Begin typing your search above and press return to search.
proflie-avatar
Login
exit_to_app
exit_to_app
Homechevron_rightOpinionchevron_rightEditorialchevron_rightപു​തു​മ​യി​ല്ലാ​ത്ത...

പു​തു​മ​യി​ല്ലാ​ത്ത പു​തി​യ ഹ​ജ്ജ്​ നയം 

text_fields
bookmark_border
editorial
cancel

കേ​ന്ദ്ര​ ന്യൂ​ന​പ​ക്ഷ​കാ​ര്യ​മ​ന്ത്രി ത​യാ​റാ​ക്കി​യ പു​തി​യ ഹ​ജ്ജ്​ ന​യം കാ​ലാ​കാ​ല​മാ​യി ഹാ​ജി​മാ​രി​ൽ​നി​ന്നും ഹ​ജ്ജു​മാ​യി ബ​ന്ധ​പ്പെ​ട്ട മേ​ഖ​ല​ക​ളി​ൽ പ്ര​വ​ർ​ത്തി​ക്കു​ന്ന​വ​രി​ൽ​നി​ന്നും ഉ​യ​രു​ന്ന ആ​വ​ലാ​തി​ക​ൾ​ക്കും പ​രാ​തി​ക​ൾ​ക്കും ശാ​ശ്വ​ത​പ​രി​ഹാ​രം ന​ൽ​കു​ന്ന​ത​ല്ലെ​ന്ന് പ്രാ​ഥ​മി​ക വി​ശ​ക​ല​ന​ത്തി​ൽ​നി​ന്ന് മ​ന​സ്സി​ലാ​ക്കാ​വു​ന്ന​തേ​യു​ള്ളൂ. കേ​ന്ദ്ര​ ഹ​ജ്ജ് ക​മ്മി​റ്റി​യും സം​സ്​​ഥാ​ന ഹ​ജ്ജ് ക​മ്മി​റ്റി​ക​ളും സ്​​റ്റാ​റ്റ്യൂ​ട്ട​റി പ​ദ​വി​ക​ളു​ള്ള സ്​​ഥാ​പ​ന​ങ്ങ​ളാ​ണെ​ങ്കി​ലും തീ​ർ​ഥാ​ട​ന വി​ഷ​യ​ത്തി​ൽ കാ​ത​ലാ​യ ഭാ​ഗ​ഭാ​ഗി​ത്വം വ​ഹി​ക്കാ​ൻ അ​നു​വ​ദി​ക്കാ​ത്ത​താ​ണ് പ്ര​ശ്ന​ത്തിെ​ൻ​റ മ​ർ​മ​മെ​ന്ന് പ​ല​വു​രു ചൂ​ണ്ടി​ക്കാ​ട്ടി​യ​താ​ണ്. ഹ​ജ്ജു​മാ​യി ബ​ന്ധ​പ്പെ​ട്ട അ​ടി​സ്​​ഥാ​ന ന​യ​നി​ല​പാ​ടു​ക​ൾ രൂ​പ​പ്പെ​ടു​ത്തു​ന്ന​തി​ൽ ജ​നാ​ധി​പ​ത്യാ​ടി​സ്​​ഥാ​ന​ത്തി​ൽ തെ​ര​ഞ്ഞെ​ടു​ക്ക​പ്പെ​ടു​ന്ന ഹ​ജ്ജ് ക​മ്മി​റ്റി​ക​ൾ​ക്ക് കാ​ര്യ​മാ​യ പ​ങ്കി​ല്ല എ​ന്നി​ട​ത്തു​നി​ന്ന് തു​ട​ങ്ങു​ന്ന പ​രി​മി​തി​ക​ൾ ന​യം രൂ​പ​വ​ത്​കരി​ക്കു​ന്ന​തി​ലും ഹ​ജ്ജ് ന​ട​ത്തി​പ്പി​ലും പ​ല​പ്പോ​ഴും നോ​ക്കു​കു​ത്തി​ക​ളാ​യി നി​ൽ​ക്കേ​ണ്ടി​വ​രു​ന്ന ഗ​തി​കേ​ടാ​ണു​ള്ള​ത്. അ​തു​കൊ​ണ്ടുത​ന്നെ, മു​ൻ ന​യ​ത​ന്ത്ര​ ഉ​ദ്യോ​ഗ​സ്​​ഥ​ൻ അ​ഫ്സ​ൽ അ​മാ​നു​ല്ല​യു​ടെ നേ​തൃ​ത്വ​ത്തി​ലു​ള്ള പ​രി​ഷ്ക​ര​ണ സ​മി​തി​യു​ടെ ശി​പാ​ർ​ശ​ക​ളി​ൽ ചി​ല​ത് ത​ള്ളി​യും ചി​ല​ത് സ്വീ​ക​രി​ച്ചും ത​യാ​റാ​ക്കി​യ പു​തി​യ ഹ​ജ്ജ്​ ന​യം കേ​ര​ളംപോ​ലു​ള്ള സം​സ്​​ഥാ​ന​ങ്ങ​ൾ ഏ​റെക്കാ​ല​മാ​യി ഉ​യ​ർ​ത്തു​ന്ന പ്ര​ശ്ന​ങ്ങ​ൾ​ക്കൊ​ന്നും പ്ര​തി​വി​ധി നി​ർ​ദേ​ശി​ക്കു​ന്നി​ല്ല എ​ന്ന​ത് ഖേ​ദ​ക​ര​മാ​ണ്. ഹാ​ജി​മാ​രെ തെ​ര​ഞ്ഞെ​ടു​ക്കു​ന്ന വി​ഷ​യ​ത്തി​ൽ ഏ​റ്റ​വും കൂ​ടു​ത​ൽ അ​പേ​ക്ഷ​ക​രു​ള്ള കേ​ര​ള​ത്തി​ന് ഏ​തെ​ങ്കി​ലും ത​ര​ത്തി​ലു​ള്ള പ്ര​ത്യേ​ക പ​രി​ഗ​ണ​ന വേ​ണ​മെ​ന്ന നി​ര​ന്ത​ര​മാ​യ ആ​വ​ശ്യം കേ​ട്ട ല​ക്ഷ​ണ​മി​ല്ല.

