Begin typing your search above and press return to search.
proflie-avatar
Login
exit_to_app
exit_to_app
Homechevron_rightTECHchevron_rightMobileschevron_rightപ്രതാപം തിരിച്ച്​...

പ്രതാപം തിരിച്ച്​ പിടിക്കാൻ എക്​സ്​ 5വുമായി നോക്കിയ

text_fields
bookmark_border
nokia-x5-23
cancel

പഴയ പ്രതാപം തിരിച്ച്​ പിടിക്കാനാണ്​ എച്ച്​.എം.ഡി ഗ്ലോബലി​​െൻറ ചിറകിലേറി നോക്കിയ രണ്ടാം വരവ്​ പ്രഖ്യാപിച്ചത്​. എന്നാൽ, നിരവധി മോഡലുകൾ വിപണിയിലിറക്കിയെങ്കിലും കാര്യമായ ചലനമുണ്ടാക്കാൻ നോക്കിയക്ക്​ സാധിച്ചിരുന്നില്ല. ഇൗ കുറവ്​ നികത്തുന്നതിനാണ്​ എക്​സ്​ 5 എന്ന കരുത്തനെ നോക്കിയ വിപണിയിലിറക്കുന്നത്​. നോച്ച്​ ഡിസ്​പ്ലേയുമായെത്തുന്ന നോക്കിയയുടെ ആദ്യ സ്​മാർട്ട്​ഫോണാണ്​ എക്​സ്​ 5. മോശമല്ലാത്ത വിലയിൽ തരക്കേടില്ലാത്ത ഫീച്ചറുകൾ നൽകി വിപണി പിടിക്കാനുള്ള ശ്രമമാണ് പുതിയ ഫോണിലുടെ​ നോക്കിയ നടത്തുന്നത്​.

എക്​സ്​ 5​​െൻറ രണ്ട്​ വേരിയൻറുകളിലാണ്​ നോക്കിയ വിപണിയിലെത്തിക്കുന്നത്​. 3 ജി.ബി 32 ജി.ബി വേരിയൻറിന്​ 9,999 രൂപയും 4 ജി.ബി 64 ജി.ബി വേരിയൻറിന്​ 13,999 രൂപയുമാണ്​ വില. 5.86 ഇഞ്ച്​ എച്ച്​.ഡി പ്ലസ്​ ഡിസ്​പ്ലേയാണ്​ ഫോണിന്​ നോക്കിയ നൽകിയിരിക്കുന്നത്​. 720*1520 ആണ്​ പിക്​സൽ റെസല്യൂഷൻ. മീഡിയ ടെക്​ ഹീലിയോ പി60 ഒക്​ടാകോർ എസ്​.ഒ.സി പ്രൊസസറാണ്​ കരുത്ത്​ പകരുന്നത്​. എസ്​.ഡി കാർഡിലുടെ സ്​റ്റോറേജ്​ 256 ജി.ബി വർധിപ്പിക്കാനുള്ള സൗകര്യവും നോക്കിയ നൽകുന്നുണ്ട്​.

ഇരട്ട പിൻകാമറകളാണ്​ എക്​സ്​ 5​​െൻറ പ്രത്യേകത. 13, 5 മെഗാപിക്​സലി​േൻറതാണ്​ പിൻവശത്തെ കാമറകൾ. എട്ട്​ മെഗാപിക്​സലി​േൻറതാണ്​ മുൻകാമറ. ആർട്ടിഫിഷ്യൽ ഇൻറലിജൻസ്​ സംവിധാനവും കാമറക്കൊപ്പം ഇണക്കിചേർത്തിട്ടുണ്ട്​. പോർട്രറെയിറ്റ്​ സ്​കിൻ മോഡ്​, എച്ച്​.ഡി.ആർ മോഡ്​ തുടങ്ങിയ സംവിധാനങ്ങളും നോക്കിയ നൽകുന്നുണ്ട്​.

3060 എം.എ.എച്ച്​ ബാറ്ററിയാണ്​ എക്​സ്​ 5ന്​ഉണ്ടാവുക. 27 മണിക്കൂർ സ്​റ്റാൻഡ്​ ബൈ, 17.5 മണിക്കൂർ ടോക്​ ടൈം, 19.5 മണിക്കൂർ മ്യുസിക്​ പ്ലേ ബാക്ക്​, 5.8 മണിക്കൂർ ഗെയിമിങ്​, 12 മണിക്കൂർ വീഡിയോ പ്ലേ ബാക്ക്​ എന്നിവയെല്ലാം ബാറ്ററിയുടെ ഒറ്റചാർജിൽ നിന്ന്​ കിട്ടുമെന്നാണ്​ നോക്കിയയുടെ അവകാശവാദം. യു.എസ്​.ബി ടൈപ്പ്​ സി പോർട്ട്​, ബ്ലൂടുത്ത്​ 4.2, ജി.പി.എസ്​, എ.ജി.പി.എസ്​, വൈ-ഫൈ, 4ജി വോൾട്ട്​ എന്നിവയാണ്​ കണക്​ടിവിറ്റി ഫീച്ചറുകൾ. ഫിംഗർപ്രിൻറ്​ സെൻസർ ഫോണിനൊപ്പം നോക്കിയ നൽകിയിട്ടുണ്ട്​. 

Show Full Article
Girl in a jacket

Don't miss the exclusive news, Stay updated

Subscribe to our Newsletter

By subscribing you agree to our Terms & Conditions.

Thank You!

Your subscription means a lot to us

Still haven't registered? Click here to Register

TAGS:nokiamobilesmalayalam newsX5HMD GlobelTechnology News
News Summary - Nokia X5 With Display Notch, Dual Rear Cameras Launched: Price-Technology
Next Story