Begin typing your search above and press return to search.
proflie-avatar
Login
exit_to_app
exit_to_app
Homechevron_rightOpinionchevron_rightEditorialchevron_rightവാ​ച​ക​മ​ടി...

വാ​ച​ക​മ​ടി നി​ർ​ത്തു​ക;  തെ​റ്റു​തി​രു​ത്തു​ക

text_fields
bookmark_border
വാ​ച​ക​മ​ടി നി​ർ​ത്തു​ക;  തെ​റ്റു​തി​രു​ത്തു​ക
cancel

‘‘അ​തി​വേ​ഗം വ​ള​രു​ന്ന സ​മ്പ​ദ്​​ഘ​ട​ന​യാ​യി​രു​ന്നു ഇ​ന്ത്യ​യു​ടേ​ത്. ഇ​ന്ന്​ അ​ത്​ ഇ​ഴ​ഞ്ഞു​നീ​ങ്ങു​ന്ന ഒ​ന്നാ​യി​രി​ക്കു​ന്നു’’ -അ​ടു​ത്ത​കാ​ല​ത്താ​യി  ആ​വ​ർ​ത്തി​ക്ക​പ്പെ​ടു​ന്ന നി​രീ​ക്ഷ​ണ​മാ​ണി​ത്. രാ​ജ്യം മാ​ന്ദ്യ​ത്തി​ലാ​ണെ​ന്ന്​ സാ​മ്പ​ത്തി​ക വി​ദ​ഗ്​​ധ​ർ മു​ത​ൽ വ്യാ​പാ​രി​ക​ളി​ലെ​യും  സാ​ധാ​ര​ണ​ക്കാ​രി​ലെ​യും അ​നു​ഭ​വ​സ്​​ഥ​ർ വ​രെ പ​റ​ഞ്ഞു​കൊ​ണ്ടി​രു​ന്ന​പ്പോ​ഴും കേ​ന്ദ്ര സ​ർ​ക്കാ​ർ അ​ത്​ നി​ഷേ​ധി​ക്കു​ക​യാ​യി​രു​ന്നു. എ​ന്നാ​ൽ, അ​ടു​ത്ത ദി​വ​സ​ങ്ങ​ളി​ൽ റി​സ​ർ​വ്​ ബാ​ങ്കും ഏ​ഷ്യ​ൻ വി​ക​സ​ന ബാ​ങ്കും മാ​ത്ര​മ​ല്ല, ഭ​ര​ണ​ക​ക്ഷി​യും കേ​ന്ദ്ര ധ​ന​മ​ന്ത്രി​യും വ​രെ അ​ത്​  ശ​രി​വെ​ച്ച​തോ​ടെ ഭ​യ​പ്പെ​ട്ട​തെ​ല്ലാം യാ​ഥാ​ർ​ഥ്യ​മാ​ണെ​ന്ന തി​രി​ച്ച​റി​വി​ലേ​ക്ക്​ രാ​ജ്യം ഞെ​ട്ടി​യു​ണ​ർ​ന്നി​രി​ക്കു​ന്നു. സ​മ്പ​ദ്​​ഘ​ട​ന  ത​ക​ർ​ച്ച​യി​ലാ​ണെ​ന്നു മാ​ത്ര​മ​ല്ല, സ്​​ഥി​തി കൂ​ടു​ത​ൽ വ​ഷ​ളാ​യേ​ക്കു​മെ​ന്ന ഭീ​തി​യും നി​ല​നി​ൽ​ക്കു​ന്നു. മൊ​ത്തം ആ​ഭ്യ​ന്ത​രോ​ൽ​പാ​ദ​ന​ത്തി​‍​െൻറ (ജി.​ഡി.​പി) വ​ള​ർ​ച്ച കീ​ഴ്​​പോ​ട്ടാ​യി; നി​ർ​മാ​ണ​മേ​ഖ​ല ത​ള​ർ​ച്ച​യി​ൽ; വ്യ​വ​സാ​യി​ക വ​ള​ർ​ച്ച മു​ര​ടി​പ്പി​ൽ. അ​നേ​കം വ​ർ​ഷ​ങ്ങ​ളാ​യി  ക​ണ്ടി​ട്ടി​ല്ലാ​ത്ത 5.7 ശ​ത​മാ​ന​ത്തി​ലേ​ക്ക്​ ജി.​ഡി.​പി കൂ​പ്പു​കു​ത്തി. വ്യ​വ​സാ​യ വ​ള​ർ​ച്ച ക​ഴി​ഞ്ഞ ഇ​തേ പാ​ദ​ത്തി​ലെ നാ​ല​ര ശ​ത​മാ​ന​ത്തി​ൽ​നി​ന്ന്​  1.2 ശ​ത​മാ​ന​ത്തി​ലെ​ത്തി​യി​രി​ക്കു​ന്നു. വി​ല​ക്ക​യ​റ്റം രൂ​ക്ഷ​മാ​യി​ക്കൊ​ണ്ടി​രി​ക്കു​ന്നു. രൂ​പ​യു​ടെ മൂ​ല്യം ഇ​ടി​യു​ന്നു. ധ​ന​ക​മ്മി കു​തി​ച്ചു​യ​രു​ക​യാ​ണ്. തൊ​ഴി​ലി​ല്ലാ​യ്​​മ വ​ർ​ധി​ച്ചു​കൊ​ണ്ടി​രി​ക്കു​ന്നു. 

