Begin typing your search above and press return to search.
proflie-avatar
Login
exit_to_app
exit_to_app
Homechevron_rightOpinionchevron_rightColumnschevron_rightസ്വ​കാ​ര്യ​ത​യും...

സ്വ​കാ​ര്യ​ത​യും ഭ​ര​ണ​കൂ​ട​വും

text_fields
bookmark_border
സ്വ​കാ​ര്യ​ത​യും ഭ​ര​ണ​കൂ​ട​വും
cancel

സ്വ​കാ​ര്യ​ത മൗ​ലി​കാ​വ​കാ​ശ​മാ​ണെ​ന്ന സു​പ്രീം​കോ​ട​തി വി​ധി പ​ര​ക്കെ സ്വാ​ഗ​തം ചെ​യ്യ​പ്പെ​ട്ടി​ട്ടു​ണ്ട്. ആ​ധാ​റു​മാ​യി ബ​ന്ധ​പ്പെ​ട്ട ച​ര്‍ച്ച​ക​ളും പ്ര​തി​ഷേ​ധ​ങ്ങ​ളു​മാ​ണ് ഈ ​പ്ര​ശ്നം അ​തി​ഗൗ​ര​വ​മു​ള്ള ഒ​രു വി​ഷ​യ​മാ​യി മാ​റാ​ന്‍ കാ​ര​ണ​മാ​യ​ത്. കോ​ൺ​ഗ്ര​സ് ഭ​ര​ണ​കാ​ല​ത്ത് തു​ട​ങ്ങി​യ​താ​ണെ​ങ്കി​ലും ഭ​ര​ണ​കൂ​ട​ത്തി​​െൻറ ജൈ​വാ​ധി​കാ​ര രാ​ഷ്​​ട്രീ​യം അ​തി​​െൻറ എ​ല്ലാ മ​റ​ക​ളും നീ​ക്കി പു​റ​ത്തു​വ​ന്ന​ത് ബി.​ജെ.​പി കേ​ന്ദ്ര​ഭ​ര​ണ​ത്തി​ൽ എ​ത്തി​യ​തോ​ടെ​യാ​ണ്. പ്ര​തി​പ​ക്ഷ​ത്ത് ഇ​രു​ന്ന​പ്പോ​ഴെ​ടു​ത്ത നി​ല​പാ​ടു​ക​ളി​ല്‍നി​ന്ന് ബി.​ജെ.​പി മ​ല​ക്കം​മ​റി​ഞ്ഞു എ​ന്ന​തു മാ​ത്ര​മാ​യി​രു​ന്നി​ല്ല പ്ര​ശ്നം. കോ​ൺ​ഗ്ര​സി​​െൻറ സ​മീ​പ​ന​ത്തെ​ക്കാ​ൾ അ​പ​ക​ട​ക​ര​മാ​യ നി​ല​പാ​ടു​ക​ളി​ലേ​ക്ക്‌ ഒ​രു ചാ​ഞ്ച​ല്യ​വു​മി​ല്ലാ​തെ കൂ​ടു​മാ​റു​ന്ന​താ​ണ്​ ബി.​ജെ.