സ്​പീഡ്​ കുറഞ്ഞ്​ ജിയോ

മുംബൈ: അതിവേഗ 4ജി ഡാറ്റയുമായി ഉപഭോക്​താക്കളെ വിസ്​മയിപ്പിച്ച റിലയൻസ്​ ജിയോക്ക്​ സ്​പീഡ്​ കുറയുന്നതായി പരാതി. സ്​പീഡ്​ ​ടെസറ്റ്​ ​ചെയ്യുന്ന ആപ്പ്​ ഉപയോഗിച്ച്​ പരിശോധിച്ചപ്പോഴാണ്​ ഇൗ കാ​ര്യം കണ്ടെത്തിത്​. ഒകാല എന്ന കമ്പനി ഉണ്ടാക്കിയ ആപ്പ്​ വെച്ച്​ ടെസ്റ്റ്​ ചെയ്​തപ്പോളാണ്​ ജിയോയുടെ സ്​പീഡ്​ 11എം.ബി.പി.എസിൽ നിന്ന്​ 8എം. ബി.പി.എസായി കുറഞ്ഞതായി കണ്ടെത്തിയത്​. 130 എം.ബി.പി.എസ്​ സ്​പീഡ്​ വരെ നെറ്റ്വർക്കിൽ ലഭിക്കുമെന്നാണ്​ ജിയോ അവകാശപ്പെട്ടത്​. എന്നാൽ ഇപ്പോഴുള്ള സ്​പീഡ്​ അതിനടുത്തൊന്നും എത്തില്ല എന്നതാണ്​ സ്​പീഡ്​ ടെസറ്റ്​ തെളിയിക്കുന്നത്​.

എന്നാൽ ഇതിന്​ വിശദീകരണവുമായി ജിയോ രംഗത്തെത്തി. ഒരു ഉപഭോക്​താവിന്​ ഒരു ദിവസം ഉപയോഗിക്കുവാൻ കഴിയുന്ന പരാമാധി ഡാറ്റയുടെ അളവ്​ 4ജി.ബിയാണ്​ അതിനപ്പുറം ഉപയോഗിക്കുകയാണെങ്കിൽ സ്​പീഡ്​ 256കെ.ബി.പി.എസായി കുറയുമെന്ന്​ ജിയോ അധികൃതർ പറഞ്ഞു. എല്ലാ ഉപഭോക്​താക്കൾക്കും ഇൻറർനെറ്റ്​ ഉപയോഗിക്കുന്നതിനുവേണ്ടിയാണ്​ ഇങ്ങനെ ഒരു നിയന്ത്രണം കൊണ്ടുവന്നിരിക്കുന്നത്​. കൂടുതൽ ഡാറ്റ ഉപയോഗിക്കുന്നവർ മൂലം മറ്റുള്ളവർക്ക്​ പ്രശ്​നങ്ങളുണ്ടാവാതിരിക്കാൻ വേണ്ടിയാണ്​ നിയന്ത്രണമെന്നും ജിയോ വക്​താവ്​ പറഞ്ഞു.

അതേസമയം മുകേഷ്​ അംബാനിയുടെ റിലയൻസ്​ ജിയോ ഇപ്പോ​​ഴുള്ള ടെലികോം നിയമങ്ങൾ ലംഘിക്കുന്നില്ലെന്ന്​ ട്രായി വ്യക്​തമാക്കി. മൂന്നുമാസങ്ങൾക്കുശേഷം റിലയൻസ്​ ജിയോ മറ്റു സർവീസ്​ പ്രൊവൈഡർമാരെ ​പോലെ തന്നെ സേവനങ്ങൾക്ക്​ പണം ഇൗടാക്കിത്തുടങ്ങും.