സ്വ​ത​വേ ബ​ല​ക്ഷ​യം കാ​ണി​ച്ചി​രു​ന്ന സ​മ്പ​ദ്​​ഘ​ട​ന, നോ​ട്ട്​ അ​സാ​ധു​വാ​ക്ക​ലും ച​ര​ക്കു​സേ​വ​ന നി​കു​തി (ജി.​എ​സ്.​ടി) ഏ​ർ​പ്പെ​ടു​ത്ത​ലും  വ​ന്ന​തോ​ടെ ന​ടു​വൊ​ടി​ഞ്ഞ നി​ല​യി​ലാ​യി എ​ന്നാ​ണ്​ ഒ​രു വി​ല​യി​രു​ത്ത​ൽ. അ​തേ​സ​മ​യം, ഇൗ ​ബ​ല​ക്ഷ​യം മു​ൻ സ​ർ​ക്കാ​റി​​െൻറ കാ​ല​ത്ത്​  തു​ട​ങ്ങി​യി​രു​ന്ന​താ​ണെ​ന്നും ചൂ​ണ്ടി​ക്കാ​ണി​ക്ക​പ്പെ​ടു​ന്നു. നി​ർ​ഭാ​ഗ്യ​വ​ശാ​ൽ രാ​ജ്യ​ത്തി​​െൻറ രോ​ഗാ​വ​സ്​​ഥ​യെ അ​വ​ഗ​ണി​ച്ചു​കൊ​ണ്ട്, കു​റ്റം  ചാ​ർ​ത്താ​ൻ ചു​മ​ല​ന്വേ​ഷി​ക്കു​ന്ന രാ​ഷ്​​ട്രീ​യ മ​ത്സ​ര​മാ​ണ്​ ഇ​പ്പോ​ൾ ന​ട​ക്കു​ന്ന​ത്. ഇൗ ​പ​ഴി​ചാ​ര​ൽ മ​ത്സ​ര​മാ​ക​െ​ട്ട ഭ​ര​ണ​പ​ക്ഷ​വും  പ്ര​തി​പ​ക്ഷ​വും ത​മ്മി​ൽ മാ​ത്ര​മ​ല്ല, ഭ​ര​ണ​പ​ക്ഷ​ത്തി​നു​ള്ളി​ലും ന​ട​ക്കു​ന്നു. ‘‘മൗ​ന​മോ​ഹ​ൻ സി​ങ്​ തീ​രു​മാ​ന​മെ​ടു​ക്കാ​തെ മി​ണ്ടാ​തി​രു​ന്ന​ത്​​  രാ​ജ്യ​ത്തെ ത​ക​ർ​ത്തു’’ എ​ന്നാ​ക്ഷേ​പി​ച്ചി​രു​ന്ന ബി.​ജെ.​പി​ക്കാ​രോ​ട്​ കോ​ൺ​ഗ്ര​സ്​ ഇ​പ്പോ​ൾ പ​റ​യു​ന്ന​ത്, നോ​ട്ട്​ അ​സാ​ധു​പോ​ലു​ള്ള  വി​നാ​ശ​ക​ര​മാ​യ തീ​രു​മാ​ന​ത്തെ​ക്കാ​ൾ ന​ല്ല​ത്​ ആ ​തീ​രു​മാ​ന​മി​ല്ലാ​യ്​​മ​യാ​യി​രു​ന്നു എ​ന്നാ​ണ്. ‘ഡീ​മോ​ണി​റ്റൈ​സേ​ഷ​ൻ’ ഒ​രു  ഭീ​മാ​ബ​ദ്ധ​മാ​യി​പ്പോ​യെ​ന്ന്​ പ​റ​യു​ന്ന​ത്​ ര​ഘു​റാം രാ​ജ​നും മ​ൻ​മോ​ഹ​ൻ സി​ങ്ങും പ്ര​ധാ​ന​മ​ന്ത്രി​യു​ടെ ഉ​പ​ദേ​ഷ്​​ടാ​വ്​ എ​സ്. ഗു​രു​മൂ​ർ​ത്തി​യും  മാ​ത്ര​മ​ല്ല, ര​ഘു​റാം രാ​ജ​നെ തെ​റി​വി​ളി​ച്ച്​ പു​റ​ത്താ​ക്കാ​ൻ ഉ​ത്സാ​ഹി​ച്ചി​രു​ന്ന സു​ബ്ര​ഹ്മ​ണ്യ​ൻ സ്വാ​മി​കൂ​ടി​യാ​ണ്. വാ​ജ്​​പേ​യി സ​ർ​ക്കാ​റി​ൽ  ധ​ന​മ​ന്ത്രി​യാ​യി​രു​ന്ന ബി.