Begin typing your search above and press return to search.
proflie-avatar
Login
exit_to_app
exit_to_app
Homechevron_rightSportschevron_rightFootballchevron_rightകൗമാരക്കാലുകളിൽ...

കൗമാരക്കാലുകളിൽ പ്രതീക്ഷയർപ്പിച്ച്​ തുർക്കി; കപ്പിലേക്ക്​ കുതിക്കാൻ മാലി

text_fields
bookmark_border
കൗമാരക്കാലുകളിൽ പ്രതീക്ഷയർപ്പിച്ച്​ തുർക്കി; കപ്പിലേക്ക്​ കുതിക്കാൻ മാലി
cancel

മുംബൈ: കായികമായി ഒരുപടി മുന്നിൽനിൽക്കുന്ന മറ്റു രാജ്യങ്ങളെ തങ്ങളുടെ കൗമാര താരങ്ങൾ കഴിവുകൊണ്ട്​ മറികടക്കുമെന്ന പ്രതീക്ഷ​യിലാണ്​ തുർക്കി. വെള്ളിയാഴ്​ച ‘ബി’ഗ്രൂപ്പിലെ ആദ്യ പോരിന്​ വൈകീട്ട്​ അഞ്ചിന്​ നവി മുംബൈയിലെ ഡോ. ഡി.വൈ. പാട്ടീൽ സ്​റ്റേഡിയത്തിൽ വിസിൽ മുഴങ്ങു​േമ്പാൾ കിവികളെയാണ്​ തുർക്കി നേരിടുക. 2005 ലെ അണ്ടർ 17 ലോകകപ്പിൽ സെമിയോളമെത്തിയ തുർക്കി കുട്ടികളുടെ ലക്ഷ്യം ഫൈനൽ തന്നെയാണ്​. 

ന്യൂസിലൻഡ്​ പക്ഷത്തും വിജയം തന്നെയാണ്​ ലക്ഷ്യം. മുംബൈയിൽ നടന്ന പരിശീലന മത്സരങ്ങളിൽ കണ്ട പ്രതിരോധ പിഴവുകൾ കിവികളെ അലട്ടുന്നു. മാക്​സ്​ മാട്ടയിലും ഒലിവർ വൈറ്റിലുമാണ്​ കിവികളുടെ ആക്രമണ പ്രതീക്ഷ. എട്ടാം തവണയാണ്​ കാൽപന്ത്​ കളിയുടെ കൗമാര വിശ്വമേളയിൽ ന്യൂസിലൻഡ്​ കളിക്കാനിറങ്ങുന്നത്​. ഇതുവരെ ക്വാർട്ടർ ഫൈനലിൽ ഇടംനേടിയിട്ടില്ല. 

രാത്രി എട്ടിന്​ ഗ്രൂപ്പിലെ കരുത്തരായി കരുതുന്ന മാലിയും പരഗ്വേയും തമ്മിലാണ്​ മത്സരം. ജയം തന്നെയാണ്​ കഴിഞ്ഞ തവണത്തെ ലോക കപ്പിൽ രണ്ടാമന്മാരായ കറുത്ത കുതിരകളുടെ ലക്ഷ്യം. 2015ൽ ചിലിയിൽ നൈജീരിയയോട്​ തോറ്റ മാലി ഇക്കുറി ജയിക്കാനുറച്ചാണ്​ വരവ്​. കപ്പ്​ നേടാനായാൽ അത്​ നാട്ടിലെ ഫുട്​ബാൾ സംസ്​കാരത്തിന്​ കരുത്താകുമെന്ന്​ മുഖ്യ പരിശീലകൻ കാകോവ്​ കോമൾ പറയുന്നു. ആദ്യ കളിയിൽതന്നെ ജയിക്കാനായാൽ അത്​ ആത്മവിശ്വാസം പകരുമെന്ന്​ അദ്ദേഹം പറയുന്നു. എതിരാളി പരഗ്വേ ഇത്​ നാലാം തവണയാണ്​ ലോകകപ്പിന്​ എത്തുന്നത്​. ഇതുവരെ അഞ്ചാം സ്​ഥാനത്തിന്​ അപ്പുറം കടക്കാനായിട്ടില്ല. കഴിഞ്ഞ ലാറ്റിനമേരിക്കൻ ചാമ്പ്യൻഷിപ്പിൽ മൂന്നാമന്മാരാണ്​ പരഗ്വേ. 

 

Show Full Article
Girl in a jacket

Don't miss the exclusive news, Stay updated

Subscribe to our Newsletter

By subscribing you agree to our Terms & Conditions.

Thank You!

Your subscription means a lot to us

Still haven't registered? Click here to Register

TAGS:kochinew zealandfootballturkeyfifamalayalam newssports newsu17worldcupIndia News
News Summary - U17 world cup football-Sports news
Next Story