ജർമനി- ചിലി മത്സരം സമനിലയിൽ; സെമി പ്രവേശനത്തിന് ഇരുടീമും കാത്തിരിക്കണം

മോസ്​കോ: കോൺഫെഡറേഷൻസ്​ കപ്പിൽ ലാറ്റിനമേരിക്കൻ ജേതാക്കളും ലോക ചാമ്പ്യന്മാരും തമ്മിലുള്ള പോരാട്ടം 1-1ന്​ സമനിലയിലായതോടെ സെമിയുറപ്പിക്കാൻ ഇരു ടീമുകൾക്കും അവസാനം അങ്കംവരെ കാത്തിരിക്കണം. ഫിഫ ലോക റാങ്കിങ്ങിൽ മൂന്നും നാലും സ്​ഥാനങ്ങളിലുള്ള തുല്യ ശക്​തികൾ നേർക്കുനേർ എത്തിയ പോരാട്ടത്തിൽ, ഇരുടീമുകളും ഒാ​േരാ ഗോൾ നേടി സമനിലയിൽ പിരിയുകയായിരുന്നു. 
 

ആരാധകർ കാത്തിരുന്ന പോരിൽ, കളിതുടങ്ങി ചൂടുപിടിക്കുന്നതിനുമു​​േമ്പ യുവ ജർമനിയുടെ കണക്കുകൂട്ടൽ തെറ്റിയിരുന്നു. ചിലിയുടെ ആഴ്​സനൽ താരം അലക്​സിസ്​ സാഞ്ചസാണ്​ ആറാം മിനിറ്റിൽ തന്നെ ജർമൻ വലകുലുക്കിയത്​. ആഴ്​സനലിലെ സാഞ്ചസി​​െൻറ സഹതാരവും ജർമനിയുടെ വിശ്വസ്​ത പ്രതിരോധക്കാരനുമായ ശോഖ്​റാ​ൻ മുസ്​തഫിയുടെ പിഴവാണ്​ ഗോളിനവസരമൊരുക്കുന്നത്​. ബോക്​സിൽ നിന്നും മുസ്​തഫി, സെബാസ്​റ്റ്യൻ റൂഡിക്ക്​ നീട്ടിനൽകിയ ഗ്രൗണ്ട്​പാസ്​ പിഴച്ചപ്പോൾ, പന്ത്​ അർതുറോ വിദാലി​​െൻറ കാലിൽതട്ടി ഇടതുവിങ്ങിലുണ്ടായിരുന്ന സാഞ്ചസി​നടുത്തേക്കെത്തുകയായിരുന്നു. വിദാലിന്​ തന്നെ പന്തുനൽകി ബോക്​സിലേക്ക്​ കുതിച്ച സാഞ്ചസിന്​ ബയേൺ മ്യൂണിക്​ താരം മുസ്​തഫിയെ കബളിപ്പിച്ചു തിരിച്ചുനൽകി. ശരവേഗതയിൽ കുതിച്ച സാഞ്ചസ്​ ഗോളി ആന്ദ്രെ ടെർസ്​റ്റീഗനെയും കടത്തി ഇടങ്കാലൻ ഷോട്ടിൽ പന്ത്​ വലയിലാക്കി. സാഞ്ചസി​​െൻറ കരിയറിലെ 38ാം അന്താരാഷ്​ട്ര ഗോൾ​. ഇതോടെ ചിലിയുടെ എക്കാലത്തെയും ടോപ്​ സ്​​േകാററായി സാഞ്ചസ്​ മാറി. മാർസലോ സലാസി​​െൻറ റെക്കോഡാണ്​ സാഞ്ചസ്​ മറികടന്നത്​. 
 

അപ്രതീക്ഷിത ഗോൾ വഴങ്ങിയതോടെ പതറിയ ജർമനിയുടെ തിരിച്ചുവവ്​ ശ്രമം വിജയിക്കുന്നത്​ 41ാം മിനിറ്റിലാണ്​. എംറെ കാൻ-യോനാസ്​ ഹെക്​റ്റർ-ലാർസ്​ സ്​റ്റിൻഡ്​ൽ ത്രയത്തി​​െൻറ മിന്നലാ​ക്രമണത്തിലാണ്​ ഗോൾ തിരിച്ചടിക്കുന്നത്​. മൈതാനത്തി​​െൻറ മധ്യഭാഗത്തുനിന്നും പന്തുമായി കുതിച്ച എംറെ കാൻ, ഇടുതുവിങ്ങിൽ ഒാഫ്​ലൈൻ കുരുക്കഴിച്ച്​ നീങ്ങിയ ഹെക്​റ്ററിന്​ നൽകി. സമയം ഒട്ടും പാഴാക്കാതെയുള്ള ഹെക്​റ്ററി​​െൻറ ക്രോസിന്​ ലാർസ്​ സ്​റ്റിൻഡ്​ൽ കാൽവെച്ച്​ ഗോളാക്കുകയായിരുന്നു. രണ്ടാം പകുതിയിൽ തന്ത്രങ്ങൾ പലതും മാറ്റിയെങ്കിലും വിജയഗോൾ കുറിക്കാൻ ഇരു ടീമുകൾക്കും കഴിഞ്ഞിരുന്നില്ല. 
ഇ​േതാടെ ഗ്രൂപ്​​ ബിയിൽ ഇരു ടീമുകൾക്കും നാലു പോയൻറ്​ വീതമാണ്​. സെമിയുറപ്പിക്കാൻ ജർമനിക്ക്​ കാമറൂണിനെതിരെയും ചിലിക്ക്​ ആസ്​ട്രേലിയക്കെതിരെയുമുള്ള അവസാന മത്സരത്തിൽ വിജയിക്കണം. ആസ്​ട്രേലിയക്കും കാമറൂണിനും ഒാരോ പോയൻറ്​ വീതമാണുള്ളത്​.