Begin typing your search above and press return to search.
proflie-avatar
Login
exit_to_app
exit_to_app
Homechevron_rightOpinionchevron_rightArticleschevron_rightതി​രി​ച്ച​യ​ച്ച...

തി​രി​ച്ച​യ​ച്ച ചെ​ക്ക് തി​രി​ച്ചെ​ടു​ത്ത് നി​തീ​ഷ്

text_fields
bookmark_border
തി​രി​ച്ച​യ​ച്ച ചെ​ക്ക് തി​രി​ച്ചെ​ടു​ത്ത് നി​തീ​ഷ്
cancel

ഏ​ഴു വ​ര്‍ഷം മു​മ്പ് ഒ​രു ജൂ​ണി​ല്‍ ബി.​ജെ.​പി​യു​ടെ ദേ​ശീ​യ നി​ര്‍വാ​ഹ​ക സ​മി​തി ബി​ഹാ​ര്‍ ത​ല​സ്ഥാ​ന​മാ​യ പ​ട്ന​യി​ല്‍ ന​ട​ക്കു​ക​യാ​ണ്. ബി.​ജെ.​പി ദേ​ശീ​യ നി​ര്‍വാ​ഹ​ക സ​മി​തി തു​ട​ങ്ങു​ന്ന ദി​വ​സം ഗു​ജ​റാ​ത്ത് മു​ഖ്യ​മ​ന്ത്രി ന​രേ​ന്ദ്ര മോ​ദി​യു​ടെ​യും ബി​ഹാ​ര്‍ മു​ഖ്യ​മ​ന്ത്രി നി​തീ​ഷ് കു​മാ​റി​​െൻറ​യും ചി​ത്ര​ങ്ങ​ളോ​ടെ മു​ഴു​പ്പേ​ജ് പ​ര​സ്യം ബി​ഹാ​റി​ലെ മു​ഴു​വ​ന്‍ പ്രാ​ദേ​ശി​ക പ​ത്ര​ങ്ങ​ളി​ലും പ്ര​ത്യ​ക്ഷ​പ്പെ​ട്ടു. പ്ര​ള​യ​ദു​രി​ത​ത്തി​ല​മ​ര്‍ന്ന ബി​ഹാ​റി​ന് ദു​രി​താ​ശ്വാ​സ സ​ഹാ​യ​മാ​യി ര​ണ്ടു വ​ര്‍ഷം മു​മ്പ് അ​ഞ്ചു കോ​ടി ന​ല്‍കി​യ ഗു​ജ​റാ​ത്ത് മു​ഖ്യ​മ​ന്ത്രി ന​രേ​ന്ദ്ര മോ​ദി​യെ ബി​ഹാ​റി​​െൻറ മ​ണ്ണി​ലേ​ക്ക് മു​ഖ്യ​മ​ന്ത്രി നി​തീ​ഷ് കു​മാ​ര്‍ ക​രം​ഗ്ര​ഹി​ച്ച്​​ സ്വാ​ഗ​തം​ചെ​യ്യു​ന്ന സ​ചി​ത്ര പ​ര​സ്യ​മാ​യി​രു​ന്നു അ​ത്. ഡ​ല്‍ഹി​യി​ല്‍നി​ന്ന്​ പ​ട്ന​യി​​ലെ​ത്തി​യ മാ​ധ്യ​മ​പ്ര​വ​ര്‍ത്ത​ക​രെ വ​ര​വേ​റ്റ​ത് ബി.​ജെ.​പി ദേ​ശീ​യ നി​ര്‍വാ​ഹ​ക സ​മി​തി​യാ​യി​രു​ന്നി​ല്ല. ഈ ​ചി​ത്ര​വും അ​തേ ചൊ​ല്ലി​യു​ണ്ടാ​യ വി​വാ​ദ​ങ്ങ​ളു​മാ​യി​രു​ന്നു.

