ചി​ത്ര​വ​ധ​ത്തി​ലെ ഹി​ന്ദു​ത്വ​വി​രു​ത്​  

ചി​ത്ര​വ​ധം സം​ഘ്പ​രി​വാ​റി​െൻറ ഇ​ഷ്​​ട​വി​നോ​ദ​മാ​ണ്. ത​ങ്ങ​ളു​ടെ വ​ഴി​യി​ൽ പ്ര​തി​ബ​ന്ധം സൃ​ഷ്​​ടി​ക്കു​ന്ന വ്യ​ക്തി​ക​ളെ​യും പ്ര​ത്യ​യ​ശാ​സ്​​ത്ര​ങ്ങ​ളെ​യും ഓ​ർ​മ​ക​ളെ​യും ന​ശി​പ്പി​ക്കാ​ൻ അ​വ​യെ ഇ​ക​ഴ്ത്തി​ക്കാ​ട്ടു​ക​യോ രാ​ക്ഷ​സീ​യ​വ​ത്ക​രി​ക്കു​ക​യോ ചെ​യ്യു​ക എ​ന്ന​ത് ആ​ർ.​എ​സ്.​എ​സ്​ എ​ല്ലാ​ക്കാ​ല​ത്തും പ്ര​യോ​ഗി​ച്ചു​പോ​ന്ന അ​ട​വാ​ണ്. ജ​ന​മ​ധ്യെ സ്വ​ഭാ​വ​ഹ​ത്യ​ക്ക് വി​ട്ടു​കൊ​ടു​ത്താ​ൽ ഏ​ത് മ​ഹാ​വ്യ​ക്തി​യും കാ​ലാ​ന്ത​രേ​ണ നൃ​ശം​സി​ക്ക​പ്പെ​ടു​മെ​ന്ന ക​ണ​ക്കൂ​കൂ​ട്ട​ലി​ൽ പ​ല​രെ​യും ഇ​വ​ർ വേ​ട്ട​യാ​ടി​യി​ട്ടു​ണ്ട്. ഇ​ക്കൂ​ട്ട​രു​ടെ ഭ​ത്സ​നം ഏ​റ്റ​വും കൂ​ടു​ത​ൽ സ​ഹി​ച്ച ഒ​രാ​ളാ​യി​രു​ന്നു ജ​വ​ഹ​ർ​ലാ​ൽ നെ​ഹ്റു. ഇ​ന്ത്യ സ്വാ​ത​ന്ത്ര്യ​സ​മ്പാ​ദ​ന​ത്തി​െൻറ മു​ഹൂ​ർ​ത്ത​ത്തി​ലേ​ക്ക് ന​ട​ന്ന​ടു​ക്കു​ക​യാ​യി​രു​ന്ന 1940ക​ളി​ൽ ഭാ​വി​പ്ര​ധാ​ന​മ​ന്ത്രി നെ​ഹ്റു​വി​െൻറ പ്ര​തി​ച്ഛാ​യ ത​ക​ർ​ക്കാ​ൻ അ​ന്ത​സ്സാ​ര​ശൂ​ന്യ പ്ര​ചാ​ര​ണ​ത്തി​ലേ​ർ​പ്പെ​ടാ​ൻ സം​ഘ്നേ​തൃ​ത്വം അ​ത്യു​ത്സാ​ഹം കാ​ട്ടി. 1946ൽ ​ഒ​രു പ​ത്ര​ത്തി​ൽ അ​ച്ച​ടി​ച്ചു​വ​ന്ന, നെ​ഹ്റു​വി​െൻറ ചു​ണ്ടി​ലു​ള്ള സി​ഗ​ര​റ്റ് ഏ​തോ ഒ​രാ​ൾ ക​ത്തി​ച്ചു​കൊ​ടു​ക്കു​ന്ന ഒ​രു ചി​ത്രം മു​റി​ച്ചെ​ടു​ത്ത് വ്യാ​പ​ക​മാ​യി പ്ര​ച​രി​പ്പി​ച്ചു. ഈ ​മ​നു​ഷ്യ​നെ ക​ണ്ടോ; പ​ര​സ്യ​മാ​യി ഇ​ങ്ങ​നെ ചെ​യ്യാ​ൻ മ​ടി​ക്കാ​ത്ത ആ​ൾ സ്വ​കാ​ര്യ​മാ​യി എ​ന്തെ​ല്ലാം ചെ​യ്യു​ന്നു​ണ്ടാ​വും എ​ന്നാ​യി​രു​ന്നു ചോ​ദ്യം. ലേ​ഡി മൗ​ണ്ട്ബാ​റ്റ​ണു​മാ​യി നെ​ഹ്റു ഹ​സ്​​ത​ദാ​നം ചെ​യ്യു​ന്ന​തും സ​ഹോ​ദ​രി വി​ജ​യ​ല​ക്ഷ്മി പ​ണ്ഡി​റ്റ് കൈ​യി​ല്ലാ​ത്ത ബ്ലൗ​സ്​ ധ​രി​ക്കു​ന്ന​തു​മെ​ല്ലാ​മാ​ണ് വ​ലി​യ അ​പ​രാ​ധ​ങ്ങ​ളാ​യി ഉ​യ​ർ​ത്തി​ക്കാ​ട്ടി​യ​ത്. ചി​ത്ര​വ​ധം ത​ന്നെ​യാ​യി​രു​ന്നു ല​ക്ഷ്യം. 

