Begin typing your search above and press return to search.
proflie-avatar
Login
exit_to_app
exit_to_app
Homechevron_rightOpinionchevron_rightEditorialchevron_rightജ​നാ​ധി​പ​ത്യ...

ജ​നാ​ധി​പ​ത്യ സ്​​ഥാ​പ​ന​ങ്ങ​ൾ​ക്ക് ഏ​ൽ​ക്കു​ന്ന പ്ര​ഹ​ര​ങ്ങ​ൾ

text_fields
bookmark_border
ജ​നാ​ധി​പ​ത്യ സ്​​ഥാ​പ​ന​ങ്ങ​ൾ​ക്ക് ഏ​ൽ​ക്കു​ന്ന പ്ര​ഹ​ര​ങ്ങ​ൾ
cancel

സ​മ​ഗ്രാ​ധി​പ​ത്യ​ത്തിെ​ൻ​റ ഏ​റ്റ​വും വ​ലി​യ ല​ക്ഷ​ണം വ്യ​വ​സ്​​ഥാ​പി​ത സ്​​ഥാ​പ​ന​ങ്ങ​ളു​ടെ ക​ഥ​ക​ഴി​ച്ച് ദു​ർ​ബ​ല​മാ​യ ബ​ദ​ൽ സം​വി​ധാ​ന​ങ്ങ​ളെ പ്ര​തി​ഷ്ഠി​ക്കാ​നു​ള്ള ത്വ​ര​യാ​ണ്. ഇ​ന്ദി​ര​ ഗാ​ന്ധി​യു​ടെ ഭ​ര​ണംതൊ​ട്ട് തു​ട​ക്കം​കു​റി​ച്ച ഈ ​പ്ര​വ​ണ​ത ന​രേ​ന്ദ്ര​ മോ​ദി​യു​ടെ ക​ഴി​ഞ്ഞ മൂ​ന്നു​വ​ർ​ഷ​ത്തെ അ​ധി​കാ​ര​വാ​ഴ്ച​ക്കി​ട​യി​ൽ എ​ല്ലാ പ​രി​ധി​ക​ളും ലം​ഘി​ച്ച്, അ​പ​ക​ട​ക​ര​മാ​യ അ​വ​സ്​​ഥ​യി​ലെ​ത്തി​യി​രി​ക്ക​ുന്നു എ​ന്ന​താ​ണ് യാ​ഥാ​ർ​ഥ്യം. ഏ​റ്റ​വും കൂ​ടു​ത​ൽ പ്ര​ഹ​ര​ങ്ങ​ളേ​റ്റ പ​ദ​വി ഗ​വ​ർ​ണ​റുടേ​താ​ണ്. രാ​ജ്ഭ​വ​നു​ക​ളി​ൽ രാഷ്​ട്ര​പ​തി​യു​ടെ പ്ര​തി​നി​ധി​യാ​യും ഭ​ര​ണ​ഘ​ട​ന​യു​ടെ കാ​വ​ലാ​ളാ​യും ഉ​യ​ർ​ന്നൊ​രു ഉ​ത്ത​ര​വാ​ദി​ത്തം ഏ​റ്റെ​ടു​ക്കേ​ണ്ട ഗ​വ​ർ​ണ​ർ​മാ​ർ ഡ​ൽ​ഹി സിം​ഹാ​സ​ന​ത്തി​ലി​രി​ക്കു​ന്ന​വ​രു​ടെ പാ​വ​ക​ളാ​യോ രാ​ഷ്​ട്രീ​യ ദ​ല്ലാ​ളു​മാ​രാ​യോ ത​രം​താ​ഴു​ന്ന ദു​ര്യോ​ഗം ഇ​ന്ന് എ​ല്ലാ പ​രി​ധി​ക​ളും​ വി​ട്ട് ല​ജ്ജാ​വ​ഹ​മാ​യ അ​വ​സ്​​ഥ​യി​ലെ​ത്തി​യി​ട്ടു​ണ്ട്.