​ജെ.​പി നേ​താ​വ്​ യ​​ശ്വ​ന്ത്​ സി​ൻ​ഹ ഇ​പ്പോ​ഴ​ത്തെ ധ​ന​മ​ന്ത്രി അ​രു​ൺ ജെ​യ്​​റ്റ്​​ലി​ക്കെ​തി​രെ ഉ​യ​ർ​ത്തി​യ വാ​ദ​ങ്ങ​ൾ  ഭ​ര​ണ​ക​ക്ഷി​യി​ലെ​ത​ന്നെ വ​ലി​യൊ​രു വി​ഭാ​ഗം സ്വ​കാ​ര്യ​മാ​യി​െ​ട്ട​ങ്കി​ലും ശ​രി​വെ​ക്കു​ന്നു. യ​ശ്വ​ന്ത്​ സി​ൻ​ഹ​യെ നേ​രി​ടാ​ൻ അ​ദ്ദേ​ഹ​ത്തി​​െൻറ  മ​ക​നും കേ​ന്ദ്ര മ​ന്ത്രി​യു​മാ​യ ജ​യ​ന്ത്​ സി​ൻ​ഹ​യെ ഇ​റ​ക്കി​യെ​ങ്കി​ലും അ​ത്​ ഫ​ലം ചെ​യ്​​ത​താ​യി തോ​ന്നു​ന്നി​ല്ല. ഭ​ര​ണ​മേ​റ്റ്​ മൂ​ന്നു  വ​ർ​ഷ​ത്തി​ലേ​റെ ആ​യി​ക്ക​ഴി​ഞ്ഞി​രി​ക്കെ ഇ​നി​യും കോ​ൺ​ഗ്ര​സി​​െൻറ ദു​ർ​ഭ​ര​ണ​ത്തെ ചൂ​ണ്ടി തോ​ളൊ​ഴി​യാ​ൻ സ​ർ​ക്കാ​റി​നാ​വി​ല്ലെ​ന്നും അ​വ​ർ തി​രി​ച്ച​റി​യു​ന്നു. എ​ന്നാ​ൽ, ഇ​ത്​ തു​റ​ന്നു​സ​മ്മ​തി​ക്കു​ന്ന​തി​നു പ​ക​രം പ്ര​ചാ​ര​ണ മാ​ധ്യ​മ​ങ്ങ​ളി​ലൂ​ടെ വെ​റും വാ​ദ​ങ്ങ​ളു​മാ​യി  ഇ​റ​ങ്ങാ​നാ​ണ്​ ഭ​ര​ണ​പ​ക്ഷം തീ​രു​മാ​നി​ച്ചി​രി​ക്കു​ന്ന​തെ​ന്ന്​ തോ​ന്നു​ന്നു. അ​രു​ൺ ജെ​യ്​​റ്റ്​​ലി പോ​ലും ഇ​പ്പോ​ഴ​ത്തേ​ത്​ താ​ൽ​ക്കാ​ലി​ക മാ​ന്ദ്യം  മാ​ത്ര​മാ​ണെ​ന്നു പ​റ​ഞ്ഞ്​ ആ​ശ്വ​സി​ക്കു​ന്നു. എ​ന്നി​ട്ട്, യ​ശ്വ​ന്ത്​ സി​ൻ​ഹ​യെ വ്യ​ക്​​തി​പ​ര​മാ​യി അ​വ​ഹേ​ളി​ക്കാ​നാ​ണ്​ അ​ദ്ദേ​ഹം  മു​തി​ർ​ന്നി​രി​ക്കു​ന്ന​ത്​- ‘80ാം വ​യ​സ്സി​ലും തൊ​ഴി​ൽ തേ​ടി ന​ട​ക്കു​ന്ന​വ​ൻ’ എ​ന്നൊ​ക്കെ​യു​ള്ള പ്ര​യോ​ഗ​ങ്ങ​ൾ ആ​ത്മ​വി​ശ്വാ​സം ന​ഷ്​​ട​പ്പെ​ട്ട ധ​ന​മ​ന്ത്രി​യു​ടെ മ​നോ​നി​ല വി​ളി​ച്ചു പ​റ​യു​ന്നു​​ണ്ട​ല്ലോ.

