പ്രാ​യോ​ഗി​ക ചി​ന്ത​യി​ല്ലാ​ത്ത പ്ര​മേ​യം

ജ​നു​വ​രി 19 മു​ത​ൽ 21 വ​രെ, സി.​പി.​എം കൊ​ൽ​ക്ക​ത്ത​യി​ൽ വി​ളി​ച്ചു​ചേ​ർ​ത്ത കേ​ന്ദ്ര ക​മ്മി​റ്റി അ​ത് തു​ട​ങ്ങു​ന്ന​തി​നു മു​മ്പു​ത​ന്നെ മാ​ധ്യ​മ​ങ്ങ​ളു​ടെ ശ്ര​ദ്ധ പി​ടി​ച്ചു​പ​റ്റി​യി​രു​ന്നു. രാ​ജ്യ​ത്തെ മു​ഖ്യ പ്ര​തി​പ​ക്ഷ ക​ക്ഷി​യാ​യ കോ​ൺ​ഗ്ര​സി​നോ​ടു​ള്ള സ​മീ​പ​നം എ​ന്താ​യി​രി​ക്ക​ണം എ​ന്ന കാ​ര്യ​ത്തി​ൽ പാ​ർ​ട്ടി ഉ​ന്ന​ത നേ​തൃ​ത്വ​ത്തി​ൽ രൂ​പ​പ്പെ​ട്ട ഭി​ന്ന​ത​യു​ടെ പ​ശ്ചാ​ത്ത​ല​ത്തി​ലാ​ണ് ക​മ്മി​റ്റി ചേ​രു​ന്ന​ത് എ​ന്ന​തി​നാ​ലാ​ണ് അ​തി​ന് സ​വി​ശേ​ഷ മാ​ധ്യ​മ ശ്ര​ദ്ധ ല​ഭി​ച്ച​ത്. ജ​നാ​ധി​പ​ത്യ സം​വി​ധാ​ന​ങ്ങ​ളെ​യും ഭ​ര​ണ​ഘ​ട​ന സ്​​ഥാ​പ​ന​ങ്ങ​ളെ​യും കൈ​പ്പി​ടി​യി​ലൊ​തു​ക്കി രാ​ജ്യ​ത്തി​​െൻറ സ്വ​ഭാ​വ​ത്തെ​ത​ന്നെ മാ​റ്റു​ന്ന ത​ര​ത്തി​ലേ​ക്ക് സം​ഘ്​​പ​രി​വാ​ർ ക​ക്ഷി​ക​ൾ ദേ​ശീ​യ രാ​ഷ്​​ട്രീ​യ​ത്തി​ൽ മേ​ൽ​ക്കൈ നേ​ടി​യ സാ​ഹ​ച​ര്യ​ത്തി​ൽ ഭി​ന്ന​ത​ക​ൾ മ​റ​ന്ന് മ​തേ​ത​ര ക​ക്ഷി​ക​ൾ യോ​ജി​ച്ച് നാ​ടി​നെ ര​ക്ഷി​ക്കാ​ൻ മു​ന്നി​ട്ടി​റ​ങ്ങ​ണ​മെ​ന്ന​ത് മ​തേ​ത​ര ജ​നാ​ധി​പ​ത്യ ശ​ക്​​തി​ക​ൾ കാ​ല​ങ്ങ​ളാ​യി മു​ന്നോ​ട്ടു​വെ​ക്കു​ന്ന ആ​ശ​യ​മാ​ണ്. രാ​ജ്യ​ത്തെ പ്ര​ബ​ല ഇ​ട​തു ക​ക്ഷി എ​ന്ന നി​ല​യി​ൽ സി.​പി.​എം ഈ ​ആ​ശ​യ​ത്തോ​ട് അ​നു​കൂ​ല​മാ​യി പ്ര​തി​ക​രി​ക്ക​ണ​മെ​ന്നാ​ണ് അ​വ​ർ ആ​ഗ്ര​ഹി​ച്ച​ത്. നി​ല​വി​ലെ ജ​ന​റ​ൽ സെ​ക്ര​ട്ട​റി സീ​താ​റാം യെ​ച്ചൂ​രി ഈ ​ആ​ശ​യം പ​ങ്കു​വെ​ക്കു​ന്ന ആ​ളാ​ണ് എ​ന്നി​രി​ക്കെ, പാ​ർ​ട്ടി അ​നു​കൂ​ല​മാ​യി പ്ര​തി​ക​രി​ക്കു​മെ​ന്ന് പ​ല​രും പ്ര​തീ​ക്ഷി​ക്കു​ക​യും