മൂ​ന്നാം​കി​ട രാ​ഷ്​ട്രീ​യ​ക്കാ​രെ​യും ക​ടു​ത്ത പ​ക്ഷ​പാ​തി​ക​ളാ​യ ആ​ർ.​എ​സ്.​എ​സു​കാ​രെ​യും എ​ൻ.​ഡി.​എ സ​ർ​ക്കാ​ർ രാ​ജ്ഭ​വ​നു​ക​ളി​ൽ നി​റ​ക്കു​മ്പോ​ൾ ജ​നം പ​ങ്കു​വെ​ച്ച ആ​ശ​ങ്ക​ക​ൾ നൂ​റുശ​ത​മാ​ന​വും പു​ല​രു​ന്ന​തിെ​ൻ​റ തെ​ളി​വാ​ണ് പ​ല സം​സ്​​ഥാ​ന​ങ്ങ​ളി​ൽ​നി​ന്നും പു​റ​ത്തു​വ​ന്നു​കൊ​ണ്ടി​രി​ക്കു​ന്ന വ​ർ​ത്ത​മാ​ന​ങ്ങ​ൾ. പ​ശ്ചി​മ​ ബം​ഗാ​ൾ മു​ഖ്യ​മ​ന്ത്രി മ​മ​ത ബാ​ന​ർ​ജി, സം​സ്​​ഥാ​ന ഗ​വ​ർ​ണ​ർ കേ​സ​രി നാ​ഥ് ത്രി​പാ​ഠി​യെക്കുറി​ച്ച് ഉ​ന്ന​യി​ച്ച ആ​രോ​പ​ണ​ങ്ങ​ൾ ഗൗ​ര​വ​മ​ർ​ഹി​ക്കു​ന്ന​താ​ണ്. ബി.​ജെ.​പി ബ്ലോ​ക്ക്​ പ്ര​സി​ഡ​ൻ​റി​നെപ്പോലെ​യാ​ണ് ഗ​വ​ർ​ണ​ർ പെ​രു​മാ​റു​ന്ന​തെ​ന്നാ​ണ് മ​മ​ത​യു​ടെ പ​രാ​തി. നോ​ർ​ത്ത് 24 പ​ർ​ഗാ​ന ജി​ല്ല​യി​ൽ പ്ര​വാ​ച​ക​നെ മ്ലേ​ച്ഛ​മാ​യി ചി​ത്രീ​ക​രി​ക്കു​ന്ന ഒ​രു ഫേസ്​​​ബു​ക്ക് പോ​സ്​​റ്റ് പ​ട​ർ​ത്തി​യ വ​ർ​ഗീ​യാ​സ്വാ​സ്​​ഥ്യം ശ​മി​പ്പി​ക്കു​ന്ന​തി​ന് തൃ​ണ​മൂ​ൽ കോ​ൺ​ഗ്ര​സ്​ സ​ർ​ക്കാ​ർ കൈക്കൊ​ണ്ട ന​ട​പ​ടി​ക​ളെ ചോ​ദ്യംചെ​യ്ത​ ഗ​വ​ർണ​ർ സം​ഭ​വ​വു​മാ​യി ബ​ന്ധ​പ്പെ​ട്ട് അ​റ​സ്​​റ്റി​ലാ​യ 17കാ​ര​നെ ഉ​ട​ൻ വി​ട്ട​യ​ക്ക​ണ​മെ​ന്ന് ആ​വ​ശ്യ​പ്പെ​ട്ട​താ​ണ​െ​ത്ര മു​ഖ്യ​മ​ന്ത്രി​യു​മാ​യു​ള്ള ഉ​ര​സ​ലി​ന് വ​ഴി​വെ​ച്ച​ത്. 

