‘ക​ശ്മീ​രി​യത്തി​’​ന് ഏ​റ്റ പ്ര​ഹ​രം

പ​തി​റ്റാ​ണ്ടു​ക​ളാ​യി പ്ര​ക്ഷു​ബ്​ധത ​മു​റ്റി​നി​ൽ​ക്കു​മ്പോ​ഴും ജ​മ്മു^ക​ശ്മീ​രി​ൽ മ​ത​വൈ​രം വ​ള​രാ​തെ കാ​ത്തു​സൂ​ക്ഷി​ച്ച ഒ​രു പാ​ര​മ്പ​ര്യ​ത്തി​നാ​ണ് ക​ഴി​ഞ്ഞ​ദി​വ​സം ക​ന​ത്ത പ്ര​ഹ​ര​മേ​റ്റ​ത്. ഗു​ജ​റാ​ത്തി​ൽ​നി​ന്നു​ള്ള അ​മ​ർ​നാ​ഥ് തീ​ർ​ഥാ​ട​ക​ർ സ​ഞ്ച​രി​ച്ച ബ​സി​നു നേ​രെ​യു​ണ്ടാ​യ ആ​ക്ര​മ​ണ​ങ്ങ​ളി​ൽ ഏ​ഴു​ പേ​ർ​ക്ക് ജീ​വ​ൻ ന​ഷ്​​ട​പ്പെ​ടു​ക​യും 30 പേ​ർ​ക്ക് പ​രി​ക്കേ​ൽ​ക്കു​ക​യു​മു​ണ്ടാ​യി. മൂ​ന്നു​ത​വ​ണ ഇ​രു​വ​ശ​ങ്ങ​ളി​ൽ​നി​ന്നാ​യി ആ​ക്ര​മ​ണ​ങ്ങ​ളു​ണ്ടാ​യി​ട്ടും  വാ​ഹ​നം നി​ർത്താ​തെ മു​ങ്ങോ​ട്ട​ുനീ​ങ്ങി​യ ഡ്രൈ​വ​ർ സ​ലീം ഗ​ഫൂ​റിെ​ൻ​റ മ​ന$​സാ​ന്നി​ധ്യം​െകാ​ണ്ട് മാ​ത്ര​മാ​ണ് കൂ​ടു​ത​ൽ മ​ര​ണ​ം ഒ​ഴി​വാ​യത​​െ​ത്ര. ആ​ക്ര​മ​ണ​ത്തി​നു പി​ന്നി​ൽ തീ​വ്ര​വാ​ദ​സം​ഘ​ട​ന​യാ​യ ല​ശ്​ക​റെ ത്വ​യ്യി​ബ​യാ​വാ​മെ​ന്നാ​ണ് സം​സ്​​ഥാ​ന പൊ​ലീ​സ്​ മേ​ധാ​വി വെ​ളി​പ്പെ​ടു​ത്തി​യ​തെ​ങ്കി​ലും ഒ​ന്നി​ൽ കൂ​ടു​ത​ൽ സം​ഘ​ങ്ങ​ളു​ടെ സം​യു​ക്ത​നീ​ക്ക​മാ​യി​രി​ക്കാം ഇ​തി​നു പി​ന്നി​ലെ​ന്നാ​ണ് അ​നു​മാ​നി​ക്ക​പ്പെ​ടു​ന്ന​ത്. എ​ന്നാ​ൽ, ല​ശ്​ക​റെ ത്വ​യ്യി​ബ​യെക്കുറി​ച്ചു​ള്ള സം​ശ​യം കേ​ന്ദ്ര ആ​ഭ്യ​ന്ത​ര​ മ​ന്ത്രാ​ല​യം പൂ​ർ​ണ​മാ​യും സ്വീ​ക​രി​ച്ചി​ട്ടി​ല്ല എ​ന്നാ​ണ് റി​പ്പോ​ർ​ട്ട്.  