ജപ്പാന്‍ ഓപൺ: ശ്രീകാന്ത് ക്വാര്‍ട്ടറില്‍

ടോക്യോ: ഇന്ത്യയുടെ മുന്‍നിര താരം കെ. ശ്രീകാന്ത് ജപ്പാന്‍ ഓപണ്‍ സൂപ്പര്‍ സീരീസ് ബാഡ്മിന്‍റണിന്‍െറ ക്വാര്‍ട്ടര്‍ ഫൈനലില്‍.
സഹതാരമായ അജയ് ജയറാം ആദ്യ ഗെയിമിന് ശേഷം പരിക്ക് കാരണം പിന്മാറിയതാണ് ശ്രീകാന്തിന് സഹായകമായത്. 21-16ന് ശ്രീകാന്ത് ആദ്യ ഗെയിം സ്വന്തമാക്കിയിരുന്നു. ജര്‍മനിയുടെ മാര്‍ക് സിബ്ളറാണ് ക്വാര്‍ട്ടറില്‍ എട്ടാം സീഡായ ശ്രീകാന്തിന്‍െറ എതിരാളി. ഇന്ത്യയുടെ മലയാളിതാരം എച്ച്.എസ്. പ്രണോയ് രണ്ടാം സീഡും ഡെന്മാര്‍ക്കിന്‍െറ താരവുമായ വിക്ടര്‍ ആക്സല്‍സണോട് പൊരുതിത്തോറ്റു. സ്കോര്‍: 16-21, 19-21.