യ​ജ​മാ​ന​ന്മാ​രു​ടെ പ്രീ​തി നേ​ടാ​ൻ വെ​മ്പു​ന്ന ഗ​വ​ർ​ണ​ർമാ​രാ​വ​ട്ടെ, ത​ങ്ങ​ളി​രി​ക്കു​ന്ന പ​ദ​വി​യു​ടെ അ​ന്ത​സ്സ്​ മ​റ​ന്നും രാ​ജ്ഭ​വ​ൻ ഇ​തു​വ​രെ പി​ന്തു​ട​ർ​ന്നു​പോ​ന്ന കീ​ഴ്വ​ഴ​ക്ക​ങ്ങ​ൾ ലം​ഘി​ച്ചും തെ​ര​ഞ്ഞെ​ടു​ക്ക​പ്പെ​ട്ട സ​ർ​ക്കാ​റുക​ളു​ടെ​ മേ​ൽ കു​തി​ര​ക​യ​റാ​ൻ മെ​ന​ക്കെ​ടു​ക​യാ​ണ്. ഗ​വ​ർ​ണ​ർ ത​ന്നെ ഭീ​ഷ​ണി​പ്പെ​ടു​ത്തി​യെ​ന്നും അ​പ​മാ​നി​ക്ക​പ്പെ​ട്ടു​വെ​ന്നു​മാ​ണ് മ​മ​ത പ​രി​ഭ​വി​ക്കു​ന്ന​ത്. പ​രി​ധി​വി​ട്ട് പെ​രു​മാ​റാ​ൻ ആ​രാ​ണ് ഗ​വ​ർ​ണ​ർ​മാ​ർ​ക്ക് അ​ധി​കാ​രം ന​ൽ​കു​ന്ന​തെ​ന്ന ചോ​ദ്യ​ത്തി​നാ​ണ് ഉ​ത്ത​രം ക​ണ്ടെ​ത്തേ​ണ്ട​ത്. ഡ​ൽ​ഹി ഭ​രി​ക്കു​ന്ന​വ​ർ​ക്കാ​യു​ള്ള രാ​ഷ്​ട്രീ​യ​ കു​തി​ര​ക്ക​ച്ച​വ​ട​ത്തി​നും ഗൂ​ഢാ​ലോ​ച​ന​ക്കും പ്രീ​ണ​ന​ത്തി​നു​മു​ള്ള കേ​ന്ദ്ര​മാ​യി രാ​ജ്ഭ​വ​നു​ക​ളെ ത​രംതാ​ഴ്ത്തു​ന്ന അ​ൽ​പ​ന്മാ​ർ​ക്കെ​തി​രെ ജ​നാ​ധി​പ​ത്യ​ശ​ക്തി​ക​ൾ കൊ​ടി​ശ്ശീ​ല​ക​ളു​ടെ നി​റം​നോ​ക്കാ​തെ രം​ഗ​ത്തി​റ​ങ്ങി​യി​ല്ലെ​ങ്കി​ൽ ന​മ്മു​ടെ വ്യ​വ​സ്​​ഥി​തി​ക്ക് അ​പ​രി​മേ​യ​മാ​യ അ​ത്യാ​ഹി​ത​മാ​യി​രി​ക്കും ഇ​ക്കൂ​ട്ട​ർ വ​രു​ത്തി​വെ​ക്കു​ക.

