പോ​ളോ മു​ത​ല്‍ ജൂ​ഡോ വ​രെ

  • എരിവേറും മുളകുപാടങ്ങളിൽ- മണിപ്പൂർ യാത്ര- 04

നബുൽ നദി ഇംഫാൽ (ചിത്രങ്ങൾ: ജഷാദ് അച്ചു)

ഹോ​ട്ട​ലി​ലെ ലോ​ബി​യി​ല്‍ മ​ണി​പ്പൂ​ര്‍ ടൂ​റി​സ​ത്തി​ന്റെ ഒ​രു സ്ലൈ​ഡ് ചി​ല്ലി​ട്ട് വ​ച്ചി​ട്ടു​ണ്ട്. അ​തി​ല്‍ മ​ണി​പ്പൂ​രി സ്ത്രീ​ക​ളു​ടെ ക​രു​ത്തും നി​ശ്ച​യ​ദാ​ര്‍ഢ്യ​വും തു​ളു​മ്പു​ന്ന ശ​രീ​ര​ഭാ​ഷ​യു​മാ​യി മേ​രി കോം ​ഗു​സ്തി പി​ടി​ച്ചു​നി​ല്‍ക്കു​ന്നു​ണ്ട്. മേ​രി കോം ​മ​ണി​പ്പൂ​രി​ക​ളു​ടെ ഇ​പ്പോ​ഴ​ത്തെ ഇ​ഷ്ട വ​നി​ത​ക​ളി​ല്‍ ഒ​രാ​ളാ​ണ്. എ​ന്നാ​ല്‍, ന​മു​ക്ക് ഒ​രു പി.​ടി ഉ​ഷ​യെ​യോ അ​ഞ്ജു ബോ​ബി ജോ​ര്‍ജി​നെ​യോ ഒ​ക്കെ പോ​ലെ വി​ര​ലി​ലെ​ണ്ണാ​വു​ന്ന​വ​ര്‍ അ​ല്ല മ​ണി​പ്പൂ​രു​കാ​ര്‍ക്ക് അ​വ​ര്‍ക്കി​ട​യി​ലെ കാ​യി​ക മേ​ഖ​ല​യി​ലെ വ​നി​താ താ​ര​സാ​ന്നി​ധ്യം. ഫുട്ബാള്‍ ഫോ​ര്‍വാ​ഡ് ഗം​ഗം ബാ​ല​ദേ​വി, ഹോ​ക്കി താ​ര​ങ്ങ​ള്‍ സു​മ​ന്‍ ബാ​ല, സു​ശീ​ല ചാ​നു, ഇ​ബി​മാ​ള്‍ ചാ​നു മൈ​മം, വെ​യ്റ്റ് ലി​ഫ്റ്റ​ര്‍മാ​രാ​യ സ​ഞ്ചി​ത ചാ​നു, സോ​ണി​യ ചാ​നു, മീ​രാ​ബാ​യി ചാ​നു, കു​ഞ്ച​റാ​ണി ദേ​വി, ജി. ​അ​നി​താ ദേ​വി, ബോ​ക്‌​സ​ര്‍ എ​ല്‍. സ​രി​താ​ദേ​വി തു​ട​ങ്ങി ഒ​ട്ട​ന​വ​ധി വ​നി​താ നാ​മ​ങ്ങ​ള്‍ കാ​യി​ക മേ​ഖ​ല​യി​ല്‍ മ​ണി​പ്പൂ​രി​ന്റെ സ്വ​കാ​ര്യ അ​ഹ​ങ്കാ​ര​മാ​ണ്. 

