മ​ഞ്ഞ​ണി​ഞ്ഞ മാ​മ​ല​യി​ൽ...

പുൽമേട് ദൂരക്കാഴ്ച (ഫോട്ടോകൾ: പാർവതി എസ്​.എസ്​)

ഇ​ടു​ക്കി ജി​ല്ല​യി​ലെ പ​രു​ന്തും​പാ​റ​യി​ലേ​ക്ക് ഒരു ​യാ​ത്ര​പോ​യാ​ലോ!  പീ​രു​മേ​ട് നി​ന്നും എ​ട്ട് കി​ലോ​മീ​റ്റ​ർ അ​ക​ലെ​യു​ള​ള പ​രു​ന്തും​പാ​റ​ക്ക്  എ​ങ്ങ​നെ​യാ​വാം ഈ ​പേ​ര് കി​ട്ടി​ത് ? ഒ​രു​പ​ക്ഷേ ഇ​വി​ടെ കാ​ണു​ന്ന പാ​റ​യ്ക്ക് പ​രു​ന്തി​ൻെ​റ ത​ല​യു​ടെ രൂ​പ​സാ​ദൃ​ശ്യ​മു​ള​ള​തു​കൊ​ണ്ടാ​കാം. എ​ന്നാ​ൽ ഈ​യൊ​രു പാ​റ മാ​ത്ര​മ​ല്ല പ​രു​ന്തും​പാ​റ​യി​ലു​ള്ള​ത്. അ​തി​ലൊ​ന്നാ​ണ് ടാ​ഗോ​ർ പാ​റ. ടാ​ഗോ​റിൻെറ മു​ഖ​സാ​ദൃ​ശ്യ​മു​ള​ള ഒ​രു പാ​റ! കൂ​ടാ​തെ ആ​ന​യു​ടെ മ​സ്​​ത​ക​ത്തിൻെറ ആ​കൃ​തി​യു​ള​ള പാ​റ​യു​മു​ണ്ട്. പാ​റ​യു​ടെ ഈ ​രൂ​പ​ങ്ങ​ളും ഇ​ട​യ്ക്കി​ടെ​യു​ണ്ടാ​കു​ന്ന മൂ​ട​ൽ​മ​ഞ്ഞു​മാ​ണ് സ​മു​ദ്ര​നി​ര​പ്പി​ൽ നി​ന്നും 1200 അ​ടി ഉ​യ​ര​ത്തി​ലു​ള്ള ഇ​വി​ടേ​ക്ക് യാ​ത്ര​ക്കാ​രെ ആ​ക​ർ​ഷി​ക്കു​ന്ന​ത്.

പ​രു​ന്തും​പാ​റ​യി​ൽ എ​ത്തു​മ്പോ​ൾ..
 


ഇ​നി യാ​ത്ര​യു​ടെ വി​ശേ​ഷ​ങ്ങ​ളി​ലേ​ക്ക്: തേ​യി​ല​ത്തോ​ട്ട​ങ്ങ​ളും കു​ന്നു​ക​ളും ക​യ​റ്റ​വും താ​ണ്ടി ഉ​ച്ച​ക്ക് ഏ​ക​ദേ​ശം ര​ണ്ടു മ​ണി​ക്കാ​ണ് പ​രു​ന്തും​പാ​റ​യി​ൽ എ​ത്തി​യ​ത്. കാ​റ്റും കു​ളി​രു​മാ​ണ് ന​മ്മ​ളെ വ​ര​വേ​ൽ​ക്കു​ക. അ​തി​നാ​ൽ ത​ന്നെ വ​ണ്ടി​യി​ൽ  നി​ന്നും ഇ​റ​ങ്ങു​മ്പോ​ൾ കാ​റ്റ് അ​ടി​ച്ചു താ​ഴെ വീ​ഴാ​തി​രി​ക്കാ​ൻ ശ്ര​ദ്ധി​ക്ക​ണം. ത​ണു​ത്ത കാ​റ്റും മൂ​ട​ൽ​മ​ഞ്ഞും ആ​സ്വ​ദി​ക്കു​മ്പോ​ൾ ചി​ല​രെ​ങ്കി​ലും പ​റ​യു​ന്ന​ത് കേ​ൾ​ക്കാം – എ​ന്തി​നാ ഈ​ട്ടി​യി​ലും കൊ​ടൈ​ക്ക​നാ​ലു​മൊ​ക്കെ പോ​കു​ന്ന​ത് – എ​ന്ന്. നോ​ക്കി​നോ​ക്കി നി​ൽ​ക്കു​മ്പോ​ഴാ​ണ് മൂ​ട​ൽ​മ​ഞ്ഞ് എ​ത്തു​ന്ന​ത്. അ​തൊ​രു വി​സ്​​മ​യ​ക്കാ​ഴ്ച ത​ന്നെ​യാ​ണ്.