പൊ​ലീ​സ്​ മേ​ധാ​വി​യാ​യി​രി​ക്കെ ആ​ർ​ജ​വ​മു​ള്ള ന​ട​പ​ടി​ക​ളി​ലൂ​ടെ രാ​ജ്യ​ത്തിെ​ൻ​റ പ്ര​ശം​സ പി​ടി​ച്ചു​പ​റ്റി​യ കി​ര​ൺ​ ബേ​ദി എ​ന്ന മു​ൻ ഐ.​പി.​എ​സ്​ ഉ​ദ്യോ​ഗ​സ്​​ഥ​യു​ടെ ഭാ​ഗ​ത്തു​നി​ന്നു​പോ​ലും ഗ​വ​ർ​ണ​ർ പ​ദ​വി​യി​ലെ​ത്തി​യ​പ്പോ​ഴേ​ക്കും കാ​ണേ​ണ്ടി​വ​രു​ന്ന ധി​ക്കാ​ര​പ​ര​മാ​യ സ​മീ​പ​നം രാ​ഷ്​ട്രീ​യ​ത്തി​ൽ അ​ൽ​പ​മെ​ങ്കി​ലും നേ​രും നെ​റി​യും പ്ര​തീ​ക്ഷി​ക്കു​ന്ന​വ​രെ സ്​​ത​ബ്​ധ​രാ​ക്കു​ന്നു​ണ്ട്. പു​തു​ച്ചേ​രി ​െല​ഫ്​. ഗ​വ​ർ​ണ​ർ സ്​​ഥാ​ന​ത്തി​രി​ക്കു​ന്ന അ​വ​ർ എ​ല്ലാ കീ​ഴ്വ​ഴ​ക്ക​ങ്ങ​ളും മാ​ന​ദ​ണ്ഡ​ങ്ങ​ളും കാ​റ്റി​ൽ പ​റ​ത്തി​യാ​ണ് മൂ​ന്ന് സം​ഘ്പ​രി​വാ​ർ നേ​താ​ക്ക​ളെ രാ​യ്ക്കു​രാ​മാ​നം എം.​എ​ൽ.​എ​മാ​രാ​യി നോ​മി​നേ​റ്റ് ചെ​യ്ത​ത്. സം​സ്​ഥാ​ന സ​ർ​ക്കാ​റിനോ​ട് കൂ​ടി​യാ​ലോ​ചി​ക്കു​കപോ​ലും ചെ​യ്യാ​തെ, ക​ഴി​ഞ്ഞ തെ​ര​ഞ്ഞെ​ടു​പ്പി​ൽ ജ​ന​ങ്ങ​ൾ തി​ര​സ്​​ക​രി​ച്ച ബി.​ജെ.​പി സം​സ്​​ഥാ​ന പ്ര​സി​ഡ​ൻ​റ് വി. ​സ്വാ​മി​നാ​ഥ​ൻ, ട്ര​ഷ​റ​ർ കെ.​ജി. ശ​ങ്ക​ർ, ആ​ർ.​എ​സ്.​എ​സ്​ ഭാ​ര​വാ​ഹി ശെ​ൽ​വ​ഗ​ണ​പ​തി എ​ന്നി​വ​രെ​യാ​ണ് കി​ര​ൺ​ ബേ​ദി എം.​എ​ൽ.​എ​മാ​രാ​യി നോ​മി​നേ​റ്റ് ചെ​യ്ത​ത്. ജ​നാ​ധിപ​ത്യ​ത്തെ ഗള​ഹ​സ്​​തം ചെ​യ്യാ​ൻ ഇ​തി​ല​പ്പു​റം എ​ന്തു​ ക്രൂ​ര​ത​യാ​ണ് ഈ ‘​ധീ​ര’​വ​നി​ത​യി​ൽ​നി​ന്ന് നാം ​പ്ര​തീ​ക്ഷി​ക്കേ​ണ്ട​ത്? അ​രു​ണാ​ച​ൽ പ്ര​ദേ​ശി​ലും ഉ​ത്ത​രാ​ഖ​ണ്ഡി​ലും മ​ണി​പ്പൂ​രി​ലും ത്രി​പു​ര​യി​ലു​മൊ​ക്കെ മോ​ദി​സ​ർ​ക്കാ​ർ അ​വ​രോ​ധി​ച്ച ഗ​വ​ർ​ണ​ർ​മാ​ർ സ​മീ​പ​കാ​ല​ത്ത് കാ​ട്ടി​ക്കൂ​ട്ടി​യ രാ​ഷ്​ട്രീ​യ പേ​ക്കൂ​ത്തു​ക​ൾ മ​ന​സ്സി​ൽ​നി​ന്ന് മാ​യു​ന്ന​തി​നു മു​മ്പാ​ണ് കി​ര​ൺ​ ബേ​ദി​യു​ടെ​യും കേ​സ​രി നാ​ഥിെ​ൻ​റ​യു​മൊ​ക്കെ ല​ജ്ജാ​വ​ഹ​മാ​യ നീ​ക്ക​ങ്ങ​ൾ. 