ഇംഫാലിലെ പോളോ സ്റ്റേഡിയം
 


ഇ​തു മ​ണി​പ്പൂ​രി​ലെ വ​നി​ത​ക​ളു​ടെ മാ​ത്രം കാ​ര്യ​മ​ല്ല. ഇ​വി​ടെ​യു​ള്ള പു​രു​ഷ​ന്‍മാ​രും ഇ​ങ്ങ​നെ​യൊ​ക്കെ​ത്ത​ന്നെ. ഇ​പ്പോ​ള്‍ത്ത​ന്നെ അ​ണ്ട​ര്‍ 17 ലോ​ക​ക​പ്പി​ല്‍ ഇ​ന്ത്യ​ന്‍ ടീ​മി​ലെ എ​ട്ടു പേ​ര്‍ മ​ണി​പ്പൂ​രി​ല്‍നി​ന്നു​ള്ള​വ​രാ​ണ്. ധീ​ര​ജ് സി​ങ്, ജി​ക്‌​സ​ണ്‍ സി​ങ്, ഖു​മാ​ന്‍തെം, ബോ​റി​സ് സി​ങ്, സു​രേ​ഷ് സി​ങ്, അ​മ​ര്‍ജി​ത് സി​ങ്, മു​ഹ​മ്മ​ദ് ഷാ​ജ​ഹാ​ന്‍, നോം​ഗ്ദാ​ബ ന​വോ​റം എ​ന്നി​വ​ര്‍. ബോ​ക്‌​സ​ര്‍ ദേ​വേ​ന്ദ്ര സി​ങ്, ഡി​ങ്കൊ സി​ങ്, ഫു​ട്‌​ബോ​ള​ര്‍ ബൊ​യ്താ​ങ് ഹ​വൊ​കി​പ്, ഹോ​ക്കി പ്ലെ​യ​ര്‍ കോ​ത്ത​ജി​ത് സി​ങ്, ഫുട്ബാ​ള​ര്‍ ബി​ദ്യാ​ന​ന്ദ സി​ങ് തു​ട​ങ്ങി മ​ണി​പ്പൂ​രി​ൻെറ കാ​യി​ക സൗ​ഭാ​ഗ്യം പി​ന്നെ​യും നീ​ളു​ന്നു. 

ഷ​ഹീ​ദ് മി​നാ​ര്‍
 


യൂ​റോ​പ്യ​ര്‍ക്കി​ട​യി​ല്‍ പ്രി​യ​ങ്ക​ര​മാ​യ മു​ന്തി​യ ഇ​നം ക​ളി​യാ​ണ് പോ​ളൊ. കു​തി​ര​പ്പു​റ​ത്തേ​റി ഹോ​ക്കി സ്റ്റി​ക്കു പോ​ലൊ​രെ​ണ്ണം കൈ​യി​ല്‍വ​ച്ച് ഗോ​ള്‍പോ​സ്റ്റി​ലേ​യ്ക്ക് ക​ളി​ക്കാ​ര്‍ പ​ന്ത് പാ​യി​ക്കു​ന്ന​ത് കാ​ണാ​ന്‍ ച​ന്ത​മേ​റെ​യാ​ണ്. പോ​ളോ​യ്ക്ക് നൂ​റ്റാ​ണ്ടു​ക​ളു​ടെ പെ​രു​മ​യു​ണ്ടെ​ങ്കി​ലും ആ​ധു​നി​ക പോ​ളോ​യു​ടെ ജ​ന്‍മ​ഗേ​ഹം മ​ണി​പ്പൂ​ര്‍ ആ​ണെ​ന്ന് ക​രു​ത​പ്പെ​ടു​ന്നു. പോ​ളോ​യെ ലോ​ക​ത്തി​നു മു​ന്നി​ല്‍ പ്രി​യ​ങ്ക​ര​മാ​ക്കി​യ ബ്രി​ട്ടി​ഷു​കാ​ര്‍ക്ക് മ​ണി​പ്പൂ​രു​കാ​രാ​ണ് ഈ​യി​നം പ​രി​ച​യ​പ്പെ​ടു​ത്തു​ന്ന​ത്. ഇം​ഫാ​ല്‍ ന​ഗ​ര​ഹൃ​ദ​യ​ത്തി​ല്‍ ഒ​രു പോ​ളോ ഗ്രൗ​ണ്ട് ഇ​പ്പോ​ഴു​മു​ണ്ട്. മ​ഴ​ക്കാ​ല​മാ​യ​തി​നാ​ല്‍ ഗ്രൗ​ണ്ട് ഇ​പ്പോ​ള്‍ അ​ട​ച്ചി​ട്ടി​രി​ക്കു​ന്നു. സീ​സ​ണി​ല്‍ തു​റ​ക്കും. പോ​ളോ ക​ളി​ക്കാ​നു​ള്ള കു​തി​ര​ക​ള്‍ ഇ​പ്പോ​ഴും ന​ഗ​ര​ത്തി​ന്റെ പ​ല ഭാ​ഗ​ങ്ങ​ളി​ല്‍ മേ​യു​ന്ന​തു കാ​ണാം. ഞ​ങ്ങ​ള്‍ പോ​ളോ ഗ്രൗ​ണ്ടി​ന്റെ ചി​ല ചി​ത്ര​ങ്ങ​ള്‍ എ​ടു​ത്തു മ​ട​ങ്ങി.