ബൈ​ക്ക് യാത്രാസംഘം ​പ​രു​ന്തും​പാ​റ​യി​ൽ
 


ഏതാനും മു​റു​ക്കാ​ൻ​ക​ട​ക​ളും ഐ​സ്​ ക​ച്ച​വ​ട​ക്കാ​രും ഇ​വി​ടെ ശ​ബ്ദ​മു​ഖ​രി​ത​മാ​ക്കു​ന്നു. എ​ൻ​ട്ര​ൻ​സ്​ ഫീ​യോ പാ​ർ​ക്കിം​ഗ് ഫീ​യോ ഇ​ല്ലാ​ത്ത കേ​ര​ള​ത്തി​ലെ ഏ​ക വി​നോ​ദ​സ​ഞ്ചാ​ര​കേ​ന്ദ്ര​മാ​ണി​ത്.  നീ​ണ്ടു നി​വ​ർ​ന്നു കി​ട​ക്കു​ന്ന മ​ല​ക​ളും വി​ശാ​ല​വും പ​ച്ച​യു​മാ​യ പു​ൽ​മേ​ടു​ക​ൾ, അ​ഗാ​ധ​മാ​യ താ​ഴ്വ​ര​ക​ൾ ഇ​വ​യെ​ല്ലാം പ​രു​ന്തും​പാ​റ​യെ ന​ല്ലൊ​രു ടൂ​റി​സ്റ്റ് കേ​ന്ദ്ര​മാ​ക്കു​ന്നു. ഉ​ച്ച​ക്ക് എ​ത്തി​യ​ത് തെ​റ്റി​പ്പോ​യോ എ​ന്ന് ആ​ദ്യം തോ​ന്നി​യെ​ങ്കി​ലും തെ​റ്റു പ​റ്റി​യി​ല്ലെ​ന്ന് പെ​ട്ടെ​ന്ന് ത​ന്നെ മ​ന​സ്സി​ലാ​യി. കോ​ട്ട​യം – കു​മ​ളി ഹൈ​വേ​യി​ൽ ക​ല്ലാ​ർ ജം​ഗ്ഷ​നി​ൽ നി​ന്ന് തി​രി​ഞ്ഞ് പ​രു​ന്തും​പാ​റ വ​രെ​യാ​ണ് വാ​ഹ​നം എ​ത്തും. ന​ട​ക്കേ​ണ്ട​തി​ല്ല എ​ന്ന് സാ​രം. അ​തി​നാ​ൽ ഏ​തു പ്രാ​യ​ക്കാ​ർ​ക്കും ഇ​വി​ടെ വ​രു​ന്ന​തി​നും സ്​​ഥ​ല​ങ്ങ​ൾ കാ​ണു​ന്ന​തി​നും യാ​തൊ​രു ബു​ദ്ധി​മു​ട്ടി​ല്ല.

പ്രകൃതി ദൃശ്യങ്ങൾ
 


വി​നോ​ദ​സ​ഞ്ചാ​രി​ക​ളു​ടെ അ​തി​പ്ര​സ​രം ഇ​ല്ലാ​ത്ത​തി​നാ​ൽ ഇ​വി​ടെ പ്ര​കൃ​തി അ​തി​ൻെ​റ ത​നി​മ ന​ഷ്​​ട​പ്പെ​ടാ​തെ നി​ൽ​ക്കു​ന്നു. ഇ​ട​യ്ക്ക് എ​ത്തു​ന്ന മൂ​ട​ൽ​മ​ഞ്ഞ് അ​തീ​വ മ​നോ​ഹാ​രി​ത പ​ക​രു​ന്നു. വാ​ഹ​ന​ത്തി​ൽ നി​ന്നും ഇ​റ​ങ്ങി​യാ​ൽ കാ​ണു​ന്ന മ​ല​മു​ക​ളി​ൽ നി​ന്നും നോ​ക്കു​മ്പോ​ഴു​ള്ള കാ​ഴ്ച​ക​ൾ ന​യ​ന​മ​നോ​ഹ​ര​മാ​ണ്. താ​ഴ്വ​ര​ക​ളും വ​ന​പ്ര​ദേ​ശ​വും നീ​രു​റ​വ​ക​ളും വെ​ള​ള​ച്ചാ​ട്ട​ങ്ങ​ളും തു​ട​ങ്ങി​യ ആ​കാ​ശ ദൃ​ശ്യം അ​ത്ര​യും ഹൃ​ദ​യ​സ്​​പ​ർ​ശി​യാ​ണ്. എ​ന്നാ​ൽ വേ​ലി​ക്കി​ട​യി​ലൂ​ടെ നു​ഴ​ഞ്ഞി​റ​ങ്ങി സാ​ഹ​സ​ങ്ങ​ളി​ലും ഏ​ർ​പ്പെ​ടു​ന്ന ചി​ല യു​വാ​ക്ക​ൾ, അ​പ​ക​ടം വി​ളി​ച്ചു​വ​രു​ത്തു​ന്നു​ണ്ട്. അ​ത്ത​രം സ്​​ഥ​ല​ങ്ങ​ളെ നാ​ട്ടു​കാ​ർ സൂ​യി​സൈ​ഡ് പോ​യി​ൻ്റ് എ​ന്ന് വി​ളി​ച്ചു​വ​രു​ന്നു.

