രാ​ജ്യം ത​ല​കു​നി​ക്കു​ന്നു

സ്വാ​ത​ന്ത്ര്യ​ത്തി​െൻറ 70ാം വ​ർ​ഷം വ​ർ​ണ​ശ​ബ​ള​മാ​യി ആ​ഘോ​ഷി​ക്കാ​ൻ ത​യാ​െ​റ​ടു​ക്കു​ന്ന രാ​ജ്യ​ത്തി​െൻറ ത​ല​കു​നി​പ്പി​ക്കു​ന്ന​താ​ണ് ഗോ​ര​ഖ്​പുർ ബാ​ബാ രാ​ഘ​വ്ദാ​സ് മെ​ഡി​ക്ക​ൽ കോ​ള​ജി​ൽ സം​ഭ​വി​ച്ച 72 കു​ട്ടി​ക​ളു​ടെ ദു​ര​ന്ത മ​ര​ണ​ങ്ങ​ൾ. ജീ​വ​വാ​യു നി​ഷേ​ധി​ക്ക​പ്പെ​ട്ട് മ​ര​ണ​ത്തെ പു​ൽ​കാ​ൻ വി​ധി​ക്ക​പ്പെ​ട്ട ആ ​പി​ഞ്ചു​കു​ഞ്ഞു​ങ്ങ​ൾ മ​റ​വു ചെ​യ്യ​പ്പെ​ടു​ന്ന​ത്, രാ​ജ്യ​ത്തി​െൻറ രോ​ഗാ​തു​ര​മാ​യ ആ​രോ​ഗ്യ​രം​ഗ​ത്തെ​യും കെ​ടു​കാ​ര്യ​സ്ഥ​ത​യു​ടെ ഹി​മ​വ​ൽ​കോ​ട്ട​ക​ളാ​യി​ത്തീ​ർ​ന്ന ഭ​ര​ണ​കൂ​ട സം​വി​ധാ​ന​ങ്ങ​ളു​ടെ​യും ജീ​ർ​ണ​ത​ക​ളെ പു​റ​ത്തേ​ക്കി​ട്ടു​കൊ​ണ്ടാ​ണ്.

കേ​ന്ദ്ര-​സം​സ്ഥാ​ന സ​ർ​ക്കാ​റു​ക​ൾ​ക്കും ആ​ശു​പ​ത്രി അ​ധി​കൃ​ത​ർ​ക്കും സ്വാ​ഭാ​വി​ക മ​ര​ണ​ങ്ങ​ളെ​ന്ന് ലാ​ഘ​വ​ത്തോ​ടെ പ​റ​ഞ്ഞൊ​ഴി​യാ​ൻ അ​നു​വ​ദി​ക്ക​പ്പെ​ടാ​ൻ പാ​ടി​ല്ലാ​ത്ത ഭ​ര​ണ​കൂ​ട കൂ​ട്ട​ക്കൊ​ല​യാ​ണ് ആ​ശു​പ​ത്രി​യി​ൽ ക​ഴി​ഞ്ഞ ദി​വ​സ​ങ്ങ​ളി​ൽ അ​ര​ങ്ങേ​റി​യ​ത്. രാ​ജ്യ​ത്തെ മു​ഴു​വ​ൻ ന​ടു​ക്കി​യ, വേ​ദ​നി​പ്പി​ച്ച ആ ​കു​രു​ന്നു​ക​ളു​ടെ മ​ര​ണ​ങ്ങ​ൾ​ക്ക് ന​ൽ​കേ​ണ്ട ഏ​റ്റ​വും കു​റ​ഞ്ഞ പ​രി​ഹാ​ര​ക്രി​യ​യാ​ണ് മു​ഴു​വ​ൻ പ്ര​തി​ക​ളും വെ​ളി​ച്ച​ത്തു​വ​രു​ക​യും ശി​ക്ഷി​ക്ക​പ്പെ​ടു​ക​യും ചെ​യ്യു​ക​യെ​ന്ന​ത്.