അ​തേ​സ​മയം, കേ​ന്ദ്ര ഹ​ജ്ജ് ക​മ്മി​റ്റി മു​ഖേ​ന പോ​കു​ന്ന​വ​രു​ടെ അ​നു​പാ​തം 75ൽ​നി​ന്ന് 70 ആ​യി ചു​രു​ക്കി​യ​ത് ഹ​ജ്ജിെ​ൻ​റ പേ​രി​ൽ കൊ​ള്ള​ലാ​ഭം കൊ​യ്യു​ന്ന സ്വ​കാ​ര്യ ഹ​ജ്ജ് ഗ്രൂ​പ്പു​ക​ൾ​ക്ക് ആ​ഹ്ലാ​ദം പ​ക​രു​മെ​ന്ന​തി​ൽ സം​ശ​യ​മി​ല്ല. സ്വ​കാ​ര്യ ഹ​ജ്ജ് സ​ർ​വിസ്​ സ്​​ഥാ​പ​ന​ങ്ങ​ളു​ടെ​മേ​ൽ സ​ർ​ക്കാ​റിന് ഒ​രു​ത​ര​ത്തി​ലു​ള്ള ക​ടി​ഞ്ഞാ​ണും ഇ​ല്ലെ​ന്നി​രി​ക്കെ എ​ന്തി​ന് അ​വ​രു​ടെ വി​ഹി​തം 30  ശ​ത​മാ​ന​മാ​ക്കി ഉ​യ​ർ​ത്തി എ​ന്ന ചോ​ദ്യ​ത്തി​ന് മ​ന്ത്രി​യു​ടെ പ​ക്ക​ൽപോ​ലും ഉ​ത്ത​ര​മു​ണ്ടാ​വ​ണ​മെ​ന്നി​ല്ല. ​േക്വാ​ട്ട ഉ​യ​ർ​ത്തി​ക്കി​ട്ടാ​ൻ സു​പ്രീം​കോ​ട​തി​യെ വ​രെ സ​മീ​പി​ക്കാ​റു​ള്ള സ്വ​കാ​ര്യ​മേ​ഖ​ല​യെ കേ​ന്ദ്ര​ സ​ർ​ക്കാ​ർ ഇ​തു​വ​രെ സേ​വി​ച്ച​ത് സൗ​ദി അ​റേ​ബ്യ​യു​മാ​യി ഉ​ണ്ടാ​ക്കു​ന്ന ‘ക​രാ​റി’െ​ൻ​റ പേ​രി​ലാ​ണ്. അ​ങ്ങ​നെ​യൊ​രു ക​രാ​ർ ഇ​ല്ല എ​ന്ന​താ​ണ് വാ​സ്​​ത​വം. മ​റ്റു പ​ല രാ​ജ്യ​ങ്ങ​ളും ത​ങ്ങ​ളു​ടെ ഹാ​ജി​മാ​രെ മു​ഴു​വ​ൻ സ​ർ​ക്കാ​ർ സം​വി​ധാ​ന​ത്തി​ലൂ​ടെ കൊ​ണ്ടു​വ​രു​ന്ന​തുകൊ​ണ്ട് ചു​രു​ങ്ങി​യ ചെ​ല​വി​ൽ ഹ​ജ്ജ് നി​ർ​വ​ഹി​ക്കാ​നു​ള്ള അ​വ​സ​ര​മൊ​രു​ക്കി​ക്കൊ​ടു​ക്കാ​ൻ സാ​ധി​ക്കു​ന്നു​ണ്ട്. ഏ​റ്റ​വും കൂ​ടു​ത​ൽ ഹാ​ജി​മാ​രെ അ​യ​ക്കു​ന്ന (ഏ​ക​ദേ​ശം 2,11,000) ഇ​ന്തോ​നേ​ഷ്യ ഈ ​ദി​ശ​യി​ൽ ന​ട​പ്പാ​ക്കു​ന്ന കാ​ര്യ​ക്ഷ​മ​മാ​യ പ​രി​ഷ്ക​ര​ണ​ത്തെക്കുറി​ച്ച് പ്രാ​ഥ​മി​ക പ​ഠ​ന​ത്തി​ന് ത​യാ​റാ​യി​രു​​െന്ന​ങ്കി​ൽ സ​മി​തി​ക്ക് ക്രി​യാ​ത്മ​ക​മാ​യ നി​ർ​ദേ​ശ​ങ്ങ​ൾ സ​മ​ർ​പ്പി​ക്കാ​ൻ സാ​ധി​ച്ചേ​നെ. എ​ന്നാ​ൽ, മു​ൻ ഹ​ജ്ജ് കോ​ൺ​സ​ൽ കൂ​ടി​യാ​യ അ​ഫ്സ​ൽ അ​മാ​നു​ല്ല ഖാ​ൻ കേ​ന്ദ്ര സ​ർ​ക്കാ​റിെ​ൻ​റ ഹി​ത​ങ്ങ​ൾ നോ​ക്കി​യ​ത​ല്ലാ​തെ, ഹ​ജ്ജ് തീ​ർ​ഥാ​ട​ന രം​ഗ​ത്ത് ആ​വ​ശ്യ​മാ​യ ന​വീ​ക​ര​ണ​ങ്ങ​ളെക്കുറി​ച്ച് ആ​ലോ​ചി​ച്ചി​ട്ടു​പോ​ലു​മി​ല്ല എ​ന്നാ​ണ് മ​ന​സ്സി​ലാ​ക്കേ​ണ്ട​ത്. 