കാ​ര​ണം, ചാ​വേ​റാ​ക്ര​മ​ണ​മാ​ണ് അ​വ​രു​ടെ ശൈ​ലി.  ഇ​പ്പോ​ൾ സം​ഭ​വി​ച്ച​തുപോ​ലു​ള്ള  ആ​ക്ര​മ​ണ​ത്തി​ൽ അ​വ​രു​ടെ മു​ദ്ര കാ​ണാ​ൻ​ പ്ര​യാ​സ​മാ​ണെ​ന്നും ചൂ​ണ്ടി​ക്കാ​ട്ടു​ന്നു​ണ്ട്. ഏ​ത് ദു​ഷ്​​ട​ ക​ര​ങ്ങ​ളാ​ണ് സം​ഭ​വ​ത്തി​നു പി​ന്നി​ൽ പ്ര​വ​ർ​ത്ത​ിച്ച​തെ​ന്ന് ഒ​രുപക്ഷേ ക​ണ്ടു​പി​ടി​ക്കാ​ൻ സാ​ധി​ച്ചെ​ന്നു വ​രി​ല്ല. സൈ​നി​ക^ഉ​ദ്യോ​ഗ​സ്ഥ​ മേ​ധാ​വി​ക​ൾ പ​റ​യു​ന്ന​ത് വി​ഴു​ങ്ങുക​യേ നി​ർ​വാ​ഹ​മു​ള്ളൂ. ഒ​രാ​ഴ്ച മു​മ്പുത​ന്നെ തീ​വ്ര​വാ​ദി​ക​ളി​ൽ​നി​ന്ന് ആ​ക്ര​മ​ണ​ സാ​ധ്യ​ത മു​ന്ന​റി​യി​പ്പാ​യി ല​ഭി​ച്ചി​ട്ടു​ണ്ടെ​ന്നാ​ണ് ഔ​ദ്യോ​ഗി​ക കേ​ന്ദ്ര​ങ്ങ​ൾപോ​ലും സ​മ്മ​തി​ക്കു​ന്ന​ത്. അ​പ്പോ​ൾ ഗു​രു​ത​ര​മാ​യ സു​ര​ക്ഷ ​പാ​ളി​ച്ച ഉ​ണ്ടാ​യി​ട്ടു​ണ്ടെ​ന്ന പ്ര​തി​പ​ക്ഷ​ത്തിെ​ൻ​റ ആ​രോ​പ​ണം ത​ള്ളി​ക്ക​ള​യാ​നാ​വി​ല്ല. സു​ര​ക്ഷ പ​രി​ശോ​ധ​ന പൂ​ർ​ത്തി​യാ​ക്കാ​തെ​യാ​ണ് വാ​ഹ​നം, രാ​ത്രി​യി​ൽ അ​മ​ർ​നാ​ഥി​ലേ​ക്ക് നീ​ങ്ങി​യ​തെ​ന്ന റി​പ്പോ​ർ​ട്ട് സ്​​ഥി​രീ​ക​രി​ച്ചി​ട്ടു​ണ്ട്. എ​ന്തു​കൊ​ണ്ട് അ​ങ്ങ​നെ സം​ഭ​വി​​െച്ച​ന്ന ചോ​ദ്യ​ത്തി​നു തൃ​പ്തി​ക​ര​മാ​യ ഉ​ത്ത​രം ഇ​തു​വ​രെ ല​ഭി​ച്ചി​ട്ടി​ല്ല. 

