ഫാഷിസത്തെ പൊതുസമൂഹം ചെറുക്കണം

gauri-lankes

ഗൗരി ല​േങ്കഷി​​െൻറ വധത്തിലൂടെ ഒരു വ്യക്​തിയെ വകവരുത്തുകയല്ല, ഒരു ചിന്താധാരയെ വകവരുത്തുകയാണ്​ ചെയ്​തത്​. വ്യക്​തിയെ വധിച്ചാൽ, കുറ്റവാളികളെ കണ്ടെത്തുകയും ശിക്ഷിക്കുകയും ചെയ്യേണ്ട ഉത്തരവാദിത്തം പൊലീസ്​ നിർവഹിക്കണം. അതേസമയം, ആശയാദർശങ്ങളെ വകവരുത്തു​േമ്പാൾ, അതിനെതിരെ രംഗത്തുവരേണ്ടത്​ പൊതുസമൂഹത്തി​​െൻറ കടമയാണ്​. ഭരണഘടന മൂല്യങ്ങളിൽ, ജനാധിപത്യത്തിൽ, ബഹുസ്വരതയിലൊക്കെ ഉറച്ചു വിശ്വസിക്കുകയും അതി​​െൻറ നിലനിൽപിനു വേണ്ടി പോരാടുകയും ചെയ്​ത അസാധാരണ വ്യക്​തിത്വമാണ്​ ഗൗരി ല​േങ്കഷ്​. 

അവരുടെ കുടുംബത്തിന്​ കന്നട സാഹിത്യത്തിൽ ആഴത്തിൽ വേരുകളുണ്ട്​. കർണാടകത്തി​​െൻറ ചിന്താധാരയിൽ വലിയ സ്വാധീനം ചെലുത്താൻ അവർക്ക്​ കഴിഞ്ഞിട്ടുണ്ട്​. ല​േങ്കഷ്​ പത്രിക കന്നട ഭാഷയോടും സാഹിത്യത്തോടും കർണാടകത്തോടും അങ്ങേയറ്റത്തെ പ്രതിബദ്ധത എക്കാലവും കാട്ടിയിട്ടുണ്ട്​. മതേതര ചിന്താഗതിയുടെ പ്രഘോഷണത്തിന്​ ഏറെ സംഭാവനകൾ ചെയ്​തിട്ടുണ്ട്​. അത്തരമൊരു ചിന്താധാരയെയും ചിന്താശക്​തിയേയുമാണ്​ വിദ്വേഷത്തി​​െൻറയും അസഹിഷ്​ണുതയുടെയും ശക്​തികൾ വകവരുത്തിയത്​. അവരുടെ ഘാതകരെ നീതിക്കു മുന്നിൽ കൊണ്ടുവരാൻ പൊലീസും ഭരണകൂടവും ശക്​തമായ നടപടി സ്വീകരിക്കേണ്ടതുണ്ട്​. ഒപ്പം ഗൗരി ല​േങ്കഷ്​ മുന്നോട്ടുവെച്ച വിചാരധാരയുടെ കഴുത്തുഞെരിക്കുന്ന ശക്​തികൾക്കെതിരെ പൊതുബോധം ഉണരണം; പ്രവർത്തിക്കണം. അതിൽനിന്ന്​ പിന്നാക്കം പോകു​േമ്പാഴാണ്​ ഇത്തരം സംഭവങ്ങൾ ആവർത്തിക്കപ്പെടുന്നത്​. 

അരുംകൊലയേയും ന്യായീകരിക്കാൻ ജനാധിപത്യ ഇന്ത്യയിൽ ആളുണ്ട്​. ഫാഷിസത്തി​​െൻറ ആ ചിന്താധാരക്കെതിരെ പൊതുസമൂഹം ഉണർന്നു പ്രവർത്തിച്ചില്ലെങ്കിൽ എ​േട്ടാ പത്തോ മാസം കഴിയു​​േമ്പാൾ ആ​രുടെ ഉൗഴമാണ്​ എത്തുകയെന്ന്​ അറിയില്ല.