നാ​ഗ​ നദി
 


പോ​ളോ സ്റ്റേ​ഡി​യ​ത്തോ​ടു തൊ​ട്ടു​ചേ​ര്‍ന്നാ​ണ് ഇം​ഫാ​ലി​ലെ പ​ല സു​പ്ര​ധാ​ന ലാ​ന്‍ഡ് മാ​ര്‍ക്കു​ക​ളും സ്ഥി​തി ചെ​യ്യു​ന്ന​ത്. ര​ക്ത​സാ​ക്ഷി ക​വാ​ട​വും അ​തി​ന​ക​ത്തു​ള്ള ഷ​ഹീ​ദ് മി​നാ​റു​മാ​ണ് അ​തി​ലൊ​ന്ന്. 1891ല്‍ ​ബ്രി​ട്ടി​ഷു​കാ​രോ​ട് പൊ​രു​ത​മ​രി​ച്ച മ​ണി​പ്പൂ​ര്‍ സൈ​നി​ക​രു​ടെ സ്മാ​ര​ക​മാ​ണ് ഷ​ഹീ​ദ് മി​നാ​ര്‍. ബി​ര്‍ ടി​കേ​ന്ദ്ര​ജി​ത് റോ​ഡി​ലാ​ണ് ഇ​ത് സ്ഥി​തി ചെ​യ്യു​ന്ന​ത്. ബി​ര്‍ എ​ന്നാ​ല്‍ വീ​ര​ന്‍ എ​ന്നാ​ണ് മ​ണി​പ്പൂ​രി ഭാ​ഷ​യി​ലെ അ​ര്‍ഥം. കി​രീ​ടാ​വ​കാ​ശി ടി​കേ​ന്ദ്ര​ജി​ത്തി​നെ​യും സേ​ന​യെ ന​യി​ച്ചി​രു​ന്ന ഡ​ങ്ക​ല്‍ ജ​ന​റ​ലി​നെ​യും ഈ ​സ്ഥ​ല​ത്തു​വ​ച്ച് ബ്രി​ട്ടു​ഷു​കാ​ര്‍ തൂ​ക്കി​ലേ​റ്റു​ക​യാ​യി​രു​ന്നു. ശി​ക്ഷാ​വി​ധി വേ​ള​യി​ല്‍ 8000 സ്ത്രീ​ക​ള്‍ വെ​ള്ള​വ​സ്ത്രം മാ​ത്രം ധ​രി​ച്ച് ഇ​വി​ട​യെ​ത്തി രാ​ജ​കു​മാ​ര​നും പ​ട​ത്ത​ല​വ​നും ഐ​ക്യ​ദാ​ര്‍ഢ്യം പ്ര​ഖ്യാ​പി​ച്ചു എ​ന്നാ​ണ് ച​രി​ത്രം. തൂ​ക്കി​ക്കൊ​ല്ലാ​ന്‍ നേ​രം ഡ​ങ്ക​ല്‍ ജ​ന​റ​ല്‍ പൊ​ട്ടി​ച്ചി​രി​ച്ചു​വെ​ന്നും അ​തു​വ​ഴി മ​ണി​പ്പൂ​രി​ക​ളു​ടെ ചെ​റു​ത്തു​നി​ല്‍പ്പി​ന്റെ അ​ന്ത​സു​യ​ര്‍ത്തി​യെ​ന്നും സ്മാ​ര​ക​ത്തി​നു സ​മീ​പം ഗ്രാ​നൈ​റ്റ് ക​ല്ലി​ല്‍ എ​ഴു​തി​വ​ച്ചി​ട്ടു​ണ്ട്.