പ​രു​ന്തും​പാ​റ
 


പ​രു​ന്തിൻെറ രൂ​പ​മു​ള​ള പാ​റ​യു​ടെ മു​ക​ളി​ലേ​ക്ക് ആ​ളു​ക​ൾ പോ​കു​ന്ന​ത് ക​ണ്ടു. പ​ക്ഷെ കു​ട്ടി​ക​ളെ​യും മ​റ്റും അ​ങ്ങോ​ട്ട് പോ​കാ​തി​രി​ക്കാ​ൻ മു​തി​ർ​ന്ന​വ​ർ ശ്ര​ദ്ധി​ക്ക​ണം. താ​ഴ്വ​ര​യു​ടെ ഭാ​ഗ​ങ്ങ​ളി​ൽ ക​മ്പി​വേ​ലി കെ​ട്ടി​യി​ട്ടു​ണ്ട്. കൂ​ടാ​തെ താ​ഴ്വ​ര​യു​ടെ ഭാ​ഗം മു​ത​ൽ കു​ന്നി​ൻ മു​ക​ൾ വ​രെ ന​ട​ക്കാ​ൻ ട്ര​ക്കിം​ഗ് റോ​ഡും നി​ർ​മ്മി​ച്ചി​ട്ടു​ണ്ട്. അ​തി​ലൂ​ടെ ന​ട​ന്ന് കാ​ഴ്ച​ക​ൾ കാ​ണാ​ൻ ആ​സ്വ​ദി​ക്കാ​നാ​കും. വാ​ഹ​ന​ങ്ങ​ൾ കു​ന്നി​ൻ മു​ക​ളി​ൽ പാ​ർ​ക്ക് ചെ​യ്ത് താ​ഴേ​ക്ക് ന​ട​ക്കു​ന്ന​വ​രെ​യും താ​ഴെ പാ​ർ​ക്ക് ചെ​യ്ത് മു​ക​ളി​ലേ​ക്ക് ന​ട​ക്കു​ന്ന​വ​രെ​യും കാ​ണാ​വു​ന്ന​താ​ണ്.

പരുന്തുംപാറ തെളിഞ്ഞ ആകാശത്തിൽ
 


സ​മ​യ​ക്കു​റ​വാ​ണെ​ങ്കി​ൽ അ​ര മ​ണി​ക്കൂ​ർ കൊ​ണ്ടും അ​ല്ലെ​ങ്കി​ൽ ഒ​ന്ന​ര മ​ണി​ക്കൂ​ർ വ​രെയും ​ഇ​വി​ടെ ചി​ല​വ​ഴി​ക്കാം. കാ​ഴ്ച​യി​ൽ ഒ​രി​ക്ക​ലും മു​ഷി​യാ​ത്ത ഈ ​സ്​​ഥ​ലം ഒ​രു ത​വ​ണ​യെ​ങ്കി​ലും സ​ന്ദ​ർ​ശി​ക്കണം. അ​ന​വ​ധി സി​നി​മ​ക​ളു​ടെ ലൊ​ക്കേ​ഷ​നാ​യ ഇ​വി​ടെ ഈ ​മൂ​ട​ൽ​മ​ഞ്ഞ് ആ​സ്വ​ദി​ക്കാ​നും കാ​ഴ്ച​ക​ൾ കാ​ണാ​നു​മാ​യി ദി​നം​പ്ര​തി ആ​യി​ര​ങ്ങ​ൾ എ​ത്തു​ന്നു. എ​ങ്കി​ലും ഈ ​സ്​​ഥ​ലം ഇ​നി​യും കേ​ര​ള​ത്തിൻെറ വി​നോ​ദ​സ​ഞ്ചാ​ര ഭൂ​പ​ട​ത്തി​ൽ സ്​​ഥാ​നം പി​ടി​ച്ചി​ട്ടി​ല്ല.

പരുന്തുംപാറയുടെ സ​മീ​പ​പ്ര​ദേ​ശ​ങ്ങ​ൾ
 


ഒരു പരിമിതിയായി അനുഭവപ്പെട്ടത്  മൂ​ത്ര​പ്പു​ര സൗ​ക​ര്യം പോ​ലും ഇ​വി​ടെ ഇ​ല്ലെന്നുള്ളതാണ്. അ​ഴി​ച്ചു​വി​ട്ട ഒ​ട്ട​ന​വ​ധി നാ​യ്ക്ക​ളെയും ഇ​വി​ടെ കാണാം. എന്നാൽ അ​വ ഉ​പ​ദ്ര​വ​കാ​രി​ക​ള​ല്ല. ക​ല്ലാ​റി​നും പ​രു​ന്തും​പാ​റ​യ്ക്കു​മി​ട​യി​ലു​ള​ള യാ​ത്ര​യും ന​യ​നാ​ന്ദ​ക​രം ത​ന്നെ. ശ​ബ​രി​മ​ല​യി​ൽ തെ​ളി​യു​ന്ന മ​ക​ര​ജ്യോ​തി​യും ഇ​വി​ടെ നി​ന്നും ദൃ​ശ്യ​മാ​കു​ന്ന​തി​നാ​ൽ മ​ക​ര​സം​ക്രാ​ന്തി ദി​ന​ത്തി​ൽ ഇ​വി​ടെ വ​ൻ​ജ​നാ​വ​ലി ഉ​ണ്ടാ​കും.

പ​രു​ന്തം​പാ​റ​യി​ൽ നി​ന്നും ദൃ​ശ്യ​മാ​കു​ന്ന വെ​ള​ള​ച്ചാ​ട്ടം
 


പ​രു​ന്തു​മ്പാ​റ​യി​ൽ എ​ത്താ​ൻ:
കോ​ട്ട​യം, പ​ത്ത​നം​തി​ട്ട ഭാ​ഗ​ത്ത് നി​ന്നും വ​രു​ന്ന​വ​ർ മു​ണ്ട​ക്ക​യ​ത്ത് എ​ത്തി അ​വി​ടെ നി​ന്നും കു​ട്ടി​ക്കാ​നം വ​ഴി പീ​രു​മേ​ട് എ​ത്തു​ക. പീ​രു​മേ​ട്ടി​ൽ നി​ന്നും 3.5 കി​ലോ​മീ​റ്റ​ർ കു​മി​ളി റോ​ഡി​ൽ യാ​ത്ര തു​ട​ർ​ന്നാ​ൽ ക​ല്ലാ​ർ ജം​ഗ്ഷ​നി​ൽ എ​ത്തി​ച്ചേ​രാം. അ​വി​ടെ നി​ന്നും വ​ല​ത്തേ​ക്ക് തി​രി​യു​ക. വീ​ണ്ടും 3.5 കി​ലോ​മീ​റ്റ​ർ ക​ഴി​യു​മ്പോ​ൾ പ​രു​ന്തും​പാ​റ​യി​ൽ എ​ത്താം.

സ​ഞ്ചാ​രി​ക​ൾ​ക്ക് കാ​ഴ്ച​ക​ൾ ക​ണ്ട് ന​ട​ക്കാ​നു​ള​ള ന​ട​പ്പാ​ത
 


തിരിച്ചുള്ള യാത്ര

മു​ണ്ട​ക്ക​യ​ത്ത് നി​ന്നും 26 കി​ലോ​മീ​റ്റ​ർ ദൂ​ര​മാ​ണ് പ​രു​ന്തും​പാ​റ​യി​ലേ​ക്ക് ഉ​ള്ള​ത്. പ​രു​ന്തും​പാ​റ​യി​ൽ നി​ന്നും തി​രി​കെ ക​ല്ലാ​റി​ൽ എ​ത്തി വ​ല​ത്തേ​ക്ക് തി​രി​ഞ്ഞ് 26 കി​ലോ​മീ​റ്റ​ർ സ​ഞ്ച​രി​ച്ചാ​ൽ പാ​മ്പ​നാ​ർ, വ​ണ്ടി​പെ​രി​യാ​ർ, കു​മി​ളി വ​ഴി തേ​ക്ക​ടി​യി​ലു​മെ​ത്താം.

 

COMMENTS