വനിത ക്രിക്കറ്റ്​  താരങ്ങൾക്ക്​ സ്​ഥാനക്കയറ്റം നൽകി റെയിൽവെ

ന്യൂഡൽഹി: റെയിൽവേ ഉദ്യോഗസ്​ഥരായ ഇന്ത്യൻ വനിത ക്രിക്കറ്റ്​ താരങ്ങൾക്ക്​ സ്​ഥാനക്കയറ്റം. റെയിൽവെ മന്ത്രി സുരേഷ്​ പ്രഭുവാണ്​ ഇക്കാര്യം അറിയിച്ചത്​. ക്യാപ്​റ്റൻ മിതാലി രാജും വൈസ്​ ക്യാപ്​റ്റൻ ഹർമൻപ്രീത്​ കൗറുമുൾപ്പെടെ ടീമിലെ 10 താരങ്ങൾ റെയിൽവെയിലെ ഉദ്യോഗസ്​ഥരാണ്​. ഇതിനു പുറമെ റെയിൽവെയുടെ പ്രത്യേക കാശ്​ അവാർഡും താരങ്ങൾക്ക്​ നൽകും. മിതാലിക്കും ഹർമൻപ്രീതിനും പുറമെ, ഏക്​ത ഭിഷ്​ത്​, പൂനം റോത്ത്​, വേദ കൃഷ്​ണമൂർത്തി, പൂനം യാദവ്​, സുഷമ വർമ, മോനം മിശ്രം, രാജേശ്വരി ഗെയ്​ക്ക്​വാദ്​, നുസ്​ഹത്ത്​ പ്രവീൺ എന്നിവരാണ്​ റെയിൽവെയിൽ ജോലിയുള്ള മറ്റുപേർ.