ടെയ്ലറിനും ലതാമിനും സെഞ്ച്വറി; രണ്ടാം സന്നാഹത്തിൽ ന്യൂസിലൻഡിന്​ ജയം

മുംബൈ: പ്രസിഡൻറ്​സ്​ ഇലവനെതിരായ രണ്ടാം മത്സരത്തിൽ ന്യൂസിലൻഡിന്​ ജയം. 33 റൺസിനാണ്​ പ്രസിഡൻറ്​സ്​ ഇലവനെ ന്യൂസിലൻഡ്​ തോൽപിച്ചത്​. ടോസ്​ നേടി ബാറ്റിങ്​ തി​രഞ്ഞെടുത്ത ന്യൂസിലൻഡ്​ റോസ്​ ടെയ്​ലറുടെയും (102) ടോം ലതാമി​​െൻറയും (108) സെഞ്ച്വറി കരുത്തിൽ 343 റൺസെടുത്തിരുന്നു. എന്നാൽ, മറുപടി ബാറ്റിങ്ങിനിറങ്ങിയ പ്രസിഡൻറ്​സ്​ ഇലവൻ 310 റൺസിന്​ പുറത്തായി.

കരുൺ നായറും (53), ഗുർകീരത്​ സിങ്ങും (65) അർധ​സെഞ്ച്വറിയുമായി പൊരുതിനോക്കിയെങ്കിലും ഫലമുണ്ടായില്ല. വാലറ്റത്ത്​ ജയദേവ്​ ഉനദ്​ഘട്ട്​ 44 റൺസുമായി തിളങ്ങി. ന്യൂസിലൻഡിനായി മിച്ചൽ സാറ്റ്​നർ മൂന്നും ടിം സൗത്തി രണ്ടും വിക്കറ്റ്​ വീഴ്​ത്തി. ആദ്യ മത്സരത്തിൽ  പ്രസിഡൻറ്​സ്​ ഇലവൻ ജയിച്ചിരുന്നു.