ടി​കേ​ന്ദ്ര​ജി​ത്ത് ഫ്ലൈഓവർ
 


മ​ണ​പ്പൂ​രി​ലെ ഒ​രു ഗോ​ത്ര​വ​ര്‍ഗ​ത്തി​ന്റെ പേ​രാ​ണ് ഡ​ങ്ക​ല്‍. ഇം​ഫാ​ലി​ല്‍ ഡ​ങ്ക​ലി​ന്റെ പേ​രി​ല്‍ ഒ​രു റോ​ഡും ഉ​ണ്ട്. ഇ​ത് ഇം​ഗ്ലീ​ഷി​ല്‍ th​an​g​a​l എ​ന്നാ​ണ് എ​ഴു​തു​ന്ന​ത്. ക​ട​ക​ളു​ടെ നെ​യിം ബോ​ര്‍ഡി​നു താ​ഴെ th​an​g​a​l എ​ന്നു ക​ണ്ട​പ്പോ​ള്‍ കൗ​തു​ക​മാ​യി. ഇ​വി​ടെ​യും ഏ​തു ത​ങ്ക​ളാ​ണാ​വോ വ​ന്ന് പേ​രെ​ടു​ത്ത​ത്. വ​ല്ല ത​ങ്ങ​ളും വ​ന്ന് ക​ച്ച​വ​ടം ചെ​യ്‌​തോ എ​ന്ന​താ​യി​രു​ന്നു സം​ശ​യം. ഈ ​സം​ശ​യം നാ​ട്ടു​കാ​രു​ടെ മു​ന്നി​ല്‍ അ​വ​ത​രി​പ്പി​ച്ച​പ്പോ​ഴാ​ണ് അ​തി​ന്റെ എ​ഴു​ത്തു​രൂ​പം പി​ടി​കി​ട്ടി​യ​ത്. 
ഇം​ഫാ​ലി​ലെ വ​ഴി​യ​ട​യാ​ള​ങ്ങ​ള്‍ ഏ​തൊ​ക്കെ എ​ന്ന ചോ​ദ്യ​ത്തി​ന് ഫ്‌​ളൈ ഓ​വ​റും അ​വി​ട​ത്തെ നാ​ട്ടു​കാ​ര്‍ പ​റ​ഞ്ഞു​ത​ന്നി​രു​ന്നു. ഏ​ത് ഫ്‌​ളൈ ഓ​വ​ര്‍ എ​ന്നു ചോ​ദി​ച്ച​പ്പോ​ള്‍ അ​വ​ര്‍ പ​റ​ഞ്ഞു, മ​ണി​പ്പൂ​രി​ല്‍ ഒ​രേ​യൊ​രു ഫ്‌​ളൈ ഓ​വ​റേ ഉ​ള്ളൂ​വെ​ന്ന്. ബി​ര്‍ ടി​കേ​ന്ദ്ര​ജി​ത്തി​ന്റെ പേ​രി​ലാ​ണ് ഇ​തും. ന​മ്മു​ടെ നാ​ട്ടി​ല്‍ നി​ര്‍മാ​ണ പ്ര​വൃ​ത്തി​ക​ള്‍ക്ക് ക​രാ​ര്‍ ന​ല്‍കി​യാ​ല്‍ സാ​ധ​ന​ങ്ങ​ള്‍ക്കു വി​ല ക​യ​റു​ന്ന​തി​ന് അ​നു​സ​രി​ച്ച് നി​ര്‍മാ​ണ​ച്ചെ​ല​വ് വ​ര്‍ധി​ക്കാ​റു​ണ്ട​ല്ലോ. എ​ന്നാ​ല്‍, ഇം​ഫാ​ലി​ലെ ഫ്‌​ളൈ ഓ​വ​റി​നും ചെ​ല​വ് എ​സ്റ്റി​മേ​റ്റി​നെ​ക്കാ​ള്‍ എ​ത്ര​യോ വ​ലു​താ​യി. കാ​ല​താ​മ​സം കൊ​ണ്ടു​ള്ള വി​ല​ക്ക​യ​റ്റ​മാ​യി​രു​ന്നി​ല്ല യ​ഥാ​ര്‍ഥ വി​ല്ല​ന്‍. ഓ​രോ ത​വ​ണ​യും തീ​വ്ര​വാ​ദി​ക​ള്‍ പ​ണം ചോ​ദി​ക്കും. അ​തു ന​ല്‍കി​യാ​ലേ അ​വ​ര്‍ പി​ന്നെ പ​ണി തു​ട​രാ​ന്‍ അ​നു​വ​ദി​ക്കു​ക​യു​ള്ളൂ. ഇ​താ​യി​രു​ന്നു കാ​ര​ണ​മെ​ന്ന് മ​ണി​പ്പൂ​ര്‍ ഐ​ബി​യി​ലെ ഉ​ദ്യോ​ഗ​സ്ഥ​ന്‍ ഫ​ക്രു​ദ്ദീ​ന്‍ ചി​രി​ച്ചു​കൊ​ണ്ടു പ​റ​ഞ്ഞു. 