ഗോ​ര​ഖ്​പുരി​ലെ ദീ​ർ​ഘ​കാ​ല​ത്തെ എം.​പി​യാ​ണ് സം​സ്ഥാ​നം ഭ​രി​ക്കു​ന്ന മു​ഖ്യ​മ​ന്ത്രി യോ​ഗി ആ​ദി​ത്യ​നാ​ഥ്. മ​സ്തി​ഷ്ക ജ്വ​ര​ത്തി​ന് കു​പ്ര​സി​ദ്ധ​മാ​യ ഗോ​ര​ഖ്പൂ​ർ പ്ര​ദേ​ശ​ത്തെ ഏ​ക ആ​ശ്ര​യ​മാ​ണ് ബി.​ആ​ർ.​ഡി മെ​ഡി​ക്ക​ൽ കോ​ള​ജ്. 1978 മു​ത​ൽ ജ​പ്പാ​ൻ ജ്വ​രം ബാ​ധി​ച്ച് പ​തി​നാ​യി​ര​ത്തി​ല​ധി​കം കു​ട്ടി​ക​ളു​ടെ മ​ര​ണ​മാ​ണ് ഔ​ദ്യോ​ഗി​ക​മാ​യി അ​വി​ടെ മാ​ത്രം രേ​ഖ​പ്പെ​ടു​ത്തി​യി​ട്ടു​ള്ള​ത്; അ​നൗ​ദ്യോ​ഗി​ക​മാ​യി അ​മ്പ​തി​നാ​യി​ര​വും. 2012ന് ​ശേ​ഷം മാ​ത്രം മു​വാ​യി​ര​ത്തി​ല​ധി​കം കു​ട്ടി​ക​ൾ ഇ​തേ രോ​ഗം ഹേ​തു​വാ​യി മ​ര​ണ​ത്തി​ന് കീ​ഴ​ട​ങ്ങി​യി​ട്ടു​ണ്ട്.

എ​ന്നി​ട്ടും മ​തി​യാ​യ ചി​കി​ത്സ സൗ​ക​ര്യ​ങ്ങ​ൾ ഒ​രു​ക്കു​ന്നി​ട​ത്തും ആ​ശു​പ​ത്രി​യു​ടെ പ​രാ​ധീ​ന​ത​ക​ൾ പ​രി​ഹ​രി​ക്കു​ന്നി​ട​ത്തും സ​മ്പൂ​ർ​ണ പ​രാ​ജ​യ​മാ​യി​രു​ന്നു ഭ​ര​ണ​കൂ​ട​ങ്ങ​ളും അ​ധി​കാ​ര കേ​ന്ദ്ര​ങ്ങ​ളും. 2016 ഫെ​ബ്രു​വ​രി മു​ത​ൽ സം​സ്ഥാ​ന-​കേ​ന്ദ്ര ആ​രോ​ഗ്യ വ​കു​പ്പു​ക​ൾ​ക്ക് മെ​ഡി​ക്ക​ൽ കോ​ള​ജ് പ്രി​ൻ​സി​പ്പ​ൽ ക​ത്തെ​ഴു​തു​ന്നു​ണ്ട് മ​സ്തി​ഷ്ക ജ്വ​ര ചി​ക​ിത്സ​ക്ക് 38 കോ​ടി അ​നു​വ​ദി​ക്കാ​ൻ. പു​തി​യ സ​ർ​ക്കാ​ർ അ​ധി​കാ​ര​ത്തി​ലേ​റി​യ​തി​നു​ശേ​ഷ​വും അ​ദ്ദേ​ഹം തു​ക​യ​നു​വ​ദി​ക്കു​ന്ന​തി​നും പ്ര​തി​സ​ന്ധി​യു​ടെ ഗു​രു​ത​രാ​വ​സ്ഥ ബോ​ധ്യ​പ്പെ​ടു​ത്തി​യും ആ​രോ​ഗ്യ​പ​രി​പാ​ല​ന ഡ​യ​റ​ക്ട​ർ ജ​ന​റ​ലി​ന് ക​ത്തെ​ഴു​തി. ആ ​ക​ത്തും കേ​ന്ദ്ര​ത്തി​ലേ​ക്ക് അ​യ​ച്ചു​കൊ​ടു​ക്കു​ക​യ​ല്ലാ​തെ നി​ർ​മാ​ണാ​ത്മ​ക​മാ​യ ഒ​രു ചു​വ​ടു​വെ​പ്പോ അ​ടി​യ​ന്ത​ര ന​ട​പ​ടി​ക്ര​മ​ങ്ങ​ളോ സം​സ്ഥാ​ന സ​ർ​ക്കാ​റി​െൻറ ഭാ​ഗ​ത്തു​നി​ന്നു​ണ്ടാ​യി​ല്ല. ആ​രോ​ഗ്യ​പ​രി​പാ​ല​ന​ത്തി​ൽ യു.​പി.​എ സ​ർ​ക്കാ​റി​നെ​ക്കാ​ൾ കു​റ​ഞ്ഞ തു​ക മാ​ത്രം വ​ക​യി​രു​ത്തി​യി​ട്ടു​ള്ള മോ​ദി സ​ർ​ക്കാ​ർ ആ ​തു​ക അ​നു​വ​ദി​ച്ച​തു​മി​ല്ല.

