വിമാനയാത്രക്കിടെ ജീവനക്കാരൻ അപമര്യാദയായി പെരുമാറിയെന്ന്​ സിന്ധു

ന്യൂഡൽഹി: വിമാന യാത്രക്കിടെ ജീവനക്കാരൻ അപമര്യാദയായി പെരുമാറിയെന്ന ആരോപണവുമായി ബാഡ്​മിൻറൺ താരം പി.വി സിന്ധു. ഹൈദരാബാദിൽ നിന്ന്​ മുംബൈയിലേക്കുള്ള യാത്രക്കിടെ ഇൻഡിഗോ വിമാനത്തിലാണ്​ സിന്ധുവിന്​ ദുരനുഭവമുണ്ടായത്​​. വിമാനത്തിലെ ഗ്രൗണ്ട്​ സ്​റ്റാഫായ അജിതേഷാണ്​ ​ അപമര്യാദയായി പെരുമാറയതെന്ന്​ സിന്ധു ട്വിറ്ററിൽ കുറിച്ചു.

അജ​ിതേഷി​​​െൻറ പെരുമാറ്റം കണ്ട്​ വിമാനത്തിലെ എയർ ഹോസ്​റ്റസായ അഷിമ പ്രശ്​നം പരിഹരിക്കാൻ എത്തുകയും ഗ്രൗണ്ട്​ സ്​റ്റാഫിനെ ഉപദേശിക്കുകയും ചെയ്​തു. എന്നാൽ അഷിമയോടും അജിതേഷ്​ ​മോശമായി പെരുമാറി. ഇതുപോലു​ള്ള ജീവനക്കാരെ നിയമിച്ച്​ ഇൻഡിഗോ അവരുടെ പേര്​ കളയുകയാണ്​. ഇതുസംബന്ധിച്ച കൂടുതൽ വിവരങ്ങൾ അഷിമ വെളിപ്പെടുത്തുമെന്നും സിന്ധു ട്വിറ്ററിൽ കുറിച്ചു.