ജീ​വി​ച്ചി​രു​ന്ന​പ്പോ​ഴും മ​ര​ണ​ശേ​ഷ​വും ഗാ​ന്ധി​ജി​യെ ഹി​ന്ദു​വി​രു​ദ്ധ​നാ​യും അ​വ​സ​ര​വാ​ദ നി​ല​പാ​ടി​െൻറ ഉ​പാ​സ​ക​നാ​യും സം​ഘ്നേ​തൃ​ത്വം അ​വ​ത​രി​പ്പി​ച്ച​ത് ആ ​വ്യ​ക്തി​മാ​ഹാ​ത്മ്യ​ത്തി​െൻറ വി​ശ​ദ​മു​ദ്ര​ക​ൾ ഇ​ന്ത്യ​ൻ മ​ന​സ്സി​ൽ അ​വ​ശേ​ഷി​ക്കു​ന്ന കാ​ല​ത്തോ​ളം ത​ങ്ങ​ളു​ടെ രാ​ഷ്​​ട്രീ​യ​ക​ച്ച​വ​ടം ന​ട​ക്കി​ല്ല എ​ന്ന ക​ണ​ക്കു​കൂ​ട്ട​ലി​ലാ​ണ്. ബി.​ജെ.​പി പ്ര​സി​ഡ​ൻ​റ് അ​മി​ത് ഷാ ഛ​ത്തി​സ്​​ഗ​ഢി​ലെ റാ​യ്പു​രി​ൽ പ്ര​മു​ഖ​രു​ടെ യോ​ഗ​ത്തി​ൽ ഗാ​ന്ധി​ജി​യെ ‘ബ​ഹു​ത് ച​തു​ർ ബ​നി​യ’ (വ​ള​രെ കൗ​ശ​ല​ക്കാ​ര​നാ​യ ബ​നി​യ) എ​ന്ന് വി​ശേ​ഷി​പ്പി​ച്ച​തി​ലൂ​ടെ, നി​മി​ഷാ​ർ​ധം​കൊ​ണ്ട് ‘മ​ഹാ​ത്മ’​യു​ടെ അ​പ​ര​നി​ർ​മി​തി​യാ​ണ് പൂ​ർ​ത്തീ​ക​രി​ക്കാ​ൻ ല​ക്ഷ്യ​മി​ട്ട​ത്. ഗാ​ന്ധി​ജി എ​ന്ന രാ​ഷ്​​ട്രീ​യ​മ​നീ​ഷി​യെ, ധാ​ർ​മി​ക​പോ​രാ​ളി​യെ, അ​ഹിം​സ​യു​ടെ അ​വ​ധൂ​ത​നെ ബ​നി​യ (വ​ണി​ക്) ജാ​തി​യി​ലെ ഒ​രം​ഗ​മാ​യി മാ​ത്രം ഇ​ക​ഴ്ത്തി​ക്കെ​ട്ടി​യ​ത് ഹി​ന്ദു​ത്വ​രാ​ഷ്​​ട്രീ​യ​ത്തി​െൻറ മ​ന$​പൂ​ർ​വ​മു​ള്ള അ​ഭ്യാ​സ​മാ​ണ്. ബ്രി​ട്ടീ​ഷ്സിം​ഹ​ത്തെ​യും വ​ർ​ഗീ​യ​ത​യു​ടെ വി​ഷ​പ്പാ​മ്പു​ക​ളെ​യും അ​തി​ജീ​വി​ച്ച മ​ഹാ​ത്മ ‘ച​തു​ർ​ബ​നി​യ’​ക്ക് അ​പ്പു​റ​മു​ള്ള ഒ​രു മ​നു​ഷ്യ​നാ​യി​രു​ന്നു എ​ന്ന ഗാ​ന്ധി​ജി​യു​ടെ പേ​ര​മ​ക്ക​ളു​ടെ തി​രു​ത്ത് കൂ​ടു​ത​ൽ വി​ശ​ദീ​ക​ര​ണം ആ​വ​ശ്യ​പ്പെ​ടു​ന്നി​ല്ല. മ​ജ്ജ​യും മാം​സ​വു​മു​ള്ള ഒ​രു