ഗോ​ര​ഖ്​പുർ മെ​ഡി​ക്ക​ൽ കോ​ള​ജ് 7.5 കോ​ടി രൂ​പ​യാ​യി​രു​ന്നു പ്ര​തി​വ​ർ​ഷം മ​രു​ന്നു​ക​ൾ​ക്കും ഓ​ക്സി​ജ​നും വ​ക​യി​രു​ത്തി​യി​രു​ന്ന​ത്. അ​ത് സ​മ​യ​ബ​ന്ധി​ത​മാ​യി അ​നു​വ​ദി​ക്കാ​തെ ചു​വ​പ്പു​നാ​ട​യി​ൽ കു​രു​ക്കു​ന്ന​തു​മൂ​ലം മ​രു​ന്നി​െൻറ​യും ഓ​ക്സി​ജ​​െൻറ​യും ദൗ​ർ​ല​ഭ്യം പ​തി​വാ​യി​രു​ന്നു. 2016 ന​വം​ബ​റി​നു​ശേ​ഷം ഓ​ക്സി​ജ​ൻ വി​ത​ര​ണം ഏ​െ​റ്റ​ടു​ത്ത ക​മ്പ​നി​ക്ക് തു​ക അ​നു​വ​ദി​ക്കാ​തെ കു​ടി​ശ്ശി​ക 72 ല​ക്ഷ​മാ​യി. ഡോ​ക്ട​ർ​മാ​ര​ട​ക്കം ആ​ശു​പ​ത്രി ജീ​വ​ന​ക്കാ​ർ​ക്ക് സ​മ​യ​ബ​ന്ധി​ത​മാ​യി ശ​ബ​ളം ന​ൽ​കു​ന്ന​തി​ൽ​പോ​ലും പ​രാ​ജ​യ​മാ​യ അ​ധി​കാ​രി​ക​ൾ ഓ​ക്സി​ജ​ൻ ദൗ​ർ​ല​ഭ്യം ഒ​രാ​ഴ്ച മു​േ​മ്പ ല​ഭി​ച്ചി​ട്ടും ര​ഹ​സ്യ​മാ​യി വെ​ക്കു​ക​യാ​യി​രു​ന്നു. പു​റം​പൂ​ച്ചു​ക​ളി​ൽ അ​ഭി​ര​മി​ക്കു​ന്ന ഭ​ര​ണ​കൂ​ട​ത്തി​ന് പ​ക്ഷേ, അ​ടി​യ​ന്ത​ര പ്രാ​ധാ​ന്യം സ്വാ​ത​ന്ത്യ​ദി​ന​ത്തി​ൽ എ​ല്ലാ മ​ദ്​​റ​സ​ക​ളും വ​ന്ദേ​മാ​ത​രം ചൊ​ല്ലു​ന്ന​ത് ഉ​റ​പ്പി​ക്കു​ന്ന​തി​ലാ​യി​രു​ന്നു. അ​വ​യു​ടെ വി​ഡി​യോ​ക​ൾ ജി​ല്ല ന്യൂ​ന​പ​ക്ഷ ഓ​ഫി​സു​ക​ളി​ൽ സ്വീ​ക​രി​ക്കാ​നു​ള്ള സം​വി​ധാ​ന​ങ്ങ​ളൊ​രു​ക്കു​ന്ന​തി​ലാ​യി​രു​ന്നു. വ​ന്ദേ​മാ​ത​രോ​ദ്ധ​ര​ണി​ക്ക് മു​ന്നി​ൽ 73 കു​ട്ടി​ക​ൾ പ്രാ​ണ​ൻ നി​ഷേ​ധി​ക്ക​പ്പെ​ട്ട് മ​രി​ച്ചു​വീ​ഴു​ന്ന​ത് എ​ത്ര നി​സ്സാ​രം.