ഗ​വ​ർ​ണ​ർ പ​ദ​വി​യു​ടെ അ​ന്ത​സ്സ് ത​ക​ർ​ക്കു​ന്ന നീ​ക്ക​ങ്ങ​ൾ തു​ട​രു​ന്ന എ​ൻ.​ഡി.എ ​സ​ർ​ക്കാ​ർ, നി​ഷ്പ​ക്ഷ​ത​യു​ടെ​യും കാ​ര്യ​ക്ഷ​മ​ത​യു​ടെ​യും വി​ഷ​യ​ത്തി​ൽ ഒ​രൊ​ത്തുതീ​ർ​പ്പി​നും വ​ഴ​ങ്ങാ​ൻ പാ​ടി​ല്ലാ​ത്ത  തെ​ര​ഞ്ഞെ​ടു​പ്പ് ക​മീ​ഷ​െ​ൻ​റ വി​ശ്വാ​സ്യ​ത​യെത്തന്നെ  ചോ​ദ്യംചെ​യ്യു​ന്ന നീ​ക്ക​ങ്ങ​ളി​ലേ​ർ​പ്പെ​ട്ടി​രി​ക്കു​ന്നു​വെ​ന്ന​ത് അ​തീ​വ​ഗൗ​ര​വ​ത്തോ​ടെ കാ​ണേ​ണ്ട​തു​ണ്ട്.​ താ​ൻ ഗു​ജ​റാ​ത്ത് മു​ഖ്യ​മ​ന്ത്രി​യാ​യി​രു​ന്ന​പ്പോ​ൾ അ​വി​ടെ ചീ​ഫ് സെ​ക്ര​ട്ട​റി​യാ​യി​രു​ന്ന മു​ൻ ഐ.​എ.​എ​സ്​ ഓ​ഫി​സ​ർ അ​ച​ൽ കു​മാ​ർ ജ്യോ​തി​യെ​യാ​ണ്  ഇ​പ്പോ​ൾ ചീ​ഫ് ഇ​ല​ക്​ഷ​ൻ ക​മീ​ഷ​ണറായി നി​യ​മി​ച്ചി​രി​ക്കു​ന്ന​ത്. ന​സീം സെ​യ്ദി വി​ര​മി​ക്കു​ന്ന​തോ​ടെ അ​വ​രോ​ധി​ക്ക​പ്പെ​ടാ​ൻ പാ​ക​ത്തി​ൽ തി​രു​കി​ക്ക​യ​റ്റി​യ ഈ ​നി​യ​മ​ന​ത്തിെ​ൻ​റ പി​ന്നി​ലെ ദു​ഷ്​​ട​ലാ​ക്ക് ആ​ർ​ക്കാ​ണ് വാ​യി​ച്ചെ​ടു​ക്കാ​ൻ പ്ര​യാ​സം? ഇ​ല​ക്േ​ട്രാ​ണി​ക് വോ​ട്ടി​ങ് മെ​ഷീ​െൻ​റ​യും മ​റ്റും വി​ഷ​യ​ത്തി​ൽ ഇ​തി​ന​കം തെ​ര​ഞ്ഞെ​ടു​പ്പ് ക​മീഷ​െ​ൻ​റ നി​ഷ്പ​ക്ഷ​നി​ല​പാ​ട് ചോ​ദ്യം ചെ​യ്യ​പ്പെ​ട്ടി​രി​ക്കെ, പ്ര​ധാ​ന​മ​ന്ത്രി​യു​ടെ സ്വ​ന്തം നോ​മി​നി സു​പ്ര​ധാ​ന ഭ​ര​ണ​ഘ​ട​നപ​ദ​വി​യി​ൽ ഇ​മ്മ​ട്ടി​ൽ അ​വ​രോ​ധി​ക്ക​പ്പെ​ടു​ന്ന​തി​ലെ അ​സാം​ഗ​ത്യം ഗൗ​ര​വ​പൂ​ർ​വം ച​ർ​ച്ചചെ​യ്യ​പ്പെ​ടേ​ണ്ടി​യി​രി​ക്കു​ന്നു.