മ​നു​ഷ്യ​ൻ ഇ​ങ്ങ​നെ മ​ഹാ​ദ്ഭു​ത​ങ്ങ​ൾ കാ​ട്ടി ഭൂ​മു​ഖ​ത്ത് ജീ​വി​ച്ചി​രു​െ​ന്ന​ന്ന് വ​രും​ത​ല​മു​റ വി​ശ്വ​സി​ക്കാ​ൻ പ്ര​യാ​സ​പ്പെ​ടു​മെ​ന്ന് വി​ഖ്യാ​ത ശാ​സ്​​ത്ര​ജ്ഞ​ൻ ഐ​ൻ​സ്​​റ്റീ​ൻ അ​ഭി​പ്രാ​യ​പ്പെ​ട്ട ഒ​രു ജ​ന്മ​ത്തെ ജാ​തി​യു​ടെ കു​ടു​സ്സാ​യ ക​ള്ളി​യി​ൽ ത​ള്ളി​യി​ട്ട് ച​രി​ത്ര​ത്തി​െൻറ മ​ഹി​ത​പ്ര​താ​പ​ത്തെ ത​ല്ലി​ക്കെ​ടു​ത്താ​ൻ ഒ​രു​മ്പെ​ടു​ന്ന ഒ​രു രാ​ഷ്​​ട്രീ​യ പ്ര​ത്യ​യ​ശാ​സ്​​ത്ര​ത്തി​െൻറ കു​രു​ട്ടു​ബു​ദ്ധി​യെ നി​സ്സാ​ര​മാ​യി ത​ള്ളി​ക്ക​ള​യേ​ണ്ട​തി​ല്ല. 

ഗാ​ന്ധി​ജി​യു​ടെ ജാ​തി​സ്വ​ത്വ​ത്തെ മു​മ്പും പ​ല​രും നി​ഷ്കൃ​ഷ്​​ട​മാ​യി പ​രി​ശോ​ധി​ച്ചി​ട്ടു​ണ്ട്്. പ​ക്ഷേ, അ​ത് രാ​ഷ്​​ട്രീ​യ​ഗൂ​ഢ​ല​ക്ഷ്യ​ത്തോ​ടെ​യാ​യി​രു​ന്നി​ല്ല. പ്ര​ശ​സ്​​ത എ​ഴു​ത്തു​കാ​ര​ൻ നി​രാ​ദ് സി. ​ചൗ​ധ​രി​യും വി.​എ​സ്. ന​യ്പോ​ളു​മൊ​ക്കെ ഗാ​ന്ധി​യു​ടെ മേ​ൽ​മു​ണ്ടി​ൽ പ​റ്റി​പ്പി​ടി​ച്ച ബ​നി​യ ജാ​തി​അം​ശ​ത്തെ​യും സ​നാ​ത​ന ഹി​ന്ദു​ധ​ർ​മ​ത്തെ​യും സ​മ​ന്വ​യി​പ്പി​ക്കു​ന്ന സി​ദ്ധാ​ന്ത​ങ്ങ​ൾ പ്ര​കോ​പ​ന​പ​ര​മാ​യി അ​വ​ത​രി​പ്പി​ച്ചി​ട്ടു​ണ്ട്. ഒ​രു​പ​ക്ഷേ, അം​ബേ​ദ്ക​റെ​പോ​ലെ ഗാ​ന്ധി​ജി​യെ  ജാ​തീ​യ​മാ​യി അ​ധി​ക്ഷേ​പി​ച്ച ഒ​രു നേ​താ​വു​ണ്ടാ​ക​ണ​മെ​ന്നി​ല്ല. ഇ​ന്ത്യ​യി​ലെ ജാ​തി​വ്യ​വ​സ്​​ഥ രൂ​ഢ​മൂ​ല​മാ​ക്കി​യ അ​ടി​മ​ത്ത​ജീ​വി​ത​ത്തി​െൻറ കെ​ടു​തി​ക​ൾ അ​നു​ഭ​വി​ച്ചു​തീ​ർ​ക്കു​ന്ന അ​ധ$​സ്​​ഥി​ത​വ​ർ​ഗ​ത്തി​െൻറ വി​മോ​ച​ക​ൻ എ​ന്ന നി​ല​യി​ൽ സാ​മൂ​ഹി​ക–​രാ​ഷ്​​ട്രീ​യ​ബ​ന്ധ​ങ്ങ​ളെ ഇ​ഴ​പി​രി​ച്ച് അ​പ​ഗ്ര​ഥി​ക്കു​ന്നി​ട​ത്ത് ക​ണി​ശ​മാ​യ ചി​ല നി​രീ​ക്ഷ​ണ​ങ്ങ​ൾ ന​ട​ത്തു​ന്നു​ണ്ട് അ​ദ്ദേ​ഹം. ഗാ​ന്ധി​ജി​യെ കൊ​ച്ചാ​ക്കു​ക​യാ​യി​രു​ന്നി​ല്ല, പ്ര​ത്യു​ത, ജാ​തീ​യ​ഉ​ച്ച​നീ​ച​ത്വ​ങ്ങ​ളു​ടെ ക​രാ​ള​ഹ​സ്​​ത​ങ്ങ​ൾ ഇ​ന്ത്യ​യു​ടെ ഭാ​ഗ​ധേ​യം ഏ​തു​ത​ര​ത്തി​ൽ നി​ർ​ണ​യി​ക്കു​ന്നു​വെ​ന്ന് അ​ട​യാ​ള​പ്പെ​ടു​ത്തു​ക​യാ​ണ് അ​തി​ലൂ​ടെ ല​ക്ഷ്യ​മി​ട്ട​ത്. 

അംബേദ്​കർ, അമിത്​ ഷാ

 

ഗാ​ന്ധി​ജി വ​ലി​ച്ചെ​റി​ഞ്ഞ ജാ​തി​ജീ​വി​തം
മോ​ഹ​ൻ​ദാ​സ്​ ക​രം​ച​ന്ദ് ഗാ​ന്ധി ജ​നി​ച്ച​ത് ഗു​ജ​റാ​ത്തി​ലെ ബ​നി​യ​സ​മു​ദാ​യ​ത്തി​ലാ​ണ്. എ​ന്നാ​ൽ, പൊ​തു​ജീ​വി​ത​ത്തി​ലോ വ്യ​ക്തി​ജീ​വി​ത​ത്തി​ലോ ജാ​തി​മു​ദ്ര കൊ​ണ്ടു​ന​ട​ക്കാ​ൻ ഒ​രി​ക്ക​ലും അ​ദ്ദേ​ഹം ശു​ഷ്കാ​ന്തി കാ​ട്ടി​യി​രു​ന്നി​ല്ല. 1922ൽ ​ദേ​ശ​േ​ദ്രാ​ഹ​കു​റ്റം ചു​മ​ത്തി മ​ജി​സ്​േ​ട്ര​റ്റ്കോ​ട​തി​യി​ൽ ഹാ​ജ​രാ​ക്കി​യ​പ്പോ​ൾ ജ​ഡ്ജി ജാ​തി​ചോ​ദി​ച്ച​തി​ന്​ ഗാ​ന്ധി ന​ൽ​കി​യ മ​റു​പ​ടി; ക​ർ​ഷ​ക​ൻ, നെ​യ്​​ത്തു​കാ​ര​ൻ എ​ന്നൊ​ക്കെ​യാ​ണ്. ബ​നി​യ​ജാ​തി​സ്വ​ത്വം ഉ​യ​ർ​ത്തി​ക്കാ​ട്ടാ​ൻ അ​ദ്ദേ​ഹ​ത്തി​ന് തോ​ന്നി​യി​ല്ല. ജീ​വി​ത​ത്തി​െൻറ നി​ർ​ണാ​യ​ക​ഘ​ട്ട​ത്തി​ൽ ജാ​ത്യാ​ചാ​ര​ങ്ങ​ളെ വ​ലി​ച്ചെ​റി​യാ​ൻ താ​ൻ സ​ന്ന​ദ്ധ​നാ​യ​ത് ‘എ​െൻറ സ​ത്യാ​ന്വേ​ഷ​ണ പ​രീ​ക്ഷ​ണ​ക​ഥ’​യി​ൽ പ്ര​തി​പാ​ദി​ക്കു​ന്നു​ണ്ട്, ‘ജാ​തി​ഭ്ര​ഷ്​​ട​ൻ’ എ​ന്ന അ​ധ്യാ​യ​ത്തി​ലൂ​ടെ. ഇം​ഗ്ല​ണ്ടി​ലേ​ക്ക് ക​പ്പ​ൽ ക​യ​റു​ന്ന​തി​ന് ബോം​ബെ​യി​ൽ എ​ത്തി​യ​പ്പോ​ൾ സ​മു​ദാ​യ​പ്ര​മു​ഖ​ർ യോ​ഗം ചേ​ർ​ന്ന്് ക​പ്പ​ൽ യാ​ത്ര ചെ​യ്യു​ന്ന​ത് മ​തം വി​ല​ക്കി​യി​ട്ടു​ണ്ടെ​ന്നും മ​ത​കാ​ര്യ​ങ്ങ​ളി​ൽ വി​ട്ടു​വീ​ഴ്ച ചെ​യ്യാ​തെ അ​വി​ടെ ജീ​വി​ക്കാ​ൻ സാ​ധി​ക്കി​ല്ലെ​ന്നും വാ​ദി​ച്ച​െ​ത്ര. സ​മു​ദാ​യ​ക​ൽ​പ​ന ലം​ഘി​ച്ച് യാ​ത്ര പു​റ​പ്പെ​ടു​ന്ന​ത് പ്ര​ത്യാ​ഘാ​ത​മു​ണ്ടാ​ക്കു​മെ​ന്ന് ഭീ​ഷ​ണി മു​ഴ​ക്കി​യി​ട്ടും ഗാ​ന്ധി​ജി കു​ലു​ങ്ങി​യി​ല്ല. ഇം​ഗ്ല​ണ്ടി​ലേ​ക്ക് പോ​കാ​ൻ മാ​താ​വും ജ്യേ​ഷ്ഠ​നും അ​നു​മ​തി ത​ന്നി​ട്ടു​ണ്ടെ​ന്നും വി​ദ്യാ​ഭ്യാ​സ​ത്തി​നാ​യു​ള്ള യാ​ത്ര ത​ട​യാ​ൻ ആ​ർ​ക്കും സാ​ധി​ക്കി​ല്ലെ​ന്നും പ​റ​ഞ്ഞ​പ്പോ​ൾ, യോ​ഗാ​ധ്യ​ക്ഷ​നാ​യ സേ​ട്ട് കു​പി​ത​നാ​യി​പോ​ലും! ഇ​ന്ന് മു​ത​ൽ ഈ ​കു​ട്ടി​യെ സ​മു​ദാ​യ​ഭ്ര​ഷ്​​ട​നാ​യി പ​രി​ഗ​ണി​ക്ക​ണ​മെ​ന്നും അ​വ​നെ സ​ഹാ​യി​ക്കു​ക​യോ യാ​ത്ര​യാ​ക്കാ​ൻ തു​റ​മു​ഖ​ത്തേ​ക്ക് പോ​വു​ക​യോ ചെ​യ്യു​ന്ന​വ​ർ ഒ​ന്നേ​കാ​ൽ രൂ​പ വീ​തം പി​ഴ അ​ട​ക്കേ​ണ്ടി​വ​രു​മെ​ന്നും ക​ൽ​പ​ന വ​ന്നു. ‘ആ ​ക​ൽ​പ​ന എ​ന്നി​ൽ ഒ​രു ച​ല​ന​വും ഉ​ണ്ടാ​ക്കി​യി​ല്ല’ എ​ന്ന ഗാ​ന്ധി​യു​ടെ മൊ​ഴി മ​തി ജാ​തി​ചി​ന്ത​ക​ളി​ൽ​നി​ന്ന് മു​ക്ത​മാ​യി, സാ​മൂ​ഹി​ക​മാ​യ പു​തു​ക്കി​പ്പ​ണി​യ​ലി​നാ​ണ് ആ ​യു​വാ​വ് ഇ​റ​ങ്ങി​പ്പു​റ​പ്പെ​ട്ട​തെ​ന്ന് സാ​ക്ഷ്യ​പ്പെ​ടു​ത്താ​ൻ. 