ഇമ മാർക്കറ്റ്
 


ന​ദി​ക​ളാ​ല്‍ സ​മൃ​ദ്ധ​മാ​ണ് മ​ണി​പ്പൂ​ര്‍. ഇം​ഫാ​ല്‍ ന​ഗ​ര​ഹൃ​ദ​യ​ത്തി​ലും കാ​ണാം ന​ദി​ക​ള്‍. പ​ക്ഷെ, ന​മ്മു​ടെ നാ​ട്ടി​ലെ ഒ​രു വ​ലി​യ തോ​ടി​ന്റെ വ​ലി​പ്പ​മേ കാ​ണൂ എ​ന്നു മാ​ത്രം. മ​ഴ​ക്കാ​ല​മാ​യ​തി​നാ​ല്‍ എ​ല്ലാം ക​ല​ങ്ങി​മ​റി​ഞ്ഞാ​ണ് ഒ​ഴു​കു​ന്ന​ത്. ആ​വ​ശ്യ​ത്തി​ലേ​റെ ചെ​ളി​യും അ​തി​ലു​ണ്ടെ​ന്ന് അ​ടു​ത്തു​കൂ​ടെ ന​ട​ക്കു​മ്പോ​ള്‍ തോ​ന്നു​ന്നു. ചെ​ളി​യു​ടെ ഒ​രു കെ​ട്ട മ​ണം പ​ല ന​ദി​യു​ടെ​യും സ​മീ​പ​ത്തു​ണ്ട്. പ​ക്ഷെ, അ​തി​ല്‍ത്ത​ന്നെ സ്ത്രീ​ക​ള്‍ അ​ല​ക്കു​ക​യും പു​രു​ഷ​ന്‍മാ​ര്‍ നീ​ന്തി​ക്കു​ളി​ക്കു​ക​യും ചെ​യ്യു​ന്ന​തു കാ​ണാം.  ബി​ര്‍ ടി​കേ​ന്ദ്ര​ജി​ത്ത് മേ​ല്‍പ്പാ​ല​ത്തി​ല്‍നി​ന്ന് നോ​ക്കി​യാ​ലും കാ​ണാം നേ​രെ താ​ഴെ ര​ണ്ടു പു​ഴ​ക​ള്‍. നം​ബു​ലും നാ​ഗ​യും. ഇ​രു പു​ഴ​ക​ളും പാ​ല​ത്തി​നു സ​മീ​പം സം​ഗ​മി​ച്ച് ഒ​രു​മി​ച്ചാ​ണ് ഒ​ഴു​കു​ന്ന​ത്. ഇ​വ​യോ​ടു ചേ​ര്‍ന്നാ​ണ് ലോ​ക​ത്തി​ലെ ഒ​രേ​യൊ​രു സ​മ്പൂ​ര്‍ണ വ​നി​താ വി​പ​ണി എ​ന്ന​റി​യ​പ്പെ​ടു​ന്ന ഇ​മാ മാ​ര്‍ക്ക​റ്റ് സ്ഥി​തി ചെ​യ്യു​ന്ന​ത്. 

