ജിയോയുടെ ഒാഫർ പരിശോധിക്കും–ട്രായ്​

ന്യൂഡൽഹി: റിലയൻസ്​ ചെയർമാൻ മുകേഷ്​ അംബാനി ജിയോയുടെ പുത്തൻ ഒാഫർ പ്രഖ്യാപിച്ചതിന്​ പിന്നാലെ ജിയോയുടെ എല്ലാ ഒാഫറുകളും പരിശോധിക്കുമെന്ന്​ ട്രായി വ്യക്​തമാക്കി.

തങ്ങൾ ജിയോയുടെ നടപടിക​ളെ നിരീക്ഷിച്ച്​ വരികയാണ്​​. എല്ലാ താരിഫ്​ പ്ലാനുകളും പരിശോധനക്ക്​ വിധേയമാകും. കൃത്യമായ സമയത്ത്​ ഞങ്ങൾ ഇത്​ സംബന്ധിച്ച പ്രഖ്യാപനം നടത്തുമെന്നും ട്രായ്​ ചെയർമാൻ ആർ.എസ്​ ശർമ്മ വാർത്ത ഏജൻസി​യോട്​ പറഞ്ഞു. ജിയോയുടെ പുതിയ ഒാഫറിനെ കുറിച്ചുള്ള ചോദ്യങ്ങൾക്ക്​ മറുപടിപറയുകയായിരുന്നു അദ്ദേഹം. ഡിസംബർ 31 വരെ സൗജന്യ സേവനം നൽകാൻ ട്രായ്​ ജിയോയെ അനുവദിച്ചിരുന്നു. എന്നാൽ മാർച്ച്​ 31 വരെ ​സൗജന്യ ഒാഫർ നീട്ടണമെങ്കിൽ ജിയോ ട്രായുടെ അനുമതി വീണ്ടും തേടേണ്ടി വരും.

വ്യാഴാഴ്​ചയാണ്​ മുകേഷ്​ അംബാനി ജിയോയുടെ സേവനം മാർച്ച്​ 31വരെ നീട്ടിയതായി പ്രഖ്യാപിച്ചത്​. ഹാപ്പി ന്യൂ ഇയർ ഒാഫർ എന്നായിരുന്നു ഇൗ ഒാഫറി​െൻറ പേര്​.  ഡിസംബർ 31വരെ  ഉപഭോക്​താകൾക്ക്​ നിലവിലുള്ള പ്ലാൻ ഉപയോഗിക്കാനാവും. അതിനു ശേഷം പുതിയ ഹാപ്പി ന്യൂ ഇയർ പ്ലാനിലേക്ക്​ ഉപഭോക്​താൾ മാറും. പുതിയ പ്ലാനിൽ ഒരു ദിവസം ഉപയോഗിക്കാൻ കഴിയുന്ന ഡാറ്റയുടെ അളവിൽ ജിയോ കുറവ്​ വരുത്തിയിട്ടുണ്ട്​ നേരത്തെ ഇത്​ 4 ജി.ബി ആയിരുന്നു ഇപ്പോൾ 1 ജി.ബിയായി ജിയോ കുറച്ചിട്ടുണ്ട്​.