ബ​നി​യ​സ​മൂ​ഹം യാ​ഥാ​സ്​​ഥി​തി​ക​മ​നോ​ഭാ​വം മു​റു​കെ​പി​ടി​ച്ചു​ജീ​വി​ച്ച ആ ​കാ​ല​ഘ​ട്ട​ത്തി​ൽ ഗാ​ന്ധി​ജി, മ​ത​ഭേ​ദം മ​റ​ന്നാ​ണ് ല​ണ്ട​നി​ലെ ജീ​വി​തം ന​യി​ച്ച​ത്. ജോ​ഷി​യ ഓ​ൾ​ഫീ​ൾ​ഡ് എ​ന്ന ആം​ഗ്ലോ​ഇ​ന്ത്യ​ൻ​കു​ടും​ബ​വു​മാ​യാ​ണ് അ​ദ്ദേ​ഹം താ​മ​സ​സ്​​ഥ​ലം പ​ങ്കി​ട്ട​ത്. മാം​സാ​ഹാ​രം ക​ണി​ശ​മാ​യി വ​ർ​ജി​െ​ച്ച​ങ്കി​ലും ആ ​വീ​ട്ടി​ൽ പാ​ച​കം ചെ​യ്യു​ന്ന ഭ​ക്ഷ​ണ​മാ​ണ് അ​വ​രു​ടെ ര​ണ്ടു പു​ത്രി​മാ​രോ​ടൊ​പ്പം ഒ​ന്നി​ച്ചി​രു​ന്ന് ക​ഴി​ച്ചി​രു​ന്ന​ത്. ദ​ക്ഷി​ണാ​ഫ്രി​ക്ക​യി​ലാ​യി​രു​ന്ന​പ്പോ​ൾ പ​ത്നി ക​സ്​​തൂ​ർ​ബ​യോ​ടൊ​പ്പം ഹെ​ൻ​ട്രി എ​ന്ന ക്രി​സ്​​ത്യ​​െൻറ​യും മീ​ലി പോ​ളാ​ക് എ​ന്ന ജൂ​ത ഭാ​ര്യ​യു​ടെ​യും കൂ​ടെ​യാ​ണ് താ​മ​സി​ച്ച​തും അ​ടു​ക്ക​ള പ​ങ്കു​വെ​ച്ച​തും. ലോ​ക​ത്തി​ലെ ഏ​റ്റ​വും വം​ശീ​യ​മാ​യി ചി​ന്തി​ക്കു​ന്ന അ​ന്ന​ത്തെ ദ​ക്ഷി​ണാ​ഫ്രി​ക്ക​യി​ലെ വം​ശീ​യ​ത​യു​ടെ ആ​സ്​​ഥാ​ന​മാ​യി​രു​ന്നു ജോ​ഹ​ന്ന​സ്​​ബ​ർ​ഗ്. ഗാ​ന്ധി​ജി​യാ​വ​ട്ടെ ജാ​തീ​യ​ത​ക്കും വം​ശീ​യ​ത​ക്കും അ​തീ​ത​മാ​യ ഉ​യ​ർ​ന്ന ജീ​വി​ത​കാ​ഴ്ച​പ്പാ​ട് വെ​ച്ചു​പു​ല​ർ​ത്തി എ​ന്ന് മാ​ത്ര​മ​ല്ല, ത​ദ​നു​സൃ​ത​മാ​യി പാ​ര​സ്​​പ​ര്യം കാ​ത്തു​സൂ​ക്ഷി​ക്കു​ക​യും ചെ​യ്തു. കേ​വ​ല​മൊ​രു ബ​നി​യ​യാ​യ​ല്ല, അ​ന്താ​രാ​ഷ്​​ട്ര​പൗ​ര​നാ​യാ​ണ് ജീ​വി​ത​ത്തെ അ​ദ്ദേ​ഹം ചി​ട്ട​പ്പെ​ടു​ത്തി​യ​ത്. 

