ങ്ങു​ക​യും ചെ​യ്യു​ന്ന ചു​രം. ഭൂ​മി​ശാ​സ്ത്ര​പ​ര​മാ​യി വാ​ൽ​പാ​റ ആ​ന​മ​ല പ​ർ​വ​ത നി​ര​ക​ളു​ടെ ഭാ​ഗ​മാ​ണ്.​ നാ​ലു സം​ര​ക്ഷി​ത മേ​ഖ​ല​ക​ളാ​ൽ ചു​റ്റ​പെ​ട്ടി​രി​ക്കു​ന്നു. ഇ​ന്ദി​രാ​ഗാ​ന്ധി വ​ന്യ​ജീ​വി സം​ര​ക്ഷ​ണ സ​ങ്കേ​തം, ചി​ന്നാ​ർ വ​ന്യ​ജീ​വി സം​ര​ക്ഷ​ണ സ​ങ്കേ​തം, ഇ​ര​വി​കു​ളം നാ​ഷ​ണ​ൽ പാ​ർ​ക്ക്, പ​റ​മ്പി​കു​ളം വ​ന്യ​ജീ​വി സം​ര​ക്ഷ​ണ സ​ങ്കേ​തം​ എ​ന്നി​വ​യാ​ണ് അ​വ. ആ​യ​തി​നാ​ൽ ത​ന്നെ യാ​ത്ര​യ്ക്കി​ടെ ആ​ന, കാ​ട്ടു​പോ​ത്ത്, മാ​ൻ സിം​ഹ​വാ​ല​ൻ കു​ര​ങ്ങ് തു​ട​ങ്ങി​യ കാ​ട്ടു ജീ​വി​ക​ളെ​യും കാ​ണാം. 

Show Full Article
Girl in a jacket

Don't miss the exclusive news, Stay updated

Subscribe to our Newsletter

By subscribing you agree to our Terms & Conditions.

Thank You!

Your subscription means a lot to us

Still haven't registered? Click here to Register

TAGS:madhyamam travelaliyar damvalparairaining
News Summary - valparai calling
Next Story