ഇമ മാർക്കറ്റിലെ ഭക്ഷണശാല
 


ഇ​മാ കെ​യ്ത്ത​ല്‍ എ​ന്നാ​ണ് ഇ​ത് അ​റി​യ​പ്പെ​ടു​ന്ന​ത്. ഇ​മാ എ​ന്നാ​ല്‍ മ​ണി​പ്പൂ​രി ഭാ​ഷ​യി​ല്‍ അ​മ്മ എ​ന്ന​ര്‍ഥം. കെ​യ്ത്ത​ല്‍ എ​ന്നാ​ല്‍ മാ​ര്‍ക്ക​റ്റും. ഇ​മാ കെ​യ്ത്ത​ല്‍ എ​ന്നാ​ല്‍ മ​ദ​ര്‍ മാ​ര്‍ക്ക​റ്റ് എ​ന്ന​ര്‍ഥം. ടി​കേ​ന്ദ്ര​ജി​ത്ത് റോ​ഡി​ന്റെ ഇ​രു​വ​ശ​ങ്ങ​ളി​ലു​മാ​യി മൂ​ന്ന് ഭാ​ഗ​ങ്ങ​ളാ​യാ​ണ് മാ​ര്‍ക്ക​റ്റ്. ഒ​രു ഭാ​ഗ​ത്ത് വെ​റും തു​ണി​ത്ത​ര​ങ്ങ​ള്‍ മാ​ത്രം. മ​റു ഭാ​ഗ​ത്ത് മ​റ്റെ​ല്ലാം. ഉ​പ്പു​തൊ​ട്ടു ക​ര്‍പ്പൂ​രം വ​രെ​യും ഉ​ണ​ക്ക​മീ​ന്‍തൊ​ട്ട് സി​ന്ദൂ​ര​പ്പൊ​ട്ട് വ​രെ​യും ഇ​വി​ട​ങ്ങ​ളി​ല്‍ ല​ഭ്യം. ആ​ദ്യ​വ​സാ​നം സ്ത്രീ​ക​ള്‍ മാ​ത്ര​മാ​യി​രി​ക്കും മാ​ര്‍ക്ക​റ്റി​ല്‍ ന​മ്മ​ളെ സ്വീ​ക​രി​ക്കു​ന്ന​തും സാ​ധ​ന​ങ്ങ​ള്‍ ന​ല്‍കു​ന്ന​തും പ​ണം വാ​ങ്ങി​യി​ടു​ന്ന​തും എ​ല്ലാം. പു​രു​ഷ​ന്‍മാ​രു​ടെ ഒ​രു പൊ​ടി​പോ​ലു​മി​ല്ല എ​വി​ടെ​യും. സ്ത്രീ​ക​ള്‍ വ​ള​രെ ഊ​ര്‍ജ​സ്വ​ല​രാ​യാ​ണ് ക​ച്ച​വ​ട​ത്തി​നു​ള്ള​ത്. പൊ​തു​വി​ല്‍ സൗ​ന്ദ​ര്യ​വ​ര്‍ധ​ക വ​സ്തു​ക്ക​ള്‍ ധാ​രാ​ള​മാ​യി ഉ​പ​യോ​ഗി​ക്കു​ന്ന​വ​രാ​ണ് മ​ണി​പ്പൂ​രി സ്ത്രീ​ക​ള്‍. ക്രീ​മും പൗ​ഡ​റു​മൊ​ക്കെ മു​ഖ​ത്തു തേ​ച്ച് ലി​പ്സ്റ്റി​ക് ഇ​ട്ട് ചു​വ​പ്പി​ച്ചാ​ണ് ഇ​രി​ക്കു​ക. ക​സ്റ്റ​മ​റെ ന​ന്നാ​യി ചി​രി​ച്ചു​കൊ​ണ്ടു സ്വീ​ക​രി​ക്കും. ഇ​വ​നൊ​ക്കെ ആ​രെ​ടാ എ​ന്നാ​വു​മാ​യി​രി​ക്കും ചി​ല​പ്പോ​ള്‍ മ​ന​സി​ല്‍.. പ​ക്ഷെ, ഇ​ട​പെ​ട​ലി​ല്‍ കോ​ഴി​ക്കോ​ട്ടെ ക​ച്ച​വ​ട​ക്കാ​രെ വെ​ല്ലും. ചി​ല​ര്‍ ക​ട​യി​ല്‍ത്ത​ന്നെ ഭ​ക്ഷ​ണം ക​ഴി​ക്കു​ക​യും കി​ടു​ന്നു​റ​ങ്ങു​ക​യും ചെ​യ്യു​ന്ന​തൊ​ക്കെ കാ​ണാം. രാ​വി​ലെ നാ​ല​ര​യോ​ടെ​ത്ത​ന്നെ പ​ച്ച​ക്ക​റി മാ​ര്‍ക്ക​റ്റ് പ്ര​വ​ര്‍ത്ത​ന​മാ​രം​ഭി​ക്കും. അ​ഞ്ചു മ​ണി​ക്കാ​ണ് സൂ​ര്യോ​ദ​യം. അ​പ്പോ​ഴേ​ക്കും മ​റ്റു സ്റ്റാ​ളു​ക​ളും സ​ജീ​വ​മാ​കും. നാ​ലാ​യി​ര​ത്തോ​ളം സ്ത്രീ​ക​ളാ​ണ് ഇ​മാ മാ​ര്‍ക്ക​റ്റി​ല്‍ ജോ​ലി ചെ​യ്യു​ന്ന​ത്. 