സ്വ​ദേ​ശ​ത്ത് അ​പ്പോ​ഴും (ഇ​പ്പോ​ഴും)  ജാ​തി​ചി​ന്ത അ​ട​ക്കി​വാ​ഴു​ന്നു​ണ്ടാ​യി​രു​ന്നു. ല​ണ്ട​നി​ലെ പ​ഠ​നം ക​ഴി​ഞ്ഞ് തി​രി​ച്ചു​വ​ന്ന താ​ൻ നി​ർ​വ​ഹി​ക്കേ​ണ്ടി​വ​ന്ന ജാ​ത്യാ​ചാ​ര​ങ്ങ​ൾ അ​ദ്ദേ​ഹം വി​വ​രി​ക്കു​ന്നു​ണ്ട്്. സ​മു​ദാ​യ​ഭ്ര​ഷ്​​ട് ക​ൽ​പി​ച്ച വി​ഭാ​ഗ​ത്തെ സാ​ന്ത്വ​ന​പ്പെ​ടു​ത്തു​ന്ന​തി​ന്​ ജ്യേ​ഷ്ഠ​ൻ നാ​സി​ക്കി​ൽ കൊ​ണ്ടു​പോ​യി പു​ണ്യ​ന​ദി​യി​ൽ സ്​​നാ​നം ചെ​യ്യി​ക്കു​ക​യും രാ​ജ്കോ​ട്ടി​ൽ ജാ​തി​ക്കാ​ർ​ക്ക് സ​ദ്യ ഒ​രു​ക്കു​ക​യും ചെ​യ്ത​െ​ത്ര. അ​പ്പോ​ഴ​ത്തെ മാ​ന​സി​കാ​വ​സ്​​ഥ ഗാ​ന്ധി​ജി വി​വ​രി​ക്കു​ന്ന​തി​ങ്ങ​നെ: ‘‘എ​നി​ക്കി​തൊ​ന്നും ഇ​ഷ്​​ട​മാ​യി​ല്ല. പ​ക്ഷേ, എ​െൻറ ഏ​ട്ട​ന് എ​ന്നോ​ടു​ള്ള സ്​​നേ​ഹം അ​തി​ര​റ്റ​താ​യി​രു​ന്നു. അ​തി​ന​നു​സ​രി​ച്ച് എ​നി​ക്ക​ദ്ദേ​ഹ​ത്തോ​ട് ഭ​ക്തി​യു​മു​ണ്ടാ​യി​രു​ന്നു. അ​തി​നാ​ൽ അ​ദ്ദേ​ഹ​ത്തി​െൻറ നി​ശ്ച​യം, നി​യ​മ​മാ​യെ​ടു​ത്ത് അ​ദ്ദേ​ഹം ആ​ശി​ച്ച​തു​പോ​ലെ യാ​ന്ത്രി​ക​മാ​യി പ്ര​വ​ർ​ത്തി​ച്ചെ​ന്ന് മാ​ത്രം’’. ജാ​തീ​യ​ത​യു​ടെ സ​ക​ല ഭാ​ര​ങ്ങ​ളെ​യും വ്യ​ക്തി​ജീ​വി​ത​ത്തി​ൽ​നി​ന്ന് കു​ട​ഞ്ഞു​മാ​റ്റാ​ൻ ഗാ​ന്ധി​ജി​ക്ക് സാ​ധി​ച്ചി​രു​ന്നു. സാ​ധി​ച്ചി​രു​ന്നി​ല്ല എ​ന്ന് മ​ഹാ​ത്മ​ജി ജീ​വി​ച്ചി​രു​ന്ന കാ​ല​ത്ത് ശ​ക്ത​മാ​യി വാ​ദി​ച്ച​ത് അം​ബേ​ദ്ക​റാ​ണെ​ങ്കി​ൽ , ‘ഡോ​ക്ട​ർ ആ​ൻ​ഡ്​ സെ​യി​ൻ​റ്’ എ​ന്ന വി​വാ​ദ ആ​മു​ഖ​ത്തോ​ടെ (അം​ബേ​ദ്ക​റു​ടെ ‘ജാ​തി​നി​ർ​മാ​ർ​ജ​നം’ എ​ന്ന പു​സ്​​ത​ക​ത്തി​ന്) സ​മീ​പ​കാ​ല​ത്ത് ക​ലാ​പം കൂ​ട്ടി​യ​ത് പ്ര​ശ​സ്​​ത എ​ഴു​ത്തു​കാ​രി അ​രു​ന്ധ​തി റോ​യി ആ​ണ്. വ​ർ​ണാ​ശ്ര​മ​ധ​ർ​മം ഇ​ന്ത്യ​ൻ സാ​മൂ​ഹി​ക​വ്യ​വ​സ്​​ഥി​തി​യു​ടെ ധി​ഷ​ണ​യെ​യാ​ണ് പ്ര​തീ​ക​വ​ത്ക​രി​ക്കു​ന്ന​തെ​ന്ന് ഗാ​ന്ധി​ജി വി​ശ്വ​സി​ച്ച​താ​യാ​ണ് അ​രു​ന്ധ​തി നി​രീ​ക്ഷി​ക്കു​ന്ന​ത്. ദ​ലി​ത്​​സ​മൂ​ഹ​മാ​വ​ട്ടെ, ഗാ​ന്ധി​ജി​യു​ടെ അ​തി​ജീ​വ​ന​കൗ​ശ​ല​ത്തി​നു​പി​ന്നി​ൽ ജാ​തി വ​ലി​യ ഘ​ട​ക​മാ​യി വ​ർ​ത്തി​ച്ചി​ട്ടു​ണ്ട് എ​ന്ന് ഉ​റ​ച്ചു​വി​ശ്വ​സി​ക്കു​ന്നു. 