ഈ ​വി​ഷ​യം ക​ഴി​ഞ്ഞ​ദി​വ​സം സു​പ്രീം​കോ​ട​തി​യു​ടെ പ​രി​ഗ​ണ​ന​യി​ൽ വ​ന്ന​പ്പോ​ൾ ഗൗ​ര​വ​മുള്ള ചി​ല ചോ​ദ്യ​ങ്ങ​ൾ ഉ​ന്ന​യി​ക്ക​പ്പെ​ടു​ക​യു​ണ്ടാ​യി. സ്വ​ത​ന്ത്ര​വും നീ​തി​പൂ​ർ​വ​ക​വു​മാ​യ തെ​ര​ഞ്ഞെ​ടു​പ്പി​ന് നേ​തൃ​ത്വം കൊ​ടു​ക്കേ​ണ്ട​വ​ർ നി​യ​മി​ക്ക​പ്പെ​ടു​ന്ന​തി​ന് എ​ന്തു മാ​ന​ദ​ണ്ഡ​മാ​ണ് പാ​ലി​ക്കു​ന്ന​തെ​ന്നും സു​താ​ര്യ​മാ​യ പ്ര​ക്രി​യ​ക്കാ​യി എ​ന്തു​കൊ​ണ്ട് ആ​വ​ശ്യ​മാ​യ നി​യ​മ​നി​ർ​മാ​ണം ന​ട​ത്തി​യി​ല്ല എ​ന്നു​മാ​ണ് പ​ര​മോ​ന്ന​ത നീ​തി​പീ​ഠ​ത്തി​ന്​ അ​റി​യേ​ണ്ട​ത്. സ​മ​ഗ്രാ​ധി​പ​ത്യ​ത്തി​ലേ​ക്ക് രാ​ജ്യം അ​നു​ദി​നം സ​ഞ്ച​രി​ച്ചു​കൊ​ണ്ടി​രി​ക്കു​മ്പോ​ൾ അ​ത് ത​ട​യി​ടാ​നു​ള്ള ശ്ര​മ​ങ്ങ​ൾ​ക്ക് മു​ൻ​കൈ എ​ടു​ക്കേ​ണ്ട​ത് പ്ര​തി​പ​ക്ഷ​പാ​ർ​ട്ടി​ക​ളാ​ണ്. പ​ക്ഷേ, ആ​ല​സ്യ​ത്തി​ലും നൈ​രാ​ശ്യ​ത്തി​ലും ആ​പ​തി​ച്ച പ്ര​തി​പ​ക്ഷ​ത്തി​ൽ​നി​ന്ന് എ​ന്തു പ്ര​തീ​ക്ഷി​ക്കാ​ൻ.

Show Full Article
Girl in a jacket

Don't miss the exclusive news, Stay updated

Subscribe to our Newsletter

By subscribing you agree to our Terms & Conditions.

Thank You!

Your subscription means a lot to us

Still haven't registered? Click here to Register

TAGS:political crisisdemocratic institutionsstate govts
News Summary - political crisis and attacks a gainst democratic institutions india news
Next Story