You are here

അഹമ്മദ്​ ഭായിയുടെ വിജയം; കോൺ​ഗ്രസിന്‍റെ തോൽവിയും

Ahmed Patel with sonia gandhi

രാജ്യംകണ്ട ഏറ്റവും വാശിയേറിയ രാജ്യസഭാ തെരഞ്ഞെടുപ്പാണ്​ ചൊവ്വാഴ്ച ഗുജ്​റാത്തിൽ നടന്നത്​. കേന്ദ്ര ഭരണകക്ഷിയായ ബി.ജെ.പിയും കോൺഗ്രസും തമ്മിലെ അഭിമാന പോരാട്ടം എന്നതിലപ്പുറം ഇരുപാർട്ടികളിലെയും മഹാമേരുക്കളായ അമിത്​ ഷായും അഹമ്മദ്​ പ​​േട്ടലും തമ്മിലെ ശക്​തി പരീക്ഷണത്തിനാണ്​ ഗുജറാത്ത്​ സാക്ഷ്യം വഹിച്ചത്​. വിജയത്തിനു വേണ്ടി ഏതറ്റം വരെ പോകാൻ ബി.​ജെ.പിയും കോൺഗ്രസും തയാറാവുകയും ചെയ്​തു. തങ്ങളുടെ എം.എൽ.എമാരെ ഗുജ്​റാത്തിൽ നിന്ന്​ തെളിച്ചു കൊണ്ടുപോയി കർണാടകയിലെ റിസോർട്ടിൽ പാർപ്പിച്ച കോൺഗ്രസ്​ സ്വന്തം പാളയം ഭദ്രമാക്കാൻ ശ്രമിച്ചെങ്കിലും ചോർച്ച പൂർണമായി തടയാനായില്ല. പ്രമുഖ നേതാവായ ശങ്കർ സിങ്​ വഗേലയടക്കം ഒരു വിഭാഗം പരസ്യമായി അടർന്നു പോയി. രാഷ്​ട്രപതി തെരഞ്ഞെടുപ്പിൽ അത്​ പ്രത്യക്ഷമായി പുറത്തുവരികയും ചെയ്​തു. 

അവസാന നിമിഷം വരെ കാലുമാറ്റവും കൂറുമാറ്റവും നടന്നു എന്നതാണ്​ ഗുജറാത്ത്​ രാജ്യസഭാ തെരഞ്ഞെടുപ്പിനെ വ്യത്യസ്​ഥമാക്കുന്നത്​. കൂറുമാറിയവർക്ക്​ പറ്റിയ അബദ്ധമാണ്​ പ​േട്ടലി​ന്‍റെ വിജയത്തിന്​ വഴിതുറന്നത്​ എന്നതും ചരിത്രം. ഏതായാലും പാർട്ടി തളരു​േമ്പാഴും അഹമ്മദ്​ പ​േട്ടലെന്ന കർഷകന്​ ഉയർച്ചയാണെന്നതിന്​ അദ്ദേഹത്തി​​​െൻറ ജീവിതം തന്നെയാണ്​ തെളിവ്​. 

അടിയന്തരാവസ്​ഥക്ക്​ ശേഷം 1977ൽ നടന്ന പൊതു തെരഞ്ഞെടുപ്പിൽ ഇന്ദിര ഗാന്ധിയും കോൺഗ്രസും നിലം പരിശായപ്പോൾ ഗുജ​റാത്തിലെ ബറൂച്ച്​ ലോക്​സഭ മണ്ഡലത്തിൽ 28കാരൻ കന്നി മൽസരത്തിൽ തന്നെ വെന്നിക്കൊടി പാറിച്ചു. അന്ന്​ ഗ​ുജറാത്ത്​ യൂത്ത്​ കോൺഗ്രസ്​ സംസ്​ഥാന ​​പ്രസിഡണ്ടായിരുന്ന ആ യുവാവാണ്​ അഹമ്മദ്​ പ​േട്ടൽ. പിന്നീട്​ പാർട്ടി അഖിലേന്ത്യ ജനറൽ സെക്രട്ടറിമാരിൽ ഒരാളും പ്രവർത്തകസമിതി അംഗമായും പാർട്ടി അധ്യക്ഷയുടെ രാഷ്​​ട്രിയ സെക്രട്ടറിയായും അദ്ദേഹം ഉയർന്നു. സോണിയയുടെ ​സെക്രട്ടറി എന്നതിലപ്പുറം അവരുടെ മനഃസാക്ഷി സൂക്ഷിപ്പുകാരനായാണ്​ പ​േട്ടൽ അറിയ​പ്പെടുന്നത്​. മൂന്നു​ തവണ ബറൂച്ച്​ മണ്ഡലത്തെ പ്രതിനിധീകരിച്ച്​ ലോക്​സഭയിലെത്തിയ പാർട്ടി വൃത്തങ്ങളിലെ ‘അഹമ്മദ്​ ഭായ്​’ 1993ലാണ്​ ആദ്യമായി രാജ്യസഭാംഗമാവുന്നത്​. 1999ലും 2005ലും 2011ലും രാജ്യസഭയിലേക്ക്​ തെരഞ്ഞെടുക്കപ്പെട്ടു. 

1985ൽ അന്നത്തെ പ്രധാനമന്ത്രിയായിരുന്ന രാജീവ്​ ഗാന്ധിയാണ്​ പ​​േട്ടലിനെ അദ്ദേഹത്തി​​​െൻറ പാർലമ​​െൻററി സെക്രട്ടറിയാക്കിയത്​. അന്നുതൊട്ട്​ ഗാന്ധി കുടുംബവുമായി അടുത്ത ബന്ധം പുലർത്തുന്ന പ​േട്ടൽ രാഷ്​ട്രീയ തന്ത്രങ്ങളുടെ തോഴനായാണ്​ അറിയപ്പെടുന്നത്​. 2008ൽ അന്നത്തെ യു.പി.എ സർക്കാരിനെ നിലനിർത്താൻ എം.പിമാർക്ക്​ കോഴ നൽകിയ സംഭവത്തി​​​െൻറ സുത്രധാരൻ  അഹമ്മദ്​ പ​േട്ടല​ാണെന്ന ആരോപണമുണ്ടായിരുന്നു. എന്നാൽ, അന്നത്തെ സ്​പീക്കർ നടത്തിയ അന്വേഷണത്തിൽ പ​േട്ടലിന്​ ക്ലീൻ ചിട്ട്​ നൽകുകയായിരുന്നു. 

ഗു​ജ്​റാത്തിലെ വിജയം കോൺഗ്രസിന്​ ആത്​മവിശ്വാസം പകരുന്നതാണെങ്കിലും പാർട്ടിയിലെ അന്തഛിദ്രത ഇൗ തെരഞ്ഞെടുപ്പിലൂടെ പുറത്തു വന്നു.  കഴിഞ്ഞ രാഷ്​ട്രപതി തെരഞ്ഞെടുപ്പിലും 11 കോൺഗ്രസ്​ അംഗങ്ങളാണ്​ കൂറുമാറി വോട്ട്​ ചെയ്​തത്​. ഗ​ുജ​റാത്ത്​ നിയമസഭയിൽ 57 അംഗങ്ങളുണ്ടായിരുന്ന കോൺഗ്രസിന്​ ഇൗസിയായി ജയിക്കാമായിരുന്നിടത്ത്​ അഹമ്മദ്​ പ​േട്ടലിന്​  ഇൗ മൽസരം അഗ്​നി പരീക്ഷയായതും ഇൗ അന്തഛിദ്രതയാണ്​. അടുത്ത ഡിസംബറിൽ നടക്കുന്ന നിയമ സഭ തെരഞ്ഞെടുപ്പാണ്​ കോൺഗ്രസും ബി.ജെ.പിയും ലക്ഷ്യം വെക്കുന്നത്​. അതിലേക്കായി വലിയ പ്രതീക്ഷ നൽകുന്നതല്ല മൽസരത്തിലെ കോൺഗ്രസി​​​െൻറ പ്രകടനം. 

COMMENTS