ചെ​യ്തു. എ​ന്നാ​ൽ, വ​രാ​നി​രി​ക്കു​ന്ന പാ​ർ​ട്ടി കോ​ൺ​ഗ്ര​സി​ൽ അ​വ​ത​രി​പ്പി​ക്കാ​നാ​യി പോ​ളി​റ്റ് ബ്യൂ​റോ ത​യാ​റാ​ക്കി​യ​തും ക​ഴി​ഞ്ഞ ദി​വ​സം കേ​ന്ദ്ര ക​മ്മി​റ്റി അം​ഗീ​ക​രി​ച്ച​തു​മാ​യ ക​ര​ട് രാ​ഷ്​​ട്രീ​യ പ്ര​മേ​യം കോ​ൺ​ഗ്ര​സു​മാ​യി യാ​തൊ​രു രാ​ഷ്​​ട്രീ​യ സ​ഖ്യ​വും ധാ​ര​ണ​യും ആ​വ​ശ്യ​മി​ല്ലെ​ന്നാ​ണ് പ്ര​ഖ്യാ​പി​ച്ചി​രി​ക്കു​ന്ന​ത്. പോ​ളി​റ്റ് ബ്യൂ​റോ അം​ഗ​ങ്ങ​ളാ​യ പ്ര​കാ​ശ് കാ​രാ​ട്ട്, എ​സ്.​ രാ​മ​ച​ന്ദ്ര​ൻ പി​ള്ള എ​ന്നി​വ​ർ ചേ​ർ​ന്ന് ത​യാ​റാ​ക്കി​യ പ്ര​മേ​യ​മാ​ണ് വോ​ട്ടി​നി​ട്ട് അം​ഗീ​ക​രി​ച്ചി​രി​ക്കു​ന്ന​ത്. കോ​ൺ​ഗ്ര​സു​മാ​യി യാ​തൊ​രു സ​ഖ്യ​മോ ധാ​ര​ണ​യോ വേ​ണ്ടെ​ന്ന​താ​യി​രു​ന്നു ഈ ​പ്ര​മേ​യ​ത്തി​െൻറ കാ​ത​ൽ. എ​ന്നാ​ൽ, കോ​ൺ​ഗ്ര​സ​ട​ക്ക​മു​ള്ള മ​തേ​ത​ര ക​ക്ഷി​ക​ളു​മാ​യി ധാ​ര​ണ​യാ​യി ബി.​ജെ.​പി​യെ പ​രാ​ജ​യ​പ്പെ​ടു​ത്ത​ണ​മെ​ന്ന​താ​യി​രു​ന്നു സീ​താ​റാം യെ​ച്ചൂ​രി​യു​ടെ നി​ല​പാ​ട്. ബം​ഗാ​ൾ ഘ​ട​ക​ത്തി​െൻറ പി​ന്തു​ണ യെ​ച്ചൂ​രി​ക്ക് ല​ഭി​ച്ച​പ്പോ​ൾ കേ​ര​ള ഘ​ട​കം അ​തി​ശ​ക്​​ത​മാ​യി കാ​രാ​ട്ടി​​െൻറ നി​ല​പാ​ടി​നൊ​പ്പം നി​ന്നു. ദീ​ർ​ഘ​മാ​യ ച​ർ​ച്ച​ക​ൾ​ക്കൊ​ടു​വി​ൽ ന​ട​ന്ന വോ​ട്ടെ​ടു​പ്പി​നൊ​ടു​വി​ൽ 31നെ​തി​രെ 55 വോ​ട്ടു​ക​ൾ നേ​ടി കാ​രാ​ട്ടി​െൻറ ക​ര​ട് പ്ര​മേ​യം കേ​ന്ദ്ര ക​മ്മി​റ്റി അം​ഗീ​ക​രി​ക്കു​ക​യാ​യി​രു​ന്നു. ഈ ​ക​ര​ട് പ്ര​മേ​യം ഇ​നി, പൊ​തു​ച​ർ​ച്ച​ക്കു വേ​ണ്ടി പാ​ർ​ട്ടി​യി​ൽ സ​മ​ർ​പ്പി​ക്ക​പ്പെ​ടും. ഏ​പ്രി​ലി​ൽ ന​ട​ക്കു​ന്ന പാ​ർ​ട്ടി കോ​ൺ​ഗ്ര​സാ​ണ് വി​ഷ​യ​ത്തി​ൽ അ​ന്തി​മ തീ​രു​മാ​ന​മെ​ടു​ക്കേ​ണ്ട​ത്.