താ​ഴ്വ​ര​യി​ലെ മു​ഴു​വ​ൻ സം​ഘ​ട​ന​ക​ളും രാ​ഷ്​ട്രീ​യ പ്ര​സ്​​ഥാ​ന​ങ്ങ​ളും  തീ​ർ​ഥാ​ട​ക​ർ​ക്ക് നേ​രെ​യു​ണ്ടാ​യ ആ​ക്ര​മ​ണ​ത്തെ അ​പ​ല​പി​ക്കാ​ൻ മു​ന്നോ​ട്ടു​വ​ന്ന​ത് ക​ശ്മീ​രി​യ​ത്തിെ​ൻ​റ അ​ന്ത​സ്സത്ത പാ​ര​സ്​​പ​ര്യ​ത്തിേ​ൻ​റ​താ​ണെ​ന്ന് ഒ​രി​ക്ക​ൽകൂ​ടി ഓ​ർ​മ​പ്പെ​ടു​ത്തു​ന്നു. നാ​ഷ​ന​ൽ കോ​ൺ​ഫ​റ​ൻ​സ്​ നേ​താ​വ് ഡോ. ​ഫാ​റൂ​ഖ് അ​ബ്​ദു​ല്ല ത​ങ്ങ​ളു​ടെ ‘അ​തി​ഥി​ക​ളാ​യ’ തീ​ർ​ഥാ​ടക​ർ​ക്കു നേ​രെ​യു​ണ്ടാ​യ ആ​ക്ര​മ​ണ​ത്തെ ‘ത​ങ്ങ​ളു​ടെ മ​ത​ത്തി​നും ക​ശ്മീ​രി​ക​ളു​ടെ സ്വ​ത്വ​ത്തി​നും ഏ​റ്റ’ ക​ന​ത്ത പ്ര​ഹ​ര​മാ​യാ​ണ് കാ​ണു​ന്ന​ത്. അ​മ​ർ​നാ​ഥ് തീ​ർ​ഥാ​ട​നം അ​നി​ഷ്​​ട​സം​ഭ​വ​ങ്ങ​ളൊ​ന്നു​മി​ല്ലാ​തെ പൂ​ർ​ത്തി​യാ​ക്കാ​ൻ എ​ല്ലാ സൗ​ക​ര്യ​ങ്ങ​ളും ഒ​രു​ക്കി​ക്കൊ​ടു​ക്കേ​ണ്ട​ത് ത​ങ്ങ​ളു​ടെ ബാ​ധ്യ​ത​യായാ​ണ് ക​ശ്മീ​രി​ക​ൾ ജാ​തി​മ​ത​ഭേ​ദ​മ​ന്യെ കാ​ണു​ന്ന​ത്. തീ​ർ​ഥാ​ട​ക​ർ ക​ട​ന്നു​പോ​കു​ന്ന ദു​ഷ്ക​ര​മാ​യ വ​ഴി​ക​ൾ​ക്ക് സ​മീ​പ​ത്ത് ക​ഴി​യു​ന്ന​വ​രെ​യാ​ണ് തി​ങ്ക​ളാ​ഴ്ച രാ​ത്രി​യ​ിലെ സം​ഭ​വം കൂ​ടു​ത​ൽ ന​ടു​ക്കി​യ​ത്. കാ​ര​ണം, അ​വ​ർ കാ​ത്തു​സൂ​ക്ഷി​ച്ച മ​ത​മൈ​ത്രി​യു​ടെ​യും പാ​ര​സ്​​പ​ര്യ​ത്തിെ​ൻ​റ​യും ക​ട​യ്​ക്കാ​ണ് ഏ​തോ ദു​ഷ്​​ട​ശ​ക്തി​ക​ൾ ക​ത്തി​വെ​ച്ചി​രി​ക്കു​ന്ന​ത്. ഭീ​രു​ത്വം നി​റ​ഞ്ഞ ഈ ​കൈ​രാ​ത​ത്തി​നെ​തി​രെ രാ​ഷ്​ട്രാ​ന്ത​രീ​യ ഏ​ജ​ൻ​സി അ​ന്വേ​ഷി​ക്ക​ണ​മെ​ന്ന് ചി​ല സം​ഘ​ട​ന​ക​ൾ ആ​വ​ശ്യ​പ്പെ​ട്ട​ത് താ​ഴ്വ​ര​യി​ലെ സാ​മൂ​ഹി​കാ​ന്ത​രീ​ക്ഷം കൂ​ടു​ത​ൽ വ​ഷ​ളാ​ക്കാ​ൻ ഏ​തെ​ങ്കി​ലും അ​ണി​യ​റ ശ​ക്തി​ക​ൾ പ്ര​വ​ർ​ത്തി​ച്ചി​ട്ടു​ണ്ടോ എ​ന്ന സം​ശ​യ​ത്തി​ലാ​വ​ണം. സ​മീ​പ​കാ​ല​ത്ത് താ​ഴ്വ​ര കൂ​ടു​ത​ൽ സം​ഘ​ർ​ഷ​ ഭ​രി​ത​മാ​യി​ട്ടും മ​ത​സം​ഘ​ട്ടന​ങ്ങ​ളാ​യി രൂ​പാ​ന്ത​ര​പ്പെ​ടാ​തി​രുന്നത്​ അ​ന്നാ​ട്ടി​ലെ ജ​നം പ്ര​ദ​ർ​ശി​പ്പി​ക്കു​ന്ന ജാ​ഗ്ര​ത​ മൂലമാണ്​. ഇ​ത് ചി​ല​രുടെ​യെ​ങ്കി​ലും മ​ന$​സ​മാ​ധാ​നം കെ​ടു​ത്തു​ന്നു​ണ്ടാ​വ​ണം. 

