ലോക ഹോക്കി ലീഗ്​: സെമി ഫൈനലിൽ അർജൻറീനയോട് തോറ്റ്​ ഇന്ത്യ പുറത്ത്​

ഭുവനേശ്വർ: ലോക ഹോക്കി ലീഗിൽ ചരിത്രം കുറിക്കാനുള്ള ഇന്ത്യയുടെ ആഗ്രഹത്തിന്​ സെമിയിൽ അന്ത്യം. അർജൻറീനയോട്​ 1-0ന്​ തോറ്റ്​ ഇന്ത്യ പുറത്തായി. 17ാം മിനിറ്റിലെ പെനാൽറ്റി കോർണറിലാണ്​ അർജൻറീന ഫൈനലിലേക്കുള്ള ഗോളാക്കി മാറ്റിയത്​. കോരിച്ചൊരിയുന്ന മഴയത്ത്​ കളി തുടങ്ങിയപ്പോൾ ആദ്യം മുതൽ ഇന്ത്യക്ക്​ താളം നഷ്​ടമായി. അർജൻറീനയുടെ പ്രത്യാക്രമണങ്ങളെ പ്രതിരോധിച്ച്​ മുന്നേറിയെങ്കിലും 17ാം മിനിറ്റിൽ ലഭിച്ച  ​െപനാൽറ്റി കോർണർ വലയിലെത്തിച്ച്​ ആതിഥേയരെ അട്ടിമറിച്ചു.

സ്​റ്റോപ്പർ ഒരുക്കിക്കൊടുത്ത പന്തിൽ ഗോൺസാലോ പീല്ലറ്റ്​ സ്​കോർ ​െചയ്യുകയായിരുന്നു. ഒരു ഗോളിന്​ പിന്നിലായതോടെ ഇന്ത്യ ആക്രമണം കനപ്പിച്ചു. എന്നാൽ, ഒരു ഗോളിന്​ ജയിക്കാനായിരുന്നു അർജൻറീനയുടെ കണക്കുകൂട്ടൽ. ഇന്ത്യയുടെ മു​ന്നേറ്റങ്ങളെ സംഘമായി തടഞ്ഞു. മഴയെ വകവെക്കാതെ നിറഞ്ഞുനിന്ന കാണികളുടെ പിന്തുണയിൽ ​ സമനിലക്കായി ഇന്ത്യ നിറഞ്ഞു കളിച്ചെങ്കിലും നനവേറിയ മൈതാനത്ത്​ അർജൻറീനയുടെ വലകുലുക്കാൻ ഇന്ത്യക്കായില്ല. ശനിയാഴ്​ച നടക്കുന്ന ആസ്​​േട്രലിയ-ജർമനി മത്സരവിജയികൾ അർജൻറീനയെ ഫൈനലിൽ നേരിടും. ഇന്ത്യക്കിനി മൂന്നാം സ്​ഥാനത്തിനായി മത്സരിക്കണം.