സിന്ധുവും സാക്ഷിയും നാളെ തിരുവനന്തപുരത്ത്

തിരുവനന്തപുരം: റിയോ ഒളിമ്പിക്സില്‍ മെഡല്‍ നേടിയ കായികതാരങ്ങളെയും പരിശീലകരെയും ആദരിക്കുന്നു. വെള്ളിമെഡല്‍ നേടിയ ബാഡ്മിന്‍റണ്‍ താരം പി.വി. സിന്ധുവിനും വെങ്കലമെഡല്‍ ജേതാവ് ഗുസ്തിതാരം സാക്ഷിമാലിക്കിനും ഇവരുടെ പരിശീലകരായ പുല്ളേല ഗോപിചന്ദ്, മന്ദീപ് എന്നിവര്‍ക്കുമാണ് ആദരവ്. വെള്ളിയാഴ്ച രാവിലെ 11ന് കോട്ടണ്‍ഹില്‍ ഹയര്‍സെക്കന്‍ഡറി സ്കൂളില്‍ നടക്കുന്ന ചടങ്ങില്‍ മുഖ്യമന്ത്രി പിണറായി വിജയന്‍ കാഷ് അവാര്‍ഡുകള്‍ വിതരണംചെയ്യം. സിന്ധുവിന് 50 ലക്ഷവും സാക്ഷിക്ക് 25 ലക്ഷവുമാണ്അവാര്‍ഡ്. പരിശീലകര്‍ക്ക് യഥാക്രമം 10ലക്ഷം, 5ലക്ഷം എന്നിങ്ങനെ കാഷ് അവാര്‍ഡ് നല്‍കും. സമ്മാനം സ്പോണ്‍സര്‍ ചെയ്തിരിക്കുന്നത് ഓട്ടോബാന്‍ കാര്‍ റെന്‍റല്‍ മാനേജിങ് ഡയറക്ടര്‍ മുക്കാട്ട് സെബാസ്റ്റ്യനാണ്.