ഗു​ജ​റാ​ത്ത് മു​ഖ്യ​മ​ന്ത്രി​യാ​യ ന​രേ​ന്ദ്ര മോ​ദി അ​ന്ന് പ്ര​ധാ​ന​മ​ന്ത്രി​യോ പ്ര​ധാ​ന​മ​ന്ത്രി സ്ഥാ​നാ​ര്‍ഥി​പോ​ലു​മോ ആ​യി​ട്ടി​ല്ല. ആ ​വ​ഴി​ക്ക് ആ​ർ.​എ​സ്.​എ​സ് ബി.​ജെ.​പി​ക്കു​മേ​ല്‍ സ​മ്മ​ര്‍ദ​മു​യ​ര്‍ത്തി​ത്തു​ട​ങ്ങി​യി​ട്ടേ ഉ​ള്ളൂ. ബി​ഹാ​ര്‍പോ​ലു​ള്ള ചി​ല സം​സ്ഥാ​ന ക​മ്മി​റ്റി​ക​ള്‍ മോ​ദി​ക്കാ​യി വാ​ദി​ച്ചു​തു​ട​ങ്ങി​യി​രു​ന്നു. ബി​ഹാ​റി​ല്‍ സ​ഖ്യ​ക​ക്ഷി​യാ​യ ബി.​ജെ.​പി​യു​ടെ നി​ല​പാ​ടി​നെ തു​ട​ക്കം മു​ത​ല്‍ എ​തി​ര്‍ത്ത നി​തീ​ഷ് കു​മാ​ര്‍ ഗു​ജ​റാ​ത്ത് ക​ലാ​പ​ത്തി​ലെ ര​ക്ത​ക്ക​റ പു​ര​ണ്ട മോ​ദി​യെ പ്ര​ധാ​ന​മ​ന്ത്രി​യാ​ക്കു​ന്ന​തി​നെ അം​ഗീ​ക​രി​ക്കി​ല്ല എ​ന്ന്  പ​ര​സ്യ​മാ​യ നി​ല​പാ​ടെ​ടു​ത്തി​രു​ന്നു.

ബി​ഹാ​റി​ല്‍ ത​​െൻറ അ​പ്ര​മാ​ദി​ത്വം മ​തി​യെ​ന്നും മോ​ദി​ക്ക് ഒ​രു റോ​ളും വേ​ണ്ടെ​ന്നും നി​ശ്ച​യി​ച്ച നി​തീ​ഷ് നി​യ​മ​സ​ഭ തെ​ര​ഞ്ഞെ​ടു​പ്പ് പ്ര​ചാ​ര​ണ​ത്തി​ന് ബി​ഹാ​റി​ലി​റ​ങ്ങാ​ന്‍ മോ​ദി​യെ സ​മ്മ​തി​ച്ച​തു​മി​ല്ല. മോ​ദി​യെ പ്ര​ചാ​ര​ണ​ത്തി​നി​റ​ക്കാ​തെ ജ​ന​താ​ദ​ള്‍-​യു-​ബി.​ജെ.​പി സ​ഖ്യ​ത്തെ ബി​ഹാ​റി​ല്‍ അ​ധി​കാ​ര​ത്തി​ലെ​ത്തി​ച്ച് ജ​യ​ത്തി​ന് മോ​ദി അ​നി​വാ​ര്യ​മ​ല്ല എ​ന്ന് സ്ഥാ​പി​ച്ചെ​ടു​ക്കാ​ന്‍ നി​തീ​ഷി​ന് ക​ഴി​ഞ്ഞു. മോ​ദി പ്ര​ധാ​ന​മ​ന്ത്രി​യാ​കു​ന്ന​തി​ല്‍ നി​തീ​ഷി​ന് എ​തി​ര്‍പ്പു​ണ്ടെ​ങ്കി​ല്‍ അ​തൊ​ന്ന് കാ​ണ​ട്ടെ എ​ന്ന വെ​ല്ലു​വി​ളി​യാ​യി​രു​ന്നു ബി.​ജെ.​പി ബി​ഹാ​ര്‍ ഘ​ട​ക​വും സാ​ക്ഷാ​ല്‍ മോ​ദി​യും ചേ​ര്‍ന്ന് ന​ട​ത്തി​യ ഈ ​പ​ര​സ്യ​യു​ദ്ധം.