​പി ഭ​ര​ണ​ത്തി​​െൻറ തു​ട​ക്കം മു​ത​ൽ കാ​ണാ​നാ​യ​ത്. അ​തി​ല്‍ ഏ​റ്റ​വും പ്ര​ധാ​നം ഊ​ഹ​ക്ക​ച്ച​വ​ട മൂ​ല​ധ​നം അ​തി​​െൻറ ഏ​റ്റ​വും ഹീ​ന​മാ​യ ചൂ​ഷ​ണ​ത​ന്ത്ര​ങ്ങ​ൾ പു​റ​ത്തെ​ടു​ത്തു മു​ന്നോ​ട്ടു​പോ​കു​ന്ന​തി​നു ഭ​ര​ണ​കൂ​ടം ന​ല്‍കി​യ അ​ക​മ​ഴി​ഞ്ഞ പി​ന്തു​ണ​യാ​ണ്. അ​തി​നു സ​ഹാ​യ​ക​മാ​വു​ന്ന ന​ട​പ​ടി​ക​ൾ ജ​ന​ത​ക്കാ​ക​മാ​നം എ​ന്തു കെ​ടു​തി​ക​ള്‍ ഉ​ണ്ടാ​ക്കി​യാ​ലും അ​വ​ഗ​ണി​ച്ചു​കൊ​ണ്ട് അ​തു​മാ​യി മു​ന്നോ​ട്ടു​പോ​വു​ക എ​ന്ന ന​യ​മാ​ണ് സ​ര്‍ക്കാ​ർ അ​വ​ലം​ബി​ച്ച​ത്. നോ​ട്ടു പി​ന്‍വ​ലി​ക്ക​ൽ​പോ​ലെ സാ​മ്പ​ത്തി​ക മേ​ഖ​ല​യി​ലെ പൊ​തു​വ​ള​ര്‍ച്ച​യെ​ത്ത​ന്നെ പി​റ​കോ​ട്ട​ടി​പ്പി​ച്ച സാ​മ്പ​ത്തി​ക തീ​രു​മാ​നം അ​ടി​ച്ചേ​ൽ​പി​ച്ച​ത് ഒ​രു ഉ​ദാ​ഹ​ര​ണം മാ​ത്ര​മാ​ണ്. അ​തി​​െൻറ ദൂ​ര​വ്യാ​പ​ക പ്ര​ത്യാ​ഘാ​ത​ങ്ങ​ൾ സ​മ്പ​ദ്​​വ്യ​വ​സ്ഥ​യി​ൽ ഇ​പ്പോ​ൾ അ​നു​ഭ​വ​പ്പെ​ട്ടു തു​ട​ങ്ങി​യി​േ​ട്ട​യു​ള്ളൂ. ഗ്രാ​മീ​ണ​മേ​ഖ​ല​യി​ലെ ചെ​റു​കി​ട ഉ​ൽ​പാ​ദ​ന രം​ഗ​ത്ത് അ​തു സൃ​ഷ്‌​ടി​ച്ച വി​നാ​ശം നി​സ്സാ​ര​മ​ല്ല. ചെ​റു​കി​ട ക​ര്‍ഷ​ക​രെ​യും അ​ടി​സ്ഥാ​ന വി​ഭാ​ഗ​ങ്ങ​ളെ​യും അ​ത് അ​വ​ർ​ണ​നീ​യ ദു​രി​ത​ങ്ങ​ളി​ലേ​ക്ക് ത​ള്ളി​വി​ട്ടു. ഗ്രാ​മീ​ണ സ​മ്പ​ദ്​​വ്യ​വ​സ്ഥ ഈ ​നി​സ്സ​ഹാ​യാ​വ​സ്ഥ​യി​ല്‍നി​ന്ന് ക​ര​ക​യ​റാ​നു​ള്ള അ​വി​രാ​മ ശ്ര​മ​ത്തി​ലാ​ണി​പ്പോ​ൾ.