പ്ര​തി​പ​ക്ഷ​ പാ​ർ​ട്ടി​ക​ൾ ചൂ​ണ്ടി​ക്കാ​ട്ടി​യ​തുപോ​ലെ, ഉ​ത്ത​ര​വാ​ദ​പ്പെ​ട്ട​വ​രു​ടെ ഭാ​ഗ​ത്തു​നി​ന്നു​ണ്ടാ​യ ക​ന​ത്ത സു​ര​ക്ഷ ​പാ​ളി​ച്ച​യാ​ണ് കു​റെ തീ​ർ​ഥാ​ടക​രു​ടെ ജീ​വ​ൻ ക​വ​ർ​ന്നെ​ടു​ത്ത​ത്. ‘ഹൈ​ന്ദ​വ ഹൃ​ദ​യ സ​മ്രാ​ട്ടാ​യി സ്വ​യം അ​വ​രോ​ധി​ത​നാ​യ ന​രേ​ന്ദ്ര​ മോ​ദി ഭ​ര​ണ​ത്ത​ല​പ്പ​ത്തി​രി​ക്കു​മ്പോ​ൾ അ​ദ്ദേ​ഹ​ത്തിെ​ൻ​റ ജ​ന്മ​ദേ​ശ​മാ​യ ഗു​ജ​റാ​ത്തി​ൽ​നി​ന്ന് എ​ത്തി​യ തീ​ർ​ഥാ​ട​ക​ർ നേ​രി​ടേ​ണ്ടി​വ​ന്ന ദു​ര​ന്ത​ത്തി​നു കൂ​ടു​ത​ൽ മാ​ന​ങ്ങ​ളു​ണ്ട്. വ്യ​ക്ത​മാ​യ ര​ഹ​സ്യ​മു​ന്ന​റി​യി​പ്പു​ക​ളു​ണ്ടാ​യി​ട്ടും സു​ര​ക്ഷ സം​വി​ധാ​ന​ത്തി​ലുണ്ടാ​യ ഗു​രു​ത​ര​ പാ​ളി​ച്ച​ക​ളെക്കുറി​ച്ച് അ​ന്വേ​ഷി​ക്ക​ണ​മെ​ന്ന 18 പ്ര​തി​പ​ക്ഷ പാ​ർ​ട്ടി​ക​ളു​ടെ ആ​വ​ശ്യ​ത്തോ​ട് ജ​മ്മു^ക​ശ്മീ​രിെ​ൻ​റ ചു​മ​ത​ല​യു​ള്ള ബി.​ജെ.​പി ജ​ന.​ സെ​ക്ര​ട്ട​റി രാം ​മാ​ധ​വിെ​ൻ​റ പ്ര​തി​ക​ര​ണം തീ​ർ​ത്തും രാ​ഷ്​ട്രീയ​​ േപ്ര​രി​ത​മാ​ണെ​ന്ന് കാ​ണാ​തി​രു​ന്നു​കൂ​ടാ. ഭീ​ക​ര​വാ​ദി​ക​ൾ നൈ​രാ​ശ്യ​ത്തി​ലാ​ണെ​ന്നും ഓ​പ​റേ​ഷ​നു​ക​ൾ കാ​ര്യ​ക്ഷ​മ​മാ​ണെ​ന്നും മു​ൻ ആ​ർ.​എ​സ്.​എ​സ്​ വ​ക്താ​വ് ആ​വ​ർ​ത്തി​ക്കു​മ്പോ​ൾ, രാ​ജ്യ​ത്തിെ​ൻ​റ​യും രാ​ജ്യ​വാ​സി​ക​ളു​ടെ​യും താ​ൽ​പ​ര്യ​ങ്ങ​ൾ സം​ര​ക്ഷി​ക്കേ​ണ്ട സ​ന്ദ​ർ​ഭം വ​രു​മ്പോ​ൾപോ​ലും ക​ണ്ണ​ട​ച്ച് ഇ​രു​ട്ടാ​ക്കു​ന്ന