ബി​ഹാ​റി​ല്‍ തൊ​ട്ടു​മു​മ്പ് ന​ട​ന്ന നി​യ​മ​സ​ഭ ​െത​ര​ഞ്ഞെ​ടു​പ്പി​ല്‍ മോ​ദി​യെ പ്ര​ചാ​ര​ണ​ത്തി​നി​റ​ക്ക​രു​തെ​ന്ന പി​ടി​വാ​ശി ന​ട​പ്പാ​ക്കി​യ നി​തീ​ഷി​നോ​ടു​ള്ള പ്ര​തി​കാ​രം ദേ​ശീ​യ നി​ര്‍വാ​ഹ​ക സ​മി​തി​ക്ക് പ​ട്ന ന​ഗ​ര​ത്തി​ലു​ട​നീ​ളം മോ​ദി​യു​ടെ ക​ട്ടൗ​ട്ടു​ക​ളും ഉ​യ​ര്‍ത്തി ബി​ഹാ​ര്‍ ബി.​ജെ.​പി തീ​ര്‍ത്ത​തി​ന് പു​റ​മെ​യാ​യി​രു​ന്നു പ്ര​ള​യ​ദു​രി​താ​ശ്വാ​സ​മാ​യി ഗു​ജ​റാ​ത്ത് സ​ര്‍ക്കാ​ര്‍ ര​ണ്ടു വ​ര്‍ഷം മു​മ്പ് ന​ല്‍കി​യ അ​ഞ്ചു കോ​ടി എ​ടു​ത്തു​പ​റ​ഞ്ഞു​ള്ള പ​ര​സ്യം. മു​ഖ​ത്ത​ടി​യേ​റ്റ​പോ​ലെ മോ​ദി മു​മ്പെ​ങ്ങോ ത​ന്ന കാ​ശി​​െൻറ ക​ണ​ക്കു​പ​റ​ഞ്ഞ് വ​ന്ന പ​ര​സ്യ​ത്തി​ല്‍ പ്ര​കോ​പി​ത​നാ​യ നി​തീ​ഷ് ബി.​ജെ.​പി ദേ​ശീ​യ നി​ര്‍വാ​ഹ​ക സ​മി​തി​ക്ക് എ​ത്തു​ന്ന​വ​ര്‍ക്ക് ഒ​രു​ക്കി​യ അ​ത്താ​ഴം ഉ​പേ​ക്ഷി​ച്ചു. ത​​െൻറ ചി​ത്രം പ​ര​സ്യ​ത്തി​ലു​പ​യോ​ഗി​ച്ച​തി​ന് നി​യ​മ​ന​ട​പ​ടി​യെ​ടു​ക്കു​മെ​ന്ന് ബി.​ജെ.​പി​യെ​യും മോ​ദി​യെ​യും ഭീ​ഷ​ണി​പ്പെ​ടു​ത്തു​ക​യും ചെ​യ്തു.