ഇമാ മാർക്കറ്റ്
 


ഉ​ള്ള​തു പ​റ​യാ​മ​ല്ലോ, മാ​ര്‍ക്ക​റ്റി​ല്‍ വി​ല കു​റ​ഞ്ഞ് ഒ​ന്നും ക​ണ്ടി​ല്ല. ഏ​തു നാ​ട്ടി​ല്‍ പോ​യാ​ലും അ​വി​ട​ത്തെ ചി​ല പ്ര​ത്യേ​ക ഇ​ന​ങ്ങ​ളെ​ങ്കി​ലും ന​മു​ക്ക് കു​റ​ഞ്ഞ വി​ല​യി​ല്‍ കി​ട്ടാ​റു​ണ്ട​ല്ലോ. പ​ക്ഷെ, മ​ണി​പ്പൂ​രി​ല്‍ അ​തു​ണ്ടാ​യി​ല്ല. ഞ​ങ്ങ​ള്‍ ക​ണ്ടെ​ത്താ​ഞ്ഞി​ട്ടാ​ണോ എ​ന്നും ഉ​റ​പ്പി​ല്ല. തു​ണി​ക്ക​ട​ക​ളി​ല്‍ ശൈ​ത്യ​കാ​ല​ത്തി​ല്‍ ധ​രി​ക്കു​ന്ന ഷീ​റ്റു​ക​ള്‍ ധാ​ര​ള​മു​ണ്ട്. ഒ​രു ശ​രാ​ശ​രി ഷോ​ളി​ന് വി​ല ചോ​ദി​ച്ച​പ്പോ​ള്‍ ലാ​സ്റ്റ് റേ​റ്റ് 550 പ​റ​ഞ്ഞു. ഞ​ങ്ങ​ള്‍ തൊ​ട്ട​ടു​ത്തു​ണ്ടാ​യി​രു​ന്ന ഒ​രു ബി​.എ​സ്.എ​ഫു​കാ​ര​നോ​ട് ശ​രി​യാ​ണോ, ഇ​ത്ര​യും വി​ല​യു​ണ്ടോ ഈ ​ഐ​റ്റ​ത്തി​ന് എ​ന്ന് അ​ന്വേ​ഷി​ച്ചു. ഒ​രു 300-400 രൂ​പ​യ്ക്ക് ല​ഭി​ക്കു​മെ​ന്ന് അ​ദ്ദേ​ഹം പ​റ​ഞ്ഞു.