സ​െൻറർ ഫോർ ദ സ്​റ്റഡി ഒാഫ്​ ഡെവലപിങ്​ സൊസൈറ്റീസ്​(സി.എസ്​.ഡി.എസ്​) സീനിയർ ഫെലോ ആണ്​ ലേഖകൻ

മാ​ധ്യ​മ പ്ര​വ​ർ​ത്ത​ക​രെ ​ആ​ര്​ ര​ക്ഷി​ക്കും?
ശ​ശി​കു​മാ​ർ
ഗൗ​രി ല​േ​ങ്ക​ഷി​​െൻറ കൊ​ല ന​ടു​ക്ക​മു​ള​വാ​ക്കു​ന്നു. ഒ​രു​പ​ക്ഷ, ന​ടു​ക്ക​മു​ണ്ടാ​ക്കു​ന്നു​വെ​ന്ന്​ പ​റ​യു​ന്ന​ത്​ ഒ​രു പാ​ഴ്​​വേ​ല​യാ​ണ്. സം​ഭ​വ​ത്തെ അ​പ​ല​പി​ക്കു​ന്നു​വെ​ന്ന്​ രാ​ഷ്​​ട്രീ​യ​ക്കാ​ർ പ്ര​സ്​​താ​വ​ന ഇ​റ​ക്കും​പോ​ലെ അ​ർ​ഥ​ശൂ​ന്യ​മാ​യ ഒ​രേ​ർ​പ്പാ​ട്​-​പു​റം​പൂ​ച്ചി​ന്​ ഇ​ത്ത​രം ചി​ല ​പ്ര​സ്​​താ​വ​ന​ക​ൾ ന​ട​ത്തി രാ​ഷ്​​ട്രീ​യ​ക്കാ​ർ സ്വ​ന്തം പ്ര​വൃ​ത്തി​ക​ൾ പ​ഴ​യ​പ​ടി തു​ട​രു​ക​യും ചെ​യ്യും. അ​ത്ത​ര​മൊ​രു പ​ശ്ചാ​ത്ത​ല​ത്തി​ൽ ഞെ​ട്ടു​ന്ന​തി​ലോ അ​പ​ല​പി​ക്കു​ന്ന​തി​ലോ ഒ​രു ക​ഥ​യു​മി​ല്ല. ഗൗ​രി​യെ വ​ധി​ക്കാ​ൻ ഉ​ത്ത​ര​വി​ട്ട​വ​രും വ​ധ​കൃ​ത്യം നി​ർ​വ​ഹി​ച്ച​വ​രും പോ​ലും കൊ​ല​യെ പ​ര​സ്യ​മാ​യി അ​ല​പി​ച്ചി​രി​ക്കും. കാ​ര​ണം, നി​യ​മ​പ​രി​ര​ക്ഷ​യു​ടെ ക​വ​ചം ത​ങ്ങ​ളെ സം​ര​ക്ഷി​ക്കു​മെ​ന്ന ഉ​റ​പ്പ്​ അ​വ​ർ​ക്കു​ണ്ട്.