അ​വി​ടം​കൊ​ണ്ടും ക​ലി​യ​ട​ങ്ങാ​തെ മോ​ദി ത​ന്ന അ​ഞ്ചു കോ​ടി​യു​ടെ ചെ​ക്ക് പ​ലി​ശ​സ​ഹി​തം ഗു​ജ​റാ​ത്തി​ലേ​ക്ക് മ​ട​ക്കി അ​യ​ക്കു​മെ​ന്നും പ്ര​ഖ്യാ​പി​ച്ചു. അ​ന്ന് തു​ട​ങ്ങി​യ ത​ര്‍ക്ക​ങ്ങ​ള്‍ക്കൊ​ടു​വി​ലാ​ണ് പ്ര​ധാ​ന​മ​ന്ത്രി സ്ഥാ​നാ​ര്‍ഥി​യാ​യി മ​തേ​ത​ര​നെ മാ​ത്ര​മേ സ്വീ​ക​രി​ക്കൂ എ​ന്ന് നി​തീ​ഷ് പ്ര​ഖ്യാ​പി​ച്ച​തും ഒ​ടു​വി​ല്‍ ബി.​ജെ.​പി​യു​മാ​യി ബ​ന്ധം വേ​ര്‍പെ​ടു​ത്തി​യ​തും. ത​​െൻറ പ്ര​തി​ച്ഛാ​യ​ക്കൊ​പ്പം വെ​ക്കാ​ന്‍ മ​റ്റൊ​രാ​ളു​ടെ​യും പ്ര​തി​ബിം​ബം വേ​ണ്ടെ​ന്ന് ക​രു​തു​ന്ന ധി​ക്കാ​രി​യാ​യ  ഈ ​ബി​ഹാ​രി​യെ വീ​ണ്ടും പ്ര​കോ​പി​പ്പി​ച്ച​തും ത​ന്നെ മ​റി​ക​ട​ന്ന് മ​റ്റൊ​രു നേ​താ​വ് ബി​ഹാ​റി​ല്‍ സ്വാ​ധീ​നം നേ​ടു​മോ എ​ന്ന ഭീ​തി​യാ​ണ്. പ​ട്ന​യി​ലെ ഭ​ര​ണ​ച​ക്രം വീ​ണ്ടും മ​ക​ന്‍ വ​ഴി ലാ​ലു​വി​​െൻറ കൈ​ക​ളി​ലേ​ക്ക് തി​രി​ച്ചെ​ത്തു​മോ എ​ന്ന​താ​യി മ​ഹാ​സ​ഖ്യം ര​ണ്ടു വ​ര്‍ഷ​മാ​യ​പ്പോ​ഴേ​ക്കും നി​തീ​ഷി​​െൻറ പേ​ടി. അ​ഴി​മ​തി​ക്കേ​സി​നെ തു​ട​ര്‍ന്ന് പാ​ര്‍ല​മ​െൻറ​റി രാ​ഷ്​​ട്രീ​യ​ത്തി​ല്‍നി​ന്ന് ഇ​ട​ക്കാ​ല​ത്ത് വ​ന​വാ​സം വി​ധി​ക്ക​പ്പെ​ട്ട ലാ​ലു​വി​െൻറ മ​ക​ന്‍ തേ​ജ​സ്വി യാ​ദ​വ് ബി​ഹാ​റി​ലെ മ​തേ​ത​ര രാ​ഷ്​​ട്രീ​യ​ത്തി​​െൻറ ഭാ​വി​പ്ര​തീ​ക്ഷ​യാ​കു​ന്ന​ത് നി​തീ​ഷി​ന് സ​ഹി​ക്കാ​ന്‍ ക​ഴി​യു​ന്ന​ത​ല്ല.
പ​ുത്തൻ അടവുകൾ
അ​തു​കൊ​ണ്ടാ​ണ് പ്രാ​യ​പൂ​ര്‍ത്തി​യാ​കാ​ത്ത ഒ​രു മ​ക​ന് ഒ​ര​ച്ഛ​ന്‍ എ​ഴു​തി​ക്കൊ​ടു​ത്തു​വെ​ന്ന് പ​റ​യു​ന്ന ഭൂ​മി​യു​മാ​യി ബ​ന്ധ​പ്പെ​ട്ട കേ​സി​ല്‍ മ​ക​ന്‍ രാ​ജി​വെ​ക്ക​ണ​മെ​ന്ന കേ​ട്ടു​കേ​ള്‍വി​യി​ല്ലാ​ത്ത ആ​വ​ശ്യം നി​തീ​ഷ് ഉ​ന്ന​യി​ക്കു​ന്ന​ത്. ശ​ത്രു​നി​ഗ്ര​ഹ​ത്തി​ല്‍ നി​തീ​ഷി​ന് ത​ത്ത്വ​ദീ​ക്ഷ​യൊ​ന്നു​മി​ല്ല. അ​തി​നാ​ല്‍ ഉ​ന്ന​യി​ച്ച ആ​വ​ശ്യ​ത്തി​ലെ യു​ക്തി​യൊ​ന്നും തേ​ജ​സ്വി​വി​രോ​ധം ത​ല​ക്കു​പി​ടി​ച്ച നി​തീ​ഷി​നോ​ട് ചോ​ദി​ക്ക​രു​ത്.  വി​ഷ​യം ഭൂ​മി​യും അ​ഴി​മ​തി​യു​മൊ​ന്നു​മ​ല്ല. ഒ​രു കാ​ല​ത്ത് മോ​ദി​യോ​ടൊ​പ്പം സ​മാ​സ​മം ചേ​ര്‍ത്തു​വെ​ക്ക​പ്പെ​ട്ട ബി​ഹാ​റി​ലെ ഈ ​രാ​ഷ്​​ട്രീ​യ അ​തി​കാ​യ​ന് 2019ലെ ​പൊ​തു​തെ​ര​ഞ്ഞെ​ടു​പ്പി​ല്‍ ദേ​ശീ​യ രാ​ഷ്​​ട്രീ​യ​ത്തി​ല്‍ ഇ​നി കാ​ര്യ​മാ​യ റോ​ളൊ​ന്നു​മി​ല്ല.