ഞ​ങ്ങ​ള്‍ ഒ​രു റൗ​ണ്ട​ടി​ച്ച് പു​റ​ത്തി​റ​ങ്ങി. റോ​ഡ് സൈ​ഡി​ലെ ന​ട​പ്പാ​ത​യി​ല്‍ മ​ണി​പ്പൂ​രി വ​സ്ത്ര​മാ​യ ഫ​നെ​കും കു​പ്പാ​യ​വും ധ​രി​ച്ച സ്‌​കൂ​ള്‍ വി​ദ്യാ​ര്‍ഥി​നി​ക​ള്‍. ന​മ്മു​ടെ മു​ണ്ടു പോ​ല​ത്തെ വ​സ്ത്ര​മാ​ണ് ഫ​നെ​ക്. ഉ​ടു​ക്കു​ന്ന​തും ഏ​താ​ണ്ട് സ​മാ​നം. പ​ല വ​ര്‍ണ​ങ്ങ​ളി​ലു​ണ്ട് ഫ​നെ​ക്. ന​ല്ല വെ​ടി​പ്പി​ല്‍ ഉ​ടു​ത്താ​ല്‍ കാ​ണാ​ന്‍ ന​ല്ല ച​ന്തം. അ​വ​ര്‍ക്കൊ​പ്പം ഒ​രു ഫോ​ട്ടൊ എ​ടു​ക്കാ​ന്‍ ആ​ഗ്ര​ഹ​മു​ണ്ടാ​യി​രു​ന്നു. അ​നു​വാ​ദം ചോ​ദി​ക്ക​ണ​മ​ല്ലോ. ചോ​ദി​ച്ച​പ്പോ​ള്‍ കു​റ​ച്ചു പേ​ര്‍ക്ക് താ​ല്‍പ്പ​ര്യം. മ​റ്റു ചി​ല​ര്‍ 'ആ​ചാ​ര​പ്ര​കാ​രം' താ​ല്‍പ്പ​ര്യ​ക്കു​റ​വ് കാ​ണി​ച്ചു.  അ​തു​കൊ​ണ്ട് ആ ​ഫോ​ട്ടോ മി​സ്സാ​യി. ചി​ല കാ​ര്യ​ങ്ങ​ളൊ​ക്കെ ന​മ്മ​ള്‍ അ​നു​വാ​ദം ചോ​ദി​ക്കാ​ന്‍ നി​ന്നാ​ല്‍ പൊ​ലീ​സു​കാ​ര​നോ​ട് അ​നു​വാ​ദം ചോ​ദി​ച്ച​പോ​ലെ​യാ​വും എ​ന്നു പ​റ​ഞ്ഞ​പോ​ലെ​യാ​യി. എ​.എ​സ്‌​.ഐ, എ​സ്‌​.ഐ, സി​.ഐ, ഡി​.വൈ​എ​സ്.പി മു​ത​ല്‍ അ​വ​സാ​നം ഡി​ജി​പി​യോ​ടു വ​രെ ന​മ്മ​ള്‍ അ​നു​വാ​ദം ചോ​ദി​ക്കേ​ണ്ടി വ​രും. അ​വ​സാ​നം ഡി​ജി​പി വേ​ണ്ടെ​ന്നും പ​റ​യും..!!  
(തുടരും)

COMMENTS