മു​ഖ്യ​മ​ന്ത്രി​യും ആ​രോ​ഗ്യ​മ​ന്ത്രി സി​ദ്ധാ​ർ​ഥ്​ നാ​ഥ് സി​ങ്ങും പ​റ​യു​ന്ന​ത് ബി.​ആ​ർ.​ഡി​യി​ലെ മ​ര​ണ​ങ്ങ​ളി​ൽ അ​സ്വാ​ഭാ​വി​ക​ത​യി​ല്ലെ​ന്നാ​ണ്. ഓ​ക്സി​ജ​ൻ ല​ഭി​ക്കാ​തെ​യാ​ണ് ഈ ​മ​ര​ണ​ങ്ങ​ളെ​ന്ന ആ​ശു​പ​ത്രി അ​ധി​കൃ​ത​രു​ടെ വാ​ർ​ത്ത​ക്കു​റി​പ്പി​നെ​യും പൊ​ലീ​സി​െൻറ പ്രാ​ഥ​മി​ക റി​പ്പോ​ർ​ട്ടി​നെ​യും അ​വ​ർ ത​ള്ളു​ക​യും ചെ​യ്തി​രി​ക്കു​ന്നു. ഗോ​ര​ഖ്പു​ർ ജി​ല്ല മ​ജി​സ്​​ട്രേ​റ്റ്​ രാ​ജീ​വ് റൗ​ട്ടേ​ല​യുെ​ട പ്രാ​ഥ​മി​ക ആ​ന്വേ​ഷ​ണം ഈ ​മ​ര​ണ​ങ്ങ​ളെ എ​ത്ര നി​സ്സാ​ര​മാ​യാ​ണ് അ​ധി​കാ​രി​ക​ൾ നോ​ക്കി​ക്കാ​ണു​ന്ന​തെ​ന്ന് തെ​ളി​യി​ക്കു​ന്നു​ണ്ട്. ദി​നം​പ്ര​തി ര​ണ്ട് കു​ട്ടി​ക​ൾ മ​സ്തി​ഷ്ക​വീ​ക്കം മൂ​ല​വും അ​ഞ്ച് ന​വ​ജാ​ത ശി​ശു​ക്ക​ൾ മ​റ്റ് കാ​ര​ണ​ത്താ​ലും മ​രി​ക്കു​ന്ന ഒ​രു മെ​ഡി​ക്ക​ൽ കോ​ള​ജി​ൽ ഒ​രു​ദി​വ​സം 20 വ​രെ​യു​ള്ള കു​ട്ടി​ക​ൾ മ​രി​ക്കു​ന്ന​ത് സ്വാ​ഭാ​വി​ക​മാ​ണ​ത്രെ.

അ​നാ​യാ​സം ഗ്ര​ഹി​ക്കാ​ൻ ക​ഴി​യു​ന്ന പ​രാ​ധീ​ന​ത​ക​ൾ 20 വ​ർ​ഷം എം.​പി​യാ​യി​ട്ടും സം​സ്ഥാ​നം ഭ​രി​ക്കു​ന്ന മു​ഖ്യ​മ​ന്ത്രി​യാ​യി​ട്ടും യോ​ഗി ആ​ദി​ത്യ​നാ​ഥി​നും അ​ദ്ദേ​ഹ​ത്തി​െൻറ സ​ർ​ക്കാ​റി​നും ദു​ര​ന്ത​ത്തി​ന് മൂ​ന്നു ദി​വ​സം മു​മ്പ്​ അ​വി​ടെ സ​ന്ദ​ർ​ശി​ച്ചി​ട്ടു​പോ​ലും മ​ന​സ്സി​ലാ​ക്കാ​ൻ ക​ഴി​ഞ്ഞി​ല്ലെ​ന്ന് പൊ​തു​സ​മൂ​ഹ​ത്തി​ൽ പ​റ​യാ​ൻ ക​ഴി​യു​ന്ന​ത് ദ​രി​ദ്ര​രു​ടെ ജീ​വി​ത​ത്തോ​ടും മ​ര​ണ​ത്തോ​ടും പു​ല​ർ​ത്തു​ന്ന ലാ​ഘ​വ​ത്വ​ത്തി​ലാ​ണ് ഇ​ത്ത​രം ദു​ര​ന്ത​ങ്ങ​ളു​ടെ വേ​രു​ക​ൾ കി​ട​ക്കു​ന്ന​ത് എ​ന്ന​തു​കൊ​ണ്ടാ​ണ്. അ​തു​കൊ​ണ്ട് ഭ​ര​ണ​കൂ​ട കെ​ടു​കാ​ര്യ​സ്ഥ​ത​യു​ടെ​യും അ​ധി​കാ​രി​ക​ളു​ടെ ഉ​ത്ത​ര​വാ​ദി​ത്ത​രാ​ഹി​ത്യ​ത്തി​െൻറ​യും കൂ​ട്ട​ക്കു​രു​തി​യാ​യി രേ​ഖ​പ്പെ​ടു​ത്ത​പ്പെ​ടു​ക​യും അ​ധി​കാ​ര​സ്ഥാ​നീ​യ​ർ വി​ചാ​ര​ണ ചെ​യ്യ​പ്പെ​ടു​ക​യും വേ​ണം ബാ​ബാ രാ​ഘ​വ് ദാ​സ് മെ​ഡി​ക്ക​ൽ കോ​ള​ജി​ലെ 73 ശി​ശു​ഹ​ത്യ​ക​ൾ.