അ​വ​ശേ​ഷി​ക്കു​ന്ന​ത് 2020ലെ ​ബി​ഹാ​ര്‍ നി​യ​മ​സ​ഭ തെ​ര​ഞ്ഞെ​ടു​പ്പാ​ണ്. തേ​ജ​സ്വി യാ​ദ​വ് ഇ​തേ പ്ര​ക​ട​നം തു​ട​ര്‍ന്ന് ശ​ക്ത​നാ​കു​ക​യും 2015ലേ​തു​പോ​ലെ ലാ​ലു​വി​​െൻറ ആ​ര്‍.​ജെ.​ഡി ഏ​റ്റ​വും വ​ലി​യ ഒ​റ്റ​ക്ക​ക്ഷി​യാ​കു​ക​യും ചെ​യ്താ​ല്‍ വീ​ണ്ടു​മൊ​രി​ക്ക​ല്‍കൂ​ടി മു​ഖ്യ​മ​ന്ത്രി​പ​ദം ചോ​ദി​ക്കാ​ന്‍ ക​ഴി​യാ​തെ നി​തീ​ഷ് നി​സ്സ​ഹാ​യ​നാ​കും. പ്ര​ധാ​ന​മ​ന്ത്രി​യാ​കാ​ന്‍ കൊ​തി​ച്ച മ​ഹാ​നേ​താ​വ് ഒ​ടു​വി​ല്‍ മു​ഖ്യ​മ​ന്ത്രി​പ​ദം പോ​ലു​മി​ല്ലാ​തെ രാ​ഷ്​​ട്രീ​യ വ​ന​വാ​സ​ത്തി​ന് പോ​കേ​ണ്ട സാ​ഹ​ച​ര്യം സം​ജാ​ത​മാ​കും. ഇ​ത് മ​റി​ക​ട​ക്ക​ണ​മെ​ങ്കി​ല്‍ ത​നി​ക്കു കീ​ഴി​ല്‍ ര​ണ്ടാം ക​ക്ഷി​യാ​യി നി​ന്ന ബി.​ജെ.​പി​യു​മാ​യു​ള്ള സ​ഖ്യ​ത്തി​ലേ​ക്കു​ള്ള തി​രി​ച്ചു​പോ​ക്ക് മാ​ത്ര​മാ​യി​രു​ന്നു മു​ന്നി​ലു​ള്ള വ​ഴി. ബി.​ജെ.​പി എ​ന്ന​ത് മോ​ദി-​അ​മി​ത്​ ഷാ ​ദ്വ​ന്ദ്വ​ത്തി​ലേ​ക്കു മാ​ത്ര​മാ​യി ചു​രു​ങ്ങി​പ്പോ​യ​തി​നാ​ല്‍ ഇ​ത്ര​യും കാ​ലം ത​ന്നാ​ലാ​വും​വി​ധം കു​പ്ര​സി​ദ്ധി​യു​ണ്ടാ​ക്കി​ക്കൊ​ടു​ത്ത അ​തേ ന​രേ​ന്ദ്ര മോ​ദി​യെ ഏ​തു​വി​ധേ​ന​യും പ്ര​സാ​ദി​പ്പി​ക്കു​ക​യ​ല്ലാ​തെ ര​ക്ഷ​യി​ല്ലാ​തെ വ​ന്നു. പ്ര​തി​പ​ക്ഷം ഒ​ന്ന​ട​ങ്കം എ​തി​ര്‍ത്ത​പ്പോ​ള്‍ ക​റ​ന്‍സി നി​രോ​ധ​ന​ത്തി​​െൻറ നേ​ട്ട​ങ്ങ​ള്‍ ഉ​രു​വി​ട്ട​തും പ്ര​തി​പ​ക്ഷം പോ​രാ​യ്മ​ക​ള്‍ ചൂ​ണ്ടി​ക്കാ​ണി​ച്ച​പ്പോ​ള്‍ ച​ര​ക്കു​സേ​വ​ന നി​കു​തി​യെ മ​ഹ​ത്ത്വ​പ്പെ​ടു​ത്തി​യ​തു​മെ​ല്ലാം മോ​ദി​യെ പ്ര​സാ​ദി​പ്പി​ക്കാ​നാ​യി​രു​ന്നു.
കു​റെ ചീ​ത്ത​വി​ളി​ച്ച​ത് പൊ​റു​ത്തു​കൊ​ടു​ത്താ​ല്‍ ബി​ഹാ​റി​ലെ ഭ​ര​ണ​ത്തോ​ടൊ​പ്പം പ്ര​തി​പ​ക്ഷ​ത്തി​ന് മേ​ല്‍ക്കൈ​യു​ള്ള രാ​ജ്യ​സ​ഭ​യി​ലെ ഒ​മ്പ​തു