അ​തി​നു​ശേ​ഷം വ​ന്ന നി​കു​തി പ​രി​ഷ്​​കാ​രം ചെ​റു​കി​ട ഉ​ൽ​പാ​ദ​ന മേ​ഖ​ല​യെ കൂ​ടു​ത​ൽ പ​രി​ക്കേ​ൽ​പി​ക്കു​ന്ന​താ​യി​രു​ന്നു. അ​തി​നു​പ​രി അ​ത് ആ​ത്യ​ന്തി​ക​മാ​യി ഇ​ന്ത്യ​ന്‍ ഫെ​ഡ​റ​ൽ സം​വി​ധാ​ന​ത്തി​നു​ത​ന്നെ മ​ര​ണ​മ​ണി മു​ഴ​ക്കു​ന്ന സാ​മ്പ​ത്തി​ക നീ​ക്ക​മാ​യി മാ​റു​ന്ന​താ​ണ് നാം ​ക​ണ്ട​ത്. സം​സ്ഥാ​ന​ങ്ങ​ളെ വെ​റും നോ​ക്കു​കു​ത്തി​ക​ളാ​ക്കു​ന്ന, അ​വ​രു​ടെ സാ​മ്പ​ത്തി​കാ​ധി​കാ​ര​ങ്ങ​ൾ, സ്വ​യം നി​ർ​ണ​യ​ന സ്വാ​ത​ന്ത്ര്യ​ങ്ങ​ൾ, ആ​പേ​ക്ഷി​ക​മാ​യ സ്വ​യം​ഭ​ര​ണ നീ​തി​ക​ൾ എ​ല്ലാം ത​കി​ടം​മ​റി​ക്കു​ന്ന വി​നാ​ശ​ക​ര​മാ​യ ഒ​രു നി​ഷേ​ധ​രാ​ഷ്​​ട്രീ​യ​മാ​യി​രു​ന്നു ആ ​ന​ട​പ​ടി​യു​ടെ അ​ടി​സ്ഥാ​നം. സാ​മ്പ​ത്തി​ക ഉ​ദ്ഗ്ര​ഥ​നം എ​ന്ന​ത് വൈ​വി​ധ്യ​ങ്ങ​ളെ ഇ​ല്ലാ​താ​ക്കി​ക്കൊ​ണ്ടാ​വ​രു​തെ​ന്ന ദ​ശാ​ബ്​​ദ​ങ്ങ​ൾ നീ​ണ്ട സം​യ​മ​ന​വും സ​മ​തു​ല​ന​വു​മാ​ണ് അ​ത് അ​ട്ടി​മ​റി​ച്ച​ത്. ഇ​തി​​െൻറ ഏ​റ്റ​വും വ​ലി​യ ഇ​ര​ക​ളാ​യ​തും അ​സ​ഹ്യ​മാ​യ നി​കു​തി വ​ര്‍ധ​ന​യി​ൽ പി​ട​ഞ്ഞു​പോ​യ​തും സാ​ധാ​ര​ണ​ക്കാ​രും അ​തി​നും​താ​ഴെ സാ​മ്പ​ത്തി​ക വ​രു​മാ​ന​മു​ള്ള​വ​രു​മാ​യ അ​ടി​സ്ഥാ​ന​വ​ർ​ഗ​വും അ​വ​രോ​ടൊ​പ്പം കൂ​ട്ടാ​വു​ന്ന ചെ​റു​കി​ട ക​ര്‍ഷ​ക​രും ചെ​റു​കി​ട ഉ​ൽ​പാ​ദ​ക​രു​മാ​ണ്. ഗ്രാ​മീ​ണ മേ​ഖ​ല​യി​ലും ന​ഗ​ര​ങ്ങ​ളി​ലെ അ​നൗ​പ​ചാ​രി​ക മേ​ഖ​ല​യി​ലും ഇ​തു​ണ്ടാ​ക്കു​ന്ന അ​സ്ഥി​ര​ത പ​റ​ഞ്ഞ​റി​യി​ക്കാ​ൻ വ​യ്യാ​ത്ത​ത്ര ഭീ​ക​ര​മാ​ണ്. ഒ​രു വി​ഭാ​ഗം മൂ​ല​ധ​ന ശ​ക്തി​ക​ളു​ടെ ഇം​ഗി​ത​ങ്ങ​ള്‍ക്ക് വ​ഴ​ങ്ങി, അ​വ​രു​ടെ ചൂ​ഷ​ണ​യ​ന്ത്ര​ത്തി​​െൻറ ന​ട്ടും ബോ​ള്‍ട്ടു​മാ​യി ഭ​ര​ണ​കൂ​ട​ത്തി​​െൻറ ഇ​ട​പെ​ട​ലു​ക​ൾ മാ​റു​ന്ന അ​വ​സ്ഥ​യാ​ണ് ഇ​പ്പോ​ൾ സം​ജാ​ത​മാ​യി​രി​ക്കു​ന്ന​ത്.