വൃ​ത്തി​കെ​ട്ട ശൈ​ലി​യാ​ണ് ഇ​വ​ർ അ​വ​ലം​ബി​ക്കു​ന്ന​തെ​ന്ന് പ​റ​യാ​തെ വ​യ്യ. അഞ്ഞൂറി​െൻ​റ​യും ആയിരത്തിെ​ൻ​റ​യും നോ​ട്ടു​ക​ൾ അ​സാ​ധു​വാ​യി പ്ര​ഖ്യാ​പി​ച്ച​പ്പോ​ൾ പ്ര​ധാ​ന​മ​ന്ത്രി പ​റ​ഞ്ഞ​ത് ഭീ​ക​ര​വാ​ദി​ക​ളു​ടെ വേ​ര് അ​റു​ത്തു​മാ​റ്റു​ക​യാ​ണ് സ​ർ​ക്കാ​റിെ​ൻ​റ മു​ഖ്യ​ല​ക്ഷ്യ​മെ​ന്നാ​ണ്. എ​ന്നാ​ൽ, 2017 താ​ഴ്വ​ര​യു​ടെ സ​മീ​പ ച​രി​ത്ര​ത്തി​ലെ ഏ​റ്റ​വും അ​ത്യാ​ഹി​ത​ങ്ങ​ൾ നി​റ​ഞ്ഞ വ​ർ​ഷ​മാ​യി മാ​റു​ക​യാ​ണ്. ഇ​തി​നകം സൈ​നി​ക​രും സി​വി​ല​ിയ​ന്മാ​രും ഉ​ൾ​പ്പെ​ടെ നാ​നൂ​റി​ലേ​റെ പേ​ർ കൊ​ല്ല​പ്പെ​ട്ടു​. 2009നു ​ശേ​ഷം ഇ​ത്ര​യു​മേ​റെ മ​നു​ഷ്യ​ജീ​വ​നു​ക​ൾ ബ​ലി കൊ​ടു​ക്കേ​ണ്ടി​വ​രു​ന്ന​ത് ഇ​താ​ദ്യ​മാ​ണ്​. ഹി​സ്​​ബു​ൽ മു​ജാ​ഹി​ദീ​ൻ ത​ല​വ​ൻ ബു​ർ​ഹാ​ൻ വാ​നി​യു​ടെ വ​ധ​ത്തി​നുശേ​ഷം അ​വ​താ​ള​ത്തി​ലാ​യ ക്ര​മ​സ​മാ​ധ​ാന​നി​ല വീ​ണ്ടെ​ടു​ക്കാ​ൻ ഫ​ല​പ്ര​ദ​മാ​യ പോം​വ​ഴി​ക​ളൊ​ന്നും കേ​ന്ദ്ര^സം​സ്​​ഥാ​ന ഗ​വ​ൺ​മെ​ൻ​റു​ക​ളു​ടെ ഭാ​ഗ​ത്തു​നി​ന്നു​ണ്ടാ​യി​ട്ടി​ല്ല എ​ന്ന​താ​ണ് യാ​ഥാ​ർ​ഥ്യം. അ​തി​നി​ട​യി​ൽ തീ​ർ​ഥാ​ട​ക​ർ​ക്കുപോ​ലും ര​ക്ഷ​യി​ല്ലാ​ത്ത അ​വ​സ്​​ഥ​യി​ലേ​ക്ക് കാ​ര്യ​ങ്ങ​ൾ വ​ഴു​തി​വീ​ഴു​ക​യാ​ണെ​ങ്കി​ൽ അ​തി​നു പൂ​ർ​ണ ഉ​ത്ത​ര​വാ​ദി​ക​ൾ ആ​രെ​ന്ന നി​ഗ​മ​ന​ത്തി​ലെ​ത്താ​ൻ വ​ലി​യ ബു​ദ്ധി​വൈ​ഭ​വ​മൊ​ന്നും ആ​വ​ശ്യ​മി​ല്ല​ല്ലോ.