ജ​ന​റ​ൽ സെ​ക്ര​ട്ട​റി മു​ന്നോ​ട്ടു​വെ​ച്ച രാ​ഷ്​​്ട്രീ​യ പ്ര​മേ​യ​ത്തി​ന് വി​രു​ദ്ധ​മാ​യി ആ​ദ്യം പോ​ളി​റ്റ് ബ്യൂ​റോ​യും പി​ന്നീ​ട് കേ​ന്ദ്ര ക​മ്മി​റ്റി​യും നി​ല​പാ​ടെ​ടു​ത്തി​രി​ക്കു​ന്ന​ത് പാ​ർ​ട്ടി​യു​ടെ ച​രി​ത്ര​ത്തി​ൽ അ​സാ​ധാ​ര​ണ​മാ​യ സം​ഭ​വ​മാ​ണ്. സി.​പി.​എ​മ്മി​െൻറ ച​രി​ത്ര​ത്തി​ൽ സ​മാ​ന​മാ​യ സം​ഭ​വം കാ​ണാ​നാ​വി​ല്ല. ഇ​തേ​തു​ട​ർ​ന്ന് യെ​ച്ചൂ​രി രാ​ജി സ​ന്ന​ദ്ധ​ത പ്ര​ക​ടി​പ്പി​ച്ചു എ​ന്ന് വാ​ർ​ത്ത​ക​ൾ വ​ന്നി​രു​ന്നു. കേ​ന്ദ്ര ക​മ്മി​റ്റി​ക്കു ശേ​ഷം ന​ട​ത്തി​യ വാ​ർ​ത്ത​സ​മ്മേ​ള​ന​ത്തി​ലാ​വ​ട്ടെ, ഈ ​വാ​ർ​ത്ത​ക​ളെ യെ​ച്ചൂ​രി നി​ഷേ​ധി​ച്ചി​ട്ടു​മി​ല്ല. ജ​ന​റ​ൽ സെ​ക്ര​ട്ട​റി​യാ​യി തു​ട​രാ​ൻ പാ​ർ​ട്ടി ആ​വ​ശ്യ​പ്പെ​ട്ട​തു​കൊ​ണ്ടാ​ണ​ല്ലോ ഞാ​നി​പ്പോ​ൾ വാ​ർ​ത്ത​സ​മ്മേ​ള​നം ന​ട​ത്തു​ന്ന​ത് എ​ന്നു പ​റ​ഞ്ഞു​കൊ​ണ്ടാ​ണ് ഇ​തു സം​ബ​ന്ധ​മാ​യി വ​ന്ന ചോ​ദ്യ​ങ്ങ​ളോ​ട് അ​ദ്ദേ​ഹം പ്ര​തി​ക​രി​ച്ച​ത്. അ​താ​യ​ത്, കോ​ൺ​ഗ്ര​സി​നോ​ടു​ള്ള സ​മീ​പ​നം എ​ന്ത് എ​ന്ന​തി​ല​പ്പു​റം പാ​ർ​ട്ടി​ക്ക​ക​ത്ത് നേ​തൃ ത​ർ​ക്ക​ങ്ങ​ൾ ഉ​ട​ലെ​ടു​ക്കു​ന്ന സാ​ഹ​ച​ര്യ​ങ്ങ​ളി​ലേ​ക്കാ​ണ് ഈ ​കേ​ന്ദ്ര ക​മ്മി​റ്റി​യും ക​ര​ട് പ്ര​മേ​യ​വും പാ​ർ​ട്ടി​യെ ത​ള്ളി​വി​ട്ടി​രി​ക്കു​ന്ന​ത്. രാ​ഷ്​​ട്രീ​യ ശ​ത്രു​വി​നോ​ട് എ​ന്ത് സ​മീ​പ​നം സ്വീ​ക​രി​ക്ക​ണ​മെ​ന്ന കാ​ര്യ​ത്തി​ൽ ത​ർ​ക്കി​ച്ച് സ്വ​യം ദു​ർ​ബ​ല​മാ​വു​ന്ന വി​ചി​ത്ര​മാ​യ അ​വ​സ്​​ഥ​യി​ലേ​ക്കാ​യി​രി​ക്കും അ​ത് പാ​ർ​ട്ടി​യെ എ​ത്തി​ക്കു​ക.