സ്വ​കാ​ര്യ​ത​യു​മാ​യി ബ​ന്ധ​പ്പെ​ട്ട ഭ​ര​ണ​കൂ​ട നി​ല​പാ​ടു​ക​ൾ ഇൗ ​പു​തി​യ രാ​ഷ്​​ട്രീ​യ സാ​ഹ​ച​ര്യ​ത്തി​ല്‍നി​ന്ന് വ്യ​ത്യ​സ്ത​മാ​യി കാ​ണാ​ൻ ക​ഴി​യു​ന്ന​ത​ല്ല. എ​ന്തൊ​ക്കെ​യാ​ണോ മോ​ദി​സ​ര്‍ക്കാ​ർ സു​പ്രീം​കോ​ട​തി​യി​ൽ വാ​ദി​ച്ച​ത് എ​ന്നൊ​ന്നു തി​രി​ഞ്ഞു​നോ​ക്കു​ന്ന​ത് ന​ല്ല​താ​ണ്. സ്വ​കാ​ര്യ​ത മൗ​ലി​കാ​വ​കാ​ശ​മ​ല്ല എ​ന്നാ​ണ്​ ആ​ദ്യം സ​ര്‍ക്കാ​ർ കോ​ട​തി​യി​ൽ വാ​ദി​ച്ച​ത്. പി​ന്നീ​ട്​ ഇ​ക്കാ​ര്യ​ത്തി​ല്‍ കൂ​ടു​ത​ൽ വാ​ദ​ങ്ങ​ൾ ഉ​ണ്ടാ​യ​പ്പോ​ൾ ഇ​തൊ​രു മൗ​ലി​കാ​വ​കാ​ശ​മാ​ണെ​ങ്കി​ലും അ​ത് അ​ടി​സ്ഥാ​ന​പ​ര​മാ​യി ഭ​ര​ണ​കൂ​ട നി​ബ​ന്ധ​ന​ക​ള്‍ക്ക് വി​ധേ​യ​മാ​യി മാ​ത്ര​മേ അ​നു​വ​ദി​ക്കേ​ണ്ട​തു​ള്ളൂ എ​ന്ന നി​ല​പാ​ടാ​ണ് ശ​ക്ത​മാ​യി മു​ന്നോ​ട്ടു​െ​വ​ച്ച​ത്. ആ​ദ്യ​ത്തേ​ത് ഒ​രു വി​ധ​ത്തി​ലും നി​ല​നി​ല്‍ക്കു​ന്ന​ത​ല്ല എ​ന്ന് അ​റ്റോ​ണി ജ​ന​റ​ല്‍ കെ.​കെ. വേ​ണു​ഗോ​പാ​ൽ ഗ​ത്യ​ന്ത​ര​മി​ല്ലാ​തെ​യാ​ണ്‌ കോ​ട​തി​യി​ൽ സ​മ്മ​തി​ച്ച​ത്. തു​ട​ർ​ന്ന്​ അ​ദ്ദേ​ഹം അ​വ​കാ​ശ​പ്പെ​ട്ട​ത് എ​ന്താ​യി​രു​ന്നു? സ​ന്ദ​ർ​ഭാ​നു​സൃ​ത​മാ​യി മാ​ത്രം (case -to- case basis) തീ​രു​മാ​നി​ക്കാ​നു​ള്ള​താ​ണ് ഈ ​അ​വ​കാ​ശം എ​ന്ന്​ -അ​താ​യ​ത്, സ​ര്‍ക്കാ​റി​നു തോ​ന്നു​മ്പോ​ൾ ന​ല്‍കു​ക​യും അ​ല്ലാ​ത്ത​പ്പോ​ൾ നി​രാ​ക​രി​ക്കു​ക​യും ചെ​യ്യാ​വു​ന്ന ഒ​ന്നാ​ണ് ഈ ​അ​വ​കാ​ശം എ​ന്നു ഭ​ര​ണ​ഘ​ട​ന സം​ര​ക്ഷി​ക്കാ​ൻ ബാ​ധ്യ​ത​പ്പെ​ട്ട ഉ​ദ്യോ​ഗ​സ്ഥ​ൻ കോ​ട​തി​യി​ൽ ഒ​രു ല​ജ്ജ​യു​മി​ല്ലാ​തെ വാ​ദി​ച്ചു എ​ന്ന​ർ​ഥം.

