പഴയ ​െഎഫോണുകൾ ഹാങ്ങാക്കിയതിന്​ ആപ്പിളിനെതിരെ കേസ്​

വാഷിങ്​ടൺ: പഴയ ​െഎഫോൺ മോഡലുകളുടെ പെർഫോമൻസ്​ കുറച്ച ആപ്പിളിനെതിരെ അമേരിക്കയിൽ കേസ്​. പ്രായമായ ബാറ്ററികളു​ള്ള ​െഎഫോണുകള​​ുടെ പെർഫോമൻസ്​ വേഗതയിൽ മാറ്റം കണ്ടെത്തുകയും അത്​ ചർച്ചയാവുകയും ചെയ്​തിരുന്നു. പഴയ ലിഥിയം അയേൺ ബാറ്ററികളുള്ള​ മോഡലുക​ളിൽ സോഫ്​റ്റ്​വെയർ അപ്​ഡേഷൻ നൽകി ഉപഭോക്​താക്കൾ അറിയാതെയാണ് ആപ്പിൾ പ്രൊസസർ വേഗത ​കുറച്ചത്​. 

എത്ര ​ശ്രമിച്ചാലും ഹാങ്ങാവാത്ത ഫോൺ ഒരു സുപ്രഭാതത്തിൽ ഇഴയാൻ തുടങ്ങിയത്​ ആപ്പിൾ ഉപഭോക്​താക്കളിൽ വലിയ അദ്​ഭുതമുണ്ടാക്കുകയും ഫോൺ പഴയതായെന്ന്​ ധരിച്ച്​ പുതിയത്​ വാങ്ങാൻ നിർബന്ധിതരായി.

സംഭവത്തിന്​​ ശേഷം സൗജന്യമായോ വില കുറച്ചോ ബാറ്ററികൾ മാറ്റി നൽകാൻ തയാറാകാതെ ആപ്പിൾ കമ്പനി പുതിയ ഫോൺ വങ്ങാൻ നിർബന്ധിതരാക്കുകയാണെന്നും ഇത്​ വഞ്ചനയാണെന്നും ചൂണ്ടിക്കാട്ടിയാണ് ഉ​പഭോക്​താക്കൾ​ കേസ്​ നൽകിയിരിക്കുന്നത്​. ഇസ്രയേലിൽ രണ്ട്​ പരാതിക്കാർ 120 ദശലക്ഷം ഡോളറാണ്​ ആപ്പിളിനോട്​ നഷ്​ടപരിഹാരം ആവശ്യപ്പെട്ടിരിക്കുന്നത്​. അമേരിക്കയിലും നിരവധി കേസുകൾ വന്നു.

ലിഥിയം അയേൺ ബാറ്ററിയാണ്​ കുഴപ്പക്കാരൻ, കാലപ്പഴക്കം ചെല്ലു​േമ്പാഴും തുടർച്ചയായ ചാർജിങ്​ മൂലവും ഇത്തരം ബറ്ററികൾക്ക്​ ഫോൺ ആവശ്യപ്പെടുന്ന ഉൗർജ്ജം നൽകാൻ സാധിക്കാതെ വരും. ബാറ്ററി തണുത്താലും കുറഞ്ഞ ചാർജിലുള്ള ഉപയോഗവും പെ​െട്ടന്നുള്ള ചാർജ്​ ചോർച്ചയിലേക്ക്​ നയിക്കും. സമീപ കാലത്ത്​ ചില ​െഎഫോൺ മോഡലുകൾ താ​െന ഷട്ട്​ഡൗൺ ആകുന്നുവെന്ന പരാതിക്കുള്ള വിശദീകരണമായി ആപ്പിൾ പറയുന്നത്​ ഇതാണ്​.

ഗീക്​ബെഞ്ച്​ അടക്കമുള്ള ​സ്​മാർട്​ ഫോണുകള​ുടെ പ്രൊസസർ റാങ്കിങ്​ സൈറ്റുകളാണ്​ ​െഎഫോൺ 6, ​െഎഫോൺ 7 മോഡലുകളിൽ വന്ന വേഗതക്കുറവ്​ ചൂണ്ടി കാട്ടിയത്​. കസ്​റ്റമേഴ്​സും അവരുടെ അനുഭവങ്ങൾ പങ്ക്​വെച്ചതോടെ സംഭവം വിവാദമാവുകയായിരുന്നു.