ആ​രൊ​ക്കെ ഹ​ജ്ജി​ന് പു​റ​പ്പെ​ട​ണം എ​ന്ന വി​ഷ​യ​ത്തി​ൽ മാ​ന​ദ​ണ്ഡ​ങ്ങ​ൾ വെ​ക്കാ​നു​ള്ള അ​വ​കാ​ശ​മെ​ങ്കി​ലും കേ​ന്ദ്ര​ഹ​ജ്ജ് ക​മ്മി​റ്റി​ക്ക് വി​ട്ടു​കൊ​ടു​ക്ക​ണ​മാ​യി​രു​ന്നു. 70 വ​യ​സ്സ് ക​ഴി​ഞ്ഞ​വ​ർ​ക്കു​ള്ള മു​ൻ​ഗ​ണ​ന നി​ല​നി​ർത്താ​ൻ സ​മ്മ​തി​ച്ച​ത് ന​ന്നാ​യി. അ​തേ​സ​മ​യം, അ​ഞ്ചാം ത​വ​ണ​യും അ​പേ​ക്ഷി​ച്ച​വ​ർ​ക്കു​ള്ള സം​വ​ര​ണം വേ​ണ്ടെ​ന്നുവെ​ച്ച​ത് ക​ടും​കൈ ആ​ണ്. എ​ല്ലാ രാ​ജ്യ​ങ്ങ​ളും ഈ ​വി​ഷ​യ​ത്തി​ൽ യു​ക്തി​ഭ​ദ്ര​മാ​യ നി​ല​പാ​ടാ​ണ് സ്വീ​ക​രി​ക്കാ​റ്. പ​രി​മി​ത​മാ​യ സീ​റ്റു​ക​ളി​ലേ​ക്കു​ള്ള ന​റു​ക്കെ​ടു​പ്പി​ൽ ക​യ​റി​പ്പ​റ്റു​ക എ​ളു​പ്പ​മ​ല്ലെ​ന്നി​രി​ക്കെ, ഇ​തു​വ​രെ പി​ന്തു​ട​ർ​ന്നു​പോ​ന്ന ‘സം​വ​ര​ണം’ എ​ടു​ത്തു​ക​ള​യു​ന്ന​തുകൊ​ണ്ട് എ​ന്തു​നേ​ട്ട​മാ​ണ് സ​ർ​ക്കാ​ർ ഉ​ദ്ദേ​ശി​ക്കു​ന്ന​ത്? ഈ ​ദി​ശ​യി​ൽ സ​ർ​ക്കാ​ർ ചെ​യ്യേ​ണ്ടി​യി​രു​ന്ന​ത് ജ​ന​സം​ഖ്യാ​നു​പാ​തി​ക​മാ​യി സീ​റ്റ്​ വിഭ​ജ​നം ന​ട​ത്തു​ന്ന​തി​നു പ​ക​രം അ​പേ​ക്ഷ​ക​രു​ടെ എ​ണ്ണം ക​ണ​ക്കി​ലെ​ടു​ത്ത് ഓ​രോ സം​സ്​​ഥാ​ന​ത്തിെ​ൻ​റ​യും ​േക്വാ​ട്ട നി​ശ്ച​യി​ക്കു​ക​യാ​ണ്. ഏ​റ്റ​വും കൂ​ടു​ത​ൽ മു​സ്​​ലിം​ക​ളു​ള്ള യു.​പി, ബിഹാ​ർ, അ​സം തു​ട​ങ്ങി​യ സം​സ്​​ഥാ​ന​ങ്ങ​ളെ അ​പേ​ക്ഷി​ച്ച് കൊ​ച്ചു​കേ​ര​ള​ത്തി​ൽ​നി​ന്നാ​ണ് കൂ​ടു​ത​ൽ അ​പേ​ക്ഷ​ക​രു​ണ്ടാ​വു​ന്ന​ത്. അ​തു​കൊ​ണ്ടുത​ന്നെ, അ​ഞ്ചാം​ത​വ​ണ​യും അ​പേ​ക്ഷി​ക്കു​ന്ന​വ​ർ​ക്കു​ള്ള മു​ൻ​ഗ​ണ​ന സൗ​ക​ര്യം പ്ര​യോ​ജ​ന​പ്പെ​ടു​ത്തി​യാ​ണ് പ​ല​രും തീ​ർ​ഥാ​ട​ന സ്വ​പ്നം പൂ​വ​ണി​യി​ക്കു​ന്ന​ത്. പു​തി​യ ന​യം പ്രാ​ബ​ല്യ​ത്തി​ൽ വ​രു​ന്ന​തോ​ടെ അ​ങ്ങ​നെ​യാ​രു അ​വ​സ​ര​വും ഇ​ല്ലാ​താ​വു​ക​യാ​ണ്. കേ​ന്ദ്ര​ഹ​ജ്ജ് ക​മ്മി​റ്റി പ്ര​തി​നി​ധി​ക​ളു​ടെ മു​ന്നി​ൽ കേ​ര​ളം സ​മ​ർ​പ്പി​ച്ച നി​ർ​ദേ​ശ​ങ്ങ​ളൊ​ന്നും സ്വീ​ക​രി​ക്ക​പ്പെ​ട്ടി​ല്ല എ​ന്ന് ചു​രു​ക്കം. നി​ല​വി​ലെ 21 എ​ംബാ​ർ​ക്കേ​ഷ​ൻ പോ​യ​ൻ​റു​ക​ൾ നി​ല​നി​ർ​ത്താ​നു​ള്ള തീ​രു​മാ​നം സ്വാ​ഗ​താ​ർ​ഹ​മാ​ണ്. അ​തേ​സ​മ​യം, ടി​ക്ക​റ്റ് നി​ര​ക്ക് കു​റ​ഞ്ഞ കേ​ന്ദ്രം തെ​ര​ഞ്ഞെ​ടു​ക്കാം എ​ന്നൊ​ക്കെ പ​റ​യു​ന്ന​ത് പ്രാ​യോ​ഗി​ക​മ​ല്ല. നെ​ടു​മ്പാ​ശ്ശേ​രി ഇ​ത്ത​വ​ണ​യും എം​ബാ​ർ​ക്കേ​ഷ​ൻ കേ​ന്ദ്ര​മാ​യി നി​ല​നി​ർ​ത്താ​നാ​ണ് തീ​രു​മാ​ന​മെ​ങ്കി​ൽ അ​ത് വ​ൻ രോ​ഷം ക്ഷ​ണി​ച്ചു​വ​രു​ത്തു​മെ​ന്നു​റ​പ്പാ​ണ്. കേ​ര​ള​ത്തി​ലെ തീ​ർ​ഥാട​ക​രി​ൽ 90 ശ​ത​മാ​ന​വും മ​ല​ബാ​റി​ൽ​നി​ന്നാ​ണെ​ന്നി​രി​ക്കെ, സാ​ങ്കേ​തി​ക​ത്വം പ​റ​ഞ്ഞ്, ക​രി​പ്പൂ​രി​നെ ത​ഴ​യാ​നും സ്വ​കാ​ര്യ മേ​ഖ​ല​യി​ലു​ള്ള നെ​ടു​മ്പാ​ശ്ശേ​രി​യെ കൊ​ഴു​പ്പി​ക്കാ​നു​മു​ള്ള നീ​ക്കം ന​ഗ്​നമാ​യ വാ​ഗ്ദ​ത്ത ലം​ഘ​ന​മാ​ണ്. അ​ടു​ത്ത​വ​ർ​ഷം ക​രി​പ്പൂ​രി​ൽ​നി​ന്നാ​യി​രി​ക്കും ഹാ​ജി​മാ​ർ യാ​ത്ര പു​റ​പ്പെ​ടു​ക എ​ന്ന് മു​ഖ്യ​മ​ന്ത്രി​യും വ​കു​പ്പ് മ​ന്ത്രി​യു​മൊ​ക്കെ പ​ല​വ​ട്ടം ആ​വ​ർ​ത്തി​ച്ചി​ട്ടും കേ​ന്ദ്ര​സ​ർ​ക്കാ​റിനെക്കൊണ്ട് അ​തി​ന​നു​സൃ​ത​മാ​യ തീ​രു​മാ​ന​മെ​ടു​പ്പി​ക്കാ​ൻ സാ​ധി​ക്കു​ന്നി​ല്ലെ​ങ്കി​ൽ സം​സ്​​ഥാ​ന സ​ർ​ക്കാ​റിെ​ൻ​റ ഇ​ച്ഛാ​ശ​ക്തി ഇ​ല്ലാ​യ്മ​യോ അ​ല്ലെ​ങ്കി​ൽ നെ​ടു​മ്പാ​ശ്ശേ​രി ലോ​ബി​യു​ടെ ദു​ഃസ്വാ​ധീ​ന​മോ ആ​യി​രി​ക്കാം അ​തി​നു കാ​ര​ണ​മെ​ന്ന നി​ഗ​മ​ന​ത്തി​ലെ​ത്തേ​ണ്ടി​വ​രും. 