സ്വ​കാ​ര്യ​ത മൗ​ലി​കാ​വ​കാ​ശ​മാ​ണെ​ന്ന് ഭ​ര​ണ​ഘ​ട​ന​യി​ല്‍ നേ​രി​ട്ടു പ​റ​ഞ്ഞി​ട്ടി​ല്ലാ​ത്ത​ത് ചൂ​ണ്ടി​ക്കാ​ട്ടി, ഇ​തു മ​നഃ​പൂ​ർ​വ​മു​ള്ള ഒ​രു ഒ​ഴി​വാ​ക്ക​ലാ​ണ് എ​ന്നു​കൂ​ടി അ​ദ്ദേ​ഹം പ​റ​ഞ്ഞി​രു​ന്നു. ആ​ര്‍ട്ടി​ക്​​ൾ 21 ന​ല്‍കു​ന്ന സ്വാ​ത​ന്ത്ര്യ​ത്തി​നാ​യു​ള്ള അ​വ​കാ​ശ​ത്തി​നു സ​മാ​ന​മാ​യ ഒ​ന്നാ​ണി​ത് എ​ന്നും അ​തു​കൊ​ണ്ട് അ​തി​ല്‍പെ​ടാ​ൻ സാ​ധ്യ​ത​യു​ള്ള​തെ​ല്ലാം മൗ​ലി​കാ​വ​കാ​ശ​മാ​ണ്​ എ​ന്ന് ക​രു​താ​നാ​വി​ല്ലെ​ന്നു​മാ​ണ്​ തു​ട​ര്‍ന്ന്​ അ​ദ്ദേ​ഹം വാ​ദി​ച്ച​ത്. ആ​ധാ​റി​നെ മു​ന്‍നി​ര്‍ത്തി ഒ​രു ക​പ​ട​യു​ദ്ധ​മാ​ണ് അ​ദ്ദേ​ഹം ന​ട​ത്തി​യ​ത്. ആ​ധാ​ർ പാ​വ​പ്പെ​ട്ട​വ​ര്‍ക്ക് അ​ടി​സ്ഥാ​ന അ​ശ്ര​യ​ങ്ങ​ൾ ന​ല്‍കാ​നു​ള്ള പ​ദ്ധ​തി​യാ​ണെ​ന്നും കു​റ​ച്ചു​പേ​രു​ടെ സ്വ​കാ​ര്യ​ത സം​ര​ക്ഷി​ക്കു​ന്ന​തി​നു​വേ​ണ്ടി പാ​വ​ങ്ങ​ളു​ടെ ജീ​വി​ക്കാ​നു​ള്ള അ​വ​കാ​ശ​ത്തെ എ​ങ്ങ​നെ ധ്വം​സി​ക്കാ​ൻ ക​ഴി​യു​മെ​ന്നും അ​ദ്ദേ​ഹം ചോ​ദി​ച്ചി​രു​ന്നു. എ​ന്നാ​ൽ, ആ​ധാ​റി​​െൻറ മ​റ​പി​ടി​ച്ചു സ​ര്‍ക്കാ​ർ സ്വ​കാ​ര്യ​ത​ക്കെ​തി​രെ പൊ​രു​തി​യ​ത് ആ​ര്‍ക്കു​വേ​ണ്ടി​യാ​ണ് എ​ന്ന​ത് നാം ​അ​റി​യേ​ണ്ട​തു​ണ്ട്.

