വിഖ്യാത താരങ്ങളെ പിന്നിലാക്കുമോ; റെക്കോർഡുകൾ തകർത്ത് കോഹ്ലിയുടെ കുതിപ്പ്
text_fieldsകളിച്ചത് 10 മാച്ചുകൾ, അടിച്ചത് 4 സെഞ്ച്വറികളും 2 അർധ സെഞ്ച്വറികളും. ദക്ഷിണാഫ്രിക്കൻ പര്യടനത്തിൽ ഇന്ത്യൻ നായകൻ വിരാട് കോഹ്ലിയുടെ പ്രകടനമാണിത്. മൂന്ന് ടെസ്റ്റുകളും ആറ് ഏകദിനങ്ങളും ഒരു ട്വൻറി 20യും കളിച്ച താരം ഇതുവരെ സ്വന്തമാക്കിയത് 870 റൺസ്. 1000 തികയാൻ 130 റൺസ് മാത്രം ബാക്കി. ടൂർണമെൻറിൽ കോഹ്ലിയുടെ ബാറ്റിൽ നിന്നും ഇത്വരെ ഒഴുകിയത് ഏഴ് സിക്സും 91 ബൗണ്ടറികളും.
വെസ്റ്റ്ഇൻഡീസ് ഇതിഹാസം വിവയർ റിച്ചാർഡ്സ് ആണ് ഇതിന് മുമ്പ് ഒരു വിദേശ ടൂർണമെൻറിൽ 1000 റൺസ് സ്കോർ ചെയ്തത്. 1976ലായിരുന്നു ഇതിഹാസത്തിെൻറ റെക്കോർഡ് പ്രകടനം. അന്ന് ടെസ്റ്റിൽ 829 റൺസും ഏകദിനങ്ങളിൽ 216 റൺസും നേടി 1045 റൺസുമായായിരുന്നു റിച്ചാർഡ്സ് നാട്ടിലേക്ക് മടങ്ങിയത്.
രണ്ട് ട്വൻറി20 ബാക്കി നിൽകെ കോഹ്ലി റിച്ചാർഡ്സിെൻറ റെക്കോർഡ് മറികടക്കുമോയെന്നാണ് ക്രിക്കറ്റ് ലോകം ഉറ്റു നോക്കുന്നത്. മൂന്ന് ടെസ്റ്റുകളിൽ നിന്നായി ഒരോ സെഞ്ച്വറിയും അർധ സെഞ്ച്വറിയും അടക്കം 286 റൺസും ആറ് ഏകദിനങ്ങളിൽ മൂന്ന് സെഞ്ച്വറികളും ഒരു അർധ സെഞ്ച്വറിയുമടക്കം 558 റൺസുമാണ് കോഹ്ലി നേടിയത്. ട്വൻറി20 യിൽ 26 റൺസും ഇന്ത്യൻ നായകൻ അടിച്ചെടുത്തു.
ആസ്ത്രലിയൻ ഇതിഹാസം ഡോണൾഡ് ബ്രാഡ്മാൻ ഇംഗ്ലണ്ട് ടൂറിൽ 974 റൺസെടുത്തിരുന്നു. ഇൗ റെക്കോർഡ് തകരാൻ ഇനി കോഹ്ലിക്ക് 74 റൺസ് കൂടി മതിയാവും.
Don't miss the exclusive news, Stay updated
Subscribe to our Newsletter
By subscribing you agree to our Terms & Conditions.