ബി.​ജെ.​പി ഭ​ര​ണം രാ​ജ്യ​ത്തി​നാ​ക​മാ​നം ദു​ര​ന്ത​മാ​ണ് എ​ന്ന കാ​ര്യ​ത്തി​ൽ സി.​പി.​എ​മ്മി​ൽ ര​ണ്ട​ഭി​പ്രാ​യ​മി​ല്ല. ബി.​ജെ.​പി​യെ പ​രാ​ജ​യ​പ്പെ​ടു​ത്താ​ൻ ത​ങ്ങ​ളെ​ക്കൊ​ണ്ട് ത​നി​ച്ച് സാ​ധ്യ​മ​ല്ല എ​ന്ന കാ​ര്യ​ത്തി​ലും അ​വ​ർ​ക്കി​ട​യി​ൽ ത​ർ​ക്ക​മു​ണ്ടാ​വാ​നി​ട​യി​ല്ല. അ​പ്പോ​ൾ പി​ന്നെ സാ​ധ്യ​മാ​വു​ന്ന ആ​ളു​ക​ളോ​ടൊ​പ്പം ചേ​ർ​ന്ന് ആ ​വി​ധ്വം​സ​ക രാ​ഷ്​​ട്രീ​യ​ത്തെ തോ​ൽ​പി​ക്കു​ക​യ​ല്ലേ വേ​ണ്ട​ത് എ​ന്ന് സാ​മാ​ന്യ ബു​ദ്ധി​യു​ള്ള​വ​രൊ​ക്കെ ചോ​ദി​ക്കും. പ​ക്ഷേ, ബു​ദ്ധി​ജീ​വി​ക​ൾ ധാ​രാ​ള​മു​ള്ള പാ​ർ​ട്ടി പ​ല​പ്പോ​ഴും സാ​മാ​ന്യ ബു​ദ്ധി​ക്ക് നി​ര​ക്കാ​ത്ത തീ​രു​മാ​ന​ങ്ങ​ളാ​ണ് എ​ടു​ക്കാ​റു​ള്ള​ത്. മു​മ്പ്, 1996ൽ ​ത​ങ്ങ​ളു​ടെ​ത​ന്നെ മു​ൻ​ൈ​ക​യി​ൽ രൂ​പ​വ​ത്​​ക​രി​ക്ക​പ്പെ​ട്ട ദേ​ശീ​യ മു​ന്ന​ണി സ​ർ​ക്കാ​റി​ൽ ചേ​രാ​തെ, വെ​ച്ചു​നീ​ട്ട​പ്പെ​ട്ട പ്ര​ധാ​ന​മ​ന്ത്രി പ​ദ​വി സ്വീ​ക​രി​ക്കാ​തെ മാ​റി​നി​ന്ന​ത് ഈ ​മ​ട്ടി​ലൊ​രു തീ​രു​മാ​ന​മാ​യി​രു​ന്നു. ഹി​മാ​ല​യ​ൻ മ​ണ്ട​ത്ത​രം എ​ന്നാ​ണ് ആ ​തീ​രു​മാ​ന​ത്തെ​ക്കു​റി​ച്ച് പാ​ർ​ട്ടി​യു​ടെ സ​മു​ന്ന​ത നേ​താ​വാ​യ ജ്യോ​തി ബ​സു പി​ന്നീ​ട് പ​റ​ഞ്ഞ​ത്. ഇ​നി, 2019ൽ ​ന​ട​ക്കാ​നി​രി​ക്കു​ന്ന പാ​ർ​ല​മ​െൻറ്​ തെ​ര​ഞ്ഞെ​ടു​പ്പി​ൽ ജ​ന​ങ്ങ​ൾ​ക്കു മു​ന്നി​ൽ നി​ങ്ങ​ൾ ആ​ർ​ക്കൊ​പ്പം എ​ന്ന ചോ​ദ്യ​മാ​ണ് വ​രു​ന്ന​ത്. അ​താ​യ​ത്, നി​ങ്ങ​ൾ ബി.​ജെ.​പി​ക്ക് ഒ​പ്പ​മോ അ​തോ ബി.​ജെ.​പി വി​രു​ദ്ധ പ​ക്ഷ​ത്തോ? ബി.​ജെ.​പി വി​രു​ദ്ധ പ​ക്ഷ​ത്ത് കോ​ൺ​ഗ്ര​സ്​ പ്ര​ധാ​ന​പ്പെ​ട്ട ഒ​രു ക​ക്ഷി​യാ​ണ്. കോ​ൺ​ഗ്ര​സു​മാ​യി ഒ​രു ബ​ന്ധ​വു​മു​ണ്ടാ​വി​ല്ല എ​ന്ന് തീ​ർ​പ്പു​ക​ൽ​പി​ക്കു​ന്ന​തോ​ടെ നി​ർ​ണാ​യ​ക​മാ​യ ആ ​തെ​ര​ഞ്ഞെ​ടു​പ്പി​ൽ സി.​പി.​എ​മ്മി​​െൻറ പ്ര​സ​ക്​​തി​യെ​ന്താ​വും എ​ന്ന് അ​വ​ർ ആ​ലോ​ചി​ക്കു​ന്ന​ത് ന​ന്നാ​വും.