right-to-privacy

ഇ​ന്ന്​ സ്വ​കാ​ര്യ​ത​യെ ഏ​റ്റ​വും കൂ​ടു​ത​ൽ വി​മ​ര്‍ശി​ക്കു​ന്ന​ത് ആ​ഗോ​ള കു​ത്ത​ക​ക​ള്‍ ത​ന്നെ​യാ​ണ്. ആ​രോ​ഗ്യ​മേ​ഖ​ല മു​ത​ൽ സ​മൂ​ഹ മാ​ധ്യ​മ​ങ്ങ​ള്‍വ​രെ അ​ട​ക്കി​വാ​ഴു​ന്ന മൂ​ല​ധ​ന​ശ​ക്തി​ക​ൾ സ്വ​കാ​ര്യ​ത​യെ​ക്കു​റി​ച്ചു​ള്ള പ​ഴ​യ ബൂ​ര്‍ഷ്വ സ​ങ്ക​ൽ​പ​ങ്ങ​ൾ ഉ​പേ​ക്ഷി​ച്ചി​രി​ക്കു​ന്നു. പ​ക​രം അ​വ​ര്‍ക്ക് അ​വ​രു​ടെ ജൈ​വ-​സാ​മൂ​ഹി​ക പ​രീ​ക്ഷ​ണ​ങ്ങ​ൾ സു​ഗ​മ​മാ​യി ന​ട​ത്താ​നു​ള്ള സൂ​ക്ഷ്മ​വി​വ​ര​ങ്ങ​ള്‍ അ​ന​വ​ര​തം ല​ഭി​ക്കു​ക എ​ന്ന​താ​ണ് പ്ര​ധാ​നം. സി.​സി. ടി.​വി​യി​ൽ പ​തി​യു​ന്ന ദൃ​ശ്യ​ങ്ങ​ൾ മു​ത​ൽ ന​മ്മു​ടെ ക​മ്പ്യൂ​ട്ട​റി​ലെ​യും ഫോ​ണി​ലെ​യും ഒ​രു വി​ര​ല്‍മു​ദ്ര​യും വ​രെ അ​ള​ന്ന​ള​ന്നു കൂ​ട്ടു​ന്ന വ​ൻ സൂ​ക്ഷ്മ വി​വ​ര​ശേ​ഖ​ര​മാ​ണ് എ​ല്ലാ​വ​രു​ടെ​യും ല​ക്ഷ്യം. അ​ങ്ങ​നെ കി​ട്ടു​ന്ന വി​വ​ര​ങ്ങ​ള്‍ക്ക് കൂ​ടു​ത​ൽ ആ​ധി​കാ​രി​ക​ത ല​ഭി​ക്കാ​ൻ, ഓ​രോ സൂ​ക്ഷ്മ​മാ​യ വി​വ​ര​ക​ണി​ക​യും ഒ​രു നി​ശ്ചി​ത വ്യ​ക്തി​യി​ലേ​ക്ക് ചേ​ർ​ത്തു​െ​വ​ച്ച് പൊ​തു​ജ​നം എ​ന്ന ആ​ള്‍ക്കൂ​ട്ട​ത്തി​ലെ ഓ​രോ വ്യ​ക്തി​യെ​യും നി​സ്സാ​ര​മാ​യി തി​രി​ച്ച​റി​യാ​ൻ ക​ഴി​യു​ക എ​ന്ന​താ​ണ് അ​വ​രു​ടെ ആ​ത്യ​ന്തി​ക ല​ക്ഷ്യം. ഉ​പ​ഭോ​ക്താ​വ് എ​ന്ന ഒ​റ്റ സാ​മ്പ​ത്തി​ക സ്വ​ത്വ​ത്തി​ലേ​ക്ക്‌ ഭൂ​മി​യി​ലെ മ​നു​ഷ്യ​രെ മു​ഴു​വ​ൻ ചു​രു​ക്കി​യെ​ടു​ത്തു​കൊ​ണ്ടാ​ണ് മൂ​ല​ധ​നം അ​തി​​െൻറ അ​ന​ന്ത​മാ​യ ചൂ​ഷ​ണ​ദാ​ഹം ച​രി​ത്ര​ത്തി​ൽ രേ​ഖ​പ്പെ​ടു​ത്തി​യി​ട്ടു​ള്ള​ത്. മാ​ര്‍ക്സി​​െൻറ മൂ​ല​ധ​നം ആ​രം​ഭി​ക്കു​ന്ന​ത് മി​ച്ച​മൂ​ല്യ​ത്തെ​ക്കു​റി​ച്ച്​ പ​റ​ഞ്ഞു​കൊ​ണ്ട​ല്ല. അ​തി​ലേ​ക്കെ​ത്തു​ന്ന​ത്​ ച​ര​ക്കു​ക​ളെ കു​റി​ച്ച് പ​റ​ഞ്ഞു​കൊ​ണ്ടാ​ണ്. ച​ര​ക്കി​നെ അ​ദ്ദേ​ഹം ബൂ​ര്‍ഷ്വ സ​മ്പ​ദ്​​വ്യ​വ​സ്ഥ​യു​ടെ സാ​മ്പ​ത്തി​ക സൂ​ക്ഷ്മ-​കോ​ശം എ​ന്നാ​ണു വി​ശേ​ഷി​പ്പി​ച്ചി​ട്ടു​ള്ള​ത്. ഈ ​സാ​മ്പ​ത്തി​ക യു​ക്തി​യാ​ണ് അ​തി​സൂ​ക്ഷ്മ​മാ​യ വ്യ​ക്തി-​വി​വ​ര ശേ​ഖ​ര​ണ​ത്തി​ന് മൂ​ല​ധ​ന​ത്തെ പ്രേ​രി​പ്പി​ക്കു​ന്ന​ത്. സ്വ​കാ​ര്യ​ത പാ​ടി​ല്ല എ​ന്ന ഉ​ദ്ബോ​ധ​ന​മാ​ണ്‌ പു​തി​യ മു​ദ്രാ​വാ​ക്യം. നി​ങ്ങ​ള്‍ക്ക് എ​ന്താ​ണ് ഒ​ളി​ച്ചു​െ​വ​ക്കാ​നു​ള്ള​ത്, നി​ങ്ങ​ൾ കാ​പ​ട്യ​ക്കാ​ര്‍ അ​ല്ലെ​ങ്കി​ൽ എ​ന്നാ​ണ്​ അ​വ​ർ​ േചാ​ദി​ക്കു​ന്ന​ത്. രോ​ഗ​വി​വ​ര​ങ്ങ​ൾ ആ​യാ​ലും സു​ഖ​വി​വ​ര​ങ്ങ​ൾ ആ​യാ​ലും മ​റ്റു​ള്ള​വ​രു​മാ​യി പ​ങ്കു​െ​വ​ക്കു​ക. സു​താ​ര്യ​ത​യെ ഏ​റ്റ​വും കൗ​ശ​ല​പൂ​ർ​ണ​മാ​യി വ്യാ​ഖ്യാ​നി​ക്കാ​നാ​ണ് ഇ​വി​ടെ ശ്ര​മം​ന​ട​ക്കു​ന്ന​ത്. ഇ​പ്പോ​ള്‍ ന​മ്മ​ളെ തു​റി​ച്ചു​നോ​ക്കു​ന്ന​ത് ഭ​ര​ണ​കൂ​ടം എ​ന്ന വ​ല്യേ​ട്ട​ന​ല്ല. നാം ​പ​ര​സ്പ​രം തു​റി​ച്ചു​നോ​ക്കു​ക​യും ന​മ്മു​ടെ വി​വ​ര​ങ്ങ​ൾ കോ​ർ​പ​റേ​റ്റു​ക​ള്‍ക്ക് നാം​ത​ന്നെ ന​ല്‍കു​ക​യും ചെ​യ്യു​ന്നു. ശേ​ഷി​ക്കു​ന്ന​ത് ന​മ്മി​ല്‍നി​ന്ന് പി​ടി​ച്ചെ​ടു​ത്ത്​ അ​വ​ര്‍ക്കു ന​ല്‍കാ​ൻ ഭ​ര​ണ​കൂ​ടം മാ​ധ്യ​സ്ഥ്യം വ​ഹി​ക്കു​ന്നു.

