Begin typing your search above and press return to search.
proflie-avatar
Login
exit_to_app
exit_to_app
Homechevron_rightSportschevron_rightFootballchevron_rightമുംബൈ സിറ്റി–കേരള...

മുംബൈ സിറ്റി–കേരള ബ്ലാസ്​റ്റേഴ്സ്​ നേർക്കുനേർ

text_fields
bookmark_border
മുംബൈ സിറ്റി–കേരള ബ്ലാസ്​റ്റേഴ്സ്​ നേർക്കുനേർ
cancel

മുംബൈ: രണ്ടും കൽപിച്ചാകും കേരളത്തിെൻറ മഞ്ഞപ്പട ഐ.എസ്​.എൽ ഫുട്ബാളിലെ രണ്ടാംപാദത്തിൽ നവിമുംബൈയിലെ ഡി.വൈ പാട്ടീൽ സ്​റ്റേഡിയത്തിൽ വ്യാഴാഴ്ച മുംബൈ എഫ്.സിയെ നേരിടുക. തോറ്റാൽ സെമിഫൈനൽ പ്രതീക്ഷകൾ അടർന്നുവീഴും. ജയിച്ചാൽ ഗോവക്കും ഡൽഹി ഡൈനാമോസിനും എതിരെയുള്ള ശേഷിക്കുന്ന പോരാട്ടങ്ങൾക്ക് അത് ആത്മവിശ്വാസം പകരും. ഇതേ അവസ്​ഥയിലാണ് ഫ്രഞ്ച് താരം നികളസ്​ അനൽക്ക പരിശീലിപ്പിച്ച മുംബൈ എഫ്.സിയും. ഇരുവർക്കും ജയിച്ചേ മതിയാകൂ. ആദ്യപാദത്തിൽ കേരളത്തെ ഗോൾരഹിത സമനിലയിൽ തളക്കാനായ ആത്മവിശ്വാസം മുംബൈക്കുണ്ട്.

നിലവിൽ ഐ.എസ്​.എൽ പട്ടികയിൽ 12 പോയൻറുമായി മുംബൈ ഏഴാം സ്​ഥാനത്തും 11 പോയൻറുമായി കേരളം എട്ടാം സ്​ഥാനത്തുമാണ്. ഇരുകൂട്ടർക്കും ഇനിയുള്ള മൂന്ന് പോരും ജയിച്ചാൽ മാത്രംപോര ഭാഗ്യവും വേണം. പട്ടികയിൽ മുന്നിലുള്ള മറ്റു ടീമുകളുടെ ജയപരാജയത്തിന് അനുസരിച്ചാകുമത്. എല്ലാ കഴിവും പുറത്തെടുത്ത് കളിക്കണം. മുംബൈക്കെതിരെ കളിക്കാനും ജയിക്കാനുമായാൽ അടുത്ത കളികളിൽ അത് ആത്മവിശ്വസം പകരും –കേരള ബ്ലാസ്​റ്റേഴ്സ്​ കോച്ച് ടെറി ഫെലാൻ പറയുന്നു. പ്രതീക്ഷക്കൊത്ത് കളിക്കാനായാൽ ആരെയും ജയിക്കാനാകുമെന്നും അദ്ദേഹം പറഞ്ഞു.

താൻ ബെഞ്ചിലിരിക്കുന്നതാണ് ടീമിന് ഗുണമെങ്കിൽ അതാകും വ്യാഴാഴ്ച ചെയ്യുകയെന്ന് മുംബൈയുടെ സ്​ട്രൈക്കറും കോച്ചും മാനേജറുമായ നികളസ്​ അനൽക്ക പറഞ്ഞു.  ടീം തെരഞ്ഞെടുപ്പിനെച്ചൊല്ലി മാനേജ്മെൻറുമായും തെൻറ തന്ത്രത്തിനൊത്ത് കളിക്കാത്തതിൽ കളിക്കാരുമായും ഇടഞ്ഞുനിൽക്കുകയാണ് അനൽക്ക.
 

Show Full Article
Girl in a jacket

Don't miss the exclusive news, Stay updated

Subscribe to our Newsletter

By subscribing you agree to our Terms & Conditions.

Thank You!

Your subscription means a lot to us

Still haven't registered? Click here to Register

TAGS:Kerala Blasters
Next Story