സീ​റ്റു​ക​ളാ​ണ് മെ​യ്യ​ന​ങ്ങാ​തെ മോ​ദി​യു​ടെ കൈ​യി​ലേ​ക്ക് വ​രു​ക. ബാ​ക്കി​യെ​ല്ലാം  കേ​ന്ദ്ര ഏ​ജ​ന്‍സി​ക​ളേ​റ്റെ​ടു​ക്കു​ക​യാ​യി​രു​ന്നു. ബി​ഹാ​റി​ലെ ബി.​ജെ.​പി ഘ​ട​കം അ​യ​ച്ച ക​ട​ലാ​സു​ക​ളൊ​ന്നും വി​ടാ​തെ കേ​ന്ദ്ര ഏ​ജ​ന്‍സി​ക​ള്‍ക്ക് കൈ​മാ​റി ലാ​ലു​വി​നെ കു​രു​ക്കു​ന്ന പ​ണി അ​മി​ത് ഷാ ​നേ​രി​ട്ട് ഏ​റ്റെ​ടു​ത്തു. നി​തീ​ഷ് ത​​െൻറ തീ​രു​മാ​നം പ​ര​സ്യ​മാ​ക്കു​ന്ന​തി​നും എ​ത്ര​യോ ദി​വ​സ​ങ്ങ​ള്‍ക്കു​മു​മ്പ് ഇ​പ്പോ​ള്‍ ഉ​പ​മു​ഖ്യ​മ​ന്ത്രി​യാ​യി സ​ത്യ​പ്ര​തി​ജ്​​ഞ ചെ​യ്ത ബി​ഹാ​ര്‍ ബി.​ജെ.​പി നേ​താ​വ് സു​ശീ​ല്‍ കു​മാ​ര്‍ മോ​ദി​യു​ടെ വാ​യി​ല്‍നി​ന്നു​ത​ന്നെ  ഇ​ക്കാ​ര്യം അ​റി​യാ​തെ വീ​ണു​പോ​യി. ലാ​ലു​വി​നും മ​ക​നു​മെ​തി​രെ ന​ട​ക്കു​ന്ന കേ​ന്ദ്ര ഏ​ജ​ന്‍സി​ക​ളു​ടെ അ​ന്വേ​ഷ​ണ​ങ്ങ​ളി​ല്‍ വി​ശ്വാ​സ​മു​ണ്ടെ​ന്ന് മു​ഖ്യ​മ​ന്ത്രി നി​തീ​ഷ് കു​മാ​ര്‍ ത​ന്നെ അ​റി​യി​ച്ചി​ട്ടു​ണ്ടെ​ന്നാ​യി​രു​ന്നു അ​ന്ന് പ്ര​തി​പ​ക്ഷ​ത്തു​ള്ള സു​ശീ​ല്‍ മോ​ദി​യു​ടെ വെ​ളി​പ്പെ​ടു​ത്ത​ൽ.

പ്രതിപക്ഷമുക്​ത ഭാരതം
ആ​ദ്യം കോ​ണ്‍ഗ്ര​സ് മു​ക്ത ഭാ​ര​ത​ത്തി​നും ഇ​പ്പോ​ള്‍ പ്ര​തി​പ​ക്ഷ​മു​ക്ത ഭാ​ര​ത​ത്തി​നും ഏ​ത​റ്റ​വും​വ​രെ പോ​കാ​ൻ ത​യാ​റെ​ടു​ക്കു​ന്ന മോ​ദി​യും അ​മി​ത് ഷാ​യും അ​തി​നു​വേ​ണ്ടി നി​തീ​ഷി​ന് പു​തു​താ​യി എ​ഴു​തി​ക്കൊ​ടു​ത്ത ബ്ലാ​ങ്ക് ചെ​ക്കാ​ണ് ബി​ഹാ​റി​ലെ സ​ഖ്യം. അ​ഭി​മാ​ന​ക്ഷ​ത​ത്താ​ല്‍ പ​ലി​ശ​സ​ഹി​തം ഏ​ഴു​വ​ര്‍ഷം മു​മ്പ് തി​രി​ച്ച​യ​ച്ച മോ​ദി​യു​ടെ ചെ​ക്ക് ഒ​ട്ടും നാ​ണ​മി​ല്ലാ​തെ വീ​ണ്ടും തി​രി​ച്ചെ​ടു​ത്തി​രി​ക്കു​ന്നു നി​തീ​ഷ്.  ആ​ർ.​എ​സ്.​എ​സി​ലും ബി.​ജെ.​പി​യി​ലും ത​ങ്ങ​ളെ കൈ​പി​ടി​ച്ചു​യ​ര്‍ത്തി​യ​വ​രെ​പ്പോ​ലും ക​റി​വേ​പ്പി​ല​ക​ണ​ക്കെ ഉ​പ​യോ​ഗി​ച്ച് വ​ലി​ച്ചെ​റി​ഞ്ഞ മോ​ദി​ക്കും അ​മി​ത് ഷാ​ക്കും പി​മ്പേ ഗ​മി​ക്കു​ക​യ​ല്ലാ​തെ ഇ​നി നി​തീ​ഷി​ന് ഒ​ന്നും ചെ​യ്യാ​നി​ല്ല.