കേ​ന്ദ്ര സ​ർ​ക്കാ​ർ വാ​ച​ക​മ​ടി​യും ചൊ​ട്ടു​വി​ദ്യ​ക​ളും മ​തി​യാ​ക്കി ഗൗ​ര​വ​ബു​ദ്ധി​യോ​ടെ പ്ര​തി​സ​ന്ധി​യെ സ​മീ​പി​ക്കേ​ണ്ട സ​മ​യ​മാ​ണി​ത്.  സ​മ്പ​ദ്​​ഘ​ട​ന​യെ ക​ര​ക​യ​റ്റാ​നു​ള്ള സു​ചി​ന്തി​ത തീ​രു​മാ​ന​ങ്ങ​ളു​ണ്ടാ​കു​മെ​ന്ന്​ പ്ര​തീ​ക്ഷി​ച്ച രാ​ജ്യ​ത്തി​ന്, ‘സൗ​ഭാ​ഗ്യ’​പോ​ലു​ള്ള ചി​ല പു​തി​യ  ‘പ​ദ്ധ​തി​മു​ദ്രാ​വാ​ക്യ​ങ്ങ​ളാ’​ണ്​ കി​ട്ടി​യ​ത്. ഒ​ന്നേ​കാ​ൽ കോ​ടി​യി​ലേ​റെ യു​വ​ജ​ന​ങ്ങ​ൾ ഒാ​രോ വ​ർ​ഷ​വും തൊ​ഴി​ൽ​തേ​ടി ഇ​റ​ങ്ങു​േ​മ്പാ​ൾ മൂ​ന്ന​ര  ല​ക്ഷം തൊ​ഴി​ൽ​പോ​ലും സൃ​ഷ്​​ടി​ക്കാ​ൻ ക​ഴി​യാ​ത്ത ഗു​രു​ത​രാ​വ​സ്​​ഥ​യു​ണ്ട്. ചെ​റു​കി​ട-​ഇ​ട​ത്ത​രം വ്യാ​പാ​ര​ങ്ങ​ളും വ്യ​വ​സാ​യ​ങ്ങ​ളും  ത​ക​ർ​ന്നു​കി​ട​പ്പാ​ണ്. യ​ശ്വ​ന്ത്​ സി​ൻ​ഹ എ​ടു​ത്തു​പ​റ​ഞ്ഞ​പോ​ലെ, സ്വ​കാ​ര്യ​നി​ക്ഷേ​പം ര​ണ്ട്​ പ​തി​റ്റാ​ണ്ടി​നി​ട​യി​ലെ ഏ​റ്റ​വും മോ​ശം അ​വ​സ്​​ഥ​യി​ലാ​ണ്. വ്യ​വ​സാ​യ​വും കൃ​ഷി​യും ത​ള​ർ​ന്നു. ഏ​റ്റ​വും കൂ​ടു​ത​ൽ തൊ​ഴി​ൽ ന​ൽ​കി​യി​രു​ന്ന നി​ർ​മാ​ണ മേ​ഖ​ല മാ​ത്ര​മ​ല്ല, സേ​വ​ന മേ​ഖ​ല​യും ക​യ​റ്റു​മ​തി മേ​ഖ​ല​യു​മെ​ല്ലാം മു​ര​ടി​പ്പി​ൽ​ത​ന്നെ. ഇ​ത്ര ഗു​രു​ത​ര​മാ​യ പ്ര​ശ്​​ന​ത്തെ നേ​രി​ടാ​ൻ ആ​ദ്യം ചെ​യ്യേ​ണ്ട​ത്, പ്ര​ശ്​​ന​മു​ണ്ടെ​ന്നും അ​ത്​ ഗു​രു​ത​ര​മാ​ണെ​ന്നും അം​ഗീ​ക​രി​ക്കു​ക​യാ​ണ്​; സ്വ​ന്തം ന​യ​ന​ട​പ​ടി​ക​ളി​ലെ വീ​ഴ്​​ച തു​റ​ന്നു​സ​മ്മ​തി​ക്കു​ക​യാ​ണ്.  