കോ​ർ​പ​റേ​റ്റു​ക​ള്‍ക്ക് ജ​ന​ങ്ങ​ളു​ടെ അ​ടി​സ്ഥാ​ന ജൈ​വ​വി​വ​ര​ങ്ങ​ൾ ഒ​രു താ​ല​ത്തി​ൽ സൗ​ക​ര്യ​പൂ​ർ​വം പ​ക​ര്‍ന്നു​കൊ​ടു​ക്കാ​നു​ള്ള ഉ​പാ​ധി​യാ​യാ​ണ്​ ആ​ധാ​ർ മാ​റു​ന്ന​ത് എ​ന്ന സം​ശ​യം തു​ട​ക്കം മു​ത​ല്‍ത​ന്നെ പ്ര​ബ​ല​മാ​യി​രു​ന്നു. അ​തി​​െൻറ വി​മ​ര്‍ശ​ക​ർ ആ​ദ്യം മു​ത​ൽ ഉ​ന്ന​യി​ച്ച ഒ​രു പ്ര​ശ്ന​വും ഇ​താ​യി​രു​ന്നു. ഇ​തു പൂ​ർ​ണ​മാ​യും ശ​രി​വെ​ക്കു​ന്ന​താ​യി​രു​ന്നു സു​പ്രീം​കോ​ട​തി​യി​ൽ സ​ര്‍ക്കാ​ർ സ്വീ​ക​രി​ച്ച നി​ല​പാ​ട്. ആ ​നി​ല​പാ​ട് കോ​ട​തി സ്വീ​ക​രി​ച്ചി​ല്ല എ​ന്ന​ത് താ​ല്‍ക്കാ​ലി​ക​മാ​യെ​ങ്കി​ലും ഒ​രു വ​ലി​യ വി​ജ​യ​മാ​ണ്. പ​ക്ഷേ, പു​തി​യ ലോ​ക​ത്തി​​െൻറ നി​യ​ന്ത്ര​ണം കൂ​ടു​ത​ല്‍ കൂ​ടു​ത​ൽ കോ​ർ​പ​റേ​റ്റു​ക​ളു​ടെ കൈ​യി​ലേ​ക്ക് നീ​ങ്ങു​ക​യാ​ണ്. ഭ​ര​ണ​കൂ​ട​ങ്ങ​ളെ ചൊ​ൽ​പ​ടി​ക്ക് നി​ര്‍ത്തു​ന്ന​തി​ല്‍നി​ന്ന് എ​ത്ര​യൊ​ക്കെ നേ​രി​ട്ട് ഭ​ര​ണ​ത്തി​ൽ ഇ​ട​പെ​ടാ​ൻ ക​ഴി​യും എ​ന്നു​കൂ​ടി പ​രീ​ക്ഷി​ക്കു​ന്ന ത​ല​ത്തി​ലേ​ക്ക് കോ​ർ​പ​റേ​റ്റ് ശ​ക്തി​ക​ള്‍ നീ​ങ്ങി​യി​രി​ക്കു​ന്നു. ഇ​തി​​െൻറ ആ​പ​ത്തു​ക​ളെ ത​ട​യു​ന്ന ഒ​രു സൂ​ക്ഷ്മ​രാ​ഷ്​​ട്രീ​യം​കൂ​ടി അ​ടി​സ്ഥാ​ന ത​ല​ത്തി​ല്‍നി​ന്ന് സി​വി​ൽ സ​മൂ​ഹം വി​ക​സി​പ്പി​ക്കേ​ണ്ടി​യി​രി​ക്കു​ന്നു.

Show Full Article
Girl in a jacket

Don't miss the exclusive news, Stay updated

Subscribe to our Newsletter

By subscribing you agree to our Terms & Conditions.

Thank You!

Your subscription means a lot to us

Still haven't registered? Click here to Register

TAGS:tt sreekumarcolumnfundamental rightPrivacyMadhyamam Column
News Summary - Privacy Fundamental Right Column Madhyamam TT Sreekumar- Madhyamam Column
Next Story