കേ​ര​ള സാ​ഹ​ച​ര്യ​മാ​ണ് ഇ​ങ്ങ​നെ​യൊ​രു പ്ര​മേ​യം സ്വീ​ക​രി​ക്കു​ന്ന​തി​ന് േപ്ര​ര​ക​മാ​യ​ത് എ​ന്നാ​ണ് വാ​ർ​ത്ത​ക​ൾ. കോ​ൺ​ഗ്ര​സു​മാ​യി ദേ​ശീ​യ​ത​ല​ത്തി​ൽ ധാ​ര​ണ​ക​ളു​ണ്ടാ​ക്കു​ന്ന​ത് കേ​ര​ള​ത്തി​ൽ ബി.​ജെ.​പി പ്ര​ചാ​ര​ണ​പ​ര​മാ​യി ഉ​പ​യോ​ഗ​പ്പെ​ടു​ത്തു​മെ​ന്ന് കേ​ര​ള സി.​പി.​എം ഭ​യ​പ്പെ​ടു​ന്നു. അ​തി​ൽ ശ​രി​ക​ളു​ണ്ടെ​ന്ന് സ​മ്മ​തി​ച്ചാ​ൽ​ത​ന്നെ​യും അ​തി​നു​വേ​ണ്ടി  കോ​ൺ​ഗ്ര​സു​മാ​യി എ​വി​ടെ​യും ഒ​രു ഇ​ട​പാ​ടും വേ​ണ്ടെ​ന്ന് താ​ത്ത്വി​ക തീ​രു​മാ​നം എ​ടു​ക്കു​ന്ന​തി​െൻറ യു​ക്​​തി എ​ന്താ​ണ്? അ​താ​യ​ത്, സം​സ്​​ഥാ​ന സാ​ഹ​ച​ര്യ​ങ്ങ​ള​നു​സ​രി​ച്ച് തീ​രു​മാ​ന​ങ്ങ​ളെ​ടു​ത്ത് മു​ന്നോ​ട്ട് പോ​വാ​നു​ള്ള സാ​ധ്യ​ത​ക​ളെ​കൂ​ടി അ​ട​ച്ചു​ക​ള​യു​ക​യാ​ണ് കേ​ന്ദ്ര ക​മ്മി​റ്റി പ്ര​മേ​യം. സൈ​ദ്ധാ​ന്തി​ക ശാ​ഠ്യ​ങ്ങ​ൾ​ക്ക് വേ​ണ്ടി സാ​ധ്യ​ത​ക​ൾ ഇ​ല്ലാ​താ​ക്കി​യ​ത് ഇ​ന്ത്യ​ൻ ഇ​ട​തു​പ​ക്ഷ​ത്തി​​െൻറ ച​രി​ത്ര​ത്തി​ൽ ഒ​ട്ടേ​റെ കാ​ണാ​നാ​വും. ആ ​പാ​ര​മ്പ​ര്യം കൈ​മോ​ശം വ​രാ​തെ സൂ​ക്ഷി​ക്കു​ക​യാ​ണ് സി.​പി.​എം ഇ​പ്പോ​ൾ ചെ​യ്യു​ന്ന​ത്.