ര​ണ്ടാ​മ​താ​യി, പ്ര​തി​സ​ന്ധി മ​റി​ക​ട​ക്കാ​ൻ ആ​വ​ശ്യ​മാ​യ ആ​സൂ​ത്ര​ണം ന​ട​ക്ക​ണം. ഇ​ന്ന്​ പ്ര​ധാ​ന​മ​ന്ത്രി​യോ ഏ​താ​നും ചി​ല​രോ മാ​ത്രം എ​ല്ലാം  തീ​രു​മാ​നി​ക്കു​ന്ന അ​വ​സ്​​ഥ​യു​ണ്ട്. ധ​ന​മ​ന്ത്രി​പോ​ലും ‘നോ​ട്ട്​ അ​സാ​ധു’ തീ​രു​മാ​നം അ​റി​യു​ന്ന​ത്​ അ​ത്​ എ​ടു​ത്ത ​േശ​ഷ​മാ​ണ​ത്രെ.  ആ​സൂ​ത്ര​ണ​ത്തി​​െൻറ​യും കൂ​ടി​യാ​ലോ​ച​ന​യു​ടെ​യും വ്യ​വ​സ്​​ഥാ​പി​ത സം​വി​ധാ​ന​ങ്ങ​ൾ വീ​ണ്ടെ​ടു​ക്കേ​ണ്ട​തും ആ​വ​ശ്യ​മാ​ണ്. പാ​ർ​ല​മ​െൻറ്​  നി​ർ​വീ​ര്യ​മാ​ക്ക​പ്പെ​ട്ട അ​വ​സ്​​ഥ​യി​ലാ​ണ്. ആ​സൂ​ത്ര​ണ ക​മീ​ഷ​ൻ ഇ​ല്ലാ​താ​യി- പ​ക​രം​വ​ന്ന നി​തി ആ​യോ​ഗ്​ നാ​മ​മാ​ത്ര സ​മി​തി​യാ​യി. ഇ​പ്പോ​ൾ  രൂ​പ​വ​ത്​​ക​രി​ച്ച അ​ഞ്ചം​ഗ ഉ​പ​ദേ​ശ​ക കൗ​ൺ​സി​ലും ഇ​തേ​ത​രം കെ​ട്ടു​കാ​ഴ്​​ച മാ​ത്ര​മാ​കാ​നാ​ണ്​ സാ​ധ്യ​ത. റി​സ​ർ​വ്​ ബാ​ങ്കി​​െൻറ ന​ഷ്​​ട​പ്പെ​ട്ട  സ്വ​യം ഭ​ര​ണ​വും വി​ശ്വാ​സ്യ​ത​യും വീ​ണ്ടെ​ടു​ക്ക​ണം. കേ​ന്ദ്ര സ​ർ​ക്കാ​റി​​െൻറ ന​യ​രൂ​പ​വ​ത്​​ക​ര​ണ​ത്തി​ലും സാ​മ്പ​ത്തി​ക നി​ർ​വ​ഹ​ണ​ത്തി​ലും ഉ​ണ്ടാ​യ ഗു​രു​ത​ര​മാ​യ പാ​ളി​ച്ച തി​രി​ച്ച​റി​യ​ണം. തെ​റ്റ്​ സ​മ്മ​തി​ക്കു​ക​യും തി​രു​ത്തു​ക​യു​മേ ഇ​നി മാ​ർ​ഗ​മു​ള്ളൂ.

Show Full Article
Girl in a jacket

Don't miss the exclusive news, Stay updated

Subscribe to our Newsletter

By subscribing you agree to our Terms & Conditions.

Thank You!

Your subscription means a lot to us

Still haven't registered? Click here to Register

TAGS:madhyamam editorialarticlemalayalam news
News Summary - Stop Talk, Currect the Mistake - Article
Next Story