ബി.​ജെ.​പി വ​രും​മു​േ​മ്പ ആ​ള്‍ക്കൂ​ട്ട കൊ​ല​വെ​റി​യു​ടെ വ​ര്‍ത്ത​മാ​ന​ങ്ങ​ള്‍ കേ​ള്‍ക്കു​ന്ന സം​സ്ഥാ​ന​മാ​ണ് ബി​ഹാ​റും. ജ​യ് ശ്രീ​റാം വി​ളി​ച്ചി​ല്ലെ​ങ്കി​ല്‍ കാ​റി​ന് തീ​വെ​ക്കു​മെ​ന്ന് പ​റ​ഞ്ഞ് ഭീ​ഷ​ണി​പ്പെ​ടു​ത്തി എ​ൻ.​ഡി.​ടി.​വി​യി​ലെ മു​സ്​​ലിം ലേ​ഖ​ക​നെ​യും കു​ടും​ബ​ത്തെ​യും ത​ട​ഞ്ഞു​നി​ര്‍ത്തി ബ​ജ്​​റം​ഗ്ദ​ള്‍ പ്ര​വ​ര്‍ത്ത​ക​ര്‍ ഹൈ​വേ സ്തം​ഭി​പ്പി​ച്ച​ത് ഏ​താ​നും ദി​വ​സം മു​മ്പാ​ണ്. ബ​ലം​പ്ര​യോ​ഗി​ച്ച് അ​വ​രെ​ക്കൊ​ണ്ട് ജ​യ് ശ്രീ​റാം വി​ളി​പ്പി​ച്ച​ശേ​ഷ​മാ​ണ് ബ​ജ്​​റം​ഗ്ദ​ളു​കാ​ര്‍ ഗ​താ​ഗ​ത​ത്തി​ന് അ​നു​മ​തി ന​ല്‍കി​യ​ത്. പ​ട്ന​യി​ല്‍ പ്ര​ത്യേ​ക വാ​ര്‍ത്ത​സ​മ്മേ​ള​നം വി​ളി​ച്ച് ത​​െൻറ ഭ​ര​ണ​ത്തി​ല്‍ ഇ​ത് അ​നു​വ​ദി​ക്കി​ല്ല എ​ന്നു പ​റ​ഞ്ഞ നി​തീ​ഷ് കു​മാ​റാ​ണ് ദി​വ​സ​ങ്ങ​ള്‍ ക​ഴി​യും​മു​േ​മ്പ ഈ ​ആ​ള്‍ക്കൂ​ട്ട​ങ്ങ​ളെ നി​യ​ന്ത്രി​ക്കു​ന്ന​വ​രെ വി​ളി​ച്ചു​വ​രു​ത്തി ഭ​ര​ണ​ച​ക്രം ഏ​ല്‍പി​ച്ച് മ​തേ​ത​ര​ത്വം​കൊ​ണ്ട് അ​ഴി​മ​തി മ​റ​ച്ചു​വെ​ക്കാ​നാ​വി​ല്ല എ​ന്ന് തി​രി​ച്ചു പ​റ​ഞ്ഞി​രി​ക്കു​ന്ന​ത്.