എ​ന്നാ​ൽ, ചി​ല​ർ പ​ര​സ്യ​മാ​യി ഹീ​ന​മാ​യ ഇൗ ​കൊ​ല​പാ​ത​ക​ത്തി​ൽ ആ​ഹ്ലാ​ദം പ്ര​ക​ടി​പ്പി​ക്കാ​നും സം​ഭ​വ​​ത്തെ ന്യാ​യീ​ക​രി​ക്കാ​നും ശ്ര​മി​ക്കു​ന്നു​വെ​ന്ന​ത്​ ആ​ശ​ങ്ക​ജ​ന​ക​മാ​ണ്. ഇൗ ​കൊ​ല​പാ​ത​ക​ത്തെ അ​ത്​ കൂ​ടു​ത​ൽ ഭീ​തി​ദ​മാ​ക്കു​ന്നു. സ​മൂ​ഹ​മാ​ധ്യ​മ​ങ്ങ​ൾ വ​ഴി സ്വാ​ഭി​പ്രാ​യം തു​റ​ന്നു​പ​റ​യാ​ൻ ആ​വി​ഷ്​​കാ​ര സ്വാ​ത​ന്ത്ര്യ​മാ​ണ​​ത്രെ അ​വ​ർ​ക്ക്​ അ​നു​വാ​ദം ന​ൽ​കു​ന്ന​ത്. അ​ത്​ കു​റ്റ​ക​ര​മ​ല്ലെ​ന്നും  വാ​ദി​ക്ക​പ്പെ​ടു​ന്നു. അ​പ്പോ​ൾ സ്വാ​ഭി​പ്രാ​യം നി​ർ​ഭ​യം ആ​വി​ഷ്​​ക​രി​ക്കു​ന്ന ഗൗ​രി ല​േ​ങ്ക​ഷ്​ എ​ങ്ങ​നെ കു​റ്റ​ക്കാ​രി​യാ​കും? പ​ര​സ്യ​ങ്ങ​ൾ നി​ഷേ​ധി​ച്ചു​കൊ​ണ്ട്​ അ​വ​രു​ടെ പ​ത്ര​ത്തെ ശ്വാ​സം​മു​ട്ടി​ക്കാ​ൻ പ​ല​രും ശ്ര​മി​ക്കു​ക​യു​ണ്ടാ​യി. സ്വാ​ഭി​പ്രാ​യം പ്ര​ക​ടി​പ്പി​ച്ച​തി​ന്​ ഗൗ​രി​ക്ക്​ സ്വ​ന്തം ജീ​വ​ൻ വി​ല​യാ​യി ന​ൽ​കേ​ണ്ടി​വ​ന്നു. തെ​രു​വി​ലെ ആ​ൾ​ക്കൂ​ട്ടം ത​ന്നി​ഷ്​​ട​പ്ര​കാ​ര​മു​ള്ള കൊ​ല ന​ട​ത്തു​ക​യാ​യി​രു​ന്നു.

ഇൗ ​പ​ശ്ചാ​ത്ത​ല​ത്തി​ൽ നി​യ​മ​വാ​ഴ്​​ച​യി​ലും ഭ​ര​ണ​ഘ​ട​ന​യി​ലും ഭ​ര​ണ​ക​ർ​ത്താ​ക്ക​ളി​ലും വി​ശ്വാ​സ​മ​ർ​പ്പി​ക്കു​ക എ​ന്ന​ത്​ ദു​ഷ്​​ക​ര​മാ​കും. ജ​ന​ങ്ങ​ളും മാ​ധ്യ​മ പ്ര​വ​ർ​ത്ത​ക​രും ഇ​നി എ​ന്തു ചെ​യ്യും?​അ​വ​ർ​ക്കെ​തി​രെ തോ​ക്കു​ക​ൾ ഉ​യ​രു​ക​യാ​ണ്. അ​വ​രെ ര​ക്ഷി​ക്കാ​ൻ വി​ശ്വാ​സാ​ദ​ർ​ശ​ങ്ങ​ൾ​ക്കേ ക​ഴി​യൂ.

മീഡിയ ഡെവലപ്​മ​െൻറ്​ ഫൗണ്ടേഷ​​െൻറയും​ ഏഷ്യൻ കോളജ്​ ഒാഫ്​ ജേണലിസത്തി​​െൻറയും ചെയർമാനാണ്​ ലേഖകൻ​ 