ഇ​ത്ര​യും കാ​ല​ത്തെ ഹ​ജ്ജ്​ അ​നു​ഭ​വ​ങ്ങ​ൾ മു​ന്നി​ൽ​വെ​ച്ച്​ തീ​ർ​ഥാ​ട​ക​രു​ടെ സാ​മ്പ​ത്തി​ക ബാ​ധ്യ​ത പ​ര​മാ​വ​ധി കു​റ​ച്ച്, പ്ര​യാ​സ​ങ്ങ​ൾ ല​ഘൂ​ക​രി​ച്ചു​ള്ള ഹ​ജ്ജിന് അ​വ​സ​ര​മൊ​രു​ക്കു​ന്ന​തി​ൽ ഉൗ​ന്ന​ൽ ന​ൽ​കു​ന്ന സ​മ​ഗ്ര​മാ​യ ഒ​രു ഹ​ജ്ജ് ന​യ​മാ​ണ് വേ​ണ്ടി​യി​രു​ന്ന​ത്. അ​തി​നാ​യു​ള്ള മു​റ​വി​ളി വ​രും​കാ​ല​ങ്ങ​ളി​ലും ഉ​യ​ർ​ത്തി​ക്കൊ​ണ്ടേ​യി​രി​ക്കേ​ണ്ടി​വ​രു​മെ​ന്ന് ചു​രു​ക്കം.

Show Full Article
Girl in a jacket

Don't miss the exclusive news, Stay updated

Subscribe to our Newsletter

By subscribing you agree to our Terms & Conditions.

Thank You!

Your subscription means a lot to us

Still haven't registered? Click here to Register

TAGS:articlemalayalam newsMafhyamam EditorialHaj Policy
News Summary - Haj Policy - Article
Next Story