മോ​ദി​യും അ​മി​ത് ​ഷാ​യും ബി​ഹാ​റി​ല്‍ ഇ​നി വി​ത​യ്ക്കു​ന്ന വി​ദ്വേ​ഷ​ത്തി​​െൻറ വി​ത്തു​ക​ള്‍ക്ക് വ​ള​മി​ട്ടു​കൊ​ടു​ക്കാ​നാ​കും നി​തീ​ഷി​​െൻറ യോ​ഗം. അ​ങ്ങ​നെ​യെ​ങ്കി​ല്‍ ആ​ദ്യം ബ​ഹു​മാ​നി​ച്ചി​രു​ത്തു​ക​യും പി​ന്നീ​ട് സ്വ​ന്തം വ​രു​തി​യി​ലാ​ക്കി വ​ക​ഞ്ഞു​മാ​റ്റു​ക​യും ചെ​യ്ത ശി​വ​സേ​ന​യോ​ട് മ​ഹാ​രാ​ഷ്​​ട്ര​യി​ൽ ചെ​യ്ത​തെ​ന്താ​ണോ അ​താ​യി​രി​ക്കും ബി​ഹാ​റി​ലും നി​തീ​ഷി​നെ കാ​ത്തി​രി​ക്കു​ന്ന​ത്. ആ ​തി​രി​ച്ച​റി​വി​ല്‍നി​ന്നാ​ണ് അ​ലി അ​ന്‍വ​ര്‍ അ​ന്‍സാ​രി​യെ​പ്പോ​ലെ സ്വ​ന്തം പാ​ര്‍ട്ടി​യി​ലു​ള്ള​വ​ര്‍ത​ന്നെ നി​തീ​ഷി​​െൻറ രാ​ഷ്​​ട്രീ​യ ആ​ത്മ​ഹ​ത്യ​യാ​ണി​തെ​ന്ന മു​ന്ന​റി​യി​പ്പ് ന​ല്‍കു​ന്ന​തും. ഈ ​തി​രി​ച്ച​റി​വ് നി​തീ​ഷി​നോ​െ​ടാ​പ്പം നി​ല്‍ക്കു​ന്ന അ​ണി​ക​ളി​ല്‍ എ​ത്ര പേ​ര്‍ക്കു​ണ്ട് എ​ന്ന​തി​നെ ആ​ശ്ര​യി​ച്ചി​രി​ക്കു​ന്നു ബി​ഹാ​റി​ലെ മ​തേ​ത​ര​സാ​ധ്യ​ത​ക​ളു​ടെ ഭാ​വി. ഇ​തൊ​ന്നു​മ​റി​യാ​തെ​യാ​ണ്, തേ​ജ​സ്വി യാ​ദ​വ് രാ​ജി​വെ​ച്ചി​രു​ന്നു​വെ​ങ്കി​ല്‍ ബി​ഹാ​റി​ല്‍ ബി.​ജെ.​പി​യെ അ​ക​റ്റി​നി​ര്‍ത്താ​ന്‍ ക​ഴി​യു​മാ​യി​രു​ന്നു എ​ന്ന് പ​ല​രും ഉ​രു​വി​ട്ടു​കൊ​ണ്ടി​രി​ക്കു​ന്ന​ത്. മീ​ര കു​മാ​റി​നെ രാ​ഷ്​​ട്ര​പ​തി സ്ഥാ​നാ​ര്‍ഥി​യാ​ക്കി നേ​ര​േ​ത്ത പ്ര​ഖ്യാ​പി​ച്ചി​രു​ന്നു​വെ​ങ്കി​ല്‍ നി​തീ​ഷ്കു​മാ​റി​​െൻറ വോ​ട്ടു​കൂ​ടി കി​ട്ടു​മാ​യി​രു​ന്നി​ല്ലേ​യെ​ന്ന് മു​മ്പ് കോ​ണ്‍ഗ്ര​സി​നോ​ട് ചോ​ദി​ച്ച​തും ഇ​ത്ത​രം ശു​ദ്ധ​ഗ​തി​ക്കാ​രാ​ണ്.

Show Full Article
Girl in a jacket

Don't miss the exclusive news, Stay updated

Subscribe to our Newsletter

By subscribing you agree to our Terms & Conditions.

Thank You!

Your subscription means a lot to us

Still haven't registered? Click here to Register

TAGS:narendra modiNitish Kumarbiharjduopinionmalayalam newsarticles
News Summary - article about nithees kumar-Opinion
Next Story