എ​ന്തു​ത​ന്നെ​യാ​യാ​ലും അ​മി​ത് ഷാ ​ചി​ത്രീ​ക​രി​ക്കു​ന്ന കൗ​ശ​ല​ക്കാ​ര​നാ​യ ബ​നി​യ അ​ല്ല മ​ഹാ​ത്മ​ജി. ജാ​തി​ചി​ന്ത​യോ വി​ഭാ​ഗീ​യ കൂ​ട്ടു​കെ​ട്ടോ അ​ല്ല ഗാ​ന്ധി​ജി​യെ ഒ​രു കാ​ല​ഘ​ട്ട​ത്തി​െൻറ വി​ള​ക്കു​മാ​ട​മാ​ക്കി​യ​ത്. കൗ​ശ​ലം കൊ​ണ്ടു​മാ​ത്രം നേ​ടി​യെ​ടു​ക്കാ​വു​ന്ന ഔ​ന്ന​ത്യ​ങ്ങ​ളാ​യി​രു​ന്നി​ല്ല ന​ഗ്​​ന​നാ​യ ആ ​ഫ​ഖീ​ർ സ്വാ​യ​ത്ത​മാ​ക്കി​യ​ത്. മ​നു​ഷ്യ​രെ ഭി​ന്നി​പ്പി​ച്ചും കൊ​ല്ലി​ച്ചും വീ​​​ഴു​ന്ന​ ചോ​ര​കൊ​ണ്ട്​ കൊ​ഴു​ക്കാ​മെ​ന്ന്​ വി​ശ്വ​സി​ക്കു​ന്ന ആ​ർ.​എ​സ്.​എ​സി​െൻറ പ്ര​ത്യ​യ​ശാ​സ്​​ത്ര​ത്തെ തോ​ൽ​പി​ച്ച്, മ​നു​ഷ്യ​ത്വ​ത്തി​െൻറ​യും സാ​ഹോ​ദ​ര്യ​ത്തി​െൻറ​യും സ​ന്ദേ​ശം ഉ​യ​ർ​ത്തി​പ്പി​ടി​ച്ച​തി​ലാ​ണ് ഗാ​ന്ധി​ജി​യു​ടെ വ്യ​ക്തി​പ്ര​ഭാ​വം ലോ​കം ദ​ർ​ശി​ച്ച​ത്. ആ​ധു​നി​ക​ഇ​ന്ത്യ​യെ ഹെ​ഡ്ഗേ​വാ​റും സ​വ​ർ​ക്ക​റും ഗോ​ൾ​വാ​ൾ​ക്ക​റും സ്വ​പ്നം ക​ണ്ട ഹി​ന്ദു​രാ​ഷ്​​ട്ര​മാ​ക്കു​ന്ന​തി​ൽ വി​ഘാ​ത​മാ​യി നി​ന്നു എ​ന്ന​താ​ണ് ഗാ​ന്ധി​ജി​യെ സം​ഘ്പ​രി​വാ​റി​െൻറ ക​ണ്ണി​ലെ ക​ര​ടും ‘ച​തു​ർ​ബ​നി​യ’​യു​മാ​യി മാ​റ്റി​യ​തെ​ന്ന് തി​രി​ച്ച​റി​യാ​ൻ സാ​മാ​ന്യ​ബു​ദ്ധി ധാ​രാ​ളം.
•