Begin typing your search above and press return to search.
proflie-avatar
Login
exit_to_app
exit_to_app
Homechevron_rightSportschevron_rightFootballchevron_rightമൗറീഷ്യസിനെ വീഴ്​ത്തി;...

മൗറീഷ്യസിനെ വീഴ്​ത്തി; ഇന്ത്യക്ക്​ തുടർച്ചയായി ഒമ്പതാം ജയം

text_fields
bookmark_border
india-mauritius
cancel

മുംബൈ: ഫിഫ റാങ്കിങ്ങിൽ 160ാം സ്​ഥാനത്തുള്ള മൗറീഷ്യസിനു മുന്നിൽ ഇന്ത്യ വിയർത്തു ജയിച്ചു. എ.എഫ്​.സി കപ്പ്​ യോഗ്യത മത്സരത്തിന്​ മുന്നോടിയായ ത്രിരാഷ്​ട്ര പരമ്പരയിലെ  ആദ്യ പോരാട്ടത്തിൽ 2^1നായിരുന്നു ജയം. സുനിൽ ​​േഛത്രി, സി.കെ. വിനീത്​ തുടങ്ങിയ സീനിയർ താരങ്ങളില്ലാതെയിറങ്ങിയ ഇന്ത്യയെ ഒന്നാം പകുതിയിൽ മൗറീഷ്യസ്​ വെള്ളം കുടിപ്പിച്ചു.

15ാം മിനിറ്റിൽ മലയാളി താരം അനസ്​ എടത്തൊടികയുടെ പ്രതിരോധമല പിളർത്തി മെർവിൻ ജോസിലിനിലൂടെ മൗറീഷ്യസാണ്​ ആദ്യം സ്​കോർ ചെയ്​തത്​. ഇതിന്​ മറുപടിനൽകാൻ വിയർത്തുകളിച്ച നീലപ്പട 37ാം മിനിറ്റിൽ റോബിൻ സിങ്ങിലൂടെ സമനില പിടിച്ചു. രണ്ടാം പകുതിയിൽ വിങ്ങുകൾ കൂടുതൽ സജീവമാക്കി ആതിഥേയർ ആക്രമണം ശക്​തമാക്കിയതോടെയാണ്​ മൗറീഷ്യസി​​െൻറ മൂർച്ച കുറഞ്ഞത്​. 62ാം മിനിറ്റിൽ ബൽവന്ത്​ സിങ്ങിലൂടെ രണ്ടാം ഗോളും പിറന്ന്​ ഇന്ത്യ വിജയമുറപ്പിച്ചു. എങ്കിലും അവസാന മിനിറ്റ്​ വരെ ഇന്ത്യൻ ഗോൾമുഖത്ത്​ അങ്കലാപ്പ്​ തീർത്ത മൗറീഷ്യസ്​ ഏത്​ സമയത്തും ഗോ​ളെന്ന ഭീതിവിതച്ചു.

ഇതോടെ ഇൗ വർഷം തോറ്റിട്ടില്ലെന്ന റെക്കോഡ്​ ഇന്ത്യ നിലനിർത്തി. ടീമി​​െൻറ തുടർച്ചയായ ഒമ്പതാം ജയം കൂടിയാണിത്​. പ്രതിരോധ ഭടൻ സന്ദേശ്​ ജിങ്കാ​​െൻറ ക്യാപ്​റ്റൻസിയിലാണ്​ ഇന്ത്യ കളത്തിലിറങ്ങിയത്​. അനസ്​, പ്രീതം കോട്ടാൽ, നാരായൺ ദാസ്​ എന്നിവരായിരുന്നു മറ്റ്​ പ്രതിരോധനിരക്കാർ. ഗോൾവലക്ക്​ മുന്നിൽ ഏറെ നാളത്തെ ഇടവേളക്കുശേഷം സുബ്രതാപാലും തിരിച്ചെത്തി. ജെ​െജ^റോബിൻ സിങ്​ മുന്നേറ്റത്തിന്​ പിന്തുണയുമായി റൗളിൻ ​ബോർജസും   ലിങ്​ദോയും ജാകിചന്ദ്​ സിങ്ങും. ദ്വിമുഖ ആക്രമണമൊരുക്കിയ കോൺസ്​റ്റ​ൈൻറനെ ഞെട്ടിക്കുന്നതായിരുന്നു മൗറീഷ്യസി​​െൻറ ​മറുപടി. 
24ന്​ സ​െൻറ്​ കിറ്റ്​സിനെതിരെയാണ്​ പരമ്പരയിൽ ഇന്ത്യയുശട അടുത്ത മത്സരം.

Show Full Article
Girl in a jacket

Don't miss the exclusive news, Stay updated

Subscribe to our Newsletter

By subscribing you agree to our Terms & Conditions.

Thank You!

Your subscription means a lot to us

Still haven't registered? Click here to Register

TAGS:footballmalayalam newssports newsMauritiusbalwant SinghIndia News
News Summary - Balwant Singh gives IND win against Mauritius-SPORTS NEWS
Next Story