ഒരു രക്​തസാക്ഷികൂടി
ബി.ആർ.പി ഭാസ്​കർ
ജനാധിപത്യവും മതനിരപേക്ഷതയും സംരക്ഷിക്കുവാനുള്ള സമരത്തിലെ രക്തസാക്ഷിയാണ് ഗൗരി ലങ്കേഷ്. വിശാല സമൂഹത്തി​​െൻറ നന്മയെ ലക്ഷ്യമാക്കിയുള്ളതായിരുന്നു ഗൗരി ലങ്കേഷി​െൻറ പത്രപ്രവര്‍ത്തനം. പത്രപ്രവര്‍ത്തകരും പൊതുസമൂഹവും കഴിഞ്ഞ ദിവസം നടത്തിയ രാജ്യവ്യാപകമായ പ്രതിഷേധ പ്രകടനങ്ങളും ഹിന്ദുത്വവാദികള്‍ സമൂഹ മാധ്യമങ്ങളില്‍ നടത്തിയ ആഹ്ലാദപ്രകടനങ്ങളും രാജ്യത്തി​​െൻറ ഭാവിയെ സംബന്ധിച്ചിടത്തോളം നിർണായകമായ ഒരു സമരം രൂപപ്പെടുന്നതി​​െൻറ സൂചനകളാണ്.

ഭീതി പടർത്താനുള്ള ശ്രമം
ഹുംറ ഖുറൈശി
ത​​േൻറടവും ധീരതയുമുള്ള മാധ്യമ  ​പ്രവർത്തകയും ആക്​റ്റിവിസ്​റ്റുമായിരുന്നു ഗൗരി വലതുപക്ഷ രാഷ്​ട്രീയ മാഫിയക്കെതിരെ അവർ നിർഭയം ശബ്​ദമുയർത്തി. നാം ഒരോരുത്തരിലും അവരുടെ കൊലപതാകം നടുക്കമുണ്ടാക്കിയിരിക്കുന്നു. സർവരിലും അത്​ അമർഷം സൃഷ്​ടിച്ചിരിക്കുന്നു. രാഷ്​ട്രീയ മാഫിയക്കും ഭരണ വൈകല്യങ്ങൾക്കുമെതിരെ പ്രതികരിക്കുന്ന ഒാരോരുത്തരെയും വധിക്കാൻ ഇറങ്ങിതിരിച്ചിരിക്കുകയാണ്​ വലതുപക്ഷ ബ്രിഗേഡുകൾ. എന്നാൽ ഇതിനു മുന്നിൽ  നിശബ്​ദരാകാൻ പാടില്ല നാം.

ബംഗളൂരിൽ മാത്രമല്ല ന്യൂഡൽഹിയിലും ഇൗ സംഭവം നൈരാശ്യം ഉളവാക്കിയിട്ടുണ്ട്​. കർണാടകയിൽ മത വികാരം ഉയർത്തിവിട്ട്​ കുപ്രസിദ്ധി നേടിയ അനന്ത്​കുമാർ ഹെഗ്​ഡെയെ കഴിഞ്ഞയാഴ്​ച മന്ത്രിസഭയിൽ ഉൾപ്പെടുത്തിയ സംഭവം ഇതിനോട്​ ചേർത്ത്​ വെക്കുക. ഇസ്​ലാം ഉള്ള കാലത്തോളം ഭീകരതയും നിലനിൽക്കുമെന്ന്​ വാർത്താസ​മ്മേളനത്തിൽ പ്രസ്​താവിച്ച്​ പ്രകോപനം സൃഷ്​ടിച്ച  അനത്​കുമാർ ഒരു ഡോക്​ടറുടെ കഴുത്തിന്​ പിടിച്ചു നേരത്തേ വിവാദങ്ങൾക്ക്​ തിരികൊളുത്തുകയുമുണ്ടായി. ഡോക്​ടർക്കെതിരായ കൈയേറ്റം സി.സി.ടി.വി വഴി ലഭിച്ച ചിത്രങ്ങൾ സ്ഥിരീകരിച്ചിരുന്നു. ഡോക്​ടറെ രക്ഷിക്കാൻ ശ്രമിച്ച മറ്റൊരു ഡോക്​ടറെയും മർദനങ്ങൾക്കിരയാക്കി. ഇൗ ഹീനതകൾക്ക്​ ശേഷവും ഇത്തരക്കാർ മന്ത്രിമാരായി അവരോധിക്കപ്പെടുന്ന സാഹചര്യത്തിൽ പൗരന്മാർ ഭരണകർത്താക്കളിൽ എങ്ങനെ വിശ്വാസമർപ്പിക്കും.

COMMENTS